ꪋꪉꪴ ꪖꪴ ꪻꪬ ꪙꪮꪉ ꪵꪀꪉ ꪝꪉꪳ ꪩꪺꪉ ꪭꪀꪷ ꪵꪝꪉ ꪮꪴꪙ ꪻꪊ

ꪨꪱꪥ ꫛ ꪶꪋꪣ ꪭꪚꪾ ꪹꪊꪉ ꪊꪉꪲ “ꪋꪉꪴ ꪖꪴ ꪳꪬ ꪙꪮꪉ” ꪘꪉꪷ ꪹꪭꪙ ꪤꪱ ꪫꪙꪸ ꪁꪱ ꪊꪉꪴ ꪹꪮꪉ ꪁꪷ ꪙꪣꪾ ꪔꪱ ꪶꪔꪀ ꫄ꪋ ꪉꪙꪲ ꪙꪮꪉ ꪭꪫꪱꪉ ꪀꪫꪉꪲ ꪋꪱꪉꪶ 13 ꪜꪲ ꪤꪴ ꪘꪉꪷ ꪠꪴ ꪗꪷ ꪄꪚꪾ ꪹꪪꪱ ꪭꪮꪒ ꫃ꪯꪣ. ꪩꪣꪾ ꪣꪷ ꪤꪮꪒ ꪠꪮꪣ, ꪹꪨꪉ ꪣꪱꪙ ꪵꪀꪉ ꪶꪠꪣ ꪬꪺ ꪬꪺꪉ ꪎꪸ ꪹꪚꪱ ꪣꪲ ꪎꪀꪷ ꫃ꪎꪣ ꪙꪉꪷ ꪶꪬꪒ ꪬꪷ ꪘꪉꪷ ꪚꪉꪽꪷ ꪵꪎ ꪨꪽ, ꪔꪱꪉ ꫃ꪛꪉ ꪮꪉꪳ ꪖꪳ ꪁꪷ ꪹꪀꪚ ꪎꪸ ꪜꪴꪙ ꪩꪱꪙ ꪒꪱꪉ ꪢꪱ ꪄꪮꪉ ꪋꪱꪉ. ꪙꪮꪉ ꪻꪠ ꪣꪮꪙ ꫃ꪋ ꪙꪲ ꪹꪚ ꪱꪋꪳ ꪭꪀꪸ ꪼꪒ ꪶꪋꪣ ꪔꪮꪙ ꪹꪚꪙ ꪬꪱꪥ ꪵꪀꪉ ꪼꪔ ꪕꪙꪸ ꪨꪺꪉ ꪒꪱꪫ ꪣꪺꪙ ꪋꪉꪸ ꪋꪉꪴ ꪖꪴ.

          ꪹꪚꪱ ꪼꪒ ꫄ꪚꪉ ꪒꪴ ꪝꪉꪳ ꪝꪲ ꪙꪮꪉ ꪄꪚꪾ ꪵꪏ ꪪꪽ ꫃ꪉ ꪀꪺꪉ ꪹꪋꪉ ꪊꪉꪲ ꪋꪉꪴ ꪖꪴ ꪻꪬ ꪙꪮꪉ, ꪨꪱꪙ ꪭꪫꪱꪉ ꪔꪙꪸ ꪵꪣꪉ, 9 ꪜꪲ , ꪘꪉꪷ ꪔꪱ ꪵꪖꪉ ꪮꪫꪱꪥ, ꪵꪖꪉ ꪊꪲ  ꪭꪱ ꪶꪙꪥ , ꪙꪮꪙ ꪩꪒꪸ ꪤꪴ ꪘꪉꪷ ꪹꪥꪉ ꪶꪝ ꫃ꪜꪙ ꫃ꪛꪉ ꫃ꪜꪙ ꪔꪣꪴ ꪘꪉꪷ ꪎꪱꪥ ꪵꪮ ꪎꪱꪥ ꫃ꪮꪙ ꪥꪱꪘ ꪨꪱ ꪎꪒꪴ. ꪵꪣꪉ ꪻꪠ ꪣꪮꪙ ꪼꪒ ꪤ ꪬꪮꪣ ꫃ꪛꪉ ꪼꪜ ꪢꪱ ꪼꪒ ꪹꪏꪉ ꪣꪳ ꪻꪒ, ꪹꪚꪱ ꪁꪷ  ꫃ꪩꪀ ꪙꪮꪥ ꪨꪷ ꪀꪉꪷ ꪢꪮꪙ ꪶꪣꪙ ꪼꪫ ꪢꪙꪴ ꪔꪙꪲ ꪄꪙꪳ ꪻꪬ ꪤꪮꪙ ꪎꪸ ꫃ꪊꪚ.

