ꪜꪲ  2017 - ꪜꪲ ꪣꪺꪙ ꪣꪺ ꪄꪮꪉ ꪉꪸ ꪁꪱꪒ ꪩꪺꪉ ꪎꪱꪙ ꪫꪒꪸ - ꪩꪱꪫ

          ꪉꪸ ꪁꪱꪒ ꪩꪺꪉ ꪎꪱꪙ ꪫꪒꪸ - ꪩꪱꪫ ꪼꪒ ꪊꪴ ꪔꪀꪲ ꪶꪭ ꪊꪲ ꪢꪉꪲ ꪵꪀꪉ ꪊꪴ ꪕꪀꪲ ꪼꪀ - ꪎꪮꪙ ꪶꪡꪣ ꪫꪲ ꪬꪱꪙ ꪵꪀꪉ ꪊꪴ ꪕꪀꪲ ꪶꪏ ꪫꪱ ꪙꪴ ꪶꪫꪉ ꪀꪫꪥꪲ ꪵꪝꪉ ꪵꪔꪉ ꪨꪱ ꪵꪀꪉ ꪔꪣꪴ ꪝꪺ, ꪋꪳ ꪬꪣꪸ ꫃ꪢꪒ ꪹꪚꪱ ꪊꪀꪷ ꪕꪷ ꪻꪒ ꪝꪀꪾ ꪵꪭꪉ ꪒꪒꪴ ꪹꪩꪒ ꪄꪮꪉ ꪨꪱꪥ ꪜꪙꪴ ꪩꪱꪙ ꪊꪱꪙ ꪶꪛ, ꪊꪙꪸ ꪎꪲ ꪵꪀꪀ ꪣꪱꪉ ꪵꪀꪉ ꫄ꪤꪙ ꪹꪣꪉ 2 ꪹꪣꪉ.

          ꪣꪳ 5/9/1962, ꪕꪳ ꪫꪱ ꪼꪈ ꪨꪉꪷ ꫄ꪋ ꪜꪱꪉ ꪶꪏꪙ ꪊꪉꪲ ꪁꪻꪒ ꪹꪮꪱ ꪵꪙꪙ ꪎꪺꪙ ꪵꪔꪉ ꪕꪳ ꪕꪱꪉ ꪄꪮꪉ ꪋꪴ ꪹꪋ ꫄ꪤꪙ ꪹꪣꪉ ꪫꪒꪸ ꪘꪱꪣ ꪵꪀꪉ ꪩꪱꪫ ꪑꪉꪷ ꫃ꪭ ꪁꪒꪳ ꪼꪒ ꪩꪱꪉ ꪒꪲ, 2 ꪹꪣꪉ ꪻꪎ ꪊꪣꪾ ꪀꪽ ꪝꪮꪣ ꪀꪽ ꪜꪮꪢ ꪚꪱ ꪭꪉꪸ ꪵꪠꪉꪕꪚꪾ ꪵꪝ ꪵꪠꪙ ꫄ꪎꪀ ꪢꪲ, ꪔꪉꪷ ꪀꪷ ꪉꪸ ꪁꪱꪒ ꪩꪺꪉ ꪎꪱꪙ ꫃ꪥꪒ ꪝꪲ ꫃ꪥꪒ ꪙꪮꪉ, ꪚꪙꪸ ꪢꪱꪥ ꪫꪀꪸ ꫃ꪥꪒ ꪎꪒꪴ ꪕꪸ ꫄ꪁꪙ ꪬꪱ ꪄꪮꪉ 2 ꪹꪣꪉ. 15 ꪜꪲ ꪨꪉꪷ ꪣꪳ 18 ꪁꪣꪾ ꪹꪚꪙ 7 ꪜꪲ 1977 ꪫꪒꪸ ꪘꪱꪣ ꪵꪀꪉ ꪩꪱꪫ ꪁꪷ ꪀꪲ ꫃ꪀꪒ; ꪭꪚꪸ ꪹꪮꪀ ꪬꪫꪲ ꪉꪲ ꪵꪀꪉ ꪁꪱꪒ ꪁꪙꪸ ꪫꪒꪸ - ꪩꪱꪫ.

