Kêng măng ntri (13/5), ta Nhih pah kan Ban Đối ngoại Trung ương, wa Lê Hoài Trung, Bí thư Trung ương Đảng, Kruanh Ban Đối ngoại Trung ương, hŏ wơt wa Triệu Thế Thông, nuĭh kơl kan Kruanh ban ôp joi tâm boh dak bah dih Trung ương Đảng Cộng sản Trung Quốc n’hanh mpôl hăn.

Ta rơh wơt, bar ding tâm  ban ŭch rnê âk ăp njuat hun hao uĕh tâm boh bar đảng, bar dak lôch hăn  khâl bah Kruanh rđău kan gưl têh  bar đảng. Đah nău ƀư lah nhih pah kan nsŏng kơl trong têh jong mpeh tâm boh dak bah dih bah bar  đảng, bar ding n’hao dăng kan nsum, ndrel ăp n’gâng kan, nsum mpôl n’hanh ăp n’gor bar dak nsrôih tĭng ƀư geh nău tam nău gĭt nsum gưl têh, nău mbơh nsum n’hanh siƀŭt tâm boh bar ding. Bah năp nê, wa Ngô Lê Văn, Groi Kruanh Ban Đối ngoại Trung ương hŏ ƀư tơm rơh tâm nchră đah mpôl hăn pah kan. Bar ding hăn lăp jru tâm ôp tâm rgâl mpeh ăp trong rƀŏng tâm boh đah bar ƀan, ntrŭt ntrôl tâm nđŭr ta trong kan đảng tâm let năp  tay.