ꪏꪱ ꪜꪱ ꪵꪔꪈ ꪜꪴꪙ ꪨꪱꪥ ꪩꪺꪉ ꪜꪴꪀ ꪋꪺꪙ ꪵꪄꪀ ꪢꪱ ꪮꪙꪲ ꪤꪱꪣ

          ꪨꪉꪰ ꪊꪉꪸ ꪹꪭꪙ ꪥꪉꪰ ꪵꪯꪉ ꪒꪀꪳꪶ ꪎꪱ ꪔꪱ ꪫꪱꪙ ꪭꪫꪙꪸ ꪏꪱ ꪝꪱ, ꪔꪉꪲ ꪩꪱꪫ ꪀꪱꪥ ꫄ꪩꪉ ꫃ꪔꪣ 4 ꪣꪱ ꪤꪴ ꪊꪱꪉ. ꪕꪮꪥ ꪁꪫꪱꪣ ꪄꪮꪉ ꪨꪱꪥ ꪵꪄꪀ ꪣꪱ ꪥꪉꪰ ꪘꪉꪰ ꪹꪭꪙ ꪥꪉꪰ ꪵꪯꪉ ꪒꪀꪳ ꪹꪮꪱ ꪄꪙꪳ ꪘꪉꪰ ꪶꪖꪉ ꪔꪲꪙ ꪄꪮꪉ ꫄ꪀ ꫄ꪎ ꪜꪮꪣ ꪶꪎꪣ ꪻꪊ ꪵꪀꪉ ꪢꪮꪉ ꪁꪮꪉ ꪔꪱꪫ ꪁꪙꪳ ꪣꪱ ꪹꪩꪱ. ꪩꪺꪉ ꪜꪴꪙ ꪼꪒ ꪨꪱꪥ ꪵꪄꪀ ꪐꪽ ꪵꪥꪉ ꪎꪴꪉ ꪯꪽ ꪨꪷ ꪩꪺꪉ ꪋꪺꪉ ꪭꪮꪉ ꪵꪄꪀ ꪵꪀꪉ ꪁꪱ ꪊꪱꪉ ꪬꪮꪉ ꪙꪮꪙ ꪵꪣꪙ ꪕꪮꪥ ꪁꪱ ꪕꪒꪰ ꪜꪴꪙ.

          ꪶꪠꪉ ꪤꪴ ꪩꪲꪀ ꪏꪱ ꪝꪱ ꪼꪒ ꪨꪱꪥ ꪚꪸ ꪚꪱꪫ ꪀꪺꪉ ꪹꪣꪉ ꪵꪀꪉ ꪹꪣꪉ ꪮꪮꪀ ꪹꪩꪀ ꪋꪮꪙ ꪨꪷ ꪚꪮꪙ ꪢꪱ ꪮꪙꪲ ꪤꪱꪣ ꪅꪽ ꪋꪽ. ꪩꪙꪳ ꪹꪏ ꪨꪷ ꪵꪔ ꫄ꪋ ꪢꪲ ꫃ꪎꪣ ꪕꪱꪉ ꪵꪎ ꪵꪩꪙ ꪫꪽ ꪶꪘꪥ ꪚꪱꪥ-ꪩꪱꪫ ꪀꪱꪥ ꪼꪒ ꪹꪮꪱ ꪹꪄꪱ ꪎꪴ, ꪀꪱꪚ ꪵꪔꪫ ꪡꪱꪙ ꪏꪲ ꪝꪉꪰ ꪼꪒ ꪹꪮꪱ ꪹꪄꪱ ꪎꪴ ꪹꪣ ꪬꪺ ꪜꪲ 2016 ꪭꪳ ꪶꪎ ꪵꪄꪀ ꪤꪴ ꪩꪲꪀ ꪣꪱ ꪁꪱ ꪏꪱ ꪝꪱ ꪩꪙꪳ ꪄꪙꪳ  ꪶꪁꪚ 3 ꪹꪕ ꪵꪫꪒ ꪻꪎ ꪜꪲ 2014. ꫄ꪉꪙ ꪖꪴ ꪼꪒ ꪵꪔ ꫃ꪥꪒ ꪥꪲꪀ ꪪꪴ ꪤꪴ ꪩꪲꪀ ꪄꪮꪉ ꪭꪫꪙꪸ ꪁꪒꪳ ꪼꪒ ꪥꪱꪫ 1700 ꪔꪲ ꪢꪽ.

