Lơ 2/5, Tổng thư ký QH lĕ ntrŭnh nău mbơh tơih an tâm rgop nău bâh Ủy ban rnâng kan Quốc hội mpeh nău pă leo kan bâh Ủy ban rnâng kan Quốc hội n’hanh Quốc hội. Tĭng nĕ, Ủy ban rnâng kan Quốc hội đă wa Trần Thanh Mẫn, Ủy viên bộ chính trị, groi kruanh rnâng kan QH leo kan ăp nău kan bâh Ủy  ban rnâng kan Quốc hội n’hanh Quốc hội.

Ta năp nĕ, lôch geh djăt nău mbơh tơih ăp nău ntrŭnh, nău tâm rgop ntoh ngơi bâh wa Vương Đình Huệ, Quốc hội lĕ ƀư tâm nchră, nklăch phiếu mpôn n’hanh mbơh tơih Nghị quyết nglưh nău kan ƀư kruanh Quốc hội, Ủy viên Hội đồng mât rnă njrăng ngih dak n’hanh rnă njrăng đăp mpăn, mô hôm an ƀư đại biểu Quốc hội đah wa Vương Đình Huệ. Wa Trần Thanh Mẫn deh năm 1962, ta nkuăl Châu Thành, n’gor Hậu Giang, tă geh ƀư âk nău kan kơt, groi kruanh, kruanh UBND, Bí thư nkuăl ƀon têh Cần Thơ, groi kruanh, lôch nĕ lah kruanh Ủy ban Trung ương MTTQ Việt Nam. Khay 4/2021, wa Trần Thanh Mẫn geh Quốc hội khóa 14 săch ƀư groi kruanh Quốc hội.