Nar ntri (13/5), ta Nhih pah kan Chính phủ, Groi Thủ tướng Trần Hồng Hà wơt Tiến sĩ Saia Ma’u Piukala, Giám đốc nhih pah kan dak si lam ntŭr neh (WHO) nkual Tây Thái Bình Dương.

Ta rơh wơt, Groi Thủ tướng Trần Hồng Hà lah kloh, Chính phủ n’hanh ƀon lan Việt Nam rnê âk nău khlay kan bah WHO tâm ăp nău kan tâm pă, buăt nthoi trong kan lam ntŭr neh  mpeh trong kan dak si, mât chăm n’hâm suan nuĭh ƀon  lan. Tâm ăp trong kan, trong kơl mpeh dak si, mât chăm n’hâm suan ta Việt Nam geh nău ndrel hăn,  tât râng, mbơh nti, ntop kơl bah cán bộ, nuĭh rnâng kan WHO. Lah rjăp nău khlay bah lam trong kan dak si rnă ntêm lor, dak  si tâm dâng tâm trong mât chăm n’hâm suan bôk năp, njrăng n’gang nuh srê bah ơm, bah ngai. Groi Thủ tướng Trần Hồng Hà lah kloh, Việt Nam ŭch rŏng WHO ntop kơl tâm n’guăk tay n’hanh rdâk tay lam trong kan dja ; ntrŏng kloh  nău ŭch geh, nău dơn kan, tơm ndơ, tơm nuĭh kan an ƀư.