Bón nặm kìn đìn dú chăn khèo pẹk xằư nẳng

xã Chiêng Đèn, Sơn La

          Xã Chiêng Đèn, thành phố Sơn La mi 6 chựa côn kìn dú, phân lài lỏ phủ Tay. Cón nị pi nọng lâng lánh ngua quai nẳng cỏng lang, khỉ khún ngua quai cọ dệt uối hại họt bón nặm kìn đìn dú. Pưng pì cài ma, chính quyên địa phường cọ khâng chằư chiên páo tựng chua hươn ma tang khù uối hại khòng hịt khong nị, cài nặn pua xùng luông hụ xiêng khòng côn dần ma tang vịa pảy chự bón nặm kìn đìn dú.

          Khạy nị, tênh cá xã mi cài 1200 chua hươn tảnh liệng ngua quai, mù, pết páy, cuồng nặn mi dáo 80% chua hươn tảnh liệng ngua quai cọ dệt cọk bâng ók lắc hươn, toi luông chík bók khòng cán bộ xã hẳư chọp xồm cắp luông pùn ma tang bón nặm kìn đìn dú. Pộn dỏn xương chua hươn lung Lèo Văn Xuấn, cón nị tảnh liệng ngua nẳng cỏng lang, uối mìn, dệt hại họt pặc hanh khòng chu côn cuồng hươn. Pì 2014, đảy cán bộ xã chiên páo niếu chưa, lung cọ hằn hanh dòm ók 60 triệu mằn vạy xày cọk bâng liệng mù  cánh àu cài 20 tồ mù ók khói lang. Khạy chua hươn lung cọ báu đảy kìn dú cắp hời ài mìn cao xương cón nị lẹo, vịa tảnh liệng cọ ngai đì xưa.

          Pọm cắp nả vịa chiên páo, niếu chưa côn dần pả vang xìa pưng luông tảnh liẹng cáu ké, xã nhăng niếu chưa côn dần tẳng thiềng xìa men luông pùn, họt khạy tênh cá xã mi 65% thiềng xìa nhẳn pao men luông pùn.

          Pọm cắp nả vịa nặn, Hội liên hiệp phủ nhinh xã lângniếu chưa ưởi nọng pảy chự bón nặm kìn đìn dú. Xương phẻo tọn, khút long hong nặm, nhẳn pao hẳư bón nặm kìn đìn dú pẹk xằư, chăn khèo.

Cắp luông cóp pặc hôm hanh khòng cán bộ cánh chu chựa dần mương, xã Chiêng Đèn cọ đàng piến thái tựng mự, chóng hanh họt lả pì xã chí cựt đảy luông pùn phén mương ma tang bản na mắư./.