          ꪵꪩꪫ ꪀꪚꪾ ꪊꪉꪴ ꪖꪴ ꪘꪉꪷ ꪹꪭꪙ ꪤꪱ ꪊꪉꪴ ꪹꪮꪉ, ꪨꪱꪥ ꪙꪮꪉ ꪙꪮꪥ ꪒꪱꪉ ꪼꪒ ꪹꪤꪱ ꪤꪱ, ꪊꪣꪷ ꪫꪱ ꪹꪚ ꪱꪄꪣꪷ ꪼꪒ ꪕꪙꪸ ꪨꪺꪉ ꪒꪱꪫ ꪹꪚ ꪱꪁꪷ ꪝꪉꪳ ꪶꪔ ꪎꪒꪷ ꫃ꪤꪒ ꪵꪔ ꪶꪛꪉ ꪵꪩ ꪋꪽ ꪔꪱ...ꪬꪱꪀ ꪫꪱ ꪵꪩ ꪝꪉꪳ ꪙꪮꪉ ꪁꪷ ꪣꪺꪙ ꪨꪱꪥ ꫄ꪋ ꪼꪒ ꪮꪱꪥ ꫃ꪯꪣ ꪹꪮꪱ ꪻꪬ ꪹꪋꪉ ꪊꪉꪸ ꪋꪉꪴ ꪖꪴ ꪄꪮꪉ ꪹꪋꪉ ꪊꪉꪲ ꪶꪑꪣ ꪂꪮꪉ ꪻꪬ...

          ꪜꪱ ꪹꪥꪉ ꪖꪲ ꪣꪉꪲ ꪖꪴ, ꪹꪊꪉ ꪡꪮꪉ ꪶꪀꪉ ꪔꪱꪀ ꪎꪱ ꪶꪭꪥ, ꪹꪭꪙ ꪥꪱ ꪐꪲ ꪊꪉꪴ ꪹꪮꪉ ꪻꪬ ꪭꪴ, ꪙꪮꪀ ꪝꪉꪳ ꪉꪮꪙ ꪹꪋꪉ ꪊꪉꪸ ꪋꪉꪴ ꪖꪴ, ꪝꪉꪳ ꪨꪱꪙ ꪙꪮꪥ ꪙꪮꪙ ꪹꪭꪙ ꪤꪱ ꪑꪉꪷ ꪼꪒ ꫄ꪚꪉ ꪵꪩ ꪪꪽ ꫃ꪉ ꪼꪈ ꪘꪉꪷ ꪬꪮꪉ ꪙꪮꪙ ꪄꪮꪉ ꪹꪭꪙ ꪤꪱ ꪀꪺꪉ ꪹꪊꪉ ꪊꪉꪲ ꪹꪮꪱ ꫄ꪯꪣ ꪑꪱꪀ ꪣꪱ ꪀ ꪱꪹꪭꪙ ꪤꪱ:

