ꪶꪛ ꪶꪓꪥ ꪒꪱꪫ ꪵꪄꪫ ꪶꪭꪣ ꪵꪭꪉ ꪋꪮꪥ ꫄ꪤꪙ ꪶꪠꪉ ꪵꪒꪙ ꪹꪣꪉ ꪤꪮꪙ ꪂꪸ ꪁꪒꪷ ꪁꪉꪴ

          ꪋꪺ ꪹꪭꪙ ꪹꪮꪥ ꪫꪲ ꪖꪲ ꪹꪎꪉ, ꪤꪴ ꪘꪉꪷ ꪚꪱꪙ ꪙꪱ ꪥꪱꪀ ꪎꪱ ꪋꪉꪸ ꪮꪙ ꪭꪫꪙꪸ ꪮꪙꪸ ꪹꪋꪱ ꪔꪉꪲ ꫄ꪎꪙ ꪨꪱ ꪨꪷ ꪋꪺ ꪹꪭꪙ ꫜ ꪀꪺꪉ ꪝꪉꪳ ꪋꪺ ꪹꪭꪙ ꪁꪒꪷ ꪀꪺꪉ ꪎꪱ. ꪠꪺ ꫃ꪢꪒ ꫄ꪓꪥ ꪎꪸ ꪑꪉꪷ ꪕꪷ 2 ꪵꪣ ꪩꪀꪴ ꫄ꪝꪉ ꪻꪎ ꪀꪽ, ꪨꪱꪥ ꪜꪲ ꪀꪱꪥ ꪣꪱ, ꪜꪺꪉ ꪀꪙꪲ ꪩꪺꪉ ꪤꪴ 2 ꪵꪣ ꪩꪀꪴ ꪮꪱꪫ ꪄꪷ ꪣꪷ ꪥꪱꪀ ꪋꪱ. ꫄ꪩꪉ ꪄꪱꪒ ꪹꪝꪀ ꫄ꪋ ꪤꪱꪀ ꫃ꪤꪙ. ꪹꪝ ꪣꪲ ꪩꪺꪉ ꪋꪮꪥ ꪹꪤ ꪢꪮꪥ ꪹꪚꪙ 10 ꫄ꪀꪙ ꪹꪄꪱ ꪎꪱꪙ ꪵꪔ ꪹꪊꪉ ꪊꪉꪲ : ꫁ ꪼꪬ ꪹꪄꪱ ꪮꪙꪲ ꪹꪎꪉ” ꪄꪮꪉ ꪶꪓꪙ ꪵꪒꪙ ꪹꪣꪉ 461 ꪋꪉꪸ ꪮꪙ , 2 ꪵꪣ ꪩꪀꪴ ꪁꪷ ꪣꪲ ꪝꪷ ꪹꪄꪱ ꪀꪙꪲ, ꪹꪚꪱ ꪹꪋꪱ ꪨꪷ ꪄꪱꪒ ꪹꪝ ꪹꪏꪉ ꪀꪮꪙ ꪙꪲ ꪵꪩꪫ.

          ꪨꪷ ꪋꪺ ꪹꪭꪙ ꪁꪒꪷ ꪋꪺ ꪹꪭꪙ ꪯꪱꪥ ꪶꪎꪉ ꪮꪱ ꪶꪊꪉ ꪤꪴ ꪚꪱꪙ ꪵꪀꪫ ꪶꪒꪙ ꪎꪱ ꪋꪉꪾ ꪮꪙ ꪭꪫꪙꪸ ꪮꪙꪸ ꪹꪊꪱ ꪀꪷ ꪼꪒ ꪊꪙꪸ ꪎꪲ ꪶꪓꪙ ꪵꪒꪙ ꪹꪣꪉ 461 ꪼꪬ ꪶꪔ ꪵꪚ ꪣꪱ ꪵꪔꪉ ꪩꪉꪸ ꪵꪔ ꪹꪊꪉ ꪊꪉꪲ “ ꫃ꪈꪙ ꪭꪱꪉ ꪵꪚ ꪹꪋ” ꪄꪮꪉ ꫄ꪒꪙ ꪫꪲ ꪼꪫ ꪋꪺ ꪹꪭꪙ ꪯꪱꪥ ꪶꪊꪉ ꪢꪱ ꪵꪝ ꪫꪀꪸ ꪵꪔꪉ ꪩꪉꪸ ꪣꪲ ꪔꪣꪳ ꪵꪕꪙ ꫄ꪉꪙ ꪎꪴ ꪶꪤꪉ ꪭꪱꪉ ꪣꪳ. ꪼꪅ ꪶꪒꪥ ꪵꪚ ꪄꪮꪉ ꪋꪺ ꪹꪭꪙ ꪮꪱꪥ ꪁꪷ ꪢꪱ ꪵꪝ ꪮꪮꪀ ꪩꪀꪴ ꪼꪒ ꪋꪴ ꪶꪀꪀ ꪵꪅꪫꪀ.