                                       Hoàng Long-Huyền dịch

                             ꪚꪮꪙ ꪙꪣꪾ ꪀꪙꪲ ꪒꪙꪲ ꪤꪴ ꪋꪽ ꪵꪄꪫ ꪵꪜꪀ ꪻꪎ ꪘꪉꪰ ꪎꪱ ꪋꪉꪸ ꪵꪒꪙ ꫄ꪎꪙ ꪨꪱ

ꪎꪱ ꪋꪉꪸ ꪵꪒꪘ ,ꪵꪗꪉ ꪶꪠ ꫄ꪎꪙ ꪨꪱ ꪣꪲ 6 ꪹꪋ ꫛ ꪀꪙꪲ ꪤꪴ, ꫄ꪡꪙ ꪨꪱꪥ ꪨꪷ ꪠꪴ ꪼꪕ. ꪀꪮꪙ ꪙꪲ ꪝꪲ ꪙꪮꪉ ꫄ꪩꪉ ꪵꪨꪉ ꪉꪺ ꪁꪫꪱꪥ ꪘꪉꪰ ꪀꪮꪉ ꪩꪱꪉ ꪄꪲ ꪄꪴꪙ ꪉꪺ ꪁꪫꪱꪥ ꪁꪷ ꫃ꪥꪒ ꪮꪺꪥ ꪭꪱꪥ ꪭꪮꪒ ꪚꪮꪙ ꪙꪣꪾ ꪀꪙꪲ ꪒꪙꪲ ꪤꪴ. ꪝꪉꪳ ꪜꪲ ꪀꪱꪥ ꪣꪱ ꪊꪉꪲ ꪁꪫꪙꪸ ꪒꪸ ꪵꪠꪉ ꪁꪷ ꫄ꪅꪉ ꪻꪊ ꪋꪙꪸ ꪜꪱꪫ ꪣꪱ ꪕꪱꪉ ꪄꪴ ꪮꪺꪥ ꪭꪱꪥ ꪄꪮꪉ ꪭꪲꪒ ꪙꪲ, ꪀꪱꪥ ꪙꪽ ꪝꪺ ꪎꪴꪉ ꪩꪺꪉ ꪭꪳ ꪏꪉꪸ ꪄꪮꪉ ꫛ ꫄ꪤꪙ ꪣꪱ ꪕꪱꪉ ꪼꪜ ꪋꪳ ꪚꪮꪙ ꪙꪣꪾ ꪀꪙꪲ ꪒꪙꪲ ꪤꪴ.

ꪼꪅ ꪙꪲ, ꫃ꪕꪉ ꪀꪱ ꪎꪱ ꪣꪲ ꪀꪱꪥ 1200 ꪋꪺ ꪹꪭꪙ ꪵꪔꪉ ꪩꪉꪲ ꪎꪒꪰ ꪎꪉꪲ, ꪀꪺꪉ ꪙꪽ ꪢꪲ ꪤꪱꪫ 80% ꪋꪺ ꪹꪭꪙ ꪵꪔꪉ ꪩꪉꪸ ꪉꪺ ꪁꪫꪱꪥ ꪁꪷ ꫃ꪥꪒ ꪁꪮꪀ ꫄ꪛꪉ ꪵꪔꪉ ꪩꪉꪸ ꪮꪮꪀ ꪨꪀꪰ ꪹꪭꪙ ꪕꪮꪥ ꪩꪺꪉ ꪋꪲ ꪚꪮꪀ ꪄꪮꪉ ꪀꪱꪙ ꪶꪛ ꪎꪱ ꪼꪬ ꪋꪮꪚ ꪶꪎꪣ ꪀꪚꪾ ꪩꪺꪉ ꪜꪴꪙ ꪣꪱ ꪕꪱꪉ ꪚꪮꪙ ꪙꪣꪾ ꪀꪙꪲ ꪒꪙꪲ ꪤꪴ. ꪶꪝꪙ ꪤꪮꪙ ꪹꪏꪉ ꪋꪺ ꪹꪭꪙ ꪩꪉꪴ ꪵꪩꪫ ꪪꪽ ꪎꪺꪙ ꪀꪮꪙ ꪙꪸ ꪵꪔꪉ ꪩꪉꪸ ꪢꪴ ꪘꪉꪰ ꪀꪮꪉ ꪩꪱꪉ ,ꪮꪺꪥ ꪢꪙꪲ ꫃ꪥꪒ ꪭꪱꪥ ꪭꪮꪒ ꪝꪀꪰ ꪵꪭꪉ ꪋꪴ ꫛ ꪀꪺꪉ ꪹꪭꪙ. ꪜꪲ 2014 ꪼꪒ ꪀꪱꪙ ꪶꪛ ꪎꪱ ꪋꪙꪸ ꪜꪱꪫ ꪘꪫꪸ ꪹꪋ ꪩꪴꪉ ꪁꪷ ꪬꪽ ꪵꪭꪉ ꪤꪮꪣ ꪮꪮꪀ 50 ꪋꪫꪸ ꪢꪽ ꪼꪫ ꪼꪎ ꪁꪮꪀ ꫄ꪚꪉ ꪩꪉꪸ ꪢꪴ ꪵꪀꪉ ꪹꪮꪱ 20 ꪶꪔ ꪢꪴ ꪮꪮꪀ ꪄꪮꪥ ꪩꪱꪉ. ꪼꪅ ꪋꪺ ꪹꪭꪙ ꪩꪴꪉ ꪁꪷ ꪹꪚꪱ ꪼꪒ ꪀꪙꪲ ꪤꪴ ꪀꪚꪾ ꫄ꪬꪥ ꪮꪱꪥ ꪢꪲꪙ ꪁꪱꪫ ꪹꪏꪉ ꪀꪮꪙ ꪙꪲ ꪵꪩꪫ , ꪫꪀꪸ ꪵꪔꪉ ꪨꪉꪸ ꪁꪷ ꪉꪱꪥ ꪒꪲ ꪹꪏ. ꪝꪮꪣ ꪀꪚꪾ ꪘꪱ ꪫꪀꪸ ꪋꪙꪸ ꪜꪱꪫ ꪹꪊꪉ ꪹꪋ ꫛ ꫄ꪤꪙ ꪜꪱ ꪫꪱꪉ ꪎꪸ ꪝꪉꪳ ꪩꪺꪉ ꪵꪔꪉ ꪩꪉꪸ ꪹꪀꪱ ꪵꪀ ,ꪎꪱ ꪑꪉꪰ ꪘꪫꪸ ꪹꪋ ꫛ ꫄ꪤꪙ ꪔꪉꪰ ꪖꪉꪸ ꪎꪸ ꪵꪣꪙ ꪩꪺꪉ ꪜꪴꪙ ,ꪭꪮꪒ ꪼꪅ ꫃ꪕꪉ ꪀꪱ ꪎꪱ ꪣꪲ 65% ꪖꪉꪸ ꪎꪸ ꪐꪽ ꪝꪱꪫ ꪵꪣꪙ ꪩꪺꪉ ꪜꪴꪙ.