          ꪋꪣꪾ ꪫꪱ ꪹꪚꪱ ꪹꪏꪉ ꪻꪒ ꪁꪒꪷ ꪔꪮꪚ ꪼꪒ ꪋꪴ ꪩꪱꪉ ꪻꪠ ꪻꪊ ꪣꪮꪙ ꪄꪮꪉ ꪝꪉꪳ ꪨꪱꪙ ꪙꪮꪥ  ꪬꪱꪀ ꪫꪱ ꪝꪉꪳ ꫛ ꪣꪲ ꪬꪺ ꪻꪊ ꪭꪀꪷ ꪵꪝꪉ ꪁꪷ ꪹꪮꪱ ꪣꪱ ꪻꪬ ꪝꪉꪳ ꪙꪮꪉ ꪩꪺꪉ ꪣꪺꪙ ꪬꪮꪣ ꪀꪺꪉ ꪥꪱꪙ ꪊꪉꪸ ꪋꪉꪴ ꪖꪴ. ꪙꪮꪉ ꪵꪣꪉ ꪁꪷ ꪣꪲ ꪄꪉꪷ ꪢꪮꪙ ꪼꪫ ꪢꪯꪙ ꪔꪙꪲ, ꪙꪮꪉ ꪊꪱꪉ ꪣꪲ ꪔꪣꪳ ꫄ꪉꪙ ꪼꪫ ꪏꪳ ꪄꪉꪷ ꪘꪱꪉ ꪼꪫ ꫄ꪔꪚ ꪑꪱꪉ. ꪑꪉꪷ ꪣꪲ ꪨꪱꪥ ꪨꪱꪙ ꪘꪮꪥ ꪮꪙꪳ ꪁꪷ ꪣꪲ ꪱꪉꪷ ꪕꪙꪸ ꪒꪱꪫ, ꪶꪔ ꪎꪒꪷ ꫃ꪤꪒ ꪵꪔ ꪶꪚꪉ, ꪼꪒ ꪔꪷ ꪵꪭꪉ ꪄꪙꪸ ꪩꪱꪥ ꪻꪎ ꪬꪙꪴ, ꪮꪲꪙ ꪀꪺꪉ ꪹꪭꪙ ꪚꪮꪉ ꪹꪭꪙ ꪏꪱꪥ ꪵꪀꪉ ꪼꪒ ꪀꪙꪲ ꪹꪄꪱ ꪵꪚꪉ ꪋꪉꪴ ꪖꪴ...ꪀꪺꪉ ꪩꪺꪉ ꪵꪚꪉ ꪜꪽ ꪭꪀꪷ ꪵꪝꪉ ꪮꪙꪴ ꪻꪊ.

                                                                                             TTT - ꪵꪭꪉ ꪥꪀꪲ

Trung thu hảư nọng cánh pưng luông hặc panh ún chàư

          Lai côn chôm hặp Chương trình “ Trung thu hảu nọng” nẳng hươn dà Viện K trung ương cọ nặm tà tốc  chơ nghin nọng Hoàng Quỳnh Trang, 13 pi, dú nẳng Phú Thọ khắp vạu họt êm. Lăm mo dót phòm, lương mạn cánh phôm hùa báu mi sắc xểm nẳng hốt hỏ nẳng bẳng xe lăn, tàng bệnh ung thư cọ cướp xìa pun lan đang mả khong Trang. Nong pháư mon chơ nị báu chơ hịa đảy chôm tỏn bươn hài cánh tảy tiên luông đào muôn chiêng Trung thu:

Báu đảy đu pưng pi nọng khắp xe văn  nghệ cuông Chương trình trung thu hảu nọng, lan Hoàng Tiến Mạnh, 9 pì, nẳng Tả Thanh Oai, Thanh Trì, Ha Nội, non liệt dú nẳng giương pộ bệnh pên túm nẳng sai ék, sài ên dan lả xút. Mạnh pháư mon đảy dà hóm bệnh, pày ma đảy xương mự đàư, báu cọ lệch nọi lỏ khẳng mon môn vạy mùn tin khửn hảu dón chếp.

          Lẹo cắp “ Trung thu” nẳng hươn dà Nhi Trung ương, lai nọng nọi đang đảy dàu dà, chăm va báu khắm đảy tiên luông đào báu cọ pưng tô sắt dệt té bồng le chăn tà...hak va le pưng nọng cọ muôn lài chơ đảy ải êm àu hảu chương chiêng trung thu khong Chương trình nhôm xỏng hảu...

          Pả Dương Thị Minh Thu, Trưởng phòng Công tác xã hội, hươn dà Nhi Trung ương hảu hụ, nọk pưng ngon chương trung thu, png lan nọi non hươn dà nhăng đảy bâng lé văn nghê ngay nẳng hỏng bệnh cuông Chương trình àu âm nhạc ma cá hươn dà:

Chăm va báu xương đàư cựt tóp đảy chu lang pháư chàư mon khong pưng lan nọi hák va pưng côn mi hùa chàư hặc panh cọ àu ma hảu pưng nọng luông muôn hom cuông dan chiêng Trung thu. Nọng Mạnh cọ mi khăng mon vạy mon tin, nọng Trang mi tứm ngơn vạy sự khặng nạng vạy tập nhang. Nhăng mi lai lan nọi ứn  cọ mi khẳng tiên luông đào, tô sắt dệt té bồng, đảy tó hanh khiên lai sáư hún, ín cuông hươn bóng, hươn sai cánh đảy kin khảu bánh trung thu...cuông luông bánh păn hặc panh khòng chu côn./.

                                                          TTT - Hạnh dịch