Bai thứ 2 mự 14/8/2017

Lằng chu nong lạt nẳng Mương La, nhại dần pày dú bón mắư tẹt tiêng lỏ nả vịa họn xẳn

Cạp đìn nẳng cắp bón báu po vạy xiếp lặt bón dần dú, tênh mết tà đìn nồng nghiệp báu xương đằư xảng xồm lau đảy lỏ pưng khù tỉnh Sờn La va hịa cận đảy nhại họn xẳn hẳư pưng phổng dần dú chuốp xiệt hại pộ phôn nong liệp him Nặm Pằm pày họt bón dú mắư.

Vạy dón xìa pưng xiệt hạik té nong lạt, pưng chuyên gia khòng pưng Bộ ngành trùng ường chơ kiểm trà nẳng phổng nong lạt Mương La va hịa, tỉnh Sờn La cận nghiền cứu nẻn nà bản đồ tống páo chơ pắc pằn phổng dần dú mắư hẳư côn dần. Khù mi tẹ nẳng pưng bón mi pu chăn nẳng hùa nặm Pằm hư báu xương đằư xứp tàm pắc pằn hẳư côn dần mưa kìn dú nẳng tìn pu đảy. Khù cận hà lỏ đảy mi luông pùn nhại dần pày dú bón mắư nhẳn pao tiêng àn, báu chuốp nong lạt. Xòng ma nẳng phổng dần dú mắư nị vịa tẳng tánh xók tang, điện, nặm đảy nghiền cứu nẻn nà, vện ník xìa đảy nong lạt.

Pọm cắp vịa pắc pằn pọm pâng phổng nhại dần hẳư pi nọng chuốp nong lạt, gian pày nả vạy cặm tó cắp phạ đìn, tỉnh Sờn Là cận chấp năm đì vịa xảng xồm lau vịa dệt kình tế, cuồng nặn pá lỏ kình tế cốc chính cánh côn dần lỏ chảu chòm.

Nẳng phổng nong lạt Mương La khay nị, lài bản nhăng to đòn sai, tón đán khuối mun, pưng cồng trình cốc ngươn xính khòng điện, tang, trương ép, trạm xá chuốp hắc pé nắc. Lưn xưa lỏ phân lài tà đìn dệt dượn cọ chuốp nong lựp xìa mết. Tó khù mi tẹ nị, huyện cọ xò vay nhại họn xẳn 8 bản khòng xã Nặm Pằm cánh 4 tiểu khù, thị trấn Ít Òng pày họt phổng mắư. Hák va vịa chấp năm pọ lài dạk cha pộ đìn đòn cặp kẹp pưa địa phường hình chọm nhại dần cồng trình thuỷ điện Sờn Là. NỌk nặn ók, pưng phổng ứn mi xương xiếp lặt dần hư tang pày ma dạk cha.

VỊa nhại dần phổng chuốp xiệt pộ nong lạt nẳng Mương La khay nị lỏ khù cận hà, hák va báu xương đằư chấp năm đảy ngày cuồng mự nưng 2 mự. PƯa va phổng nhại dần mắư đảy nhẳn pao tiêng àn, nhẳn pao pọm pâng ma tang cốc ngươn xính khòng, đìn dệt dượn, luông dệt kìn hầng hy hẳư dần mương./.

                                                          Thanh Thuỷ-Anh dịch

ꪛꪱꪥ ꪖꪳ 2 ꪣꪳ 14.8.2017

ꪨꪉꪰ ꪋꪴ ꪙꪮꪉ ꪩꪱꪒ ꪘꪉꪰ ꪹꪣꪉ ꪩꪱ ꪑꪱꪥ ꫄ꪤꪙ ꪼꪜ ꪤꪴ ꪚꪮꪙ ꪻꪢ ꪵꪕꪒ ꪕꪉꪸ ꪨꪷ ꪘꪱ ꪫꪀꪸ ꪭꪮꪙ ꪎꪽ.