ꪝꪮꪣ ꪀꪚꪾ ꪘꪱ ꪫꪀꪸ ꪙꪽ ꪶꪭꪥ ꪨꪙꪸ ꪬꪚꪸ ꪠꪴ ꪑꪉꪲ ꪎꪱ ꫄ꪩꪉ ꪹꪊꪉ ꪹꪋ ꪹꪮꪥ ꪙꪮꪉ ꪼꪜ ꪋꪳ ꪚꪮꪙ ꪙꪣꪾ ꪀꪙꪲ ꪒꪙꪲ ꪤꪴ. ꪹꪏꪉ ꪵꪠꪫ ꪕꪮꪙ ꪼꪔ ꪩꪱꪉ ꪀꪱꪉ ꪄꪺꪉ ,ꪄꪴꪒ ꪩꪮꪉ ꪭꪮꪉ ꪙꪣꪾ ,ꪐꪽ ꪝꪱꪫ ꪵꪜꪀ ꪼꪎ ꪚꪮꪙ ꪙꪣꪾ ꪀꪙꪲ ꪒꪙꪲ ꪤꪴ ꪋꪽ ꪵꪄꪫ.

ꪀꪚꪾ ꪩꪺꪉ ꪀꪮꪚ ꪝꪀꪰ ꪶꪭꪣ ꪵꪭꪉ ꪄꪮꪉ ꪀꪱꪙ ꪶꪛ ꪵꪀꪉ ꪋꪴ ꪹꪋ ꫄ꪤꪙ ꪹꪣꪉ ,ꪎꪱ ꪋꪉꪸ ꪵꪒꪙ ꪁꪷ ꪒꪱꪈ ꪜꪙꪸ ꪖꪱꪥ ꪕꪉꪳ ꪣꪳ ,ꪊꪮꪉ ꪵꪭꪉ ꪭꪮꪒ ꪨꪱ ꪜꪲ ꪙꪲ ꪎꪱ ꪋꪲ ꪁꪒꪳ ꪼꪒ ꪩꪺꪉ ꪜꪙ ꪵꪠꪙ ꪹꪣꪉ ꪣꪱ ꪕꪱꪉ ꪚꪱꪙ ꪙꪱ ꪻꪢ.

ꪹꪩꪉ ꪬꪫꪙꪸ ꪤꪲꪀ