꫄ꪎꪙ ꪨꪱ ꪜꪱꪉ ꪶꪭꪥ ꪜꪒꪲ ꪵꪋ ꪶꪠꪉ ꪎꪉꪴ ꪶꪣꪀ ꪹꪊꪱ

          ꪋꪺ ꪹꪭꪙ ꪩꪉꪴ ꪶꪒ ꪎꪺꪙ ꪬꪉꪴ ꪔꪫꪸ ꪄꪴ ꪵꪋ ꪵꪒꪙ 2 ꪗꪲ ꫄ꪊꪙ ꪶꪘꪉ ꪹꪋꪉ ꪶꪣꪀ ꪹꪊꪱ ꪙꪲ ꪀꪱꪥ ꪵꪬꪀ ꪕꪱ ꫜ ꪼꪭ ꪵꪋ. ꪀꪺꪉ ꪝꪉꪳ ꪜꪲ ꪀꪱꪥ ꪣꪱ ꪼꪫ ꪔꪱ ꪒꪙꪲ ꪵꪋ ꪁꪒꪳ ꪼꪒ ꪘꪉꪰ ꪎꪺꪒ ꪵꪀꪉ ꪩꪱꪉ ꪒꪲ ꪀꪉꪲ ꫃ꪔ ꪎꪉꪴ ꪋꪺ ꪹꪭꪙ ꪩꪉꪴ ꫄ꪩꪉ ꪶꪜꪉ ꪻꪊ ꪎꪴ ꪄꪫꪱ ꪭꪮꪀ ꪀꪲ ꪗꪺꪒ ꪻꪎ ꪫꪀꪸ ꫃ꪥꪒ ꪹꪥꪙ ꪏꪳ ꪎꪣꪾ ꪼꪢ ꪢꪮꪀ ꫃ꪥꪒ ꪒꪙꪲ ꫃ꪥꪒ ꪐꪱ ꪼꪫ ꪩꪣꪾ ꪒꪴ ꪀꪷ ꪵꪋ ꪵꪣꪙ ꪕꪮꪥ ꪀꪲ ꪗꪺꪒ ꪄꪮꪉ ꪶꪁꪉ ꪕꪲ. ꪜꪲ ꪙꪲ ꪼꪭ ꪵꪋ ꪄꪮꪉ ꪋꪺ ꪹꪭꪙ ꪩꪉꪴ ꪼꪒ ꪹꪩꪀ ꪋꪮꪙ ꪨꪷ ꫜ ꪀꪺꪉ ꪝꪉꪳ ꪚꪮꪙ ꪼꪫ ꪶꪔ ꪊꪀꪳ ꪖꪲ ꪜꪒꪲ ꪵꪋ  ꪀꪺꪉ ꪜꪱꪉ ꪶꪭꪥ ꪵꪋ ꪶꪠꪉ ꪎꪉꪴ.

ꪑꪮꪒ ꪵꪋ ꪨꪷ ꪔꪱꪉ ꪹꪋꪉ ꪼꪫ ꫃ꪥꪒ ꫃ꪜꪙ ꪵꪋ ꪀꪙꪲ ꪵꪋꪚ ꪮꪱꪥ ꪬꪮꪣ. ꪹꪝ ꪹꪏꪉ ꪙꪽ ꫛ ꪜꪀꪴ ꪵꪋ ꪁꪷ ꪼꪒ ꪩꪣꪾ ꪒꪴ ꪒꪲ ꪣꪲ ꪕꪀꪴ ꪝꪷ ꪵꪋ ꪮꪮꪙ ꪵꪋ ꪋꪽ. ꫛ ꪋꪱꪉ ꪜꪒꪲ ꪵꪋ ꪭꪳ ꫃ꪕꪉ ꪜꪒꪲ ꪵꪋ ꫃ꪕꪉ ꪼꪫ ꪵꪋ ꪶꪜꪉ ꪑꪮꪒ ꪻꪢ. ꪶꪒꪥ ꪀꪚꪾ ꪶꪀꪉ ꫄ꪐꪙ ꪄꪮꪉ ꪶꪁꪉ ꪕꪲ ꪵꪋ ꪶꪣꪀ ꪹꪊꪱ ꪜꪒꪲ ꪵꪋ ꪨꪷ ꪢꪱ ꪫꪀꪸ ꪋꪴ ꪣꪳ ꪬꪱꪀ ꪫꪱ ꪼꪒ ꪶꪋꪣ ꪭꪚꪾ ꪖꪲ ꪜꪒꪲ ꪵꪋ ꪨꪷ ꪄꪴ ꪣꪺꪙ ꪩꪺꪉ ꪬꪮꪣ, ꪹꪝ ꪹꪏꪉ ꪙꪽ ꪻꪠ ꪁꪷ ꪣꪺꪙ ꪬꪮꪣ ꫄ꪕꪚ ꪕꪳ ꪜꪒꪲ ꪵꪋ ꪻꪬ ꪥꪮꪤ.

