Kruanh dak mpơl nău rhơn ta năp ăp njoat hun hao têh dăng bâh nău tâm boh kan Việt Nam- Australia tâm ba năp nơh, ngăn lah nău 2 dak n’hao tâm boh kan hao tât nău kan mhe lĕ rngôch khay 3 /2024.

Kruanh dak đă, bâh nău tâm boh kan mhe, 2 dak lĕ mbơh tay  ăp bôk nău kan, nău nchrăp kan tâm kơl na nê̆, mât nău tâm mbơh kan ndrel, tâm mbơh gâl têh, n’hao mbơh nău mhe mpeh ăp nău ta nkual, ta lam ntur neh ndrel mât uănh, tâm kơl mpeh wăng sa, tăch rgâl - ntuh kơl, ntrôl dăng mbơh tơih tâm kơl ta ăp trong kan mhe kơt tâm rdâng đah rgâl trôk nar mih sial, ŭnh nar kloh ueh, rgâl mhe rnoh mbrô, nău mĭn kan mhe. Kruanh dak rnê ăp ngih nti đại học Australia pơk hvi nău tâm rgop đah Việt Nam, rnê âk Australia mât ăp rnoh nklâm học bổng an việt Nam, đă chính phủ Australia nta tay nău dơh nơih an nuĭh Việt Nam nti, gŭ rêh n’hanh pah kan ta Australia.