ꪯꪣꪲ ꪰꪝꪰ ꪙꪰ ꪝꪮꪣ ꪝꪮꪣ ꪘꪉꪰ ꪶꪠꪉ ꪱꪭꪙ ꫃ꪀꪫꪙ ꪻꪢ

            ꪢꪱ ꪤꪱꪣ ꪚꪱꪙ ꪑꪱꪥ ꫄ꪤꪙ ꪼꪜ ꪤꪴ  ꪚꪮꪙ  ꪻꪢ  ꪹꪣꪉ ꪊꪙꪸ ꪎꪱ ꪠꪮꪉ ꪨꪱꪶꪥ ꪭꪫꪙꪸ ꪖꪺꪙ  ꪹꪊꪱ, ꪀꪺꪉ ꪝꪉꪳ  ꪣꪳ ꪬꪺ ꪣꪺ ꪎꪺꪙ ꪜꪲ  ꪻꪢ  ꪏꪣꪴ  ꪄꪮꪥ  ꪁꪰ ꪼꪒ ꪊꪉꪳ ꪵꪊꪉ ꪼꪒ ꪜꪺꪉ ꪀꪙꪲ ꪨꪺꪉ ꪤꪴ  ꪯꪣꪲ ꪝꪰ ꪘꪰ ꪝꪮꪣ ꪀꪮꪉ ꪝꪰ ꪵꪣ ꫄ꪤꪙ ꪱꪙꪉ ꪘꪉꪰ ꪙꪲ   ꪩꪉꪴ ꪒꪫꪸ ꪪꪽ ꪊꪉꪲ ꪜꪴ ꪚꪱꪙ ꪹꪱꪣꪉ ꪊꪙꪸ ꪻꪬ ꪭꪴ  ꪚꪱꪙ ꪩꪺꪉ ꪤꪴ  ꪣꪲ 65 ꪬꪺ ꪱꪭꪙ ꪀꪫꪰ 400 ꪬꪺ ꫛ ꪵꪔ ꫄ꪋ ꪼꪜ ꪨꪱ ꪱꪭꪙ ꫃ꪀꪫꪥ ꪹꪀꪱ ꪑꪱꪥ ꪣꪱ ꪤꪴ  ꪘꪉꪰ ꪱꪭꪙ ꫃ꪀꪫꪥ  ꪻꪢ ꪠꪮꪉ ꪨꪱꪥ ꪵꪔ ꪜꪲ 2007 ꪼꪒ ꪹꪱꪭꪙ ꪱꪣꪉ ꪵꪀꪉ ꪝꪰ ꪵꪣ ꫄ꪤꪙ ꪵꪣꪉ ꪊꪉꪲ ꪁꪫꪙꪸ  ꪚꪮꪙ ꪑꪱꪥ ꪣꪱ ꪤꪴ ꪻꪢ ꪋꪮꪥ ꪱꪤ ꪱꪏ ꪜꪽ ꪒꪉꪲ ꫄ꪤꪒ ꪹꪤꪙ ꪒꪙꪲ ꪔꪉꪰ ꪹꪭꪙ  ꪹꪏꪉ ꪽ ꪩꪉꪴ ꪵꪊꪉ ꪝꪰ ꪵꪣ  ꪻꪠ ꪁꪰ ꪣꪺꪙ ꪬꪮꪣ ꪊꪮꪉ ꪵꪭꪉ ꫃ꪤꪒ ꪹꪤꪙ ꪵꪀꪉ ꪵꪔꪉ ꪩꪉꪸ ꪎꪒꪰ ꪎꪉꪲ ꪹꪏꪉ ꪽ ꪢꪮꪥ ꪜꪲ ꪋꪺ ꪹꪭꪙ ꪩꪺꪴ ꪢꪮꪥ ꪜꪲ ꪁꪰ ꪣꪲ ꪖꪴ  ꫄ꪐꪚ ꪭꪱꪉ ꪭꪮꪥ ꪋꪫꪸ ꪢꪽ ꪩꪙꪳ ꪹꪏ ꪫꪀꪸ ꪵꪔꪉ ꪩꪉꪸ ꪉꪺ ꪁꪰ ꪁꪒꪳ ꪼꪒ  ꪖꪴ ꫄ꪐꪚ ꪵꪕꪒ ꪔꪉꪸ ꪻꪬ ꪜꪲ ꪙꪮꪉ ꪀꪺꪉ 10 ꪜꪲ ꪑꪱꪤ ꪢꪱ ꪤꪴ ꪚꪮꪙ ꪻꪢ ꪜꪺꪉ ꪀꪙꪲ ꪨꪺꪉ ꪤꪴ ꪄꪮꪉ ꪝꪰ  ꪵꪣ ꪁꪰ ꪼꪒ ꪜꪙꪸ ꪖꪱꪥ ꪨꪱꪥ ꪤꪮꪉ

