Cong thả xắư Cào sù Yền Bái

Cò xào sù đảy púk nẳng huyện Vằn Chấn cánh Vằn Yền té pì 2010. Nặp té nặn ma, pưng tà đìn pu đỏn chứt cháng vang hựa cọ pền pá cò cào sù khèo chăn phi phựa.

Pày liệp pưng xã: Sơn Lương, NGhĩa Sơn, Nặm Búng, Nặm Lành…khòng huyện Văn Chấn, bón đằư cọ hền pá cò cào sù khèo chăn xút phó lai tà. Pưng tà đìn púk cốc khoẹ khạy cọ xùng dáo 8 thứak, khèo chăn. Cọt àu dàng thử bấng pưng cò mi cốc quảng dáo2 cựp mư cọ hền dàng đón lày ók pền piêu. Ưởi Nguỵ Thị Nam, chựa côn Tày nẳng đội cào sù Nghĩa Sơn hẳư hụ: Té chơ dệt cồng nhần khòng công ty cổ phần cào sù Yên Bái, thù nhập khòng ưởi cánh pi nọng cồng nhần ứn đảy dáo 3 triệu mằn mỏi côn mỏi bườn, áo xồm po vẹt xắư puồng kìn luông dú khòng côn dần phổng xùng nẳng nỉ. Va cò cào sù đảy àu dàng men gian danh đù cánh mi dàng chất lượng xùng, hư puồng kìn luông dú khòng ưởi cánh pưng pi nọng cuồng công ty tạk xư đàư cọ chi xồm po xưa.

Đội cào sù Suối Quyền, dú nẳng huyện Văn Chấn đàng lăm đù cài 500 héc ta cào sù. Cồng nhần khòng đội phân lài lỏ pi nọng chựa nọi côn nẳng địa phường, cắp mức ngơn lường pằn pâng 3 triệu mằn mỏi côn mỏi bườn.

Lằng lài pì cạt kiên cắp cò cào sù, côn dần nẳng nỉ pọm muôn hòm cánh cong thả xắư pưng hay cò cào sù quảng xút phó lai tà nị. Pưa đảy lăm đù men luông, pưng hay cào sù chựa IAN837 cọ chỏng đảy cắp phạ đìn báu chang đét chang phồn, mả pe chăn đì.

Họt khạy, công ty cổ phần cào sù Yền Bái cọ púk dáo 2.300 héc ta cò cào sù. Cuồng nặn nẳng huyện Văn Chấn cài 1.800 héc ta, cài nhăng to đằư lỏ nẳng pưng huyện Văn Yền, huyện Trạm Táu. Toi kế hoạch, té khạy họt pì 2020, công ty chi púk 3 păn héc ta. Danh đù cuồng pì nả, pưng xuần púk cò cào sù cốc khoẹ chi tẳng cốc hẳư àu dàng thử bấng.

Lằng ma côn dần phổng xùng xắc mắn, hôm đì, hôm hanh hẳư cò cào sù khèo chăn nẳng đìn pu Yền Bái chi mi khù ngai đì piến thái puồng kìn luông dú, pưa mi thù nhập tẹt tiêng té hay cò cào sù nị./.

                             Thuỳ- Tuấn- Xuân, Tòng Anh dịch

ꪁꪮꪥ ꪖꪱ ꪻꪎ ꪀꪷ ꪀꪱꪫ ꪎꪴ ꪮꪙꪸ ꪚꪱꪥ

ꪀꪷ ꪀꪱꪫ ꪎꪴ ꪼꪒ ꪜꪀꪴ ꪘꪉꪰ ꪭꪫꪙꪸ ꪪꪽ ꫄ꪊꪙ ꪵꪀꪉ ꪪꪽ ꪮꪙꪸ ꪵꪔ ꪜꪲ 2010. ꪵꪔ ꪙꪽ ꪣꪱ ꪝꪉꪳ ꪔꪱ ꪒꪙꪲ ꪝꪴ ꪒꪮꪙ ꪊꪒꪳ ꪊꪱꪉ ꪫꪱꪉ ꪹꪭ ꪁꪷ ꫃ꪜꪙ ꪜꪱ ꪀꪷ ꪀꪱꪫ ꪎꪴ ꪵꪄꪫ ꪋꪽ ꪡꪲ ꪹꪡ.

ꪼꪜ ꪩꪚꪸ ꪝꪉꪳ ꪎꪱ ꫄ꪎꪙ ꪹꪩꪉ ꪈꪸ ꫄ꪎꪙ ꪙꪣꪾ ꪚꪉꪴ ꪙꪣꪾ ꪵꪨꪉ …ꪄꪮꪉ ꪭꪫꪙꪸ ꪪꪰ ꫄ꪊꪙ ꪚꪮꪙ ꪻꪒ ꪁꪷ ꫃ꪬꪙ ꪜꪱ ꪀꪀꪷ ꪀꪱꪫ ꪎꪴ ꪵꪄꪫ ꪋꪽ ꪎꪒꪴ ꪠꪷ ꪩꪱꪥ ꪔꪱ. ꪝꪉꪳ ꪔꪱ ꪒꪙꪲ ꪜꪀꪴ ꪶꪀꪀ ꪵꪅꪀ ꪁꪷ ꪎꪉꪴ ꪤꪱꪫ 8 ꪹꪖꪀ. ꪀꪷ ꪣꪲ ꪶꪀꪀ ꪀꪫꪱꪉ ꪤꪱꪫ 40 ꫄ꪠꪙ ꪁꪮꪒ ꪹꪮꪱ ꪤꪱꪉ ꪖꪳ ꫄ꪚꪉ ꪁꪷ ꪣꪲ ꪤꪱꪉ ꪼꪨ ꪮꪮꪀ ꫃ꪜꪙ ꪝꪫꪸ. ꪹꪮꪥ ꪉꪫꪲ ꪗꪲ ꪘꪱꪣ ꫛ ꪼꪔ ꪘꪉꪰ ꪶꪓꪥ ꪀꪱꪫ ꪎꪴ ꪈꪸ ꫄ꪎꪙ ꪻꪬ ꪭꪴ ꪵꪔ ꫄ꪋ ꫃ꪥꪒ ꪶꪀꪉ ꫄ꪐꪙ ꪄꪮꪉ ꪶꪁꪉ ꪕꪲ ꪶꪀ ꫄ꪠꪙ ꪀꪱꪫ ꪎꪴ ꪮꪙꪸ ꪚꪱꪥ ꪖꪴ ꫄ꪑꪚ ꪄꪮꪉ ꪹꪮꪥ ꪵꪀꪉ ꪝꪲ ꪙꪮꪉ ꪶꪀꪉ ꫄ꪐꪙ ꪼ ꪒꪤꪱꪫ 3 ꪋꪫꪸ ꪢꪽ ꪢꪮꪥ ꫛ ꪢꪮꪥ ꪹꪚꪙ.

