ꪹꪭꪙ ꪤꪱ ꪵꪔꪉ ꪩꪣꪾ ꪒꪴ ꪝꪀꪰ ꪵꪭꪉ ꪔꪲꪉ ꪹꪎꪷꪙ ꪨꪱ - ꪚꪮꪙ ꪕꪙꪲ ꪹꪋ ꪀꪮꪉ ꫛ ꫃ꪊꪚ

---------------------

ꪩꪉꪴ ꪩꪷ ꪪꪽ ꪶꪒꪥ ꪤꪴ ꪚꪱꪙ ꪝꪴ ꪻꪙ , ꪎꪱ ꪋꪉꪸ ꪨꪱ, ꪭꪫꪙꪸ ꪖꪺꪙ ꪹꪊꪱ, ꪔꪉꪲ ꪹꪎꪷꪙ ꪨꪱ

ꪼꪒ ꪋꪙꪸ ꪣꪱ ꪹꪤꪱ ꪤꪱ ꪘꪉꪷ ꪹꪭꪙ ꪤꪱ ꪵꪔꪉ ꪩꪣꪾ ꪒꪴ ꪝꪀꪰ ꪵꪭꪉ  ꫄ꪎꪙ ꪨꪱ ꪀꪚꪾ ꪩꪣꪾ  ꪣꪷ ꪹꪚꪱ ꪘꪉꪳ ꪼꪒ ꪹꪝ ꪶꪔꪀ ꪼꪨ ꫃ꪊꪚ ꪚꪱꪒ ꪭꪮꪒ ꪒꪀꪴ ꪎꪨꪉꪷ, ꪀꪱ ꪩꪣꪾ ꫛ ꪹꪚꪱ ꪘꪉꪳ ꪼꪒ ꪀꪙꪲ ꪙꪮꪙ ꪚꪮꪙ ꪒꪫꪥꪸ, ꪔꪣꪴ ꪶꪀꪙ ꪶꪜꪀ ꪼꪜ, ꪬꪱ ꪻꪊ ꪀꪚꪾ, ꪀꪱꪀ ꪀꪴ ꪊꪴ ꫃ꪉ ꪝꪮꪣ ꪴꪼꪒ ꫛ ꪮꪙꪳ ꫃ꪥꪒ ꪔꪱꪉꪌ ꪨꪉꪾꪤꪱꪙ ꫜ ꪼꪒ ꪮꪲ, ꪚꪱꪀ ꪎꪲ ꪹꪭꪙ ꪤꪱ ꪵꪔꪉ ꪩꪣꪾ ꪒꪴ ꪝꪀꪰ ꪵꪭꪉ  ꫄ꪎꪙ ꪨꪱ ꪶꪜꪉ ꪻꪊ ꪹꪤꪱ ꪤꪱꪶ ꪭꪮꪒ ꪼꪅ ꪩꪉꪴ ꪁꪷ ꪬꪱꪫ ꪵꪭꪉ ꪮꪮꪀ , ꪚꪮꪙ ꪜꪱꪀ ꪚꪱꪒ  ꪁꪷ ꪬꪮꪣ ꪹꪄꪱꪶ ꪙꪮꪙ ꪼꪶꪒ ꪹꪚꪱ ꫃ꪬꪙ ꪙꪾ ꪤꪱꪉ ꪹꪨꪉ ꪼꪨ ꪮꪀꪀ. ꪜꪱ ꪩꪷ  ꪖꪲ ꫃ꪊꪣ, ꪼꪕ ꪹꪬꪙ ꫛ ꫃ꪊꪚ ꪻꪬ ꪭꪴ:

ꪠꪺ ꪄꪮꪥ ꪋꪙꪸ ꪣꪱ ꪹꪤꪱ ꪤꪱ ꪘꪉꪷ ꪘꪲ, ꪼꪅ ꪁꪷ ꪬꪮꪣ ꪵꪫꪙ ꪨꪱꪥ ꪵꪩꪫ, ꪄꪮꪥ ꪁꪷ ꪶꪎꪣ ꪻꪊ ꪀꪚꪾ ꪫꪀꪸ ꫃ꪥꪒ ꪄꪮꪉ ꪼꪏ ꪤꪱꪶ ꪶꪠ ꪄꪮꪥ ꪑꪉꪷ ꪋꪲ ꪼꪒ ꪹꪤꪱ ꪤꪱ ꫃ꪬꪶꪉ ꪬꪱꪀ ꪫꪱ ꪄꪮꪥ ꪁꪷ ꪕꪙꪲ ꪹꪋ ꪻꪎ ꪩꪺꪉ ꪹꪤꪱ ꪤꪱ ꪄꪮꪈ ꪼꪏ ꪤꪱ ꪘꪉꪾ ꪘꪲ.

