ꪨꪱꪥ ꪹꪊꪱ ꫄ꪅꪉ ꪻꪊ ꪋꪳ ꪡꪮꪉ ꪋꪳ ꪡꪮꪉ ꪘꪱꪫ ꪁꪣꪳ ꪻꪬ ꪶꪔ ꪵꪔꪉ ꪩꪉꪸ

          ꪹꪋ ꪹꪭꪙ ꪯꪱꪥ ꪪꪱꪉ ꪯꪱ ꪊꪉꪲ ꪤꪴ ꪚꪱꪙ ꪏꪙꪲ ꪎꪺꪥ ꪶꪬꪶ ꪎꪱ ꪏꪙꪲ ꪎꪺꪥ ꪶꪬ, ꪭꪫꪸꪙ ꪠꪯꪉ ꪶꪖ ꪔꪉꪲ ꪨꪱꪥ ꪹꪊꪱ ꪝꪉꪳ ꪜꪲ ꪊꪾ ꪙꪲ ꪙꪮꪀ ꪵꪔꪉ ꪩꪉꪸ ꪶꪔ ꪢꪴ ꪑꪉꪰ ꪵꪔꪉ ꪩꪉꪸ ꪔꪣꪳ ꪀꪲ ꪶꪔ ꪁꪫꪱꪥ ꪼꪫ ꪹꪮ ꪱꪵꪭꪉ ꪼꪖ ꪚꪱꪙ ꪵꪀꪭ ꪵꪝ ꪮꪮꪀ ꪨꪷ ꪄꪱꪥ ꪹꪮ ꪱ꫄ꪉꪙ ꪎꪴ ꪶꪤꪉ. ꪝꪮꪣ ꪀꪚꪾ ꪨꪱꪥ ꪋꪺ ꪹꪭꪙ ꪮꪙꪳ ꪀꪺꪉ ꪚꪱꪙ , ꪫꪀꪸ ꪋꪳ ꪡꪱꪉ ꪘꪱꪫ ꪁꪣꪳ ꪻꪬ ꪝꪉꪳ ꪎꪒꪰ ꪎꪉ ꪁꪰ ꪼꪒ ꪋꪺ ꪹꪭꪙ ꪯꪱꪥ ꫄ꪅꪉ ꪵꪔ ꪬꪺ ꪣꪺ ꪘꪱꪫ. ꪝꪉꪳ ꪣꪳ ꪠꪱ ꪘꪱꪫ ꪁꪣꪳ ꪊꪾ ꪙꪲ, ꪠꪺ ꪣꪸ ꪯꪱꪥ ꪎꪱꪉ ꪵꪜꪉ ꪁꪰ ꫃ꪛꪉ, ꪹꪮ ꪱꪝꪉꪳ ꪁꪫꪱꪥ ꪤꪴ ꪀꪱ ꪜꪱ ꪣꪱ ꪹꪭꪙ ꪩꪾ ꪒꪴ. ꪙꪮꪀ ꪫꪀꪸ ꫃ꪥꪒ ꪝꪙꪳ ꪁꪰ ꫄ꪛꪉ ꪎꪉꪴ ꪄꪙꪳ ꪻꪬ ꪻꪄ ꪶꪄ ꪋꪺ ꪹꪭꪙ ꪯꪱꪥ ꪑꪉꪰ ꫄ꪅꪉ ꪁꪾ ꪀꪙꪸ ꪼꪫ ꪡꪮꪉ , ꪐꪽ ꪝꪱꪫ ꪕꪉꪸ ꪮꪱꪙ ꪻꪭ ꪝꪉꪳ ꪁꪫꪱꪥ ꪀꪺꪉ ꪣꪺ ꪙꪱꪫ.

