Lao Cài: Tang pày ma phổng bản na hung hựa xành điện

--------------------------

Cón nị, mỏi chơ tênh cưn ma, côn dần nẳng xã Bản Qua, huyện Bát Xát, tỉnh Lao Cài cọ chạn ók pày tang nọk, lưn xưa lỏ phủ thảu cánh làn nọi. Hák va, dáo pì nưng cài ma, nặp té chơ mi đoàn thành niền ma choi dừa tẳng xàu điện, lạk tang sài điện cánh lắp bón điện nẳng chu xểm tang pày ma, côn dần cọ báu chàu lò chơ ók pày tang nọk lẹo, vịa pày ma, kìn dú đảy ngai đì xưa.

Té pưng lang đì cựt đảy. Chương trình tảy hung tang pày ma phổng bản na cọ đàng đảy púc chuân chấp năm nẳng pưng xã Quang Kim, Bản Xèo, huyện Bát Xát; Lương Sơn, huyện Bảo Yền; cánh Vạn Hoà, thanh phố Lao Cài. Pày họt bón đằư, Chương trình cọ đảy Thành niền cánh dần mương chôm choi.

Báu xuấn to riềng thôn Bản Vền lạ, nẳng 11 thôn ứn khòng xã Bản Qua, pưng cồng trình tày hung càng tang phổng bản na cọ đảy àu khảu xủ. Đoàn thanh niền xã cọ pằn vịa hẳư tựng thành viền lâng chơ cạt kiên cắp côn dần vạy nhẳn pao hẳư tiên điện đảy hung lâng chơ cánh nhẳn pao tiêng àn cuồng dan xủ.

Luông dệt “Tảy hung tang pày ma phổng bản na” chăm va cọ báu luồng lài xằng hák va cọ vạu khửn luông cằm quyết khòng thanh niền Lao Cài, cựt ma khù muôn hòm, puồng kìn đơi dú mắư ma họt tặm tựng bản khuống, hôm phân hẳư phổng bản na khặn chăn, pẹk sằư xưa./.

                                    TTT- Thành dịch

 ꪵꪩꪱꪫ ꪀꪱꪥ: ꪕꪱꪉ ꪼꪜ ꪣꪱ ꪶꪠꪉ ꪚꪱꪙ ꪙꪱ ꪭꪉꪴ ꪹꪭꪀ ꪎꪱꪉ ꪒꪙꪸ

---------------

ꪀꪮꪙ ꪙꪲ, ꪢꪮꪥ ꪹꪋꪷ ꪹꪕꪸꪉ ꪁꪙꪳ ꪣꪱ, ꫛ ꪹꪤꪷꪙ ꪘꪉꪰ ꪎꪱ ꪚꪱꪙ ꪁꪫꪱ, ꪭꪫꪙꪸ ꪚꪱꪒ ꪎꪱꪒ, ꪔꪲꪉ ꪩꪱꪫ ꪀꪱꪥ ꪁꪷ ꪋꪱꪙ ꪮꪮꪀ ꪼꪜ ꪔꪱꪉ ꪙꪮꪀ , ꪩꪙꪳ ꪹꪏ ꪨꪷ ꪠꪴ ꪑꪉꪸ ꪵꪀꪉ ꪨꪱꪙ ꪙꪮꪥ. ꪬꪱꪀ ꪫꪱ ꪤꪱꪫ ꪜꪲ ꫜ ꪀꪱꪥ ꪣꪱ , ꪵꪔ ꪹꪋꪷ ꪣꪲ ꪒꪫꪱꪙ ꪵꪖꪉ ꪘꪙꪸ ꪣꪱ ꪋꪮꪥ ꪹꪤ ꪔꪉꪰ ꪹꪎꪱ ꪒꪙꪸ , ꪩꪱꪀ ꪕꪱꪉ ꪎꪱꪥ ꪒꪙꪸ ꪵꪀꪉ ꪨꪚꪰ ꪚꪮꪉ ꪒꪙꪸ ꪙꪉꪰ ꪋꪴ ꪹꪎꪸꪣ ꪔꪱꪉ ꪼꪜ ꪣꪱ ꫛ ꪹꪤꪷꪙ ꪁꪷ ꪹꪚꪱ ꪹꪋꪱ ꪨꪷ ꪹꪋꪷ ꪮꪮꪀ ꪼꪜ ꪔꪱꪉ ꪙꪮꪀ ꪵꪩꪫ , ꪫꪀꪸ ꪼꪜ ꪣꪱ ꪀꪲꪙ ꪤꪴ ꪁꪷ ꪉꪱꪥ ꪒꪲ ꪹꪏ.