            ꪑꪱꪤ ꪣꪱ ꪤꪴ ꪚꪮꪙ ꪻꪢ ꪼꪒ ꪹꪭꪙ ꪹꪣꪉ ꪤꪮꪣ ꫄ꪉꪙ ꪶꪀꪀ ꫃ꪤꪒ ꪕꪱꪉ  ꪜꪴ  ꫃ꪚ ꪶꪔꪉ  ꪼꪎ ꪹꪭꪙ ꪪꪽ  ꪬꪱꪫ ꪝꪉꪳ ꪹꪊꪉ ꪼꪭ ꪄꪮꪉ ꪙꪱ ꫃ꪤꪒ ꪮꪮꪀ ꪁꪰ ꪣꪲ ꫛ ꪬꪱꪀ ꪣꪱ ꪏꪲ ꪕꪾ ꪹꪭꪙ ꪀꪰ ꪵꪋ ꪁꪰ ꪅꪀꪰ ꪅꪰ ꪋꪮꪥ ꪝꪲ ꪙꪮꪉ ꪄꪱꪣ ꪄꪮꪥ  ꪎꪸ  ꪼꪒ ꪯꪒꪳ ꪤꪱꪀ ꪁꪒꪰ ꪁꪉꪴ ꪹꪝ ꪹꪏꪉ ꪽ ꪼꪅ ꪙꪲ ꪣꪲ ꪨꪱꪤ ꪋꪺ ꪹꪭꪙ ꪀꪺꪉ ꪚꪱꪙ ꪁꪰ ꪩꪉꪸ ꪼꪒ ꪭꪱꪉ ꪭꪮꪥ ꪶꪔ ꪉꪺ ꪁꪱꪫꪥ

            ꪭꪫꪙꪸ ꪖꪺꪙ ꪹꪊꪱ ꪁꪰ ꪔꪮꪙ ꪵꪀꪉ ꪋꪮꪥ ꪹꪤ ꪵꪕꪒ ꪕꪉꪸ ꪜꪺꪉ ꪀꪙꪲ ꪨꪺꪉ ꪜꪴ  ꪻꪬ ꪀꪱꪥ ꪝꪽ ꫜ 500 ꪋꪺ ꪭꪱꪙ ꪀꪚꪰ 37 ꪶꪠꪉ ꪑꪱꪥ ꫄ꪤꪙ ꪣꪱ ꪤꪴ  ꪻꪢ  ꪭꪫꪙꪸ ꪁꪰ ꫄ꪊꪚ  ꪽ ꪵꪩꪫ ꪘꪱ ꪫꪀꪸ ꫄ꪀꪚ ꪒꪙꪲ  ꪔꪉꪰ ꪹꪭꪙ ꪻꪬ ꪜꪲ ꪙꪮꪉ ꪑꪱꪥ ꪣꪱ ꪀꪙꪲ ꪤꪴ  ꪬꪺꪣ ꪚꪱꪙ   ꪶꪀꪀ ꪹꪈꪙ ꪎꪉꪲ  ꪄꪮꪉ ꪕꪱꪉ  ꪎꪱꪥ ꪒꪒꪸ ꪹꪋꪉ ꪵꪮꪚ ꪎꪳ ꪋꪱꪣ ꪮꪲ ꫃ꪔ  ꪼꪒ ꪔꪉꪰ ꪵꪔꪉ ꪵꪣꪙ ꪕꪮꪥ ꪨꪺꪉ ꪜꪙꪴ ꪭꪮꪒ ꪼꪅ ꪋꪴ ꪋꪺ ꪹꪭꪙ ꪀꪺꪉ ꪚꪱꪙ ꪝꪮꪣ ꪣꪲ ꪼꪢ ꪼꪎ ꪹꪄꪱ  ꪩꪀꪴ ꪙꪮꪉ ꪀꪺꪉ ꪚꪱꪙ ꪝꪮꪣ ꪼꪒ ꪼꪜ ꪹꪋꪉ ꪵꪮꪚ ꪎꪳ  

            ꪨꪉꪰ ꪝꪉꪳ ꪣꪲ ꪶꪋꪣ ꪔꪮꪙ ꪊꪉꪸ  ꪜꪲ ꪻꪢ ꪜꪲ ꪙꪮꪉ ꪝꪮꪣ ꪹꪊꪉ ꪽ ꪊꪮꪉ ꪵꪭꪉ ꫃ꪤꪒ ꪹꪤꪙ ꪼꪭ ꪙꪱ ꪜꪀꪴ ꪶꪚꪉ ꪵꪔꪉ ꪩꪉꪸ  ꪀꪚꪰ ꪢꪮꪉ ꪁꪮꪉ ꪜꪲ ꪻꪢ ꪡꪱ ꪋꪱꪉ ꪵꪒꪒ ꪋꪱꪉ ꪶꪠꪙ ꫃ꪤꪒ ꪹꪤꪙ ꪼꪒ ꪹꪄꪱ ꪣꪱꪀ ꪢꪱꪀ ꪶꪝꪥ ꪜꪺꪉ ꪀꪙꪲ ꫄ꪒꪥ ꪤꪴ ꪮꪣꪲ ꪝꪰ ꪘꪰ ꪝꪮꪣ