          ꪤꪴ ꪎꪉꪴ ꪀꪱꪥ 1.600 ꪹ ꪖꪵꪫꪒ ꪻꪎ ꪙꪾ ꫃ꪚ ꪎꪱ ꪏꪙꪲ ꪎꪺꪥ ꪏꪙꪲ ꪎꪺꪥ ꪶꪬ, ꪭꪫꪙꪸ ꪡꪮꪉ ꪶꪖ ꪣꪲ ꪙꪾ ꪒꪙꪲ ꪮꪱꪫ ꪨꪱꪀ ꪀꪚꪾ ꪚꪮꪙ ꪮꪙꪳ, ꪣꪺ ꪘꪱꪫ ꫄ꪩꪉ ꫃ꪬꪙ ꪘꪱꪫ ꪁꪣꪳ ꪹꪏ. ꪼꪫ ꪋꪮꪥ ꫛ ꫄ꪤꪙ ꪼꪜ ꪋꪳ ꪝꪉꪳ ꪎꪒ ꪰꪎꪉꪲ ꪄꪮꪉ ꪹꪊꪱꪶ ꪊꪉꪲ ꪁꪫꪙꪸ ꪓꪸ ꪹꪠꪉ ꪁꪰ ꪣꪲ ꫃ꪀ ꪵꪭꪫꪀ ꪼꪫ ꫄ꪊ ꪙꪾ ꪭꪮꪒ ꪝꪳꪉ ꪚꪱꪙ ꪣꪱ ꪔꪱꪉ ꪋꪳ ꪡꪮꪉ ꪘꪱꪫ ꪁꪣꪳ ꪻꪬ ꪶꪔ ꪵꪔꪉ ꪩꪉꪸ. 

          ꪭꪮꪒ ꪼꪅ ꪋꪳ ꪋꪺ ꪹꪭꪙ ꪣꪲ ꪶꪔ ꪉꪺ ꪶꪔ ꪁꪫꪱꪥ ꪘꪉꪰ ꪎꪱ ꪝꪮꪣ ꪼꪜ ꪩꪮꪣ ꪁꪰ ꫄ꪛꪉ ꪒꪲ ꪋꪽꪹꪚ ꪱꪻꪬ ꪵꪒꪒ ꪶꪩꪣ ꪔꪮꪉ, ꫄ꪅꪉ ꪹꪮ ꪱꪉꪺ ꪁꪱꪫꪥ ꪀꪱ ꪜꪉꪴ ꪙꪱ ꪹꪭꪙ. ꪙꪮꪀ ꪙꪽ ꪮꪮꪀ ꪝꪲ ꪙꪮꪉ ꪬꪱꪁ ꫄ꪅꪉ ꪜꪀꪴ ꪀꪱꪥ 25 ꪵꪬꪀ ꪕꪱ ꪀꪰ ꪐꪱ ꪵꪀꪉ ꫄ꪅꪉ ꪹꪮ ꪱꪹꪄꪱ ꪩꪲ, ꪹꪡꪉ ꪶ ꪄꪼꪫ ꪡꪮꪉ ꪐꪽ ꪝꪱꪫ ꪣꪸ ꪝꪰ ꪁꪾ ꪀꪙꪲ ꪻꪬ ꪶꪔ ꪉꪺ ꪶꪔ ꪁꪫꪱꪥ ꪀꪙꪲ ꪀꪺꪉ ꪣꪺ ꪘꪱꪫ.

