ꪬꪱ ꪡꪮꪉ ꪵꪚꪱꪉ ꪜꪽ ꪒꪙꪲ ꪒꪮꪙ ꫃ꪥꪒ ꪕꪱꪉ ꪘꪉꪽ ꪭꪫꪸꪙ ꪵꪱ ꪁꪱ, ꪔꪉꪲ ꪒꪀꪷ ꪨꪀꪷ

          ꫃ꪎꪣ ꪔꪱꪉ ꪵꪔ ꪛꪺꪙ ꪁꪱ ꪶꪘꪚ ꪵꪀꪉ ꪶꪗꪙ 4 ꪁꪳ ꪙꪲ, ꪭꪫꪸꪙ ꪵꪱ ꪁꪱ ꪔꪉꪲ ꪒꪀꪷ ꪨꪀꪷ ꪭꪲ 350 ꪹꪖꪀ ꪁꪷ ꪼꪒ ꪖꪷ ꫃ꪛ ꪶꪕꪉ ꪝꪉꪸ ꪝꪚꪾ, ꪀꪋꪱꪉ ꪏꪲ ꪮꪱꪫ ꪭꪮꪒ 3 ꪹꪖꪀ , 2 ꪭꪣꪸ ꪕꪱꪉ ꪁꪷ ꪼꪒ ꪕꪮꪙ ꪕꪣꪾ ꪵꪝ ꪻꪎ ꪎꪱꪉ ꪚꪱꪉ , ꪕꪱꪉ ꪎꪱꪥ ꪓꪙꪸ ꪏꪮꪣ ꪼꪒ ꫃ꪥꪒ ꪶꪣꪣ ꪵꪩꪫꪌ

            ꪭꪱꪉ ꪣꪳ ꪘꪉꪷ ꫃ꪎꪣ ꪕꪱꪉ ꪙꪲꪶ ꪩꪉꪴ ꪡꪱꪣ ꪥꪫꪥꪲ ꪈꪸ, ꪘꪉꪷ ꪶꪖꪙ 4 ꪎꪱ ꪁꪳ ꪙꪲ ꪁꪷ ꪣꪺꪙ ꪬꪮꪣ ꪹꪝ ꪫꪀꪸ ꫃ꪤꪒ ꪙꪲ ꪁꪷ ꫃ꪥꪒ ꪜꪙꪸ ꪖꪱꪥ ꪘꪱ ꪔꪱ ꪚꪱꪙ ꪙꪱꪌ ꪝꪮꪣ ꪀꪚꪾ ꪉꪮꪙ ꫄ꪉꪙ ꪄꪮꪉ ꪹꪭꪙ ꪹꪘꪀ , 28 ꪋꪺ ꪹꪭꪙ ꪀꪺꪉ ꪶꪖꪙ ꪁꪷ ꪬꪱꪁ ꪣꪺꪡ ꪻꪊꪔꪒꪷ ꪜꪣꪾ ꪀꪷ ꪼꪣ ꪼꪫ ꫃ꪥꪒ ꪕꪱꪉ, ꪢꪮꪥ ꪋꪺ ꪹꪭꪙ ꪀꪮꪚ ꪶꪭꪣ 2 ꪋꪥꪸ ꪬꪱ ꪵꪀꪉ ꪀꪮꪚ ꪶꪭꪣ ꪀꪱꪥ 300 ꪣꪳ ꪶꪀꪉ ꪼꪫ ꫃ꪥꪒ ꪕꪱꪉ. ꪶꪋꪣ ꪭꪚꪾ ꪬꪱ ꪡꪮꪉ ꪵꪚꪉ ꪜꪽ ꪒꪙꪲ ꪒꪮꪙ ꫃ꪤꪒ ꪕꪱꪉ ꪼꪜ ꪢꪱ ꪶꪠꪉ ꪚꪱꪙ ꪘꪱ, ꪋꪍ ꪹꪭꪙ ꪯꪱꪥ ꪭꪫꪱꪉ ꪪꪽ ꪩꪮꪉ ꪤꪴ ꪶꪖꪙ 5 ꪎꪱ ꪁꪳ ꪙꪲ ꪋꪣꪾ ꪪꪱ ꪨꪷ ꪋꪺ ꪹꪭꪙ ꪁꪒ ꪷꪬꪱꪀ ꪫꪱ ꪁꪷ ꪅꪽ ꪅꪱꪉ ꪵꪚꪉ ꪜꪽ ꪀꪱꪥ 300 ꪵꪖ ꪶꪣꪙ ꪒꪙꪲꪌ ꪯꪱꪥ ꪩꪮꪉ ꪪꪱ ꪭꪀꪸ, ꪫꪀꪸ ꪏꪒꪷ ꪑꪱꪥ ꪒꪙꪲ ꪒꪮꪙ ꪨꪷ ꪵꪊꪀ ꪑꪣꪸ ꪵꪀꪉ ꪈꪸ ꪫꪴ ꪄꪮꪉ ꪶꪀꪉ ꫄ꪤꪙ, ꪹꪝ ꪄꪴ ꫄ꪩꪥ ꪲꪒ ꪄꪮꪉ ꪹꪊꪱ ꪵꪀꪉ ꪄꪮꪉ ꪨꪱꪥ ꫛ.