ꪹꪚꪱ ꪎꪺꪙ ꪕꪷ ꪘꪉꪰ ꪚꪱꪙ ꪹꪪꪸꪙ ꪩꪱ , ꪘꪉꪰ 11 ꪚꪱꪙ ꪮꪙꪳ ꪄꪮꪉ ꪎꪱ ꪚꪱꪙ ꪁꪫꪱ , ꪝꪉꪳ ꪶꪀꪉ ꪊꪲꪉ ꪼꪔ ꪭꪉꪴ ꪀꪱꪉ ꪔꪱꪉ ꪶꪠꪉ ꪚꪱꪙ ꪙꪱ ꪁꪷ ꪼꪒ ꪹꪮꪱ ꪹꪄꪱ ꪎꪴ. ꪒꪫꪱꪙ ꪵꪖꪉ ꪘꪙꪸ ꪎꪱ ꪁꪷ ꪜꪽ ꪻꪬ ꪕꪉꪳ ꪵꪖꪉ ꪪꪙꪸ ꪹꪩꪷꪉ ꪹꪋꪷ ꪁꪱꪒ ꪁꪙꪸ ꪀꪚꪰ ꫛ ꪹꪤꪷꪙ ꪼꪫ ꪐꪽ ꪝꪱꪫ ꪻꪬ ꪕꪙꪸ ꪒꪙꪸ ꪼꪔ ꪭꪉꪴ ꪹꪩꪷꪉ ꪹꪋꪷ ꪵꪀꪉ ꪐꪽ ꪝꪱꪫ ꪕꪉꪸ ꪮꪱꪙ ꪀꪺꪉ ꪥꪱꪙ ꪎꪴ.

ꪵꪔ ꪝꪉꪳ ꪨꪱꪉ ꪒꪲ ꪁꪒꪳ ꪼꪒ. ꪹꪊꪉ ꪊꪉꪲ ꪼꪔ ꪭꪉꪴ ꪕꪱꪉ ꪼꪜ ꪣꪱ ꪶꪠꪉ ꪚꪱꪙ ꪙꪱ ꪁꪷ ꪒꪱꪉ ꪼꪒ ꪜꪀꪴ ꪋꪺꪙ ꪹꪊꪷꪚ ꪙꪾ ꪘꪉꪰ ꪝꪉꪳ ꪎꪱ ꪁꪫꪱꪉ ꪁꪣꪲ , ꪚꪱꪙ ꪵꪎꪫ , ꪭꪫꪙꪸ ꪚꪱꪒ ꪎꪱꪒ; ꪹꪩꪉ ꪹꪏꪷꪙ , ꪭꪫꪙꪸ ꪚꪱꪫ ꪮꪙꪸ; ꪵꪀꪉ ꪪꪱꪙ ꪬꪫꪱ, ꪵꪖꪉ ꪶꪠ ꪩꪱꪋ ꪀꪱꪥ. ꪼꪜ ꪭꪮꪒ ꪚꪮꪙ ꪻꪒ ꪹꪊꪉ ꪊꪉꪲ ꪁꪷ ꪼꪒ ꪵꪖꪉ ꪘꪙꪸ ꪵꪀꪉ ꫛ ꪹꪤꪷꪙ ꪶꪋꪣ ꪋꪮꪥ.

ꪹꪊꪉ ꪊꪉꪲ ꪼꪔ ꪭꪉꪴ ꪕꪱꪉ ꪼꪜ ꪣꪱ ꪶꪠꪉ ꪚꪱꪙ ꪙꪱ ꪋꪾ ꪫꪱ ꪁꪷ ꪹꪚꪱ ꪨꪺꪉ ꪨꪱꪥ ꪎꪉꪰ ꪬꪱꪀ ꪫꪱ ꪁꪷ ꪹꪫꪱ ꪄꪙꪳ ꪩꪺꪉ ꪀꪾ ꪀꪫꪒꪸ ꪄꪮꪉ ꪵꪖꪉ ꪘꪙꪸ ꪩꪱꪫ ꪀꪱꪥ , ꪁꪒꪳ ꪣꪱ ꪄꪴ ꪣꪺꪙ ꪬꪮꪣ , ꪜꪺꪉ ꪀꪙꪲ ꪩꪺꪉ ꪤꪴ ꪻꪢ ꪣꪱ ꪻꪬ ꪕꪉꪳ ꪚꪱꪙ ꪄꪺꪉ , ꪶꪭꪣ ꪹꪠꪷꪙ ꪹꪤꪸꪒ ꪻꪬ ꪶꪠꪉ ꪚꪱꪙ ꪙꪱ ꪅꪽ ꪋꪽ , ꪵꪝꪀ ꪻꪎ ꪹꪏ.

                                                                   ꪵꪖꪉ ꪥꪀꪲ