ꪶꪓꪥ ꪀꪱꪫ ꪎꪴ ꪎꪺꪥ ꪀꪫꪙꪸ ꪤꪴ ꪘꪉꪰ ꪭꪫꪙꪸ ꪪꪽ ꫄ꪊꪙ ꪒꪱꪉ ꪩꪣꪾ ꪒꪴ ꪀꪱꪥ 500 ꪵꪬꪀ ꪕꪱ ꪀꪷ ꪀꪱꪫ ꪎꪴ. ꪶꪀꪉ ꫄ꪐꪙ ꪄꪮꪉ ꪶꪓꪥ ꫄ꪡꪙ ꪨꪱꪥ ꪨꪷ ꪝꪲ ꪙꪮꪉ ꪹꪋ ꪙꪮꪥ ꫛ ꪘꪉꪰ ꪒꪸ ꪹꪠꪉ ꪀꪚꪾ ꪢꪀꪳ ꫄ꪉꪙ ꪹꪨꪉ ꪜꪽ ꫄ꪝꪉ ꪼꪜ ꪢꪮꪥ ꫛ ꪼꪒ 3 ꪋꪫꪸ ꪢꪽ ꪢꪮꪥ ꪵꪚꪙ.

ꪭꪮꪒ ꪼꪅ ꪶꪁꪉ ꪕꪲ ꪶꪀ ꫄ꪠꪙ ꪀꪱꪫ ꪎꪴ ꪮꪙꪲ ꪚꪱꪤ ꪀꪷ ꪜꪀꪴ ꪤꪱꪫ 2.300 ꪵꪬꪀ ꪕꪱ ꪀꪷ ꪀꪱꪫ ꪎꪴ. ꪀꪺꪉ ꪙꪽ ꪘꪉꪰ ꪭꪫꪙꪸ ꪪꪽ ꫄ꪊꪙ ꪀꪱꪥ 1.800 ꪵꪬꪀ ꪕꪱ, ꪀꪱꪥ ꪑꪉꪰ ꪔꪷ ꪻꪒ ꪨꪷ ꪘꪉꪰ ꪭꪫꪙꪸ ꪪꪽ ꪮꪙꪸ ꪋꪱꪣ ꪹꪔꪱ. ꪕꪮꪥ ꫃ꪀ ꪵꪭꪫꪀ ꪵꪔ ꪼꪅ ꪭꪮꪒ ꪜꪲ 2020 ꪶꪁꪉ ꪕꪲ ꪋꪲ ꪜꪀꪴ 3 ꪝꪽ ꪵꪬꪀ ꪕꪱ. ꪵꪥꪉ ꪒꪴ ꪀꪺꪉ ꪜꪲ ꪘꪱ ꪝꪉꪳ ꪎꪺꪙ ꪜꪴꪀ ꪀꪷ ꪀꪱꪫ ꪎꪴ ꪶꪀꪀ ꪵꪅꪫꪀ ꪊꪲ ꪼꪒ ꪔꪉꪰ ꪶꪀꪀ ꪹꪮꪱ ꪤꪱꪉ ꪖꪳ ꫄ꪚꪉ.

ꪨꪉꪰ ꪣꪱ ꫛ ꫄ꪤꪙ ꪶꪠꪉ ꪎꪉꪴ ꪎꪀꪰ ꪢꪽ ꪶꪭꪣ ꪒꪙꪲ ꪶꪭꪣ ꪵꪭꪉ ꪻꪬ ꪀꪷ ꪀꪱꪫ ꪎꪴ ꪵꪄꪫ ꪋꪽ ꪘꪉꪰ ꪒꪙꪲ ꪝꪴ ꪮꪙꪸ ꪚꪱꪥ ꪊꪲ ꪣꪲ ꪄꪴ ꪉꪱꪥ ꪒꪲ ꪜꪙꪸ ꪖꪱꪥ ꪜꪺꪉ ꪀꪙꪲ ꪩꪺꪉ ꪤꪴ ꪹꪝ ꪣꪲ ꪖꪴ ꫄ꪑꪚ ꪵꪕꪒ ꪕꪉꪸ ꪖꪔ ꪼꪭ ꪀꪷ ꪀꪱꪫ ꪎꪴ ꪙꪲ.

                                   ꪖꪫꪥꪲ- ꪎꪺꪙ- ꪔꪺꪙ- ꪕꪮꪉ ꪵꪯꪉ ꪥꪀꪲ