Ngon tô thứ 3 mự 20.6.2017

                            PO HAY ME NA CẬN HỤ SỐ 14

                         Chự phong bứa đét nẳng ngua quai

          Ngua quai chuốp bứa đét lâng le hền ngai, lỏ tồ ngua quai dừn xông báu xư, nhang khà chại, kén tà đắp mưn. Tốc lả ma, tồ tảnh liệng hà chằư dạk, bít xằn kéo, báu hụ chắc xằng cánh lộm tài.

          Va đàng pói pháng pày liệng báu cọ khồn chiên, cận văn phạo hụ hền cánh àu ngày tồ ngua quai khảu mưa dú bón hôm bón dền, báu hẳư ngua quai dú íp cặp cằn, báu cọ pói lông khói xè vạy ngua quai dú dền chơ khồn chiên ngua quai khửn xè tô. Po me pi nọng xủ vi lôm té tang nả, vạy ngua quai coi dền lông tưa nọi, vện ník xìa dệt ngua quai  chuốp mau hùa. Xủ khằn ừn chệt hẳư ngua quai, chệt té tang nả tang hùa họt lăm mo, dáo chơ nưng 2 chơ lằng mi xương áp hẳư tồ ngua quai. Pồng chằư báu đảy xủ nặm cưm thók xắư pòm hùa, nả tồ ngua quai.

Đối cắp ngua quai chuốp bứa đét, cận dệt cọk bâng xáng bang, báu hẳư ngua quai íp cặp cằn lài tồ. PI nọng hẳư ngua quai kìn nặm cưm mi xùn điện giải, vitamin C, va mi khù ngai đì mi xương tằm bằư phắc nók, bằư phắc khỉ táu hẳư ngua quai kìn chi dền lông văn xưa.

          Vạy chự phong bệnh, pi nọng pền kiểm trà lợp tăn xảng pành, nho cấp bón kìn nặm, bón áp hẳư ngua quai cánh dệt dền cuồng cọk bâng, lưn xưa lỏ cọk bâng ngua nôm; thiết kế cọk bâng hẳư dền, tụp hươn hẳư lôm dền khảu đảy. Pền púk cò mạy dệt hôm hẳư cọk bâng, xủ lưới đằm pảy tang tà vên tỏng xắư cọk bâng; mi xương xủ máy bao nặm xắư tụp hươn.

          Pưng mự phạ đét họn, pền hẳư ngua quai kìn chơ hung chạu cánh tênh căm, dón số chương kìn, cận tứm ten số chương kìn khèo tư va hẳư kìn lài cò nhả cò chưa; Báu pói pháng cánh báu hẳư ngua quai dệt vịa nọk phạ đét họn; Chấp năm đì pưng tặt pùn tảnh liệng té lăm đù, họt vịa xủ hanh thày bàn; Tọn tăm pẹk xằư cọk bâng, xủ vác xin chự phong bệnh, tiềm vắc xin tứm ten ( pền xủ vắc xin hẳư ngua quai cuồng pưng mự phạ dền, tênh cưn báu cọ hung chạu, tênh căm). Lâng chơ kiểm trà pặc hanh ngua quai vạy lợp tăn xằng dú riềng dàu dà bệnh chơ hụ hền ók pưng tồ pền bệnh. Chơ khồn chiên ngua quai cuồng pưng mự phạ đét họn pền khồn chiên chơ tênh cưn báu cọ hung chạu, tênh căm phạ hôm. Va khồn chiên tang hy cận hẳư ngua quai dặng hanh chọp xồm chơ phạ đét họn, àu ngua quai khảu mưa dú nẳng bón hôm, mi lài cò mạy dệt hôm vạy lăm đù, tứm ten chương kìn, nặm kìn, cọ xương kiểm trà pặc hanh hẳư ngua quai cuồng gian khồn chiên./.

