Ta ntŭk kan N’gâng kan nchră nau, Kruanh n’gâng kan nchră nau Bùi Thanh Sơn hŏ vơt Kruanh n’gâng kan ntĭm nti, văn hoá, thể thao, khoa học ndrel công nghệ Nhật Bản Moriyama Masahito dôl geh rơh khâl Việt Nam. Tâm nar vơt, bar Kruanh n’gâng kan rnê prêh nau hun hao ăp ntil ndrel ngăn bah tâm boh kan nsum Việt Nam-Nhật Bản tâm âk nau kan, ngăn lah nau n’hao tâm boh kan nsum ăp ntil yor nau đăp mpăn ndrel nâp nâl tâm Châu Á ndrel lam ntur neh.

Ndrel ƀư rlau 500 nau kan di rnôk nkah 50 năm tâm boh nchră nau năm 2023 tâm boh ntĭm nti nŭih kan, ngăn lah nŭih kan prêh, ntĭm nti cán bộ ƀư nau kan, nti kan, n’hao rnoh học bổng jong năm ndrel geh năm, ntĭm nti nau ngơi Nhật ân kon se nti, sinh viên Việt Nam, kơl an Việt Nam ndâk nŭih kan tâm nau kan mhe kơt ntrơn rgâl mrô, ntrơn rgâl ndrih, ntĭm nti nau kan bán dẫn tŏng nau ŭch rnôk aơ./.