Kêng măng ntri (13/5), Ủy viên Bộ Chính trị, Bí thư Trung ương Đảng, Kruanh Ban nội chính Trung ương Phan Đình Trạc ndrel Mpôl đại biểu Quốc hội n’gor Lâm Đồng hŏ mâp cử tri lah cán bộ, công chức nkual ƀon têh Đà Lạt.

Lah ta rơh mâp, wa Phan Đình Trạc, Ủy viên Bộ Chính trị, Bí thư Trung ương Đảng, Kruanh Ban nội chính Trung ương an lah, ăp nău rgop, nău  dăn đă bah cử tri lah dŭt tâm di. Mpôl đại biểu quốc hội n’gor Lâm Đồng mbra nchih nkah, rgum n’hanh nđơn njuăl tay tât Quốc hội tâm rơh hop  mhe. Êng pah kan njrăng n’gang sa khâm, wa Phan Đình Trạc an gĭt ntơm bah bôk năm tât aƀaơ, lam dak  hŏ tĭng ƀư lah phong, ôp uănh rlău 1.800 tơ̆, đah 3.493 nuĭh tih mpeh sa khâm, wăng sa n’hanh ƀư kruanh,  hao 63,8% rnoh âk tơ̆ n’hanh 44,8% rnoh nuĭh tih  rđĭl đah ndrel khay dja năm e nơh. Pah kan njrăng n’gang sa khâm, dôl dơi an ƀư dŭt n’hâm suan, mô gŭ rlu, mô geh nkual mpăng n’hanh mô geh mha êng bah dih.