          ꪄꪱꪣ ꪀꪱꪥ ꪨꪱꪥ ꪜꪲ ꪹꪚꪙ, ꪉꪸ ꪁꪱꪒ ꪩꪺꪉ ꪎꪱꪙ ꪫꪒꪸ - ꪩꪱꪫ ꪎꪚꪳ ꪔꪱꪣ ꪼꪒ ꪎꪱꪉ ꪕꪣꪾ ꪀꪱꪥ ꪨꪱꪥ ꪫꪀꪸ ꫃ꪥꪒ. ꪝꪮꪣ ꪀꪚꪾ ꪩꪺꪉ ꪢꪱ ꪼꪄ ꪄꪮꪭ ꪉꪸ ꪁꪱꪒ ꪩꪺꪉ ꪎꪱꪙ ꪣꪱ ꪕꪱꪉ ꪊꪉꪲ ꪋꪲ, ꪝꪉꪳ ꪘꪱ ꪫꪀꪸ ꪮꪙꪳ ꪁꪷ ꪢꪱ ꪼꪄ ꪹꪚꪱ ꪥꪉꪷ. ꪀꪺꪉ ꪫꪀꪸ ꪁꪱ ꪁꪙꪸ ꪤꪮꪣ ꫄ꪉꪙ ꪶꪀꪀ , ꪁꪷ ꪣꪲ ꪨꪱꪥ ꪵꪥꪫꪉ ꪉꪚꪸ ꪻꪐ , ꫄ꪕꪚ ꪒꪫꪱꪙ ꪹꪭꪙ ꪹꪘꪀ ꪄꪮꪭ ꪫꪒꪸ ꪘꪱꪣ ꪤꪮꪣ ꫄ꪉꪙ ꪶꪀꪀ, ꫃ꪥꪒ ꪀꪙꪲ ꪘꪉꪷ ꪹꪣꪉ ꪩꪱꪫ ꪀꪚꪾ ꫃ꪔꪉ ꫃ꪢꪒ ꪶꪎ ꫄ꪉꪙ ꪶꪀꪀ ꪄꪙꪳ ꪭꪮꪒ ꪭꪱꪉ ꪔꪲ ꪶꪓ ꪩꪱ, ꪕꪮꪚ ꪬꪮꪣ ꪨꪱꪥ ꪘꪉꪷ ꪝꪉꪳ ꪫꪀꪸ ꫃ꪥꪒ ꪹꪏꪉ ꪔꪱꪥ ꪊꪉꪲ, ꫃ꪈꪙ ꪭꪱꪉ , ꪫꪙꪸ ꪶꪗꪉ, ꪜꪀꪴ ꪶꪚꪉ ꫃ꪊ ꪚꪙꪸ ꫄ꪩꪣ ꪎꪱꪙ....ꪢꪮꪥ ꪜꪲ , ꪫꪒꪸ ꪘꪱꪣ ꪤꪮꪣ ꪮꪮꪀ ꪬꪱꪉ ꪝꪽ ꪉꪮꪙ ꫄ꪉꪙ ꪵꪮꪚ ꪭꪮꪀ ꪻꪬ ꪭꪮꪀ ꪎꪉꪲ ꪩꪱꪫ ꪢꪱ ꪀꪙꪸ ꪤꪴ ꪵꪮꪚ ꪭꪮꪀ, ꪉꪙꪸ ꪀꪫꪲ ꪘꪉꪷ ꪫꪒꪸ ꪘꪱꪣ ꪀꪚꪾ ꪨꪱꪥ ꪵꪈꪉ ꫃ꪉ, ꪫꪀꪸ ꫃ꪥꪒ, ꪫꪀꪸ ꫃ꪥꪒ, ꪵꪔ ꪅꪫꪱ ꪭꪮꪀ , ꪶꪀꪉ ꫃ꪉ ꪎꪉꪴ, ꪯꪲ ꫃ꪔꪶ ꪀꪲ ꪖꪺꪒ ꪭꪮꪒ ꪶꪘꪉ ꪉꪚꪸ, ꪜꪀꪴ ꪶꪚꪉ ꪵꪔꪉ ꪩꪉꪸ. ꪁꪱ ꪄꪱꪥ ꪹꪋꪉ ꪭꪱꪉ 2 ꪹꪣꪉ ꪒꪱꪉ ꪢꪱ ꪼꪄ ꪔꪣꪳ ꪵꪕꪙ ꪀꪚꪾ ꫃ꪕꪉ ꫃ꪢꪒ ꪀꪱ ꪁꪮꪙ 2 ꪠꪱꪥ ꪜꪲ 2016 ꪁꪒꪳ ꪼꪒ ꪤꪱꪫ 800 ꪋꪫꪸꪥ ꪶꪓ ꪩꪱ. ꪘꪉꪷ ꪶꪠꪉ ꪵꪒꪙ ꪹꪣꪉ ꪊꪉꪴ ꪭꪲ ꪥꪱꪫ 2ꪌ340 ꪼꪀ ꪶꪎ ꪵꪀꪉ ꪼꪜ ꪀꪱꪥ 11 ꪔꪉꪲ ꪄꪮꪉ ꪹꪣꪉ ꪫꪒꪸ ꪘꪱꪣ ꪜꪯꪣ 10 ꪔꪉꪲ ꪄꪮꪉ ꪹꪣꪉ ꪩꪱꪫ, ꫛ ꫄ꪤꪙ 2 ꪹꪣꪉ ꪀꪙꪲ ꪤꪴ ꪏꪳ ꪒꪲ, ꪼꪜ ꪣꪱ ꪤꪳ ꪤꪱꪣ ꪖꪱꪣ ꪄꪱꪫ, ꪊꪮꪥ ꪹꪤ ꪀꪽ ꪵꪣꪙ ꫄ꪋ ꪵꪣꪙ ꪋꪮꪚ. ꪐꪽ ꪵꪥꪉ ꪣꪱ ꪕꪱꪉ ꪉꪀꪸ ꪁꪱꪒ ꪩꪺꪉ ꪎꪱꪙ ꪫꪒꪸ ꪘꪱꪣ - ꪩꪱꪫ, ꪓꪱꪥ ꪎꪳ  ꪡꪱꪣ ꪵꪏꪉ ꪹꪊꪱ, ꫃ꪋ ꪨꪲ ꪶꪛ ꪹꪊꪉ ꪉꪫꪱꪥ ꪤꪱꪫ ꪻꪬ ꪭꪴ “ ꪭꪮꪒ ꪼꪅ ꪫꪒꪸ ꪘꪱꪣ ꪁꪷ ꪁꪱꪒ ꪁꪙꪸ ꪼꪜ ꪢꪱ ꪀꪚꪾ 178 ꪹꪣꪉ, ꪬꪱꪀ ꪫꪱ ꫄ꪭ ꪣꪲ ꪹꪣꪉ ꪻꪒ ꪁꪱꪒ ꪁꪙꪸ ꪘꪫꪸꪥ ꪢꪽ ꪹꪏꪉ ꪊꪚꪾ ꪩꪱꪫ.