 ꪉꪮꪙ ꪶꪕ ꪖꪳ 3 ꪣꪳ 20.6.2017

ꪝꪷ ꪼꪭ ꪵꪣ ꪙꪱ ꫄ꪁꪙ ꪭꪴ ꪶꪎ 14

ꪋꪳ ꪠꪮꪉ ꪹꪚ ꪵꪒꪒ ꪻꪬ ꪉꪺ ꪁꪫꪱꪥ

          ꪉꪺ ꪁꪫꪱꪥ ꪊꪺꪚ ꪹꪚ ꪵꪒꪒ ꫄ꪩꪉ ꪭꪴ ꫃ꪬꪙ ꪉꪱꪥ ꪑꪱꪉ ꪄꪱ ꪋꪱꪥ ꪵꪀꪙ ꪔꪱ ꪒꪚꪾ ꪣꪙꪳ. ꪶꪔꪀ ꪨꪱ ꪣꪱ ꪉꪺ ꪁꪫꪱꪥ ꪬꪱ ꪻꪊ ꪥꪱꪀ ꪚꪒꪲ ꪎꪽ ꪵꪀꪫ ꪹꪚꪱ ꪭꪴ ꪊꪀꪰ ꪎꪉꪰ ꪵꪀꪉ ꪶꪩꪣ ꪔꪱꪥ.

          ꪫꪱ ꪒꪱꪉ ꪜꪮꪥ ꪠꪱꪉ ꪼꪜ ꪩꪉꪸ ꪹꪚꪱ ꪁꪷ ꪶꪄꪙ ꪋꪙꪸ ꪼꪜ ꪵꪎ ꪶꪕ ꫄ꪁꪙ ꪫꪽ ꪡꪱꪫ ꪭꪴ ꫃ꪬꪙ ꪵꪀꪉ ꪹꪮꪱ ꪼꪈ ꪶꪔ ꪉꪺ ꪁꪫꪱꪥ ꪹꪄꪱ ꪗꪣ ꪤꪴ ꪚꪮꪙ ꪶꪭꪣ ꪚꪮꪙ ꫃ꪤꪙ ꪹꪚꪱ ꪻꪬ ꪉꪺ ꪁꪫꪱꪥ ꪤꪴ ꪮꪚꪲ ꪁꪚꪾ ꪀꪽ, ꪹꪚꪱ ꪁꪷ ꪜꪮꪥ ꪶꪩꪉ ꪄꪮꪥ ꪵꪎ ꪼꪫ ꪉꪺ ꪁꪫꪱꪥ ꪤꪴ ꫃ꪤꪙ ꪬꪱ ꪻꪊ ꪉꪱꪥ. ꪎꪴ ꪄꪽ ꪮꪙꪳ ꫃ꪋꪒ ꪻꪬ ꪉꪺ ꪁꪫꪱꪥ ꫃ꪋꪒ ꪵꪔ ꪕꪱꪉ ꪘꪱ ꪭꪮꪒ ꪩꪣꪾ ꪣꪷ ꪤꪱꪫ ꫄ꪋ ꫜ ꪭꪮꪒ 2 ꫄ꪋ ꪨꪉꪰ ꪣꪲ ꪹꪏꪉ ꪮꪱꪚ ꪻꪬ ꪉꪺ ꪁꪫꪱꪥ. ꪶꪜꪉ ꪻꪊ ꪹꪚꪱ ꪼꪒ ꪹꪮꪱ ꪙꪣꪾ ꪁꪣꪳ ꪖꪮꪀ ꪻꪎ ꪜꪮꪣ ꪬꪺ ꪘꪱ ꪔꪱ ꪉꪺ ꪁꪫꪱꪥ.

          ꪶꪒꪥ ꪀꪚꪾ ꪉꪺ ꪁꪫꪱꪥ ꪊꪺꪚ ꪹꪚ ꪵꪒꪒ ꫄ꪁꪙ ꫄ꪥꪒ ꪁꪷ ꫄ꪛꪉ ꪎꪱꪉ ꪚꪱꪉ ꪹꪚꪱ ꪻꪬ ꪉꪺ ꪁꪫꪱꪥ ꪮꪚꪲ ꪁꪚꪾ ꪀꪽ ꪨꪱꪥ ꪶꪔ. ꪝꪲ ꪙꪮꪉ ꪻꪬ ꪉꪺ ꪁꪫꪱꪥ ꪀꪙꪲ ꪙꪣꪾ ꪁꪣꪳ ꪣꪲ ꪎꪙꪴ ꪒꪙꪸ ꪤꪱꪥ ꪫꪲ ꪕꪱ ꪣꪙꪲ ꫃ꪏ ꪫꪱ ꪣꪲ ꪄꪴ ꪉꪱꪥ ꪒꪲ ꪣꪲ ꪹꪏꪉ ꪔꪣꪾ ꪻꪚ ꪠꪀꪰ ꪘꪮꪀ ꪻꪚ ꪠꪀꪰ ꪄꪲ ꪹꪔꪱ ꪻꪬ ꪉꪺ ꪁꪫꪱꪥ ꪀꪙꪲ ꪋꪲ ꫄ꪤꪙ ꪶꪩꪉ ꪫꪽ ꪹꪏ. 

