꫄ꪅꪉ ꪻꪊ ꪋꪳ ꪡꪮꪉ ꪥꪀꪲ ꪀꪣꪴ A H7N9

ꪠꪮꪉ ꪪꪙꪸ: ꪋꪉꪸ ꪩꪉꪴ ꪝꪉꪳ ꪵꪣꪉ ꫃ꪛꪉ ꫃ꪜꪒ ꪼꪀ ꫃ꪜꪙ ꪭꪱ ꪒꪎꪉ ꪹꪀꪒ ꪎꪉꪲ ꪮꪮꪀ ꪘꪉꪰ ꪹꪣꪉ ꪊꪉꪴ ꪀꪺꪀ ꪀꪺꪉ ꪙꪽ ꪣꪲ ꪥꪀꪲ ꪀꪣꪴ A H7N9 ꪁꪀꪴ ꪖꪴ ꪮꪲ ꪋꪙꪸ ꪜꪱꪫ ꪚꪮꪀ ꪎꪮꪙ ꪹꪏꪉ ꪏꪳ ꪣꪱ ꪕꪱꪉ ꪘꪱ ꪫꪀꪸ ꪋꪳ ꪡꪮꪉ ꪥꪀꪲ ꪘꪉꪰ ꪝꪉꪳ ꫃ꪜꪒ ꪼꪀ?

ꪩꪉꪴ ꪒꪱꪣ ꪎꪺꪙ ꪵꪖꪉ: ꪔꪷ ꪢꪱ ꪥꪀꪲ ꪀꪣꪴ A H7N9 ꪒꪱꪉ ꪹꪀꪒ ꪎꪉꪲ ꪮꪮꪀ ꪘꪉꪰ ꪝꪉꪳ ꪔꪉꪲ ꪵꪗꪉ ꪶꪠ ꪄꪮꪉ ꪹꪣꪉ ꪊꪉꪴ ꪀꪺꪀ ꫄ꪁꪙ ꪼꪒ ꪋꪳ ꪡꪮꪉ ꪝꪮꪣ ꪝꪚꪾ ꪨꪱꪥ ꪩꪺꪉ ꪋꪳ ꪡꪮꪉ. ꪶꪀꪀ ꪵꪅꪀ ꪨꪷ ꫄ꪀꪣ ꪶꪄꪙ ꪋꪙꪸ ꪁꪱ ꪄꪱꪥ ꪄꪱ ꪋꪺ ꫃ꪜꪒ ꪼꪀ ꪹꪐ ꫃ꪜꪒ ꪹꪐ ꪼꪀ ꪩꪀꪰ ꪏꪳ ꪄꪱꪥ ꪠꪒꪲ ꪵꪠꪚ ꪀꪱꪥ ꪜꪱꪀ ꪔꪴ ꪹꪣꪉ. ꪖꪳ ꪎꪮꪉ ꪀꪣꪸ ꪎꪫꪱꪒ ꪢꪽ ꪁꪀꪰ ꪫꪀꪸ ꪁꪱ ꪄꪱꪥ ꪶꪄꪙ ꪋꪙꪸ ꪼꪜ ꪣꪱ ꪘꪉꪰ ꪀꪺꪉ ꪹꪣꪉ. ꪖꪳ ꪎꪱꪣ ꪨꪷ ꪊꪉꪲ ꪁꪫꪙꪸ ꫄ꪀꪚ ꪎꪱ ꪶꪔ ꪊꪀꪳ ꪝꪉꪳ ꪶꪓꪥ ꪛꪱꪫ ꪤꪱ ꪄꪱ ꪵꪣꪉ ꫃ꪛꪉ ꪘꪉꪰ ꪚꪮꪙ ꪵꪔꪉ ꪩꪉꪸ, ꪘꪉꪰ ꪚꪮꪙ ꪶꪔꪀ ꫄ꪋ ꪘꪉꪰ ꪒꪮꪣ ꪀꪱꪉ ꪕꪱꪉ.