          ꪼꪫ ꫄ꪊꪚ ꪙꪣꪾ ꪁꪒꪳ ꪼꪒ ꪩꪺꪉ ꪜꪴꪙ ꪎꪚꪳ ꪔꪱꪣ ꪢꪱ ꪼꪄ ꪤꪴ ꪩꪲꪀ ꪏꪱ ꪜꪱ ꪔꪮꪥ ꪩꪺꪉ ꪵꪕꪒ ꪕꪉꪸ, ꪔꪉꪰ ꪹꪔꪉ ꪏꪱ ꪝꪱ ꪁꪒꪳ ꫃ꪜꪙ ꪤꪴ ꪩꪲꪀ ꪵꪠꪙ ꪹꪣꪉ ꪥꪱꪙ ꪵꪔ ꪜꪲ 2016-2020, ꪭꪫꪙꪸ ꪏꪱ ꪝꪱ ꪜꪴꪀ ꪝꪺ ꪫꪀꪸ ꪋꪙꪸ ꪜꪱꪫ ꪔꪉꪰ ꪵꪔꪉ ꪋꪳ ꪎꪉꪸ ꪤꪴ ꪩꪲꪀ ,ꪀꪺꪉ ꪙꪽ ꪐꪽ ꪹꪥꪉ ꪔꪉꪰ ꪵꪔꪉ ꪪꪽ ꪬꪫꪱ ꪤꪴ ꪩꪲꪀ ꪨꪷ ꪄꪴ ꫄ꪁꪙ ꪬꪱ ꪼꪒ ꪑꪮꪉ ꪑꪷ ꪶꪀꪀ ꪵꪄꪀ.

          ꪄꪴ ꫜ ꪀꪺꪉ ꪫꪀꪸ ꪜꪴꪀ ꪋꪺꪙ ꪼꪒ ꪨꪱꪥ ꪵꪄꪀ ꪤꪴ ꪩꪲꪀ ꪣꪱ ꪮꪙꪲ ꪤꪱꪣ ꪮꪽ ꪨꪷ ꪹꪋꪉ ꪄꪮꪉ ꪤꪴ ꪩꪲꪀ ,ꪹꪝ ꪹꪏꪉ ꪙꪽ ꪀꪺꪉ ꪥꪱꪙ ꪀꪱꪥ ꪣꪱ ꪏꪱ ꪜꪱ ꪑꪮꪉ ꪑꪷ ꪻꪎ 7 ꪢꪴ ꪹꪋꪉ ꪭꪱꪉ ꪊꪉꪲ. ꪯꪽ ꪨꪷ ꪢꪱ ꪼꪄ ꪝꪉꪳ ꪥꪲꪀ ꪪꪴ ꪤꪴ ꪩꪲꪀ ꪝꪉꪳ ꪚꪮꪙ ꪮꪙꪲ ꪣꪺꪙ, ꪤꪴ ꪩꪲꪀ ꪹꪤꪱ ꪤꪱ ꫃ꪛꪉ ꪵꪔ ꪝꪉꪳ ꪔꪱꪉ ꪀꪷ ꪤꪱ ꪼꪕ. ꪩꪙꪳ ꪹꪏ ꪨꪷ ꪶꪔ ꪊꪀꪳ ꪝꪉꪳ ꪜꪱꪉ ꪶꪭꪥ ꪪꪽ ꪬꪫꪱ ꪝꪲ ꪙꪮꪉ ꪹꪋ ꪙꪮꪥ ꫛ, ꪝꪉꪳ ꪜꪱꪉ ꪶꪭꪥ ꪕꪮꪥ ꪣꪺ ꪕꪱ ꪮꪮꪀ ꪄꪴ ꪅꪽ ꪩꪺꪉ ꪋꪽ ꪼꪫ ꪜꪴꪀ ꪋꪺꪙ ꪵꪄꪀ ꪣꪱ ꪮꪙꪲ ꪤꪱꪣ ꪥꪉꪰ ꪥꪮꪣ.

          ꪔꪉꪰ ꪵꪔꪉ ꪪꪽ ꪬꪫꪱ ꪤꪴ ꪩꪲꪀ ꪊꪉꪲ ꪨꪷ ꪕꪱ ꪮꪮꪀ ꪄꪴ         ꪅꪽ ꪩꪺꪉ ꪋꪽ ꪀꪺꪉ ꪻꪊ ꪵꪄꪀ ꪣꪱ ꪕꪱꪉ ꪶꪠꪉ ꪙꪣꪾ ꪒꪲꪙ ꪜꪱ ꪝꪴ ꪅꪽ ꪋꪽ ꪄꪮꪉ ꪏꪱ ꪝꪱ, ꪼꪫ ꪣꪱ ꪹꪕ ꫜ ꪵꪩꪫ ꪭꪳ ꪵꪄꪀ ꪵꪮ ꪔꪱꪫ ꪁꪙꪳ ꪣꪱ ꪨꪱꪥ ꪹꪕ ꪻꪢ.

ꪵꪖꪉ ꪖꪫꪥꪲ - ꪬꪫꪙꪸ ꪥꪲꪀ