ꪀꪚꪾ 120 ꪹꪤꪉ ꪙꪮꪙ ꪻꪬ ꫛ ꫃ꪊꪚ , ꪀꪺꪉ ꪝꪉꪳ ꪜꪲ ꪀꪱꪥ ꪣꪱ, ꪹꪭꪙ ꪤꪱ ꪵꪔꪉ ꪩꪣꪾ ꪒꪴ ꪝꪀꪰ ꪵꪭꪉ  ꫄ꪎꪙ ꪨꪱ ꪁꪷ ꪹꪩꪷꪉ ꪑꪷ ꪎꪉꪴ ꪩꪱꪉ ꪒꪲ ꪫꪀꪸ ꪄꪱꪣ ꪤꪱ ꪹꪛꪸꪉ. ꪙꪚꪰ ꪦꪉꪸ ꪜꪲ 2016, ꪁꪷ ꪣꪲ ꪀꪱꪥ 2.900 ꪫꪒꪰ ꫛ ꪣꪱ ꪄꪱꪣ ꪵꪀꪉ ꪹꪤꪱ ꪤꪱ ꪹꪛꪸꪉ ꪘꪉꪰ ꪹꪭꪙ ꪤꪱ, ꪶꪀꪉ ꪎꪺꪒ ꪹꪥꪉ ꪙꪮꪙ ꪁꪒꪳ ꪼꪒ 53%, ꪶꪎ ꫛ ꪼꪒ ꪹꪤꪱ ꪤꪱ ꪬꪮꪣ ꪹꪛꪸꪉ ꪁꪷ ꪎꪴꪉ ꪹꪏ ꪜꪲ ꪀꪮꪙ. ꫛ ꪣꪱ ꪹꪤꪱ ꪤꪱ ꪹꪛꪸꪉ ꪹꪚꪱ ꪎꪺꪙ ꪕꪷ ꪤꪴ ꪘꪉꪰ ꪔꪲꪉ ꪹꪎꪷꪙ ꪨꪱ ꪩꪱ, ꪵꪩꪫ ꪑꪰꪉ ꪤꪴ ꪝꪳꪉ ꪔꪲꪉ ꪻꪎ ꪊꪣꪾ ꪵꪀꪉ ꪏꪱꪙ ꪔꪲꪉ ꪹꪚꪉ ꪚꪀꪰ ꪹꪣꪉ ꪩꪱꪫ. ꫛ ꪹꪤꪷꪙ ꪣꪱ ꪄꪱꪣ ꪤꪱ ꪹꪛꪸꪉ ꪘꪉꪰ ꪘꪲ ꪀꪚꪰ ꪨꪱꪥ ꪔꪱꪉ ꪹꪛꪸꪉ ꪨꪱꪀ ꪀꪽ, ꪹꪏꪉ: ꪹꪊꪸꪚ ꪒꪴꪀ ꪎꪨꪉꪰ, ꪹꪊꪸꪚ ꪵꪁꪉ ꪹꪊꪸꪚ ꪄꪱ, ꪬꪫꪸꪒ ꪮꪱꪚ ꪎꪉꪴ, ꪘꪫꪸ ꪚꪱꪙ. ꪹꪋꪷ ꪣꪱ ꪭꪮꪒ ꪹꪭꪙ ꪤꪱ, ꪀꪚꪰ ꪊꪣꪴ ꪢꪴ ꪼꪏ ꪤꪱ ꪼꪒ ꪚꪮꪀ ꪎꪮꪙ ꪒꪲ, ꪝꪮꪣ ꪀꪚꪰ ꪣꪲ ꪨꪱꪥ ꪔꪱꪉ ꪼꪢ ꪢꪮꪀ ꪔꪱꪉ ꪻꪢ , ꫛ ꪹꪊꪸꪚ ꪣꪱ ꪹꪤꪱ ꪤꪱ ꪘꪉꪰ ꪘꪲ ꪁꪷ ꪮꪙꪸ ꪻꪊ.