          ꪼꪫ ꪐꪽ ꪵꪤꪉ ꪩꪺꪉ ꪵꪭꪉ ꪵꪀꪉ ꪜꪀꪴ ꪝꪺ ꪉꪸ ꪁꪱꪒ ꪩꪺꪉ ꪎꪱꪙ ꪅꪰ ꪋꪽ ꪫꪒꪸ - ꪩꪱꪫ , ꪥꪱꪙ ꪊꪣꪾ ꪙꪲ ꪠꪴ ꪮꪺꪙ ꪝꪱ 2 ꪹꪣꪉ ꪁꪷ ꪀꪫꪒꪸ ꪓꪉꪲ ꪹꪮꪱ ꪜꪲ 2017 ꪨꪷ ꪜꪲ ꪁꪱꪒ ꪎꪱꪙ ꪫꪒꪸ - ꪩꪹꪫ. ꪣꪳ 26/4/2017, ꪘꪉꪷ ꪖꪴ ꪶꪓ ꪫꪉꪸ ꪊꪽ, ꪄꪴ ꪹꪔꪭ ꪈꪫꪙꪸ ꪏꪺꪙ ꪠꪀꪴ ꪵꪀꪉ ꪖꪴ ꪹꪔꪉ ꪹꪣꪉ ꪩꪱꪫ ꪁꪷ ꪝꪮꪣ ꪜꪀꪴ ꪋꪺꪙ ꪁꪱꪒ ꪁꪸꪙ ꪫꪒꪸ ꪘꪱꪣ - ꪩꪱꪫ , ꪩꪱꪫ - ꪫꪒꪸ ꪘꪱꪣ ꪜꪲ 2017. ꪖꪴ ꪹꪔꪉ ꪈꪫꪙꪸ ꪏꪺꪙ ꪠꪀꪴ ꪐꪽ ꪵꪥꪉ ꪯꪽ ꪨꪷ ꪜꪲ ꪚꪙꪲ ꪢꪱꪥ  ꪹꪉꪙ ꪩꪱꪉ ꪄꪮꪉ 2 ꪹꪣꪉ ꪶꪭꪣ ꫄ꪡꪙ ꪔꪣꪴ ꪝꪺ ꪉꪸꪀ ꪁꪱꪒ ꪩꪺꪉ ꪎꪱꪙ  ꪫꪒꪸ ꪘꪱꪣ - ꪩꪱꪫ ꪘꪱ ꪢꪽ, ꪵꪎꪘ ꪜꪲ, ꪵꪎꪙ ꫄ꪓꪥ ꪹꪚꪱ ꪭꪺꪥ. ꪉꪀꪸ ꪁꪱꪒ ꪩꪺꪉ ꪎꪱꪙ ꪙꪲ ꪋꪲ ꪼꪒ ꪋꪙꪸ ꪀꪱꪥ ꪭꪮꪒ ꪋꪺ ꪩꪴꪁ ꫄ꪓꪥ ꪨꪱꪙ.

