Che ké Tà Xùa- luông hăng hanh khòng phổng xùng Bắc Yền

Chua hươn ai Mùa A Làng nẳng bản Bẹ, xã Tà Xùa lỏ nưng cuồng pưng chua hươn cạ khài cánh dệt che khồ. Cón nị chua hươn dệt kình tế phân lài lỏ pâng xắư dệt hay li, hay khảu, kho ma lài hák va cọ báu po kìn po nung. Lằng chơ đảy cán bộ khuyến nồng chị bók kỹ thuật púk cánh pảy chự chương hang té cò che, chua hươn ai cọ xủ khoà học kỹ thuật xắư vịa púk che khòng chua hươn. Pọm cắp vịa nặn lỏ dòm ngơn cốc khày quảng tứm tà đìn púk che, họt khạy chua hươn ai mi cài 60 cốc che ké. Lák cắp pưng chựa che ứn, pưng cò che khòng chua hươn ai Làng mi lài cốc cò che ké ók hết hao ỏm cò, mi cò cọ nhăng đảy cài 3 họt 4 chua côn, tính ók đảy hạng họi pì lẹo. Cốc cò che mi luông quảng 2 cọp mư báu lọn, nga quảng, bằư nhắư cánh khèo cắm. Vạy pít đảy nhọt che chăn, che ón, pi nọng đảy khửn cò mưa pít, mi cò che mi họt 5 côn pọm khửn pít bát điều. Pưa xương nặn mỏi pì chua hươn ai Mùa A Làng cựt đảy thù nhập hạng kỷ xíp triệu mằn té khài che.

Xã Tà Xùa mi cài 450 chua hươn, phân lài lỏ côn Mông kìn dú, cuồng nặn mi dáo 300 chua hươn púk che cắp cài 200 cốc che ké hạng họi pì, pọm cắp lài tà đìn che ứn. Vạy mi đảy che chẹp ài hòm, chơ pít đảy nhọt che ón, đảy àu ma khủa ngày, va báu chi dệt mết dàng măn xìa, chơ xàng khảu đảy côn hẳư pâng cằn. Lẹo àu ók pì pò hẳư pưng chạp che bằư che ók xìa, lằng nặn xứp tàm àu xắư xàng khủa mắư. VỊa dệt nị cứ dệt pày dệt ma lài tưa tạu họt chơ che đảy xàng khủa khồ cánh àu chạp cha che ók xìa mết. Tốc lằng ma chắng àu pày hiềm chự cánh xắư túi hó pền chương hang, cứ dáo 5 cần che nhọt đíp hư đảy cần che khồ nưng. Khay nị ca che khồ khài đảy té 200 păn họt 700 păn mằn mỏi cần, che nhọt đíp khài đảy té 40 păn họt 70 păn mằn mỏi cần.

Té pì 1968, huyện Bắc Yền cọ tẳng cốc mả pe cò che phổng xùng, lưn xưa lỏ che ké cánh che San Tuyết. Họt khay nị tênh cá huyện cọ mi cài 100 nưng héc t ache, xỏn hôm phân lài nẳng xã Tà Xùa, cuồng nặn dáo 90 héc ta hẳư thù hoạch. Nhẳn danh che lò tàng cò kình tế cốc chính, huyện Bắc Yền cọ dòm ngơn cốc xự khún dà cò chựa cánh tạk khù ngai đì hẳư côn dần đảy ép học tứm lài luông hụ xiêng cuồng vịa lăm đù hay che.

Pọm cắp vịa hiềm chự cánh pếnh khày ca con kình tế, vằn hoá căm kìn khòng pưng cò che ké, huyện Bắc Yền lâng chóng hanh dệt ók chương hang che mi nằng suất, chất lượng, ca con xùng cánh tẹt tiêng, hôm phân nho xùng puồng kìn luông dú hẳư po me dần mương./.