ꪠꪮꪉ ꪪꪙꪸ:ꪶꪒꪥ ꪀꪚꪷ ꪝꪉꪳ ꪶꪠꪉ ꪤꪴ ꪔꪷ ꪵꪒꪙ ꪵꪣꪉ ꪵꪈꪉ ꪖꪴ ꪮꪲ ꪔꪒꪲ ꫄ꪔꪙ ꪋꪴ ꪒꪸ ꪹꪠꪉ ꪹꪏꪉ ꪏꪳ ꪀꪺꪉ ꪫꪀꪸ ꪀꪽ ꫄ꪕꪙ ꪥꪀꪲ ꪀꪣꪴ A H7N9 ꪵꪜꪒ ꪝꪱꪙ ꪹꪄꪱ ꪣꪱ ꪫꪒꪸ ꪘꪱꪣ ꪋꪉꪸ ꪩꪉꪴ?

ꪩꪉꪴ ꪒꪱꪣ ꪎꪺꪙ ꪵꪖꪉ: ꪶꪒꪥ ꪀꪚꪾ ꪝꪉꪳ ꪔꪉꪲ ꪵꪒꪙ ꪹꪣꪉ ꪹꪚꪉ ꪚꪀꪰ ꫄ꪁꪙ ꪔꪣꪴ ꪝꪺ ꪀꪣꪸ ꪊꪱ ꪶꪢꪒ ꫛ ꪁꪱ ꪄꪱꪥ ꫃ꪜꪒ ꪼꪀ ꪵꪀꪉ ꪹꪐ ꫃ꪜꪒ ꪹꪐ ꪼꪀ ꪏꪳ ꪵꪔ ꪹꪣꪉ ꪙꪮꪀ ꪹꪄꪱ ꪣꪱ ꪠꪒꪲ ꪵꪠꪚ ꪝꪉꪳ ꪚꪮꪙ ꪄꪱ ꪋꪺ ꫃ꪜꪒ ꪼꪀ ꪠꪒꪲ ꪵꪠꪚ ꪘꪉꪰ ꪵꪒꪙ ꪹꪣꪉ ꪡꪱꪒ ꪻꪢ ꪏꪳ ꪢꪉꪲ ꪝꪉꪳ ꫛ ꪠꪒꪲ ꪖꪀꪳ ꪀꪺꪉ ꪫꪀꪸ ꪕꪮꪚ ꪬꪮꪣ ꪶꪄꪙ ꪋꪙꪸ ꪏꪳ ꪄꪱꪥ ꫃ꪜꪒ ꪼꪀ ꪹꪚꪱ ꪭꪴ ꪹꪮꪱ ꪚꪮꪙ ꪻꪒ ꪣꪱ. ꪁꪀꪴ ꪖꪴ ꪮꪲ ꪁꪷ ꪵꪔꪉ ꪮꪮꪀ 5 ꪒꪫꪱꪙ ꪼꪜ ꪀꪣꪸ ꪊꪱ ꪝꪉꪳ ꪔꪉꪲ ꪹꪚꪉ ꪚꪀꪰ ꪶꪭꪣ ꪣꪲ: Cao Bằng, Hà Giang, Lạng Sơn, Quảng Ninh ꪵꪀꪉ ꪝꪉꪳ ꪔꪉꪲ ꪤꪴ ꪶꪠꪉ ꪮꪙꪳ: Hà Nội, Bắc Giang, Bắc Ninh ꪨꪷ ꪝꪉꪳ ꪚꪮꪙ ꪣꪲ ꪹꪏꪉ ꪋꪲ ꪹꪀꪒ ꪎꪉꪲ ꪮꪮꪀ ꪫꪀꪸ ꪏꪳ ꪄꪱꪥ ꫃ꪜꪒ ꪼꪀ ꪹꪚꪱ ꪭꪴ ꪵꪊꪉ ꪚꪮꪙ ꫃ꪥꪒ ꪮꪮꪀ.