          ꫄ꪝꪉ ꪻꪎ ꪉꪸ ꪀꪱꪒ ꪩꪺꪉ ꪎꪱꪙ ꪘꪫꪸꪥ ꪢꪽ ꪹꪚꪱ ꪊꪀꪷ ꪀꪲ ꪎꪚꪲ ꪜꪲ ꪀꪱꪥ ꪣꪱ, ꪜꪯꪣ ꪀꪚꪾ ꪩꪺꪉ ꪀꪣꪾ ꪀꪫꪒꪸ ꪄꪮꪉ ꪠꪴ ꪮꪺꪙ ꪝꪱ 2 ꪹꪣꪉ ꪉꪸ ꪁꪱꪒ ꪎꪱꪙ ꪫꪒꪸ ꪢꪱꪙ - ꪩꪱꪫ ꪁꪷ ꪒꪱꪉ ꪎꪚꪳ ꪔꪱꪣ ꫃ꪜꪉ ꪼꪄ ꪵꪁꪉ ꪹꪑꪉ ꪣꪳ ꪹꪑꪉ ꪼꪒ ꪔꪣꪴ ꪝꪺ ꪘꪱ ꪢꪽ, ꪢꪱ ꪼꪄ ꪹꪏꪉ ꪙꪣꪾ ꪵꪀꪉ ꪜꪱ ꪹꪏꪉ ꪙꪱ ꪵꪀꪉ ꪹꪄꪱ, ꪀꪒꪳ ꪔꪮꪚ ꪼꪒ ꪩꪱꪉ ꪣꪮꪙ ꪊꪉꪴ ꪄꪮꪉ ꫄ꪤꪙ ꪹꪣꪉ 2 ꪹꪣꪉ, ꪎꪮꪉ ꪣ ꪱ꫃ꪄꪒ ꪝꪉꪸ ꪀꪚꪾ ꪩꪺꪉ ꪢꪱ ꪼꪄ ꪄꪮꪉ ꪥꪱꪙ ꪏꪸ ꪼꪅ ꪙꪲ ꪄꪮꪉ ꪨꪱꪥ ꪹꪣꪉ ꫃ꪕꪉ ꪵꪠꪙ ꪒꪙꪲ.

                                                          TTT - ꪵꪭꪉ ꪥꪀꪲ    

  Pi 2017 – Pi muôn hom khong nghịa cạt luông san Việt – Lao

          Nghịa cạt luông san Việt - Lao đảy Chủ tịch Hô Chí Minh cánh Chủ tịch Kay - xỏn - phôm - vi - hản cánh Chủ tịch Su - pha - nu - vông quý panh tánh la cánh tủm pua, chự hiêm mết báu chắc đàư pặc hanh đúk lượt khong lai pun lan cán bộ, chiến sỹ cách mạng cánh dân mương 2 mương.

          Mự 5/9/1962, tư va ngay lăng chơ pang xôn chinh cựt àu nen xuấn tánh tư tang khong chu chựa dân mương Việt Nam cánh Lao nhăng hê cựt đảy lang đi, 2 mương sảư chăm căn pọm căn pọm bá hiêng phanh tặp phen xấc Mỹ, tẳng có nghịa cạt luông san dệt pi dệt nọng, biên mai vịa dệt xút ty cận hà khòng 2 mương. 15 pi lằng mự 18/7/1977 Việt Nam cánh Lao cọ ký kết : Hiệp ước hữu nghị cánh cạt kiên Việt - Lao”.