Hoàng Long-Anh dịch

ꪛꪱꪥ ꪖꪳ 4 ꪣꪳ 3-5-2017

ꪵꪋ ꪵꪀ ꪔꪱ ꪎꪺ ꪩꪺꪉ ꪭꪉꪰ ꪵꪭꪉ ꪄꪮꪉ ꪶꪠꪉ ꪎꪉꪴ ꪚꪀꪰ ꪮꪙꪸ

ꪋꪺ ꪹꪭꪙ ꪯꪱꪥ ꪢꪺ A ꪨꪱꪉ ꪘꪉꪰ ꪚꪱꪙ ꪵꪛ ꪎꪱ ꪔꪱ ꪎꪺ ꪨꪷ ꫜ ꪀꪺꪉ ꪝꪉꪳ ꪋꪺ ꪹꪭꪙ ꪁꪱ ꪄꪱꪥ ꪵꪀꪉ ꫃ꪥꪒ ꪵꪋ ꪶꪄ. ꪀꪮꪙ ꪙꪲ ꪋꪺ ꪹꪭꪙ ꪯꪱꪥ ꫃ꪥꪒ ꪀꪉꪲ 6ꪔ ꫄ꪡꪙ ꪨꪱꪥ ꪨꪷ ꫄ꪝꪉ ꪻꪎ ꪼꪭ ꪩꪲ ꪼꪭ ꪹꪄꪱ ꪅꪷ ꪢꪷ ꪨꪱꪥ ꪬꪱꪀ ꪫꪱ ꪁꪷ ꪹꪚꪱ ꪝꪷ ꪀꪙꪲ ꪝꪷ ꪙꪉꪴ. ꪨꪉꪰ ꫄ꪋ ꪼꪒ ꪀꪱꪙ ꪶꪛ ꪄꪫꪙꪸ ꪶꪘꪉ ꪋꪲ ꪚꪮꪀ ꪀꪲ ꪗꪺꪒ ꪵꪀꪉ ꪼꪜ ꪋꪳ ꪹꪋꪉ ꪭꪱꪉ ꪵꪋ ꪋꪺ ꪹꪭꪙ ꪯꪱꪤ ꪁꪷ ꪎꪴ ꪄꪫꪱ ꪭꪮꪀ ꪀꪲ ꪗꪺꪒ ꪻꪎ ꪫꪀꪸ ꪜꪀꪴ ꪵꪋ. ꪝꪮꪣ ꪀꪚꪾ ꪫꪀꪸ ꪙꪽ ꪨꪷ ꪤꪮꪣ ꫄ꪉꪙ ꪶꪀꪀ ꪼꪄ ꪀꪫꪱꪉ ꪔꪣꪳ ꪔꪱ ꪒꪙꪲ ꪜꪴꪀ ꪵꪋ  ꪭꪮꪀ ꪼꪅ ꪋꪺ ꪹꪭꪙ ꪯꪱꪥ ꪣꪲ ꪀꪱꪥ 60 ꪶꪀꪀ ꪵꪋ ꪵꪀ ꪣꪲ ꪀꪷ ꪑꪉꪰ ꪼꪒ ꪭꪱꪉ 3-4 ꪋꪺ ꫛ ꪼꪒ ꪭꪱꪉ ꪭꪮꪥ ꪜꪲ ꪹꪹꪩꪫ. ꪶꪀꪀ ꪀꪷ ꪵꪋ ꪀꪫꪱꪉ ꪀꪱꪥ 2 ꪁꪮꪚ ꪣꪳ ꪉꪱ ꪀꪫꪱꪉ ꪻꪚ ꪻꪐ ꪵꪀꪉ ꪵꪄꪫ ꪋꪽ. ꫃ꪋ ꪜꪒꪲ ꪑꪮꪒ ꪼꪒ ꪄꪙꪳ ꪹꪣ ꪜꪒꪲ ꪀꪱ ꪀꪷ. ꪹꪝ ꪵꪏꪉ ꪙꪽ ꪢꪮꪥ ꪜꪲ ꪋꪺ ꪹꪭꪙ ꪯꪱꪥ ꪥꪒꪳ ꪼꪒ ꪖꪴ ꫄ꪑꪚ ꪭꪱꪉ ꪀꪲ ꪎꪚꪲ ꪋꪫꪸ ꪢꪽ ꪵꪔ ꪄꪱꪥ ꪵꪋ.

          ꪎꪱ ꪔꪱ ꪎꪺ ꪣꪲ ꪀꪱꪥ 450 ꪋꪺ ꪹꪭꪙ ꫄ꪡꪙ ꪨꪱꪥ ꪨꪷ ꫛ ꪶꪣꪉ ꪀꪙꪲ ꪤꪴ ꪀꪺꪉ ꪙꪽ ꪣꪲ ꪤꪱꪫ 300 ꪋꪺ ꪹꪭꪙ ꪜꪀꪴ ꪵꪋ ꪀꪚꪾ ꪀꪱꪥ 200 ꪶꪀꪀ ꪵꪋ ꪵꪀ ꪭꪱꪭ ꪭꪮꪥ ꪜꪲ ꪝꪮꪣ ꪀꪚꪾ ꪨꪱꪥ ꪔꪱ ꪒꪙꪲ ꪵꪋ ꪮꪙꪳ. ꪼꪫ ꪣꪲ ꪼꪒ ꪵꪋ ꪀꪙꪲ ꪵꪋꪚ ꪮꪱꪥ ꪬꪮꪣ ꫃ꪋ ꪜꪒꪲ ꪼꪒ ꪑꪮꪒ ꪵꪋ ꪮꪮꪙ ꪼꪒ ꪎꪱꪉ ꪄꪺ ꪼꪈ ꫄ꪋ ꪎꪱꪉ ꪄꪺ ꪼꪒ ꪶꪁꪙ ꪁꪫꪱ ꪻꪬ ꫄ꪝꪉ, ꪵꪩꪫ ꪹꪮꪱ ꪋꪱꪚ ꪋꪱ ꪮꪮꪀ ꪎꪸ ꪨꪉꪰ ꪙꪽ ꪎꪚꪳ ꪔꪱꪣ ꪹꪮꪱ ꪻꪎ ꪄꪺ ꪻꪢ ꪹꪕꪱ ꪭꪮꪒ ꫄ꪋ ꪵꪋ ꪶꪄ. ꪶꪔꪀ ꪨꪉꪰ ꪣꪱ ꪊꪉꪰ ꪹꪮꪱ ꪼꪜ ꪬꪣꪸ ꪋꪳ ꪵꪀꪉ ꪬꪷ ꪻꪎ ꪔꪥꪴ ꪬꪷ ꫃ꪜꪙ ꪹꪋꪉ ꪭꪱꪉ. ꪀꪳ ꪤꪱꪫ 5 ꫄ꪀꪙ ꪵꪋ ꪒꪚꪲ ꪨꪷ ꪼꪒ ꫄ꪀꪙ ꪵꪋ ꪶꪄ ꫜ. ꪼꪅ ꪙꪲ ꫄ꪀꪙ ꪵꪋ ꪶꪄ ꫜ ꪄꪱꪥ ꪼꪒ ꪵꪔ 200 ꪝꪽ ꪭꪮꪒ 700 ꪝꪽ ꪢꪮꪥ ꫄ꪀꪙ ꪵꪋ ꪑꪮꪒ ꪒꪚꪲ ꪄꪱꪥ ꪼꪒ ꪵꪔ 40 ꪝꪽ ꪭꪮꪒ 70 ꪝꪽ ꪢꪽ ꪢꪮꪥ ꫄ꪀꪙ.

