Cận cẳn tơn vịa khút co mák tók ték nẳng Điện Biên

          Huyện Mương Ảng, tỉnh Điện Biên, kỷ pi cón nị họt mua bók co tók ték khày pênh bón đàư cọ hên hựa phếnh. Hák va ma khạy nị, côn dân  dú cắp bón cọ đảy pày sáo hà chắng hên kỷ cốc. Té chơ co tók ték đảy côn cạ ma sáo thu sự cắp ca panh, côn dân cuông phổng cọ chinh căn mưa sáo ma khài, dệt hảu tàng cọ nị đắp xiều xia.

          Ưởi Lu Thị Định dú bản Kéo Nánh, xã Búng Lào, huyện Mương Ảng hảu hu, phua mia ưởi cọ mi 3 pi sáo hà tàng co nị vạy khài. Dan mưa khọe nọi côn dệt, mỏi mự, côn điêu ưởi cọ khút đảy hạng tạk pày khài. Hák va khay nị é khút đảy cá hảu đảy pỳa lắc cánh khó mo lai, mi chơ cá mự chắng khút đảy kỷ cốc đảy dáo 4, 5 cân àu ma hom vạy chắng khài.

          Hảu cò mák tók té chơ au ma hươn đảy phặc nọi ók, khài  đíp hảu pưng chaủ thu sự hák ták khô. Toi bien mai khong phóng viên, nẳng liệp him tang san huyện xương Mương Ảng, Tuần Giáo, Điện Biên...cọ hên ký phiêng nháư, nọi thu sự hảu tók ték khô dai dát đom bón. San chảu cơ sở thu sự hảu hụ, pi nọng đảy côn cạ dú cá đin tảư au ngơn ma phốc cón vạy thu sự, lẹo hạng bườn hảu xe tải nháư ma khôn chiên pày. Phaư cọ nghin va lỏ thu sự vay khài pày Trung Quốc dệt dà, hak va chảnh thí vạy dệt dà sặng cọ báu mi phaư hụ.

          Toi bác sỹ Vũ Đình Việt, Phó Chủ tịch Thường trực Hội Đông y tỉnh Điện Biên, vịa vịa khút àu cá hạk cá cò chi khả đắp  tang co dà nị cánh hâng hy ma chi dệt mi hại họt bón nặm kin đin dú. Xong ma, vịa côn dân hao hà tang cọ nị báu men toi tặt pun, đảy phặc  cánh ták tảnh nẳng đin , báu cọ ố pên còng vạy nẳng pưng bón báu nhẳn pao pẹk sàư báu men toi khoa học cánh chi pên dà dà bệnh xư đảy:

Vịa khút àu hảu cò tók ték nẳng Điện Biên nhăng hên ók hạng mự hạng chơ. Hák va, khạy hê mi luông phạt màư vịa dệt nị. Cọ họt chơ pưng cơ quan chuyên môn cận hặt cặt vịa quản lý, khút tàng cọ  tók ték hôm phân pảy chự tảng cò dà quý nẳng tỉnh. Xong ma cận chiên páo cánh tắt củ tàng co dà nị men toi tặt pun, vện ník xia dệt phít cắp tàng dà, xong ma pảy chự bón nặm kin đin dú mi xương chi cướt sinh ók té khút hà co dà nị./.

