꫄ꪎꪘ ꪨꪱꫂ ꫄ꪭꪚ ꪔꪱꪀ ꪎꪱ ꪶꪘꪉ ꪉꪚꪸ ꫃ꪥꪒ ꪫꪀꪸ ꪑꪉꪷ ꪝꪷ ꪨꪱꪥ ꪥꪱꪀ ꪊꪱ

          ꪔꪉꪲ ꫄ꪎꪙ ꪨꪱ ꪼꪅ ꪣꪲ ꪋꪲ ꪮꪱꪫ ꪭꪮꪒ 6 ꪝꪽ ꪵꪬꪀ ꪔꪱ ꪒꪙꪲ ꫄ꪥꪒ ꪎꪺꪙ ꪠꪀꪷꪶ ꪎꪱꪙ ꪹꪩꪉ ꪢꪮꪥ ꪜꪲ ꪵꪥꪉ ꫄ꪚꪉ ꪀꪱꪥ 77 ꪝꪽ ꫄ꪔꪶꪙ ꫄ꪡꪙ ꪨꪱꪥ  ꪨꪷ ꪠꪀꪷ ꪀꪙꪲ ꪻꪚ ꪚꪽ ꪢꪱꪀ ꪘꪺꪥ. ꪬꪱꪀ ꪫꪱ ꪔꪱ ꪒꪙꪲ ꪲꪙ ꫄ꪡꪙ ꪨꪱꪥ ꪨꪷ ꪶꪝ ꫛ ꫄ꪤꪙ ꪬꪱꪀ ꫃ꪥꪒ ꪎꪺꪙ ꫃ꪩꪀ ꪙꪮꪥꪌ ꪔꪉꪲ ꪬꪉꪲ ꪣꪲ 18 ꫃ꪭꪚ ꪔꪱꪀ ꪎꪱ ꪋꪉꪳ ꪜꪀꪴ ꪠꪀꪷ, ꪬꪮꪣ, ꪢꪱꪀ ꪘꪺꪥ ꪀꪚꪾ ꪔꪱ ꪒꪙꪲ ꪀꪱꪫꪉ ꪀꪱꪥ 100 ꪵꪬꪀ ꪔꪱ, ꪎꪱꪙ ꪹꪩꪉ ꪵꪥꪉ ꫄ꪚꪉ ꪁꪒꪳ ꪀꪱꪥ 4 ꪝꪽ ꫄ꪔꪙ ꪢꪮꪥ ꪜꪲ. ꪀꪺꪉ ꪤꪱꪙ ꪹꪥꪒ ꪹꪤꪙ ꫄ꪡꪣ ꪨꪱꪥ ꪝꪉꪳ ꫄ꪭꪚ ꪔꪱꪀ ꪎꪱ ꪷꪁ ꪎꪴ ꪀꪫꪱ ꪭꪮꪀ ꪀꪲ ꪗꪺꪒ ꪻꪎ ꪫꪀꪸ ꪜꪀꪴ ꪶꪚꪉ. 6 ꫄ꪭꪚ ꪔꪱꪀ ꪎꪱ ꪼꪒ ꫄ꪀꪚ ꪊꪸ ꪊꪉꪳ ꪐꪽ ꪫꪒꪸ ꪈꪱꪚ . ꪠꪷꪀ ꪬꪮꪣ ꪢꪱꪀ ꪘꪺꪥ ꪄꪮꪉ ꫄ꪭꪚ ꪔꪱꪀ ꪎꪱ ꪘꪉꪷ ꪔꪲꪉ ꪼꪒ ꫛ ꪎꪴ ꪶꪥꪉ ꪘꪉꪷ ꪬꪱ ꪶꪙꪥ ꪵꪀꪉ ꪝꪉꪳ ꪔꪲꪉ  ꪤꪴ ꪻꪎ ꪊꪾ  ꪐꪽ ꪵꪥꪉ ꪎꪉꪴ ꪵꪀꪉ ꫄ꪡꪙ ꪨꪱꪥ ꪁꪷ ꪀꪣꪸ ꪎꪫꪱꪒ ꪼꪒ ꫄ꪊꪒ ꪹꪩꪉ ꪵꪔ ꪫꪀꪸ ꫃ꪥꪒ ꪒꪙꪲꪶ ꪜꪀꪴ ꪶꪚꪉ, ꪙꪾ ꪚꪱꪫ, ꪄꪙꪴ ꪤꪱꪵꪀꪉ ꪬꪀꪷ ꪀꪴꪵꪀꪉ ꪄꪱꪥ ꪹꪋꪉ ꪄꪮꪉ ꪹꪊꪱ ꫃ꪥꪒ ꪮꪮꪀ. ꪬꪱꪀ ꪫꪱ, ꫄ꪡꪙ ꪨꪱꪥ ꪝꪉꪳ ꫄ꪭꪚ ꪔꪱꪀ ꪎꪱ ꪐꪉꪷ ꫃ꪭ ꪣꪸ ꪨꪱꪥ ꫄ꪉꪙ ꪶꪀꪀ ꪼꪫ ꪤꪮꪣ ꪻꪎ ꪫꪀꪸ ꪔꪉꪷ ꪵꪔꪉ ꫄ꪀ ꫄ꪶꪎ ꪏꪳ ꪼꪢ ꪢꪮꪀ ꪋꪺꪉ ꪭꪮꪉ ꪫꪀꪸ ꫃ꪥꪒ ꪹꪥꪶꪙ ꫃ꪭ ꫃ꪜꪉ ꪼꪄ ꪼꪒ ꪄꪴ ꪭꪉꪷ ꪩꪺꪉ ꪵꪭꪉ ꪼꪫ ꪢꪱ ꪼꪄ. ꪩꪉꪴ ꪣꪱꪥ ꪒꪀꪳ ꪗꪉꪲ -  ꪊꪴ ꪑꪣꪸ ꫄ꪭꪚ ꪔꪱꪀ ꪎꪱ ꪁꪱ ꪄꪱꪥ ꪶꪘꪉ ꪉꪚꪸ 19ꪞ5 ꪶꪢꪀ ꪹꪊꪱ ꪻꪬ ꪭꪴ:

          ꪕꪮꪥ ꪩꪉꪳ ꪈꪫꪙꪸ ꪬꪫꪲ ꪕꪉꪷ, ꪊꪴ ꪑꪣꪸ ꪩꪙꪸ ꪣꪉꪸ ꫄ꪭꪚ ꪔꪱꪀ ꪎꪱ ꪔꪉꪸ ꫄ꪎꪙ ꪨꪱ ꪻꪬ ꪭꪴ; ꪼꪅ ꪙꪸꪀꪲ ꪗꪺꪒ ꫃ꪥꪒ ꪹꪥꪙ ꪘꪉꪾ ꪝꪉꪳ ꫄ꪭꪚ ꪔꪱꪀ ꪎꪱ ꫃ꪥꪒ ꪹꪥꪙ ꪶꪘꪉ ꪉꪚꪸ ꪘꪉꪷ ꫄ꪎꪙ ꪨꪱ ꪑꪉꪷ ꪣꪲ ꪨꪱꪥ ꪄꪴ ꪄꪒꪷ ꪄꪮꪶꪉ ꪶꪀꪀ ꪹꪉꪙ ꪎꪉꪲ ꪄꪮꪉ ꫄ꪭ ꪝꪮꪣ ꪝꪚꪾ, ꪙꪾ ꪹꪢꪉ ꫃ꪭ ꪭꪮꪒ ꪋꪴ ꪚꪮꪙ, ꪕꪱꪉ ꪼꪜ ꪣꪱ ꪑꪉꪷ ꪝꪷ ꪨꪱꪥ ꪥꪱꪀ ꪋꪱꪶ ꪲꪣ ꪭꪱꪥ ꪭꪮꪒ ꪫꪀꪸ ꪄꪱꪥ ꪹꪋꪉ ꪄꪮꪉ, ꪶꪎ ꫄ꪭꪚ ꪔꪱꪀ ꪎꪱ ꪎꪴ ꪶꪀꪉ ꫃ꪉ ꪂꪉꪴꪶ ꪁꪒꪳ ꪼꪒ ꪩꪺꪉ ꪜꪙꪴ ꪫꪒꪸ ꪈꪱꪚ ꪑꪉꪷ ꪙꪮꪥ , ꫄ꪡꪙ ꪨꪱꪥ ꪨꪷ ꪬꪉꪲ ꫄ꪎ ꫃ꪊ , ꪬꪚꪾ ꪬꪷ ꪑꪉꪷ ꫃ꪭ ꪋꪽ. ꪩꪙꪳ ꪹꪏ ꪨꪷ ꪙꪮꪥ ꫄ꪭꪚ ꪔꪱꪀ ꪎꪱ ꪼꪒ ꪀꪴ ꫄ꪉꪙ ꪶꪀꪀ ꪕꪮꪥ ꪉꪲ ꪒꪉꪲ 55 ꪄꪮꪉ ꪊꪉꪲ ꪠꪴ, ꪋꪾ ꪫꪱ ꪉꪲ ꪓꪉꪲ ꪼꪒ ꪒꪴ ꪹꪏꪉ ꪚꪮꪙ ꫄ꪝꪉ ꪋꪮꪥ ꪊꪱ ꪶꪔ ꪊꪀꪳ, ꪚꪮꪣ ꪤꪉꪸ. ꪩꪉꪴ ꪈꪫꪙꪸ ꪬꪲꪫ ꪕꪉꪷ ꪫꪱ:

          ꫄ꪎꪙ ꪨꪱ ꪁꪷ ꪣꪲ ꪨꪱꪥ ꪄꪴ ꪭꪉꪷ ꪩꪺꪉ ꪵꪭꪉ , ꪣꪲ ꪒꪙꪲ ꪒꪮꪙ ꪀꪫꪱꪉ , ꪙꪾ ꪒꪲꪙ ꫃ꪤꪙ ꪁꪣꪳ ꪼꪫ ꪢꪱ ꪼꪄ ꪫꪀꪸ ꪹꪥꪒ ꪹꪥꪙ ꪶꪘꪉ ꪉꪚꪸ, ꪩꪙꪳ ꪹꪏ ꪨꪷ ꫃ꪥꪒ ꪎꪺꪙ ꪜꪀꪴ ꪠꪀꪷ , ꪬꪮꪣ , ꪢꪱꪀ ꪘꪺꪥ . ꪬꪱꪀ ꪫꪱ, ꪩꪺꪉ ꪶꪋꪣ ꪭꪚꪾ ꪄꪮꪭ ꪝꪉꪳ ꫄ꪭꪚ ꪔꪱꪀ ꪎꪱ ꪀꪺꪉ ꪫꪀꪸ ꫃ꪥꪒ ꫄ꪩꪀ ꪙꪮꪥ , ꪹꪚꪱ ꪣꪲ ꪚꪮꪙ ꪄꪱꪥ. ꪩꪉꪳ ꪫꪷ ꪁꪣꪲ ꪁꪳ, ꪊꪴ ꪕꪀꪲ ꪩꪙꪸ ꪣꪉꪸ ꫄ꪭꪚ ꪔꪱꪀ ꪎꪱ ꪫꪓꪸ ꪘꪱꪣ ꪫꪱ ꪭꪀꪸ ꪁꪱꪒ ꪁꪙꪸ ꪀꪚꪾ ꪝꪉꪳ ꪹꪋꪉ ꪄꪮꪉ ꪶꪀꪀ ꪊꪉꪲ, ꪀꪺꪉ ꪙꪽ ꪑꪮꪉ ꪑꪷ ꪔꪉꪷ ꪵꪔꪉ ꪶꪀꪀ ꪹꪉꪘ ꪎꪉꪲ ꪄꪮꪉ ꪶꪠꪉ ꪕꪒꪷ ꪜꪙꪴ, ꪵꪔ ꪙꪽ ꪕꪮꪚ ꪬꪮꪣ ꪔꪉꪷ ꪵꪔꪉ ꪝꪉꪳ ꪔꪱꪉ ꪹꪋꪉ ꪭꪱꪉ ꪣꪲ ꪁꪱ ꪁꪮꪙ ꪄꪮꪉ ꫄ꪭꪚ ꪔꪱꪀ ꪎꪱ. ꪩꪉꪴ ꪫꪷ ꪁꪣꪲ ꪁꪳ ꪫꪱ:

          ꪔꪉꪲ ꫄ꪎꪙ ꪨꪱ ꪼꪅ  ꪙꪲ ꪒꪱꪉ ꪕꪮꪚ ꪬꪮꪣ ꪩꪣꪾ ꪵꪩ ꪫꪀꪸ ꪕꪒꪷ ꪜꪙꪴ ꪵꪀꪉ ꪝꪉꪳ ꪊꪉꪲ ꪵꪎꪀ ꪼꪫ ꪋꪮꪥ ꪹꪥ ꪢꪱ ꪼꪄ ꫄ꪭꪚ ꪔꪱꪀ ꪎꪱ ꪜꪀꪴ ꪠꪀꪷ ꪬꪮꪣ, ꪢꪱꪀ ꪘꪺꪥ ꪕꪉꪸ ꪱꪮꪙ ꪘꪉꪷ ꪔꪉꪲ, ꪎꪚꪳ ꪔꪱꪣ ꪜꪀꪴ ꪋꪺꪙ ꪹꪊꪉ ꪊꪉꪲ ꪁꪱ ꪄꪱꪥ ꪶꪒꪥ ꪀꪚꪷ ꫄ꪋ ꪩꪱꪒ ꫄ꪩꪉ ꪄꪱꪥ ꪵꪀꪉ ꪼꪄ ꪀꪫꪱꪉ ꪼꪜ ꪨꪱꪥ ꪚꪮꪙ. ꪯꪽ ꪨꪷ ꪄꪴ ꪉꪱꪥ ꪒꪲ ꪻꪬ ꪝꪉꪳ ꫄ꪭꪚ ꪔꪱꪀ ꪎꪱ ꪠꪀꪷ ꪬꪮꪣ ꪘꪉꪷ ꪀꪺꪉ ꪶꪠꪉ , ꪔꪉꪷ ꪵꪔꪉ , ꪋꪙꪸ ꪜꪱꪫ ꪋꪳ ꪏꪉꪸ ꪵꪀꪉ ꪹꪋꪉ ꪄꪮꪉ  ꪼꪫ ꪑꪷ ꪎꪉꪴ ꪩꪱꪉ ꪒꪲ ꪫꪀꪸ ꫃ꪥꪒ ꪹꪥꪙ  ꪵꪀꪉ ꪄꪱꪥ ꪼꪒ ꪁꪱ ꪁꪮꪙ ꪎꪉꪴ, ꪶꪭꪣ ꫄ꪡꪙ ꪜꪙꪴ ꪋꪺꪙ ꪔꪉꪾ ꪵꪔꪉ ꪚꪱꪙ ꪙꪱ ꪻꪢ ꪄꪮꪉ ꪓꪸ  ꪹꪠꪉ.