          ꪶꪓꪙ ꪵꪒꪙ ꪹꪣꪉ 461 ꪋꪉꪸ ꪮꪙ, ꪮꪙꪸ ꪹꪊꪱ ꪀꪫꪱꪙ ꪨꪲ ꪋꪲ ꪮꪱꪫ ꪭꪮꪒ 30 ꪼꪀ ꪶꪎ ꪕꪱꪉ ꪵꪒꪙ ꪹꪣꪉ ꪀꪚꪾ ꪝꪉꪳ ꪔꪉꪲ ꪚꪀꪷ ꪩꪱꪫ ꪀꪚꪾ 18 ꪹꪎꪱ ꪨꪀꪷ ꪢꪱꪥ ꪵꪒꪙ ꪹꪣꪉ , ꪀꪫꪱꪙ ꪨꪲ 2 ꪎꪱ ꪵꪒꪙ ꪹꪣꪉ ꪨꪷ ꪎꪱ ꪋꪉꪸ ꪮꪙ ꪵꪀꪉ ꪠꪉꪸ ꪁꪫꪱꪥ ꪭꪫꪙꪸ ꪮꪙꪸ ꪹꪊꪱ. ꪀꪺꪉ ꪝꪉꪳ ꪜꪲ ꪀꪱꪥ ꪣꪱ, ꪙꪮꪤꪀ ꪋꪙꪸ ꪜꪱꪫ, ꪹꪊꪉ ꪹ꫄ꪋꪤꪙ ꪹꪣꪉ ꪋꪴ ꪹꪋ ꫛ ꪝꪉꪳ ꪎꪱ ꪵꪒꪙ ꪹꪣꪉ ꪁꪱꪒ ꪎꪱꪙ ꫄ꪊꪚ ꪙꪣꪾ ꪒꪲ ꪩꪺꪉ ꪕꪱꪉ, ꪊꪉꪲ ꪵꪎꪀ ꪄꪮꪉ ꪒꪱꪉ ꪠꪱꪚ ꪩꪺꪒ ꪄꪮꪉ ꪹꪭꪙ ꪹꪘꪀ ꪋꪳ ꪢꪽ ꪉꪸ ꪁꪱꪒ ꪩꪣꪡ ꪎꪱꪙ ꪀꪚꪾ ꫄ꪤꪙ ꪹꪣꪉ 2 ꪠꪱꪥ ꪵꪒꪙ ꪹꪣꪉ , ꫄ꪙ ꪫꪲ ꪁꪷ ꫄ꪊꪚ ꪙꪣꪾ ꪀꪚꪾ ꪝꪉꪳ ꪫꪀꪸ ꫃ꪤꪒ ꪅꪀꪷ ꪅꪷ ꪀꪱꪒ ꪁꪙꪸ ꪀꪚꪾ ꪬꪱ ꪡꪮꪉ ꪘꪉꪷ ꪓꪸ ꪼꪫ ꪋꪮꪥ ꪹꪤ ꪝꪸ ꪙꪮꪉ ꪶꪠꪉ ꪵꪒꪙ ꪹꪣꪉ ꪢꪱ ꪼꪄ ꪀꪉꪲ ꫃ꪔ ꪄꪱꪣ ꪄꪮꪥ ꪎꪸ ꪮꪒꪳ ꪤꪱꪀ ꪁꪒꪷ ꪁꪉꪴ.

