Ngon tô: Khuyến nông

Kỹ thuật lăm đù cà phê hùa mua phồn

1-Tắt lan nga cánh xìa nhả:

          Cận xìa nhả hẳư hay cà phê, lưn xưa lỏ pưng nga, bằư đốn ók khòng mua cón. Ăn nị mi xương lỏ bón dú khòng bổng manh chơ phạ phồn chí mả pe văn dệt hại hẳư cò cà phê. Tắt xìa pưng nga báu pền mák. Tênh mết pưng cò nhả mi xương chọk xìa báu cọ phằng xắư khùm pọm cắp phòn bột.

          2-Dà khún hẳư cò cà phê:

          Cò púk bồng vạu chùng, cò cà phê vạu riềng cuồng dan nhại mua té mua họn ók mua phồn, cò púk bồng cọ khắư khồ pộ phạ lạnh lau, hư vịa cấp chất dinh dưỡng hẳư cò púk bồng lỏ cận hà. Khún hữu cơ mi xương dệt đìn phồng, choi hẳư hạ cò púk bồng mi xương mả pe, chúp đảy chất dinh dưỡng, chỏng đảy cắp bổng manh vạy cò mả pe, hẳư năng suất xùng cuồng mua lằng. Pi nọng mi xương xủ khún hữu cơ ( tư va khún lang, báu cọ phộ tkhèo ốk vạy) báu cọ xủ khún hữu cơ công nghiệp chế biến lẹo.

          Xủ khún toi luông pùn xương lằng: cuồng dan mua khồ đảy cấp dinh dưỡng pưa xương nặn hùa mua phồn pi nọng cận dà khún lang, khún khỉ ngua, quai ốk vay, khún lân, lưn xưa lỏ khún đạm vạy cò cà phê ték tà cánh liệng mák.

          Vạy cựt tóp đảy tục po khún dà hẳư cò cà phê vạy nhẳn pao hẳư luông mả pe cánh năng xuất cò cà phê; cận dà hẳư cò cà phê toi dan lá cằn, hùa mua phồn cận dà lài đạm vạy cò mả pe văn.

          Cận dà khún chơ đìn mức chưm, dà khún xắư bón bằư phum ók, cánh khút lông lậc dáo 10 phần. Lưn xưa chơ dà khún đảy thồm đìn xìa.

3-Chự phong bổng  manh:

          Chự phong nhăn tốc, tồ mọt long nga cánh bệnh mốc cò lâng hền ók cuồng dan nị. Pưa xương nặn cận xìa nhả, lan xìa pưng nga pền bệnh cánh nga báu pền mák.

          Mi xương xủ tàng dà nưng cuồng pưng tàng dà lằng nị vạy bao xương dà: Sumithion, Xubatox, Supracide vạy bao chơ tồ nhăn tốc.

          Chơ cà phề pền bệnh mốc cò, nga khồ, mák khồ hư cận xìa nhả hẳư hay  cà phề sáng bàng, lan nga pền bệnh xìa. Mi xương xủ dà pảy chự cò púk bồng vạy bao xương dà Validacin 3SC, Tung va li 3SL

          Nọk nặn ók, pi nọng cận lâng chơ pày bấng le hay cà phê vạy hụ hền ók bổng bệnh cánh mi luông dàu dà lợp tăn, xòng ma lan nga pưng cò mạy dệt hôm vạy hẳư hay cà phê sáng bàng, dón xìa bổng manh cắt hại, vạy hay cà phê mả pe, nho xùng năng xuất mua cà phê 2016-2017 cánh pưng pì pày nả./.

Thanh thuỷ-Huyền dịch

ꪀꪲ ꪖꪺꪒ ꪩꪣꪾ ꪒꪴ ꪀꪱ ꫃ꪠ ꪬꪺ ꪣꪺ ꪶꪠꪙ

1-ꪔꪒꪰ ꪩꪱꪙ ꪉꪱ ꪵꪀꪉ ꪎꪸ ꪐꪱ:

