Ôi 28/6, Quốc hội nchră nau ntrŭnh ân ƀư bôk nau kan ntuh kơl nkra trong hăn ngăch Bắc-Nam mpeh ba lơ trong Gia Nghĩa, n’gor Dak Nông-Chơn Thành, n’gor Bình Phước đah rnoh phiếu kơl an lĕ. Đah jong 128,8km, rnoh prăk rlau 25.500 rmen, trong hăn ngăch Gia Nghĩa-Chơn Thành ndâk tâm năm 2024, mra jêh tâm năm 2027 mra rklaih nau kol trong.

Pơk njêng trong hun hao mhe, nau dăng hun hao văng sa rêh jêng, đăp mpăn neh dak, rnă njrăng nkuăl Tây Nguyên ndrel Đông Nam Bộ. Wa Ngô Thanh Danh, Bí thư n’gor uỷ, Kruanh rmôt kan ntoh măt Quốc hội n’gor Dak Nông lah rjăp, aơ lah trong kan tâm ăp ding bah văng sa, rêh jêng, neh dak, rnă njrăng ndrel ăp ntil tâm nau rêh mô knŭng ân Dak Nông ma lam nkuăl Tây Nguyên đŏng./.