ꪙꪮꪀ ꪫꪀꪸ ꪹꪤꪱ ꪤꪱ ꪵꪀꪉ ꪩꪣꪾ ꪒꪴ ꪝꪀꪰ ꪵꪭꪉ ꪻꪬ ꫛ ꪹꪊꪸꪚ ꪭꪱꪥ ꪼꪎ ꪘꪱꪫ ꪣꪱ ꪹꪤꪱ ꪤꪱ ꪘꪉꪰ ꪹꪭꪙ ꪤꪱ, ꪹꪭꪙ ꪤꪱ ꪵꪔꪉ ꪩꪣꪾ ꪒꪴ ꪝꪀꪰ ꪵꪭꪉ  ꫄ꪎꪙ ꪨꪱ ꪑꪉꪰ ꪜꪀꪴ ꪝꪺ ꪫꪀꪸ ꪩꪣꪾ ꪒꪴ ꪝꪀꪰ ꪵꪭꪉ ꪻꪬ ꫛ ꪹꪤꪷꪙ ꪊꪺꪉ ꪚꪱꪙ ꪹꪣꪉ. ꪹꪝ ꫛ ꪹꪊꪸꪚ ꪭꪱꪥ ꪼꪎ ꪘꪱꪫ ꪊꪺꪉ ꪚꪱꪙ ꪹꪣꪉ ꪹꪁꪷꪙ ꪼꪒ ꪩꪣꪾ ꪒꪴ ꪝꪀꪰ ꪵꪭꪉ ꪣꪲ ꪨꪱꪥ , ꪬꪱꪀ ꪫꪱ ꪶꪎ ꪹꪥꪉ ꪙꪮꪙ ꪹꪤꪱ ꪤꪱ ꪹꪛꪸꪉ ꪄꪮꪉ ꪹꪭꪙ ꪤꪱ ꪁꪷ ꪹꪚꪱ ꪼꪒ ꪕꪷ ꪻꪒ , ꪹꪏꪉ ꪙꪽ ꪹꪭꪙ ꪤꪱ ꪁꪷ ꪹꪝꪷꪉ ꪻꪎ ꪹꪉꪷꪙ ꪶꪀꪀ ꪄꪮꪉ ꪹꪊꪉ ꪊꪉꪲ ꪮꪲ ꪹꪔꪸ ꪵꪠꪙ ꪹꪣꪉ ꪼꪫ ꪹꪤꪱ ꪤꪱ ꪹꪛꪸꪉ ꪘꪉꪰ ꪚꪱꪙ ꪹꪢꪉ.

ꪜꪲ 2016 ꪹꪭꪙ ꪤꪱ ꪵꪔꪉ ꪩꪣꪾ ꪒꪴ ꪝꪀꪰ ꪵꪭꪉ ꪔꪉꪲ ꫄ꪎꪙ ꪨꪱ ꪁꪷ ꪭꪴꪉ ꪘꪱ ꪣꪱ ꪔꪱ ꪼꪒ ꪐꪽ ꪭꪺꪙ ꪹꪋꪉ ꪨꪱꪫ ꪶꪒꪉ ꪔꪱꪉ 2 ꪄꪮꪉ ꪊꪴ ꪕꪀꪲ ꪹꪣꪉ ꪶꪑꪣ ꪎꪮꪉ ꪻꪬ. ꪉꪮꪙ ꪹꪖꪉ ꪀꪫꪲ ꪵꪝꪉ ꪙꪽ ꪹꪕꪸꪉ ꪨꪷ ꪄꪴ ꪭꪉꪴ ꪘꪱ ꪣꪱ ꪔꪱ, ꪹꪕꪸꪉ ꪨꪷ ꪚꪮꪙ ꪹꪝꪷꪉ ꪼꪫ ꪑꪮꪉ ꪑꪷ ꪊꪴꪣ ꪢꪴꪼꪎ ꪤꪱ ꪔꪣꪳ ꪣꪀꪰ ꪣꪺꪙ , ꪹꪢꪸꪒ ꪻꪊ ꪹꪢꪸꪒ ꪵꪭꪉ ꪀꪚꪰ ꪫꪀꪸ ꪹꪥꪸꪒ ꪋꪺꪉ ꪭꪮꪉ ꫛ ꪹꪤꪷꪙ , ꪑꪷ ꪎꪴꪉ ꪩꪱꪉ ꪒꪲ ꪫꪀꪸ ꪄꪱꪣ ꪤꪱ ꪹꪛꪸꪉ ꪻꪬ ꪋꪴ ꫛ.

                                                                                            ꪹꪩꪉ ꪵꪬꪉ - ꪵꪖꪉ ꪥꪀꪲ