ꪁꪱꪚ ꪒꪙꪲ ꪀꪚꪾ ꪚꪮꪙ ꪹꪚꪱ ꪝꪷ ꪼꪫ ꪎꪚꪸ ꪩꪒꪰ ꪚꪮꪙ ꫄ꪤꪙ ꪤꪴ ꫃ꪕꪉ ꫃ꪢꪒ ꪔꪱ ꪒꪙꪲ ꪶꪘꪉ ꪉꪚꪸ ꪹꪚꪱ ꪹꪏꪉ ꪻꪒ ꪎꪱꪉ ꪶꪎꪣ ꪹꪩꪱ ꪼꪒ ꪨꪷ ꪝꪉꪳ ꪄꪴ ꪔꪉꪲ ꫄ꪎꪙ ꪨꪱ ꫄ꪁꪙ ꪼꪒ ꪑꪱꪥ ꪭꪮꪙ ꪎꪽ ꪝꪉꪳ ꪋꪺ ꪹꪭꪙ ꪊꪺꪚ ꪏꪒꪸ ꪭꪱꪥ ꪶꪝ ꪙꪮꪉ ꪩꪱꪒ ꪩꪚꪸ ꪭꪣꪲ ꪙꪣꪾ ꪜꪣꪾ ꪼꪜ ꪭꪮꪒ ꪚꪮꪙ ꪤꪴ ꪻꪢ.

ꪄꪴ ꪣꪲ ꪵꪕ ꪘꪉꪰ ꪝꪉꪳ ꪚꪮꪙ ꪣꪲ ꪝꪴ ꪋꪽ ꪘꪉꪰ ꪬꪺ ꪙꪣꪾ ꪜꪣꪾ ꪭꪳ ꪹꪚꪱ ꪹꪏꪉ ꪻꪒ ꪎꪚꪳ ꪔꪱꪣ ꪜꪀꪰ ꪜꪽ ꪻꪬ ꫛ ꫄ꪤꪙ ꪹꪣ ꪤꪴ ꪘꪉꪰ ꪔꪙꪲ ꪝꪴ ꪼꪒ. ꪄꪴ ꫄ꪁꪙ ꪬꪱ ꪨꪷ ꪼꪒ ꪣꪲ ꪩꪺꪉ ꪜꪙꪴ ꪑꪱꪥ ꫄ꪤꪙ ꪼꪜ ꪤꪴ ꪚꪮꪙ ꪻꪢ ꪐꪽ ꪝꪱꪫ ꪕꪉꪸ ꪮꪱꪙ ꪹꪚꪱ ꪊꪺꪚ ꪙꪮꪉ ꪩꪱꪒ. ꪎꪮꪉ ꪣꪱ ꪘꪉꪰ ꪶꪠꪉ ꫄ꪤꪙ ꪤꪴ ꪻꪢ ꪙꪲ ꪫꪀꪸ ꪔꪉꪰ ꪵꪔꪉ ꪎꪮꪀ ꪕꪱꪉ ꪒꪙꪸ ꪙꪣꪾ ꪼꪒ ꪈꪙꪸ ꪀꪫꪲ ꪵꪙꪙ ꪘꪱ ꫃ꪫꪙ ꪘꪱꪀ ꪎꪸ ꪼꪒ ꪙꪮꪉ ꪩꪱꪒ.

ꪝꪮꪣ ꪀꪚꪾ ꪫꪀꪸ ꪜꪀꪰ ꪜꪽ ꪝꪮꪣ ꫄ꪝꪉ ꪶꪠꪉ ꪑꪱꪥ ꫄ꪤꪙ ꪻꪬ ꪝꪲ ꪙꪮꪉ ꪊꪺꪚ ꪙꪮꪉ ꪩꪱꪒ ꪥꪱꪙ ꪼꪜ ꪘꪱ ꪼꪫ ꪁꪣꪾ ꪔꪷ ꪀꪚꪾ ꪡꪱ ꪒꪙꪲ ꪔꪉꪲ ꫄ꪎꪙ ꪨꪱ ꫄ꪁꪙ ꫄ꪊꪚ ꪙꪣꪾ ꪒꪲ ꪘꪱ ꪫꪀꪸ ꪎꪱꪉ ꪶꪎꪣ ꪹꪩꪱ ꪫꪀꪸ ꫃ꪥꪒ ꪀꪉꪲ ꫃ꪔ ꪀꪺꪉ ꪙꪽ ꪜꪱ ꪨꪷ ꪀꪉꪲ ꫃ꪔ ꪶꪀꪀ ꪊꪉꪲ ꪵꪀꪉ ꫛ ꫄ꪤꪙ ꪨꪷ ꪹꪊꪱ ꪊꪮꪣ.