          ꪝꪉꪳ ꪹꪊꪉ ꪊꪉꪲ ꪵꪊꪉ ꪖꪲ ꪹꪏꪉ : ꪼꪬ ꪹꪄꪱ ꪮꪙꪲ ꪹꪎꪉ”, ꫄ꪈꪙ ꪭꪱꪉ ꪵꪚ ꪹꪋ”, “ ꪋꪮꪥ ꪭꪉ ꪙꪮꪉ ꪼꪜ ꪹꪋꪉ ꪵꪮꪚ ꪎꪳ”, ꪝꪉꪳ ꪹꪊꪉ ꪊꪉꪲ ꪹꪫꪱ ꪹꪘ ꪝꪮꪣ ꪼꪒ ꪀꪱꪙ ꪶꪛ, ꪊꪙꪸ ꪎꪲ ꪘꪉꪷ ꪶꪓꪙ ꪖꪮꪀ ꫃ꪉꪙ ꪹꪨꪉ ꪮꪮꪀ ꪹꪚꪱ ꪁꪷ ꪵꪚꪉ ꪵꪔ ꪹꪝ ꪀꪙꪲ ꪭꪱꪉ ꪣꪳ ꪄꪮꪉ ꪹꪊꪱ ꪼꪫ ꫄ꪊꪚ ꪙꪣꪾ. ꪬꪉꪲ ꪙꪚꪾ ꪀꪺꪉ ꪜꪲ ꪀꪱꪥ ꫄ꪙ ꪫꪲ ꪁꪷ ꪶꪑꪣ ꪎꪮꪉ 4 ꪶꪒꪥ ꪵꪚ ꪻꪬ 4 ꪋꪺ ꪹꪭꪙ ꪵꪔꪉ ꪩꪉꪸ ꪣꪲ ꪁꪱ ꪋꪲ ꪮꪫꪱ ꪭꪮꪒ 500 ꫄ꪀꪙ ꪹꪄꪱ ꪎꪱꪙ ꪋꪮꪥ 2 ꪙꪮꪉ ꪭꪮꪀ ꪎꪉꪲ ꪨꪷ ꪩꪀꪴ ꪙꪮꪉ ꪹꪋ ꪙꪮꪥ ꫛ ꪹꪭꪙ ꪤꪱꪫ ꪝꪷ ꪨꪱꪥ ꪥꪱꪀ ꪋꪱ ꪘꪉꪷ ꪀꪺꪉ ꪶꪠꪉ ꪵꪀꪉ ꪙꪮꪉ ꫛ ꪤꪴ ꪚꪱꪙ ꪶꪎꪚ ꪒꪉꪴ - ꪙꪱ ꪕꪉ, ꪹꪣꪉ ꪩꪱꪫ ,  ꪀꪚꪾ ꪢꪀꪳ ꪋꪮꪥ ꪹꪤ 500 ꪝꪽ ꪢꪽ ꪢꪮꪥ ꪹꪚꪙ ꪢꪮꪥ ꪙꪮꪉ ꪹꪕꪱ ꪭꪮꪒ ꫄ꪋ ꪻꪒ ꪝꪉꪳ ꪙꪮꪉ ꪵꪮꪚ ꪵꪩꪫ ꪶꪠ ꪶꪖꪉ. ꪝꪉꪳ ꪫꪀꪸ ꫄ꪤꪒ ꪅꪀꪷ ꪅꪷ ꪄꪮꪉ ꪀꪱꪙ ꪶꪛ, ꪊꪙꪸ ꪎꪲ ꪶꪓꪙ ꪵꪒꪙ ꪹꪣꪉ 461 ꪁꪷ ꪶꪭꪣ ꫃ꪡꪙ ꪻꪎ ꪫꪀꪸ ꪤꪮꪙ ꪎꪸ ꪶꪎ ꪋꪺ ꪹꪭꪙ ꪁꪒꪷ, ꪊꪮꪉ ꪵꪭꪉ ꪹꪚꪱ ꪣꪲ ꪋꪺ ꪹꪭꪙ ꪮꪒꪳ ꪤꪱꪀ ꪘꪉꪷ ꪵꪒꪙ ꪹꪣꪉ ꪼꪒ ꪶꪓꪙ ꪀꪫꪱꪙ ꪨꪲ. ꪵꪔ ꪙꪽ ꪹꪊꪉ ꪹꪋ ꪝꪲ ꪙꪮꪉ ꪊꪮꪉ ꪵꪭꪉ ꪶꪋꪣ ꪭꪚꪾ ꪬꪱ ꪡꪮꪉ ꫃ꪕꪉ ꪨꪱꪥ ꫄ꪤꪙ ꪹꪣꪉ ꪼꪜ ꪋꪳ ꪕꪉꪸ ꪮꪱꪙ ꪶꪠꪉ ꪵꪒꪙ ꪹꪣꪉ.

          ꪘꪉꪷ ꪶꪠꪉ ꪵꪒꪙ ꪹꪣꪉ ꪼꪔ ꪚꪀꪷ ꪄꪮꪉ ꪚꪱꪙ ꪹꪣꪉ, ꪏꪣꪴ ꪯꪱꪥ ꪶꪛ ꪶꪓꪥ ꪒꪱꪫ ꪵꪄꪫ ꫄ꪎꪙ ꪨꪱ ꪒꪱꪉ ꪝꪮꪣ ꪀꪚꪾ ꪝꪷ ꪵꪣ ꫄ꪤꪙ ꪹꪣꪭ ꪶꪠꪉ ꪵꪒꪙ ꪹꪣꪉ ꪔꪣꪴ ꪝꪺ ꪉꪸ ꪀꪱꪒ ꪩꪺꪉ ꪎꪱꪙ , ꪝꪮꪣ ꪀꪽ ꪶꪭꪣ ꪵꪭꪉ ꪔꪉꪷ ꪵꪔꪉ ꪵꪀꪉ ꪼꪜ ꪋꪳ ꪄꪮꪚ ꪙꪣꪾ ꪵꪒꪙ ꪒꪙꪲ ꪚꪱꪙ ꪹꪣꪉ ꪕꪉꪸ ꪮꪱꪙ ꪵꪒꪙ ꪹꪣꪉ ꪄꪮꪉ ꪚꪱꪙ ꪹꪣꪉ.

