Nar ntri (16/5), Sở Nông nghiệp n’hanh Môi trường n’gor Dak Lak ƀư Tâm nchră “N’hao dăng pah kan mât uănh săk kah, đăp mpăn kloh uĕh ndơ sa); Trong nkra n’hao săk kah uĕh ndơ tuch tăm, si gle, tui ka ta n’gor”.

Tât aƀaơ, Dak Lak geh rlău 610 ntŭk ƀư dơi kơp dơn kloh uĕh ndơ sa ta ăp ntil ndơ: tuch tăm, mât rong n’hanh tui ka. Lam n’gor hŏ rdâk njêng geh 123 rêng tâm nkrêp kan nsum tă bah ăp gưl n’gâng kan tĭng ƀư, 150 hợp tác xã tuch tăm geh tâm nkrêp kan nsum tuch tăm n’hanh tăch ndơ geh ƀư đah doanh nghiệp, geh 5 mpôl kan khoa học râng tâm nkrêp kan nsum. Ta tâm nchră, ăp đại biểu hŏ rgum tâm nchră, dăn đă ăp trong n’hao dăng mât uănh săk kah uĕh, đăp mpăn kloh uĕh ndơ tuch tăm, si gle, tui ka.