          ꫄ꪁꪙ ꪎꪸ ꪐꪱ ꪻꪬ ꪼꪭ ꪀꪱ ꫃ꪠ ꪎꪱꪉ ꪚꪱꪉ ,ꪩꪙꪳ ꪹꪏ ꪨꪷ ꪝꪉꪳ ꪉꪱ ꪻꪚ ꪶꪒꪙ ꪮꪮꪀ ꪄꪮꪉ ꪣꪺ ꪀꪮꪙ. ꪯꪽ ꪙꪲ ꪣꪲ ꪹꪏꪉ ꪨꪷ ꪚꪮꪙ ꪤꪴ ꪄꪮꪉ ꪶꪚꪉ ꪵꪣꪉ ꫄ꪋ ꪡꪱ ꪶꪠꪙ ꪋꪲ ꪢꪱ ꪵꪝ ꪮꪮꪀ ꫃ꪥꪒ ꪭꪱꪥ ꪻꪬ ꪀꪷ ꪀꪱ ꫃ꪠ. ꪔꪒꪰ ꪎꪸ ꪝꪉꪳ ꪉꪱ ꪹꪚꪱ ꫃ꪜꪙ ꪢꪱꪀ. ꫃ꪕꪉ ꫃ꪢꪒ ꪝꪉꪳ ꪀꪷ ꪐꪱ ꪣꪲ ꪹꪏꪉ ꪋꪮꪀ ꪎꪸ ꪹꪚꪱ ꪁꪷ ꪠꪉꪰ ꪻꪎ ꪄꪣꪴ ꪜꪮꪣ ꪀꪚꪾ ꪠꪮꪙ ꪶꪚꪒ.

          2-ꪤꪱ ꪄꪙꪴ ꪻꪬ ꪀꪷ ꪀꪱ ꫃ꪠ:

          ꪀꪷ ꪜꪴꪀ ꪶꪚꪉ ꪹꪫꪱ ꪊꪉꪴ, ꪀꪷ ꪀꪱ ꫃ꪠ ꪹꪫꪱ ꪤꪉꪸ ꪀꪺꪉ ꪥꪱꪙ ꪑꪱꪥ ꪣꪺ ꪵꪔ ꪣꪺ ꪭꪮꪙ ꪮꪮꪀ ꪣꪺ ꪶꪠꪙ ,ꪀꪷ ꪜꪴꪀ ꪶꪚꪉ ꪀꪷ ꪻꪄ ꪶꪄ ꪶꪝ ꪡꪱ ꪵꪩꪉ ꪹꪩꪱ ꪭꪳ ꪫꪀꪸ ꫄ꪀꪚ ꪤꪉꪲ ꪹꪤꪉ ꪻꪬ ꪀꪷ ꪜꪴꪀ ꪶꪚꪉ ꪨꪷ ꫄ꪁꪙ ꪬꪱ. ꪄꪙꪴ ꪩꪱꪉ ꪣꪲ ꪹꪏꪉ ꫃ꪥꪒ ꪒꪙꪲ ꪶꪠꪉ ,ꪋꪮꪥ ꪻꪬ ꪭꪱꪀ ꪀꪷ ꪜꪴꪀ ꪶꪚꪉ ꪢꪱ ꪵꪜ , ꪊꪚꪴ ꪼꪒ ꫄ꪊꪒ ꪤꪉꪲ ꪹꪤꪉ ꪻꪬ ꪙꪉꪰ ꪎꪺꪒ ꪎꪉꪴ ꪀꪺꪉ ꪣꪺ ꪨꪉꪰ. ꪝꪲ ꪙꪮꪉ ꪣꪲ ꪹꪏꪉ ꪎꪴ ꪄꪙꪴ ꪩꪱꪉ , ꪄꪴꪙ ꪶꪡꪒ ꪵꪄꪫ ꪶꪮ ꪼꪫ.

          ꪎꪴ ꪄꪙꪴ ꪔꪮꪥ ꪩꪺꪉ ꪜꪴꪙ ꪹꪏꪉ ꪨꪉꪰ: ꪀꪺꪉ ꪥꪱꪙ ꪣꪺ ꪶꪄ ꪹꪚꪱ ꪼꪒ ꫄ꪀꪚ ꪤꪉꪲ ꪹꪤꪉ ꪹꪝ ꪹꪏꪉ ꪙꪽ ꪬꪺ ꪣꪺ ꪶꪠꪙ ꪝꪲ ꪙꪮꪉ ꫄ꪁꪙ ꪤꪱ ꪄꪙꪴ ꪩꪱꪉ ,ꪄꪙꪴ ꫄ꪩꪙ ꪹꪩꪙ ꪹꪏ ꪨꪷ ꪄꪙꪴ ꪓꪱꪣ ꪼꪪ ꪀꪷ ꪀꪱ ꫃ꪠ ꪵꪔꪀ ꪔꪱ ꪵꪀꪉ ꪩꪉꪸ ꪢꪱꪀ.