                                                                   ꪖꪱꪫ ꪩꪲ - ꪵꪭꪉ ꪥꪀꪲ

Bộ đội đào kheo hôm hanh choi dân phổng

đen mương dón xia cặt cung

          Chua hươn ưởi Vi Thị Xướng, nẳng bản Nà Dạ, xã Chiêng On, huyện Yên Châu, tỉnh Sơn La lỏ chua hươn nưng cuông pưng chua hươn cặt cuông xã. Phua mết xia nhăng to 2 me lụk pâng sáư căn, lai pi cài ma, puông kin luông dú 2 me lụk áo khó mo dạk cha, lâng khát pưa chơ mua dák dên. Pưa mi luông choi dừa mỏi bươn 10 cân khảu san, té chương trình: “ hay khảu ín xương” khong Đôn đen mương 461 Chiêng On, 2 me lụk cọ mi po khảu kin, báu chau lo khát pựa xương cón nị lẹo.

          Lỏ chua hươn cặt, chua hươn ai Sồng Lao Chồng, dú bản Kéo Đồn xã Chiêng On, huyện Yên Châu cọ đảy chiến sỹ Đôn đen mương 461 hảu tô bẻ vạy tảnh liệng, té chương trình “ Ngân hang bẻ chựa” khong đơn vị vạy chua hươn ai Chồng mả pe vịa tảnh liệng mi tứm ten ngơn xủ dống hạng mự. Khạy đôi bẻ khong đơn vị hảu chua hươn ai cọ mả pe ók lụk đảy chu cốc khọe.

          Đôn đen mương 461 Chiêng On, Yên Châu quản lý chi áo họt 30 cay số tang đen mương cắp pưng tỉnh Bắc Lao, cắp 18 sàu lắc mài đen mương, quản lý 2 xã đen mương lỏ xã Phiêng Quai cánh Chiêng On, huyện Yên Châu. Cuông pưng pi cài ma, nọk chiên páo, chướng chưa dân mương chu chựa côn pưng xã đen mương cạt san, chấp năm đì luông tang, chính sách khong Đảng, pháp luật khong Hươn nước, chự mẳn nghịa cạt luông san cắp dân mương 2 phái đen mương, đơn vị cọ chấp năm cắp pưng vịa dệt khặc khọ, cạt kiên cắp há phong nẳng địa phương vạy choi dừa pi nọng phổng đen mương mả khày kinh tế khảm khói xia cặt cung. Pưng chương trình chanht thí xương “ Hay khảu ín xương”, “ Ngân hang bẻ chựa”, “ Choi hanh nong pày trương ép sừ”, pưng chương trình vạu nừa pọm đảy cán bộ, chiến sỹ nẳng đôn thók ngơn lương báu cọ bánh té pựa kin hạng mự khong chảu vạy chấp năm.

          Hính nặp cuông pi cài, đơn vị cọ nhôm xỏng 4 đôi bẻ chựa hảu 4 chua hươn tảnh liệng mi ca chi áo họt 23 triệu mằn. Té hay khảu ín xương đơn vị cọ phảy dom chi áo họt 500 cân khảu san choi dừa 31 chua hươn nẳng xã Chiêng On. Nọk nặn ók, đơn vị nhăng nhẳn choi 2 nọng học sinh lỏ lụk nọng chựa nọi côn  hươn dảo pọ lai dạk cha nẳng cuông phổng cánh nọng nưng nẳng bản Sốp Đung - Na Tung mương Lao, cắp mức choi dừa 500 păn mằn mỏi bươn mỏi nọng tạu họt chơ đàư pưng nọng ép lẹo phổ thông. Pưng vịa dệt khặc khọ khong cán bộ, chiến sỹ đôn đen mương 461 cọ hôm phân sáư vịa dón xia số chua hươn cặt, chóng hanh báu mi chua hươn ứt dák nẳng đen mương đảy đôn quản lý. Té nặn chướng chưa pi nọng chóng hanh chôm hặp há phong tênh lai dân mương pảy chự tiêng an phổng đen mương.

          Nẳng phổng đen mương Tây Bắc khong bản mương, xum ai bộ đội đào kheo Sơn La đang pọm cắp po me dân mương phổng đen mương tủm pua nghịa cạt luông san, pọm căn hôm hanh tẳng tánh cánh pảy chự khóp nặm đen đin bản mương, tiêng an đen mương khòng bản mương.

                                                                   Thào Ly - Hạnh dịch