ꪘꪉꪰ ꪶꪠꪉ ꪙꪮꪉ ꪩꪱꪒ ꪹꪣꪉ ꪩꪱ ꪼꪅ ꪙꪲ ꪨꪱꪥ ꪚꪱꪙ ꪑꪉꪰ ꪕꪷ ꪒꪮꪙ ꪏꪱꪥ ꪔꪮꪙ ꪒꪱꪙ ꪄꪺꪥ ꪣꪙꪴ ꪝꪉꪳ ꪶꪀꪉ ꪊꪉꪲ ꪶꪀꪀ ꪹꪉꪙ ꪎꪉꪲ ꪄꪮꪉ ꪒꪙꪸ ꪕꪱꪉ ꪹꪋꪉ ꪵꪮꪚ ꪋꪱꪣ ꪎꪱ ꪊꪺꪚ ꪬꪀꪰ ꪵꪜ ꪘꪀꪰ. ꪩꪙꪳ ꪹꪏ ꪨꪷ ꫄ꪡꪙ ꪨꪱꪥ ꪔꪱ ꪒꪙꪲ ꫃ꪥꪒ ꪹꪥꪙ ꪁꪷ ꪊꪺꪚ ꪙꪮꪉ ꪩꪚꪳ ꪎꪸ ꫃ꪢꪒ. ꪔꪷ ꪄꪴ ꪣꪲ ꪵꪕ ꪙꪲ ꪭꪫꪙꪸ ꪁꪷ ꪎꪷ ꪼꪫ ꪑꪱꪥ ꪭꪮꪙ ꪎꪽ 8 ꪚꪱꪙ ꪄꪮꪉ ꪎꪱ ꪙꪣꪾ ꪜꪣꪾ ꪵꪀꪉ 4 ꪔꪫꪸ ꪄꪴ ꪗꪲ ꫄ꪊꪙ ꪮꪒꪲ ꪮꪮꪉ ꪼꪜ ꪭꪮꪒ ꪶꪠꪉ ꪻꪢ. ꪬꪱꪀ ꪫꪱ ꪫꪀꪸ ꪑꪱꪥ ꫄ꪤꪙ ꪝꪷ ꪨꪱꪥ ꪥꪱꪀ ꪋꪱ ꪶꪝ ꪒꪙꪲ ꪒꪮꪙ ꪁꪚꪾ ꪵꪁꪚ ꪹꪝ ꪒꪸ ꪹꪠꪉ ꪬꪉꪲ ꪋꪮꪣ ꪑꪱꪥ ꫄ꪤꪙ ꪶꪀꪉ ꪊꪉꪲ ꪖꪫꪲ ꪒꪙꪸ ꫄ꪎꪙ ꪨꪱ. ꪙꪮꪀ ꪙꪽ ꪮꪮꪀ ꪝꪉꪳ ꪶꪠꪉ ꪮꪙꪳ ꪣꪲ ꪹꪏꪉ ꪎꪚꪸ ꪩꪒꪰ ꫄ꪤꪙ ꪼꪒ ꪭꪳ ꪕꪱꪉ ꪼꪜ ꪣꪱ ꪥꪱꪀ ꪋꪱ.

ꪵꪗꪉ ꪖꪫꪲ-ꪕꪮꪉ ꪵꪯꪉ ꪥꪀꪲ