ꪼꪅ ꪙꪲ ꪀꪱ ꫃ꪕꪉ ꪨꪱꪥ ꪹꪊꪱ ꪣꪲ ꫃ꪕꪉ ꫃ꪢꪒ ꪝꪉꪳ ꪎꪒꪰ ꪎꪉꪲ ꪋꪲ ꪮꪫꪱ ꪭꪮ ꪒ 350 ꪝꪽ ꪶꪔ , ꪀꪺꪉ ꪙꪽ ꪝꪉꪳ ꪉꪺ ꪁꪱꪫꪥ ꪣꪲ ꪋꪲ ꪮꪱꪫ ꪬꪮꪒ 120  ꪝꪰ ꪔ. ꪹꪝ ꫛ ꫄ꪤꪙ ꪘꪉꪰ ꪘꪲ ꪑꪉꪰ ꪜꪮꪥ ꪠꪱꪉ ꪎꪒꪰ ꪎꪉꪲ, ꪹꪏ ꪙꪽ ꪣꪺ ꪘꪱꪫ ꪜꪲ ꪻꪒ ꪔꪉꪲ ꪁꪰ ꪣꪲ ꪶꪔ ꪉꪺ ꪶꪔ ꪁꪫꪱꪥ ꪊꪺꪚ ꪔꪱꪥ ꪘꪱꪫ, ꪣꪸ ꪜꪲ ꪶꪎ ꪶꪔ ꪉꪺ ꪶꪔ ꪁꪫꪱꪥ ꪔꪱꪥ ꪄꪙꪳ ꪬꪮꪒ ꪬꪱꪉ ꪝꪽ  ꪶꪔ, ꪣꪸ ꪹꪭꪙ ꪶꪔ ꪉꪺ ꪔꪁꪪꪱꪥ ꪔꪱꪥ ꪘꪫꪱ ꪎꪸ ꫃ꪢꪒ. ꪼꪫ ꪼꪜ ꪋꪳ ꪝꪉꪳ ꪎꪒꪰ ꪎꪉꪲ ꪀꪺꪉ ꪣꪺ ꪘꪱꪫ ꪜꪲ ꪙꪲ, ꪋꪲ ꪁꪴꪀ ꪵꪔꪉ ꪩꪉꪸ ꪵꪀꪉ ꪖꪴ ꪯꪲ ꪔꪉꪲ ꪨꪱꪥ ꪹꪊꪱ ꪁꪰ ꫄ꪅꪉ ꪮꪺꪙ ꪝꪱ ꪝꪉꪳ ꫄ꪒꪙ ꪫꪲ ꪊꪫꪙ ꪶꪣꪙ ꫄ꪀꪚ ꪭꪫꪙꪸ, ꫃ꪅꪉ ꪋꪙꪸ ꪜꪱꪫ ꪹꪊꪹꪉꪋ ꪝꪲ ꪙꪮꪉ ꪹꪮ ꪱꪹꪋꪉ ꪀꪙꪲ ꪼꪫ ꪡꪮꪉ ꪕꪀꪴ ꪝꪰ ꪎꪱ ꪶꪎ ꪹꪩꪉ ꪵꪀꪉ ꫄ꪊꪒ ꪹꪩꪉ ꪎꪱꪉ ꪵꪜꪉ ꪁꪰ ꫄ꪛꪉ ꪹꪚꪱ ꪻꪬ ꪎꪒꪰ ꪎꪉꪲ ꪔꪱꪥ ꪶꪝ ꪮꪒꪳ ꪤꪱꪀ ꪐꪱ ꪘꪱꪫ ꪁꪣꪳ ꪹꪩꪙ ꪹꪏ ꪨꪰ ꪹꪚ ꪱꪜꪮꪥ ꪠꪱꪉ ꪀꪺꪉ ꪝꪉꪳ ꪣꪳ ꪡꪱ ꪘꪱꪫ ꪁꪣꪳ ꪭꪱꪥ ꪬꪀꪳ.

ꪕꪮꪥ ꪵꪥꪉ ꫄ꪚꪉ ꪄꪮꪉ ꪊꪉꪴ ꫄ꪔꪣ ꪵꪥꪉ ꫄ꪚꪉ ꪠꪱ ꪋꪲ ꪵꪒꪒ ꪋꪲ ꪶꪠꪙ ꪊꪉꪴ ꪹꪮꪉ, ꪀꪺꪉ ꪣꪺ ꪶꪒꪉ ꪎꪺꪙ ꪜꪲ 2017 -2018, ꪣꪺ ꪘꪱꪫ ꪋꪲ ꪨꪱ ꪹꪏ ꪵꪀꪉ ꫃ꪬꪙ ꪘꪱꪫ ꪁꪣꪳ ꪹꪏ ꪵꪔ 7 ꪭꪮꪒ 10 ꪶꪓ. ꪹꪝ ꪹꪏꪉ ꪙꪽ ꪼꪫ ꪼꪜ ꪋꪳ ꪝꪉꪳ ꪎꪒꪰ ꪎꪉꪲ ꪘꪉꪰ ꪀꪺꪉ ꪶꪠꪉ, ꪊꪉꪲ ꪁꪫꪙꪸ ꪵꪀꪉ ꫄ꪀ ꪀꪪꪱꪙ ꪣꪲ ꪊꪀꪳ ꪁꪫꪙꪸ ꪔꪉꪲ ꪨꪱꪥ ꪹꪊꪱ ꪒꪱꪉ ꪝꪮꪣ ꪀꪚꪾ ꪝꪰ ꪼꪭ ꪵꪣ ꪙꪱ ꫄ꪅꪉ ꫄ꪚ ꪙꪾꪨꪱꪥ ꪩꪺꪉ ꪋꪳ ꪡꪮꪉ ꪘꪱꪫ ꪁꪣꪳ ꪻꪬ ꪀꪰ ꪜꪀꪴ ꪶꪚꪉ ꪵꪀꪉ ꪶꪔ ꪵꪔꪉ ꪩꪉꪸ. ꪀꪺꪉ ꪙꪽ ꫄ꪅꪉ ꪶꪜꪉ ꪻꪊ ꪒꪴ ꪒꪲ ꪭꪮꪒ ꪫꪀꪸ ꪔꪮꪚ ꪬꪮꪣ ꪹꪮꪱ ꪐꪱ ꪵꪀꪉ ꪁꪣꪾ ꪀꪙꪲ ꪼꪫ ꪡꪮꪉ  ꪻꪬ ꪎꪒꪰ ꪎꪉꪲ, ꪎꪱꪉ ꪵꪜꪉ ꪁꪰ ꫄ꪛꪉ ꪼꪫ ꫄ꪋ ꪣꪺ ꪘꪱꪫ ꪹꪄꪱ ꪮꪮꪀ ꪩꪣꪾ ꪒꪴ ꪼꪒ ꪉꪱꪥ ꪒꪲ.