          ꪼꪫ ꪫꪳ ꪡꪮꪉ ꫃ꪛꪉ ꪝꪲ ꪙꪮꪉ ꫃ꪜꪙ ꪀꪣꪸ ꪊꪱ ꫄ꪩꪚ ꪕꪽ ꪎꪱꪉ ꪵꪜꪉ ꪚꪮꪙ ꪻꪬ ꪀꪙꪲ ꪙꪣꪾ ꪚꪮꪙ ꪮꪱꪚ ꪎꪺꪥ ꪻꪬ ꪉꪺ ꪁꪫꪱꪥ ꪩꪙꪳ ꪹꪏ ꪨꪷ ꪁꪷ ꫄ꪛꪉ ꪉꪺ ꪶꪙꪣ; ꪔꪉꪰ ꪵꪔꪉ ꪁꪷ ꫄ꪛꪉ ꪻꪬ ꪤꪴ ꫃ꪤꪙ ꫄ꪜꪙ ꪜꪀꪴ ꪀꪷ ꪼꪣ ꫃ꪥꪒ ꪶꪭꪣ ꪻꪬ ꪁꪷ ꫄ꪛꪉ ꪎꪴ ꪹꪨꪥ ꪒꪣꪾ ꪼꪜ ꪚꪮꪙ ꪵꪒꪒ ꪔꪮꪉ ꪻꪬ ꪉꪺ ꪁꪫꪱꪥ.

          ꪝꪉꪳ ꪣꪳ ꪡꪱ ꪵꪒꪒ ꪭꪮꪙ ꫃ꪜꪙ ꪻꪬ ꪉꪺ ꪁꪫꪱꪥ ꪀꪙꪲ ꫄ꪋ ꪭꪉꪴ ꪹꪋꪱ ꪵꪀꪉ 6ꪕꪉ ꪁꪣꪾ ꪻꪬ ꪀꪙꪲ ꪔꪣꪳ ꪵꪕꪙ ꪐꪱ ꪵꪄꪫ; ꪹꪚꪱ ꪜꪮꪥ ꪠꪱꪉ ꪵꪀꪉ ꪹꪚꪱ ꪻꪬ ꪉꪺ ꪁꪫꪱꪥ ꫃ꪥꪒ ꪫꪀꪸ ꪙꪮꪀ ꪡꪱ ꪵꪒꪒ ꪭꪮꪙ ꪕꪮꪙ ꪕꪣꪾ ꪵꪝꪀ ꪻꪎ ꪁꪷ ꫄ꪛꪉ ꪎꪴ ꪪꪀꪰ ꪏꪙꪲ ꪋꪳ ꪡꪮꪉ ꫄ꪛꪉ ꪔꪣꪸ ꪪꪀꪰ ꪏꪙꪸ ꪔꪣꪳ ꪵꪕꪙ ꪀꪺꪉ ꪝꪉꪳ ꪣꪳ ꪡꪱ ꫃ꪤꪙ ꫃ꪕꪉ ꪁꪙꪳ ꪹꪚꪱ ꪁꪷ ꪭꪉꪴ ꪹꪋꪱ ꫃ꪕꪉ ꪁꪣꪾ. ꫃ꪜꪙ ꪀꪣꪸ ꪊꪱ ꪝꪀꪰ ꪵꪭꪉ ꪉꪺ ꪁꪫꪱꪥ ꪋꪴ ꫄ꪋ ꪼꪫ ꪹꪤꪱ ꪤꪱ ꫄ꪩꪚ ꪕꪽ ꫃ꪫꪙ ꪘꪀꪲ ꪎꪸ ꪏꪒꪸ ꪭꪱꪥ ꪻꪬ ꫛ ꪵꪔꪉ ꪩꪉꪸ.

                                                          ꪕꪮꪉ ꪵꪯꪉ ꪥꪀꪲ