ꪶꪭꪥ ꪵꪋ ꪶꪠꪉ ꪎꪉꪴ ꪶꪣꪀ ꪹꪊꪱ ꪶꪔ ꪊꪀꪳ ꪼꪫ ꪶꪔꪉ ꪜꪱꪫ ꪝꪉꪳ ꪔꪱꪉ ꪹꪋꪉ ꪵꪋ ꪹꪚꪱ ꪎꪺꪙ ꪕꪷ ꪄꪮꪉ ꪤꪉꪸ ꪶꪣꪀ ꪹꪊꪱ ꪩꪱ, ꪵꪩꪫ ꪑꪉꪰ ꪨꪷ ꪥꪱꪙ ꪼꪫ ꫛ ꪜꪀꪴ ꪵꪋ ꪄꪮꪉ ꪔꪉꪲ ꫄ꪎꪙ ꪨꪱ ꪵꪀꪉ ꪝꪉꪳ ꪔꪉꪲ ꪮꪙꪳ ꪼꪒ ꪨꪱꪥ ꫛ ꪭꪴ ꪭꪮꪒ ꪋꪮꪥ ꫛ ꪜꪀꪴ ꪵꪋ ꪣꪲ ꪖꪴ ꫄ꪑꪚ ꪵꪕꪒ ꪕꪉꪸ. ꪯꪙ ꪙꪲ ꪨꪷ ꪹꪕ ꪖꪳ 2 ꪭꪫꪙꪸ ꪶꪣꪀ ꪹꪊꪱ ꪶꪔ ꪊꪀꪳ ꪶꪭꪥ ꪵꪋ. ꪙꪮꪀ ꪔꪉꪲ ꫄ꪎꪙ ꪨꪱ ꪑꪉꪰ ꪣꪲ ꪩꪺꪉ ꪶꪋꪣ ꪭꪚꪾ ꪄꪮꪉ ꪝꪉꪳ ꪔꪉꪲ ꪣꪲ ꪶꪠꪉ ꪜꪀꪴ ꪵꪋ ꪹꪏꪉ ꪨꪱꪥ ꪹꪊꪱ ꪮꪙꪸ ꪚꪱꪥ ꪬꪱ ꪤꪱꪉ ꪠꪴ ꪗꪷ ꪀꪚꪾ ꪨꪱꪥ ꪫꪀꪸ ꫃ꪥꪒ ꪡꪮꪙ ꪹꪙꪉ ꪼꪫ ꪨꪱꪥ ꫛ ꪭꪴ ꪭꪮꪒ, ꪩꪙꪳ ꪹꪏ ꪨꪷ ꪵꪋ ꪵꪋꪚ ꪮꪱꪥ ꪬꪮꪣ ꪶꪠꪉ ꪎꪉꪴ ꪶꪣꪀ ꪹꪊꪱ.

                                                ꪶꪬꪉ ꪫꪒꪸ-ꪕꪮꪉ ꪯꪉ ꪥꪀꪲ

Sơn La pít che chôm tỏn pàng hội che phổng xùng

Chua hươn lung Đỗ Xuân Hùng, tiểu khù Che Đen 2, thị trấn nồng trương Mộc Chầu mi cài héc ta nưng hay che. Cuồng pưng pì cài ma, vạy tà đìn che cựt đảy nằng suất cánh lang đì kình tế xùng chua hươn lung lâng pồng chằư xủ khoà học kỹ thuật xắư vịa dệt dượn, xự xắm máy móc dệt đìn, máy dệt nhả vạy lăm đù cò che men toi luông pùn khòng công ty. Pì nị, tà đìn che khòng chua hươn lung đảy lựa chọn lỏ nưng cuồng pưng bón vạy tổ chức pít che, cuồng pàng hội che phổng xùng. Pưa xương nặn lung cọ dòm lài gian chơ tắt xỏm, vạy mi đảy pưng nhọt che chăn đì nhất chuông hong hẳư hội thì.

Nhọt che lỏ tàng chương vạy chế biến che kìn chẹp ài hòm. Pưa xương nặn côn púk che cọ đảy lăm đù đì, mi tục po nhọt che ón che chăn. Côn pít che giỏi hư tênh pít tênh vạy nhọt pống mắư vạy cò che lâng chơ mả pe chăn đì xứp tàm pống nhọt ón. Đối cắp pưng côn cồng nhần khòng pưng đội che khòng công ty che Mộc Chầu, pít che lỏ nả vịa chu mự, hák va đảy chôm hặp thì pít che nẳng Hội che lỏ khù muôn luông hòm, pưa xương nặn pi nọng phằư cọ phọn nương pít che hẳư giỏi.

Hội che phổng xùng Mộc Chầu tổ chức vạy tống páo pưng tàng chương hang che báu xuốn to khòng riềng Mộc Châu lạ, lẹo nhăng lỏ gian vạy chương che khòng tỉnh Sơn La cánh pưng tỉnh bạn đảy khék hang hụ họt, hôm phân choi côn púk che mi thù nhập tẹt tiêng. Ặn nị lỏ tưa thứ 2, huyện Mộc Chầu tổ chức hội che. Nọk tỉnh Sơn La nhăng mi luông chôm hặp khòng pưng tỉnh mi phổng púk lài che xương Lai Chầu, Yền Bái, Hà Giang, Phú Thọ…cắp lài vịa dệt xương pải chương che, chang phà che; tổ chức thì pít che, pải pưng chương khòng vằn hoá, dù lịch nồng nghiệp; triển lãm hún ảnh phổng xùng…Nọk nặn ók, mự hội nhăng lỏ gian vạy tống páo pưng tàng chương khòng vằn hoá, dù lịch khòng phổng xùng Mộc Chầu cắp khék hang chu phổng lô hụ họt./.

                                                Hồng Việt –Tòng Anh dịch