Kêng măng 27/6, Mpôl pah kan bah N’gâng kan Nội vụ yor Groi Kruanh N’gâng kan Nội vụ Triệu Văn Cường ƀư Kruanh lĕ pah kan đah UBND n’gor Dak Lak, uănh nđôi nu nău ƀư tĭng pháp luật, tâm rgop uănh nđôi sam ƀŭt sam tra quy phạm pháp luật năm 2024. Tĭng nău mbơh, bah năm 2020 tât aƀaơ, n’gor Dak Lak lĕ an 16 sam ƀŭt sam tra quy phạm pháp luật mpeh tâm nău nội vụ.

Ta nar pah kan, n’gor Dak Lak nkoch du đêt nău jêr jŏt, wăk kol, jêr jŏt tâm rnôk mbơh ƀư trong kan uănh nđôi, mkra sam ƀŭt sam tra quy phạm pháp luật mpeh tâm nău nội vụ; nkre dăn dă N’gâng kan Nội vụ uănh mĭn tay, kơp uănh gay tâm pă biên chế viên chức tâm di đah nu nău bah tĭng ntŭk; ntĭm nău ntrŭnh na nê̆ nău n’hŭch biên chế nău kan ntĭm nti, rgop đăp mpăn ƀư tĭng di nău ntrŭnh nghị quyết, nkre đăp mpăn rnoh nai dâk ntĭm tĭng nău ntrŭnh.... Wa Triệu Văn Cường, Groi kruanh N’gâng kan Nội vụ, uănh lah prêh ăp săk rnglăy dơi geh bah n’gor tâm năm bah năp, n’hanh đă n’gor an ntop tay n’hanh mbơh rblang du đêt nău hôm e mô ăp lĕ dơi ntĭm ta nar pah kan.