          ꪵꪔ ꪜꪲ 1968 ꪭꪫꪙꪸ ꪚꪀꪰ ꪮꪙꪸ ꪁꪷ ꪔꪉꪰ ꪶꪀꪀ ꪢꪱ ꪵꪝ ꪀꪷ ꪵꪋ ꪶꪠꪉ ꪎꪉꪴ ꪩꪙꪳ ꪹꪏ ꪨꪷ ꪵꪋ ꪵꪀ ꪵꪀꪉ ꪵꪋ ꪏꪱꪙ ꪔꪫꪒꪸ. ꪭꪮꪒ ꪼꪅ ꪙꪲ ꫃ꪕꪉ ꪀꪱ ꪭꪫꪙꪸ ꪁꪷ ꪣꪲ ꪀꪱꪥ 100 ꫜ ꪵꪬꪀ ꪕꪱ ꪵꪋ ꫄ꪡꪙ ꪨꪱꪥ ꪘꪉꪰ ꪎꪱ ꪔꪱ ꪎꪺ ꪀꪺꪉ ꪙꪽ ꪤꪱꪫ 90 ꪵꪬꪀ ꪕꪱ ꪻꪬ ꪖꪴ ꪵꪭꪫꪀ. ꪐꪽ ꪵꪥꪉ ꪵꪋ ꪨꪷ ꪔꪱꪉ ꪀꪷ ꪀꪉꪲ ꫃ꪔ ꪶꪀꪀ ꪊꪉꪲ, ꪭꪫꪙꪸ ꪚꪀꪰ ꪮꪙꪸ ꪁꪷ ꪤꪮꪣ ꫄ꪉꪙ ꪶꪀꪀ  ꪏꪳ ꪄꪙꪴ ꪤꪱ ꪤꪱ ꪵꪀꪉ ꪀꪷ ꪹꪋ ꪵꪀꪉ ꪕꪱꪀ ꪄꪴ ꪉꪱꪥ ꪒꪲ ꪻꪬ ꫛ ꫄ꪤꪙ ꪼꪜ ꪵꪮꪚ ꪭꪮꪀ ꪔꪣꪳ ꪩꪺꪉ ꪭꪴ ꪏꪉꪸ ꪀꪺꪉ ꪫꪀꪸ ꪩꪣꪾ ꪒꪴ ꪼꪭ ꪵꪋ. ꪭꪫꪙꪸ ꪚꪀꪰ ꪮꪙꪸ ꪒꪱꪉ ꪊꪮꪉ ꪵꪭꪉ ꫃ꪥꪒ ꪮꪮꪀ ꪹꪋꪉ ꪭꪱꪉ ꪵꪋ ꪣꪲ ꪘꪉꪰ ꪎꪺꪒ ꫄ꪊꪒ ꪹꪩꪉ ꪀꪱ ꪁꪮꪙ ꪎꪉꪴ ꪵꪀꪉ ꪵꪕꪒ ꪕꪉꪸ ꪶꪭꪣ ꫄ꪡꪙ ꪑꪷ ꪎꪉꪴ ꪜꪺꪉ ꪀꪙꪲ ꪩꪺꪉ ꪤꪴ ꪻꪬ ꪝꪷ ꪵꪣ ꫄ꪤꪙ ꪹꪣꪉ.

                                                        ꪭꪫꪱꪉ ꪩꪮꪉ- ꪕꪮꪉ ꪵꪯꪉ ꪥꪀꪲ