          ꫄ꪁꪙ ꪤꪱ ꪄꪴꪙ ꫄ꪋ ꪒꪙꪲ ꪢꪀꪳ ꪋꪣꪳ, ꪤꪱ ꪚꪮꪙ ꪼꪚ ꪡꪴꪣ ꪮꪮꪀ ꪵꪀꪉ ꪄꪒꪴ ꪶꪩꪉ ꫄ꪩꪀ ꪤꪱꪫ 10 ꫄ꪠꪙ. ꪹꪩꪙ ꪹꪏ ꫄ꪋ ꪤꪱ ꪄꪙꪴ ꪼꪒ ꪶꪖꪣ ꪒꪙꪲ ꪎꪸ.

          3-ꪋꪳ ꪡꪮꪉ ꪶꪚꪉ ꪵꪣꪉ:

          ꪋꪳ ꪡꪮꪉ ꪑꪽ ꪶꪔꪀ ,ꪶꪔ ꪣꪮꪒ ꪩꪮꪉ ꪉꪱ ꫄ꪩꪉ ꫃ꪬꪙ ꪮꪮꪀ ꪀꪺꪉ ꪥꪱꪙ ꪙꪲ. ꪹꪝ ꪹꪏꪉ ꪙꪽ ꫄ꪁꪙ ꪔꪒꪰ ꪉꪱ ꫃ꪜꪙ ꫃ꪛꪉ ꪵꪀꪉ ꪉꪱ ꪹꪚꪱ ꫃ꪜꪙ ꪢꪱꪀ ꪎꪲ.

          ꪣꪲ ꪹꪏꪉ ꪎꪴ ꪝꪉꪳ ꪔꪱꪉ ꪤꪱ ꪨꪉꪰ ꪙꪲ  ꪹꪏꪉ ꪤꪱ ꪏꪴ ꪣꪲ ꪖꪲ ꪮꪮꪙ ,ꪏꪴ ꪛꪱ ꪕꪷ ꪼꪫ ꪚꪱꪫ ꫃ꪋ ꪑꪽ ꪶꪔꪀ.

          ꫃ꪋ ꪀꪱ ꫃ꪠ ꫃ꪜꪙ ꫃ꪛꪉ ꪶꪢꪀ ꪀꪷ, ꪉꪱ ꪶꪄ ,ꪢꪱꪀ ꪶꪄ ꪭꪳ ꫄ꪁꪙ ꪎꪸ ꪐꪱ ꪻꪬ ꪼꪭ ꪀꪱ ꫃ꪠ ꪎꪱꪉ ꪚꪱꪉ ,ꪔꪒꪰ ꪉꪱ ꫃ꪜꪙ ꫃ꪛꪉ ꪎꪸ.

          ꪙꪮꪀ ꪙꪽ ꪮꪮꪀ ꪝꪲ ꪙꪮꪉ ꫄ꪁꪙ ꫄ꪩꪉ ꫄ꪋ ꪼꪜ ꫄ꪚꪉ ꪵꪩ ꪼꪭ ꪀꪱ ꫃ꪠ ꪼꪫ ꪭꪴ ꫃ꪬꪙ ꪮꪮꪀ ꪶꪚꪉ ꫃ꪛꪉ ꪵꪀꪉ ꪣꪲ ꪩꪺꪉ ꪹꪤꪱ ꪤꪱ ꫄ꪨꪚ ꪕꪽ, ꪎꪮꪉ ꪣꪱ ꪩꪱꪙ ꪉꪱ ꪝꪉꪳ ꪀꪷ ꪼꪣ ꫃ꪤꪒ ꪶꪭꪣ ꪼꪫ ꪻꪬ ꪼꪭ ꪀꪱ ꫃ꪠ ꪎꪱꪉ ꪚꪱꪉ ꪤꪮꪙ ꪎꪸ ꪶꪚꪉ ꪵꪣꪉ ꪀꪒꪰ ꪭꪱꪥ ꪼꪫ ꪼꪭ ꪀꪱ ꫃ꪠ ꪢꪱ ꪵꪝ ,ꪑꪷ ꪎꪉꪴ ꪙꪉꪰ ꪶꪎꪒ ꪶꪣ ꪀꪱ ꫃ꪠ 2016-2017 ꪵꪀꪉ ꪝꪉꪳ ꪜꪲ ꪼꪜ ꪘꪱ.

ꪹꪩꪉ ꪬꪫꪙꪸ ꪥꪀꪲ