                                                                   Vũ Lợi - Hạnh dịch 

꫄ꪁꪙ ꪀꪽ ꫄ꪕꪙ ꪫꪀꪸ ꪄꪒꪴ ꪀꪷ ꪢꪱꪀ ꪔꪮꪀ ꪵꪔꪀ ꪘꪈꪾ ꪓꪙꪸ ꪚꪙꪸ

          ꪭꪫꪙꪸ ꪹꪣꪉ ꪱꪮꪉ , ꪔꪉꪲ ꪓꪙꪸ ꪚꪙꪸꪶ ꪀꪲ ꪜꪲ ꪀꪮꪙ ꪙꪲ ꪭꪮꪒ ꪣꪺ ꪚꪮꪀ ꪀꪷ ꪔꪮꪀ ꪵꪔꪀ ꪼꪄ ꫃ꪝꪉ ꪚꪮꪙ ꪻꪒ ꪁꪷ ꫃ꪬꪙ ꪹꪭ ꫃ꪠꪉ. ꪬꪱꪀ ꪫꪱ ꪢꪱ ꪼꪅ ꪙꪲ, ꫛ ꫄ꪤꪙ ꪤꪴ ꪀꪚꪷ ꪚꪮꪙ ꪁꪷ ꪼꪒ ꪼꪜ ꪎꪱꪫ ꪬꪱ ꪨꪷꪀ ꪊꪉꪷ ꫃ꪬꪙ ꪀꪲ ꪶꪀꪀ. ꪵꪔ ꫄ꪋ ꪀꪷ ꪔꪮꪀ ꪵꪔꪀ ꪼꪒ ꫛ ꪁꪱ ꪣꪱ ꪎꪱꪫ ꪬꪱ ꪏꪳ ꪀꪚꪾ ꪁꪱ ꪵꪝꪉ , ꫜ ꫄ꪤꪙ ꪀꪺꪉ ꪶꪠꪉ ꪁꪷ ꪋꪉꪲ ꪀꪽ ꪹꪣ ꪎꪱꪫ ꪣꪱ ꪄꪱꪥ , ꫃ꪤꪒ ꪻꪬ ꪔꪱꪉ ꪀꪷ ꪙꪲ ꪒꪚꪾ ꪎꪫꪸꪥ ꪎꪸ. ꪹꪮꪥ ꪩꪴ ꪖꪲ ꪓꪉꪲ ꪤꪴ ꪚꪱꪘ ꪵꪀꪫ ꪵꪘꪉ , ꪎꪱ ꪚꪉꪴ ꪨꪱꪫ , ꪭꪫꪸꪙ ꪹꪣꪉ ꪮꪱꪉ ꪻꪬ ꪭꪴ, ꪠꪺ ꪣꪸ ꪹꪮꪥ ꪁꪷ ꪣꪲ 3 ꪜꪲ ꪎꪱꪫ ꪬꪱ ꪔꪱꪉ ꪀꪷ ꪙꪲ ꪼꪫ ꪼꪄ. ꪥꪱꪙ ꪹꪣ ꪵꪅꪫꪀ ꪙꪮꪥ ꫜ ꫃ꪥꪒ , ꪢꪮꪥ ꪣꪳ ꫛ ꪒꪫꪸ ꪹꪮꪥ ꪀꪷ ꪄꪒꪴ ꪼꪒ ꪤꪱꪫ 4 ꪭꪮꪒ 5 ꫄ꪀꪙ ꪹꪮꪱ ꪣꪱ ꪬꪮꪣ ꪼꪫ ꪊꪉꪷ ꪄꪱꪥ.

          ꪹꪬꪱ ꪀꪷ ꪢꪱꪀ ꪔꪮꪀ ꪵꪔꪀ ꫄ꪋ ꪹꪮꪱ ꪣꪱ ꪹꪭꪙ ꪼꪒ ꪡꪀꪷ ꪙꪮꪥ ꪮꪮꪀ, ꪄꪱꪥ ꪒꪚꪲ ꪻꪬ ꪝꪻꪉ ꪹꪊꪱ ꪖꪴ ꪏꪳ ꪬꪱꪀ ꪔꪱꪀ ꪶꪄ. ꪕꪮꪥ ꪚꪙꪸ ꪢꪱꪥ ꪄꪮꪉ ꪠꪮꪉ ꪪꪙꪲ, ꪘꪉꪷ ꪩꪚꪸ ꪭꪣꪸ ꪕꪱꪉ ꪏꪱꪙ ꪭꪫꪸꪙ ꪹꪏꪉ ꪹꪣꪉ ꪮꪱꪉ , ꪔꪺꪙ ꪤꪱꪫ , ꪓꪙꪸ ꪚꪙꪸ... ꪁꪷ ꫃ꪬꪙ ꪀꪲ ꪠꪉꪸ ꪻꪐ, ꪙꪮꪥ ꪖꪴ ꪏꪳ

ꪹꪬꪱ ꪔꪮꪀ ꪵꪔꪀ ꪶꪄ ꪤꪱꪥ ꪤꪱꪒ ꪒꪮꪣ ꪚꪮꪙ. ꪎꪱꪙ ꪹꪊꪱ ꫄ꪀ ꫄ꪎ ꪖꪴ ꪏꪳ ꪻꪬ ꪭꪴ, ꪝꪲ ꪙꪮꪉ ꪼꪒ ꫛ ꪁꪱ ꪤꪴ ꪀꪱ ꪒꪙꪲ ꪻꪔ ꪹꪮꪱ ꫄ꪉꪙ ꪢꪱ ꪶꪠꪀ ꪀꪮꪙ ꪼꪫ ꪖꪴ ꪏꪳ, ꪵꪩꪫ ꪭꪱꪉ ꪹꪚꪙ ꪻꪬ ꪵꪎ ꪔꪱꪥ ꪻꪐ ꪣꪱ ꪶꪄꪙ ꪋꪙꪸ ꪼꪜ. ꪻꪠ ꪁꪷ ꪉꪙꪲ ꪫꪱ ꪨꪷ ꪖꪴ ꪏꪳ ꪼꪫ ꪼꪜ ꪄꪱꪥ ꪼꪜ ꪋꪉꪴ ꪀꪺꪀ ꫃ꪥꪒ ꪤꪱ, ꪬꪱꪀ ꪪꪱ ꪼꪫ ꫃ꪥꪒ ꪤꪱ ꪎꪉꪷ ꪁꪷ ꪹꪚꪱ ꪣꪲ ꪻꪠ ꪭꪴ.