                                                                                                                                                                                                                                                                               ꪄꪀꪰ ꪁꪙꪸ - ꪵꪭꪉ ꪥꪀꪲ

          Lai Châu khâng chàư chự phong nao cưm hảu tô sắt sính

Chua hươn ai Vàng A Chỉnh dú bản Sin Suối Hồ, xã Sin Suối Hồ, huyện Phong Thổ tỉnh Lai Châu pưng pi chăm nị nọk tảnh liệng tô mù nhăng tảnh liệng tứm kỷ xíp tô quai vạy àu hanh thay bàn cánh pe ók lỏ khài àu ngơn xủ dống. Pọm cắp lai chua hươn ứn cuông bản, vịa chự phong nao cưm hảu pưng sắt sính cọ đảy chua hươn ai khâng cón té hùa mua nao. Pưng mự chăm nị, phua mia ai sảng panh cọ bâng, àu pưng quai dú cá pá ma hươn  lăm đù. Nọk vịa dệt pựn cọ bâng xùng khửn hảu kháư khô, chua hươn ai nhăng khâng căm kin vạy phong, nhẳn pao tiêng an hảu pưng quai cuông mua nao.

Dú xùng cài 1.600 thứa vẹt sáư nặm bể, xã Sin Suối Hồ, huyện Phong Thổ mi nặm đin áo lák cắp bón ứn, mua nào lâng hên nao cưm xưa. Vạy choi côn dân pảy chự pưng sắt sính khong chảu, chính quyên địa phương cọ mi kế hoạch vạy chấp năm họt pưng bản ma tang vịa chự phong nao cưm hảu tô tảnh liệng.

Họt khạy chu chua hươn mi tô ngua, tô quai nẳng xã pọm pảy lọm cọ bâng đi chăn báu hảu đét hồm lôm tỏng, khâng àu ngua, quai cá púng ma lánh cá hươn. Nọk nặn ók, pi nọng hák khâng púk cài 25 héc ta co nhả cánh khâng àu khảu li, phương khồ vạy phong nhẳn pao mi po căm kin hảu tô ngua, tô quai cuông mua nào.

Khay nị cá tỉnh Lai Châu mi tênh mết pưng sắt sính chi áo họt 350 păn tô, cuông nặn pưng ngua, quai chi áo họt 120 păn tô. Pưa côn dân nẳng nỉ lâng pói pháng sắt sính, xương nặn mua nao pi đàư tỉnh cọ mi tô ngua, tô quai chuốp tài nao, mi pi số tô ngua, tô quai khửn họt hạng păn tô, mi hươn ngua, quai chuốp tài xia mết. Vạy pảy chự pưng sắt sính cuông mua nao pi nị, Chi cục tảnh liệng cánh Thú y tỉnh Lai Châu cọ khâng uôn pa pưng đơn vị chuyên môn cấp huyện, khâng chiên páo chướng chưa pi nọng khâng àu chương kin vạy phong tục po cá số lượng cánh chất lượng, sảng panh cọ bâng báu hảu sắt sính tài pộ ứtk nhả, nào cưm lưn xưa lỏ báu pói pháng cuông pưng mự phạ nao cưm hại hức.

Toi danh bấng khong trung tâm danh bấng phạ chi đét chi phôn Trung ương, cuông mua đông xuân pi 2017 – 2018, mua nao chi lả xưa cánh hên nào cưm lai té 7 họt 10 mự. Pưa xương nặn, vạy pảy chự pưng sắt sính nẳng cuông phổng, chính quyên cánh pưng cơ quan mi chức quyên tỉnh Lai Châu đang pọm cắp po hay me na khâng chấp năm lai luông chự phong nao cưm hảu co púk bồng, tô tảnh liệng; cuông nặn pông chàư đù đi họt vịa tọp hòm, mi chương kin vạy phong hảu sắt sính, sảng panh cọ bâng cánh sằng sắt sính vạy chơ nào cưm vạy ngai hảu vịa lăm đù.

                                                          Khắc Kiên - Hạnh dịch