ꪠꪮꪉ ꪪꪙꪸ: ꪋꪉꪸ ꪩꪉꪴ ꫛ ꪵꪔꪉ ꪩꪉꪸ ꪁꪷ ꪹꪏꪉ ꫛ ꪎꪴ ꪶꪤꪉ ꫄ꪁꪙ ꪣꪲ ꪝꪉꪳ ꪫꪀꪸ ꫃ꪥꪒ ꪎꪉꪰ ꪼꪫ ꪼꪜ ꪋꪳ ꪝꪉꪳ ꫃ꪜꪒ ꪼꪀ ꪁꪷ ꪹꪏꪉ ꪝꪀꪰ ꪵꪭꪉ ꪄꪮꪉ ꪹꪊꪱ ꪀꪺꪉ ꪫꪀꪸ ꪎꪴ ꪹꪐ ꫃ꪜꪒ ꪹꪐ ꪼꪀ?

ꪩꪉꪴ ꪒꪱꪣ ꪎꪺꪙ ꪵꪖꪉ: ꪀꪺꪉ ꫄ꪋ ꪙꪲ ꪜꪲ ꪙꪮꪉ ꪵꪔꪉ ꪩꪉꪸ ꫄ꪁꪙ ꫄ꪊꪚ ꪙꪾ ꪕꪀꪴ ꪝꪷ ꪝꪉꪳ ꪕꪒꪰ ꪜꪙꪴ ꪋꪳ ꪡꪮꪉ ꪥꪀꪲ ꫃ꪛꪉ ꪕꪮꪥ ꪩꪺꪉ ꪋꪲ ꪚꪮꪀ ꪄꪮꪉ ꫄ꪀ ꪀꪫꪱꪙ ꪖꪴ ꪮꪲ. ꪩꪙꪳ ꪹꪏ ꪏꪣꪴ ꪹꪭꪱ ꪼꪒ ꪏꪳ ꪶꪔ ꪹꪋ ꪘꪉꪰ ꪝꪉꪳ ꫄ꪀ ꫄ꪎ ꪭꪴ ꪵꪊꪉ ꪚꪮꪙ ꫃ꪥꪒ ꪮꪮꪀ ꪣꪲ ꪊꪣꪴ ꪢꪴ ꪖꪴ ꪮꪲ ꪀꪣꪸ ꪎꪫꪱꪒ ꫃ꪫꪙ ꪘꪀꪲ ꪎꪸ ꪏꪳ ꪶꪔ ꪹꪋ ꪩꪱ ꪶꪩꪣ ꪘꪉꪰ ꫄ꪋ ꪩꪱꪒ. ꪀꪺꪉ ꪥꪱꪙ ꪵꪔꪉ ꪩꪉꪸ ꫄ꪋ ꪭꪴ ꫄ꪬꪙ ꪮꪮꪀ ꫃ꪜꪒ ꪼꪀ ꪹꪬꪱ ꪔꪱꪥ ꪭꪱ ꫄ꪁꪙ ꪚꪱꪫ ꪀꪱꪫ ꪼꪈ ꪻꪬ ꫄ꪀ ꪀꪫꪱꪙ ꪖꪴ ꪮꪲ ꪵꪀꪉ ꪊꪉꪲ ꪁꪫꪙꪸ ꪒꪸ ꪹꪠꪉ ꪚꪮꪙ ꪊꪣꪾ ꫄ꪐꪒ ꪼꪫ ꪵꪀ ꪼꪄ ꪹꪱꪚ ꪀꪙꪲ ꪹꪐ ꫃ꪜꪒ ꪹꪐ ꪼꪀ ꫃ꪭ ꪎꪀꪴ ꪒꪲ ꪹꪚꪱ ꪀꪙꪲ ꪹꪩꪒ ꫃ꪜꪒ ꪼꪀ.

                                             TTT- ꪕꪯꪉ ꪵꪯꪉ ꪥꪀꪲ

Khâng chằư chự phong dịch cúm A H7N9

PV: Chiêng lung. Pưng manh bệnh pết cáy pền ha đàng cướt sình ók nẳng mương Trung Quốc, cuồng nặn mi cúm A H7N9, Cục thú ỳ chiên páo chị bók xương xư ma tang nả vịa chự phong dịch nẳng pưng pết cáy chiêng lung?