          ꪕꪮꪥ ꪚꪱꪀ ꪎꪲ ꪫꪴ ꪒꪉꪲ ꪫꪒꪸ, ꪠꪷ ꪊꪴ ꪕꪀꪲ ꪹꪖꪉ ꪋꪀꪳ ꪶꪭꪥ ꪶꪒꪉ ꪯꪲ ꪔꪉꪲ ꪓꪙꪸ ꪚꪙꪸ, ꪫꪀꪸ ꪄꪴꪒ ꪹꪮꪱ ꪀꪱ ꪭꪱꪀ ꪋꪲ ꪄꪱ ꪒꪚꪾ ꪔꪱꪉ ꪀꪷ ꪤꪱ ꪙꪲ ꪵꪀꪉ ꫄ꪬꪉ ꪭꪲ ꪣꪱ ꪋꪲ ꫃ꪥꪒ ꪭꪱꪥ ꪭꪮꪒ ꪚꪮꪙ ꪙꪣꪾ ꪀꪙꪲ ꪒꪙꪲ ꪤꪴ. ꪎꪮꪉ ꪣꪱ, ꪫꪀꪸ ꫛ ꫄ꪤꪙ ꪭꪱꪫ ꪬꪱ ꪔꪱꪉ ꪀꪷ ꪙꪲ ꪹꪚꪱ ꪵꪣꪙ ꪕꪮꪥ ꪕꪒꪷ ꪜꪙꪴ, ꪼꪒ ꪡꪀꪷ ꪵꪀꪉ ꪔꪱꪀ ꪵꪔꪉ ꪘꪉꪷ ꪒꪙꪲ, ꪹꪚꪱ ꪁꪷ ꪶꪮ 6ꪜꪙ ꪀꪮꪉ ꪼꪫ ꪘꪉꪷ ꪝꪉꪳ ꪚꪮꪙ ꪹꪚꪱ ꪵꪝꪀ ꪻꪎ ꪹꪚꪱ ꪐꪽ ꪝꪱꪫ ꪵꪣꪙ ꪕꪮꪥ ꪅꪫꪱ ꪭꪮꪀ ꪵꪀꪉ ꪋꪲ ꫃ꪥꪒ ꫃ꪜꪙ ꪤꪱ ꪏꪳ ꪼꪒ.

          ꪫꪀꪸ ꪄꪒꪴ ꪹꪮꪱ ꪹꪬꪱ ꪀꪷ ꪔꪮꪀ ꪵꪔꪀ ꪘꪉꪷ ꪔꪉꪲ ꪓꪙꪸ ꪚꪙꪸ ꪑꪉꪷ ꫃ꪬꪙ ꪮꪮꪀ ꪭꪱꪉ ꪣꪳ ꪭꪱꪉ ꫄ꪋ. ꪬꪱꪀ ꪫꪱ ꪼꪅ ꫃ꪭ ꪣꪲ ꪩꪺꪉ ꪡꪱꪒ ꪻꪢ ꪫꪀꪸ ꫃ꪥꪒ ꪙꪲ. ꪁꪷ ꪭꪮꪒ ꫄ꪋ ꪝꪉꪳ ꫄ꪀ ꪀꪫꪱꪙ ꪊꪫꪙꪸ ꪶꪢꪙ ꫄ꪁꪙ ꪭꪒꪷ ꪁꪒꪷ ꪫꪀꪸ ꪀꪫꪱꪙ ꪨꪲ, ꪄꪒꪴ ꪔꪱꪉ ꪀꪷ ꪔꪮꪀ ꪵꪔꪀ ꪙꪲ, ꪶꪭꪣ ꫄ꪡꪙ ꪼꪜ ꪻꪳ ꪔꪱꪉ ꪀꪷ ꪤꪱ ꪀꪫꪥꪲ ꪘꪉꪷ ꪔꪉꪲ. ꪎꪮꪉ ꪣꪱ ꫄ꪁꪙ ꪋꪙꪸ ꪜꪱꪫ ꪵꪀꪉ ꪔꪒꪷ ꪀꪴ ꪔꪱꪉ ꪀꪷ ꪙꪲ ꪵꪣꪙ ꪕꪮꪥ ꪕꪒꪷ ꪜꪙꪴ, ꫃ꪫꪙ ꪘꪲꪀ ꪎꪸ ꪫꪀꪸ ꫃ꪥꪒ ꪠꪒꪲ ꪖꪀꪳ, ꪎꪮꪉ ꪣꪱ ꪼꪜ ꪋꪳ ꪚꪮꪙ ꪙꪾ ꪀꪙꪸ ꪒꪙꪲ ꪤꪴ ꪣꪸ ꪹꪏꪉ ꪋꪲ ꪹꪀꪒ ꪎꪉꪲ ꪮꪮꪀ ꫄ꪋ ꪄꪒꪴ ꪬꪱ ꪔꪱꪉ ꪀꪷ ꪙꪲꪌ

                                                                   ꪫꪴ ꫄ꪩꪥ - ꪵꪭꪉ ꪥꪀꪲ