          Khảm cài lai pi bườn, nghịa cạt luông san Việt – Lai xứp tam đảy sảng tăm cài lài vịa dệt. Pọm cắp luông mả khày khong nghại cạt luông san ma tang chính trị, pưng nả vịa ứn cọ mả khày báu dặng. Cuông vịa cạt kiên dom ngơn cốc, cọ mi lài doanh nghiệp nháư, tập đoàn Hươn nước khong Việt Nam dom ngơn cốc, dệt kin nẳng mương Lao cắp tênh mết số ngơn  cốc khửn họt hạng tỷ đô la, tọp hom lai nẳng pưng vịa dệt xương tài chính, ngân hang, viễn thông, púk bồng, chế biến lâm sản...Mỏi pi, Việt Nam dom hạng păn ngon ngơn ép học hảu học sinh Lao ma kin dú ép học, nghiên cứu nẳng Việt Nam cắp lài ngành nghê, vịa dệt, té khoa học, công nghệ xung, y tế, kỹ thuật họt nông nghiệp, púk bồng, tảnh liệng. Cạ khài chương hang 2 mương đang mả khày cắp tênh mết ca con 2 phái pi 2016 cựt đảy dáo 800 triệu đô la. Nẳng phổng đen mương chung hy dáo 2.340 cày số cánh pày cài 11 tỉnh khong Việt Nam pọm 10 tỉnh khong Lao, côn dân 2 mương lâng kin sư dú đi, pày ma dử dam tham kháo, choi dừa căn. Nẳng pưng pang họp quốc tế, Việt Nam cánh Lao lâng chôm choi căn men chơ, men chọp. Nhẳn danh ma tang nghịa cạt luông san Việt Nam - Lao, Đại sứ Phạm Sanh Châu, trợ lý Bộ Trưởng Ngoại giao hảu hụ “ họt khạy Việt Nam cọ cạt kiên pày ma cắp 178 mương, hák va hê mi mương đàư cạt kiên niêu mẳn xương cắp Lao.

          Vạy nhẳn danh luông hanh cánh púc pua nghịa cạt luông san khặn chăn Việt - Lao, dan chăm nị, phủ uôn pa 2mương cọ quyết định àu pi 2017 lỏ pi cạt san Việt - Lao. Mự 26/4/2017, nẳng thủ đô Viêng Chăn, Thủ tướng Nguyễn Xuân Phúc cánh Thủ tướng Lao cọ pọm púc chuân pi cạt san cạt kiên Việt Nam - Lao, Lao - Việt Nam pi 2017. Thú tướng Nguyễn Xuân Phúc nhẳn danh, ặn lỏ pi biên mai ngươn lang khong 2 mương hôm phân tủm pua nghịa cạt luông san Việt Nam - Lao nà mẳn, xen pi, xe đơi báu huội, nghịa cạt san nị chi đảy chiên họt chua lụk đơi lan.

          Té bươn 4 họt bươn 7/2017, Chủ tịch Quốc hội Lao Pa ny - Ya tho tu mi 2 vặt ma dan Việt Nam. Cuông nặn mi chu ma dam té mự 3 họt 8/7 lỏ vạy chôm hặp pưng vịa dệt chôm mâng bốn xương 55 pi tẳng có nghịa cạt kiên Việt Nam - Lao cánh 40 pi ký Hiệp ước Hữu nghị cánh cạt kiên Việt Nam - Lao đảy khày pang nẳng tỉnh Sơn La.

          Ma tang Việt Nam, cón cánh lăng chu pày dam mương Lao khong Thủ tướng Nguyễn Xuân Phúc mưa lả bươn 4, lai đoàn cấp xùng khong mương hau cọ pày dam Lao xương chu pày dam khong bộ Quốc phòng đảy Thượng tướng Lê Chiêm uôn cón, chu pày dam khong đoàn đại biểu Văn phòng Trung ương đảng, chu pày dam cấp Thứ Trưởng Ngoại giao...

          Pâng sáư nghịa cạt luông san niêu mẳn báu chắc kỷ xíp pì cài ma, pọm cắp căm quyết chính trị xùng khong phủ uôn pa 2 mương, nghịa cạt san cạt kiên Việt Nam - Lao cọ đang xứp tam pếnh khày cánh nhương mự nhương đảy tủm pua nà mẳn, mả khày xương nặm cánh pà, xương na cánh khảu, cựt tóp đảy lang mon chung khong dân mương 2 mương, xong ma khất piêng cắp luông mả khày khong dan xi máư khay nị khong lai mương tênh phén đin./.

                                                                   TTT - Hạnh dịch