Lung Đàm Xuân Thành: Tó nả vịa dịch cúm A-H7N9 đàng cướt sình ók nẳng pưng tỉnh thanh phố khòng mương Trung Quốc, cận đảy chấp năm văn dọc pưng luông chự phong pọm pặp. Cốc khoẹ lỏ cấm khồn chiên, cạ khài khả chua pết cáy, nhứa pết cáy lặc xự khài phít phép cài pák tù mương. Thứ 2 kiểm soát mẳn cặt vịa cạ khài khồn chiên pày ma cuồng mương xương: cạ khài pết cáy nẳng pưng chợ, pết cáy xự khài nẳng chợ lạt. Thứ 3 chính quyên cấp xã tổ chức pưng đội bao dà khả manh bệnh nẳng pưng chua hươn tảnh liệng, chợ xự khài pết cáy, pưng bón tang long, pưng bón xằng pết cáy cánh bón hiềm chự nhứa pết cáy lặc xự khảu ma phít phép. Lưn xưa lỏ cận tổ chức đì vịa chiên páo niếu chưa côn tảnh liệng, cạ khài pết cáy, khả chua pết cáy báu choi dừa hổm dằm àu pưng côn lặc xự khài phít phép, báu xự khài pết cáy nhứa pết cáy lặc xự khài khảm cài đèn mương.

PV: Đối cắp pưng phổng dú tó đèn mương, ngành thú ỳ tít tờn pưng địa phường xương xư cuồng vịa cẳn tơn cúm A H7N9 pét pan khảu ma Việt Nàm chiêng lung?

Lung Thành: Đối cắp pưng tỉnh đèn mương bưởng bắc cận tủm pua kiểm trà pưng mốt côn cạ khài pết cáy cánh nhứa pết cáy xự té mương nọk khảu ma phít phép, pưng bón khả chua pết cáy phít phép nẳng đèn mương, phạt mằư xư mình pưng côn phít thứk cuồng vịa tọp hòm khồn chiên xự khài pết cáy báu hụ àu bón đằư ma. Cờ quàn kiểm dịch xắt sính cạt kiên nẻn nà cắp cờ quàn mi chức quyên dệt nả vịa nẳng pák tù mươngcóp thỏi hôm quam hẳư Bàn quản lý pák tù mương bao dà khả manh bệnh cánh mi pưng đoàn pày kiểm trà dịch bệnh nẳng pưng tỉnh đèn mương. Vạy choi dừa pưng địa phường, Cục Thú ỳ cọ tánh ók 5 đoàn pày kiểm trà pưng tỉnh bưởng bắc hôm mi: Cao Bằng, Hà Giang, Lạng Sơn, Quảng Ninh cánh pưng tỉnh dú phổng ứn xương Ha Nội, Bắc Giang, Bắc Ninh lỏ pưng bón mi xương chi cướt sình ók vịa xự khài pết cáy báu hụ chảnh àu bón đằư ma.

PV: Chiêng lung, côn tảnh liệng cọ xương côn xủ giống cận mi pưng vịa dệt xằng vạy pảy chự pưng pết cáy cọ xương pặc hanh khòng lăm mo chảu cuồng vịa xủ nhứa pết cáy?

Lung Thành: Cuồng chơ nị pi nọng tảnh liệng cận chấp năm tục po pưng tặt pùn chự phong dịch bệnh toi luông chị bók khòng cờ quàn thú ỳ. Lưn xưa lỏ xum hau xự tồ chựa nẳng pưng cờ sở hụ chảnh cốc cò, mi chủm mú thú ỳ kiểm soát, vện ník xìa xự tồ chựa lạ lôm đòm chợ lạt. Cuồng gian tảnh liệng cận báo cáo ngày cắp cờ quan thú ỳ cánh chính quyên địa phường bón chằm nhất va hụ hền pết cáy hàu, tài ha. Đối cắp côn xủ giống, cận đảy xự pết cáy hụ chảnh bók dệt ók té pưng cờ sở nhẳn pao pẹk xằư manh bệnh cánh tiêng àn căm kìn, mi kiểm dịch khòng cờ quàn thú ỳ, báu kìn nhứa pết cáy chơ hê dệt xúc đì, báu kìn lượt pết cáy.

PV: Xò dọn ờn lung!

                                                TTT- Tòng Anh dịch