             ꪩꪉꪴ ꪡꪱꪣ ꪥꪫꪲꪥ ꪬꪉꪴ, ꪊꪴ ꪕꪀꪲ ꪮꪫꪥꪲ ꪚꪱꪙ ꫄ꪤꪙ ꪹꪣꪉ ꪎꪱ ꪵ ꪱ ꪁꪱ ꪻꪬ ꪭꪴ; ꫄ꪊꪚ ꪙꪣꪾ ꪹꪊꪉ ꪊꪉꪲ ꪔꪉꪽ ꪵꪔꪉ ꪚꪱꪙ ꪙꪱ ꪻꪢ ꪵꪔ ꪜꪲ 2011 ꪣꪱ ꪭꪮꪠ ꪼꪅ ꪎꪱ ꪁꪷ ꪕꪮꪚ ꪬꪮꪣ ꪨꪱꪥ ꪩꪺꪉ ꪵꪭꪉ ꪔꪉꪷ ꪵꪔꪉ ꪶꪀꪀ ꪹꪉꪙ ꪎꪉꪲ ꪄꪮꪉ. ꪝꪮꪣ ꪀꪚꪾ ꫄ꪈꪙ ꪵꪎꪀ ꪹꪭꪙ ꪹꪙꪀ ꪋꪮꪥ ꪹꪤ ꫄ꪤꪙ ꪹꪣꪉ ꪵꪚꪉ ꪜꪽ ꪀꪱꪥ 010 ꪹꪖꪀ ꪶꪣꪙ ꪒꪙꪲ ꪵꪀꪉ ꪀꪮꪚ ꪶꪭꪙ ꪀꪱꪥ 3 ꪼꪲ ꪢꪽ ꪼꪫ ꪼꪄ ꪀꪫꪱꪉ ꪵꪀꪉ ꫃ꪤꪒ ꪋꪲ ꪮꪱꪫ ꪭꪮꪒ 30 ꪼꪀ ꪶꪎ ꪔꪱꪉ ꪼꪜ ꪢꪱ ꪶꪠꪉ ꪚꪱꪙ ꪙꪱ ꪨꪚꪷ ꪚꪮꪉ ꪓꪙꪸ ꪼꪔ ꪭꪉꪴ ꪭꪣꪸ ꪕꪱꪉ ꪤꪱꪫ 3 ꪼꪀ ꪶꪎ ꪘꪉꪷ ꪶꪠꪉ ꫄ꪤꪙ ꪤꪴ, ꪔꪉꪷ ꪨꪱꪥ ꪨꪱꪉ ꪹꪭꪙ ꪪꪽ ꪬꪫꪱ ꪕꪮꪚ ꪶꪭꪣ ꪨꪱꪥ ꫛ... ꪭꪮꪒ ꪼꪅ ꪎꪱ ꪁꪷ ꪁꪒꪳ ꪼꪒ 15 ꪀꪺꪉ 19 ꪩꪺꪉ ꪜꪙꪴ ꪣꪱ ꪕꪱꪉ ꪔꪉꪷ ꪵꪔꪉ ꪚꪱꪙ ꪙꪱ ꪻꪢ ꪵꪀꪉ ꪊꪮꪉ ꪵꪭꪉ ꪋꪲ ꪁꪒꪳ ꪼꪒ ꪔꪮꪥ ꪩꪺꪉ ꪜꪙꪴ ꪀꪺꪉ ꪜꪲ ꪙꪲ. ꪀꪚꪾꪩꪺꪉ ꪀꪮꪚ ꪶꪭꪣ ꪄꪮꪉ ꫄ꪤꪙ , ꪀꪱ ꪣꪳ ꪶꪀꪉ ꫃ꪤꪒ ꪫꪀꪸꪶ ꫛ ꫄ꪤꪙ ꪘꪉꪷ ꪎꪱ ꪁꪳ ꪙꪲ, ꪭꪫꪸꪙ ꪵ ꪱ ꪁꪱ, ꪔꪉꪲ ꪒꪀꪷ ꪨꪀꪷ ꪥꪷ ꪭꪴ ꪼꪒ ꪘꪱ ꪫꪀꪸ ꪄꪮꪉ ꪹꪊꪱ ꪀꪺꪉ ꪹꪊꪉ ꪊꪉꪲ ꪩꪺꪉ ꪜꪙꪴ ꪵꪠꪙ ꪹꪣꪉ ꪣꪱ ꪕꪱꪉ ꪔꪉꪷ ꪵꪔꪉ ꪚꪱꪙ ꪙꪱ ꪻꪢ.

                                                                       ꪹꪖꪉ ꪊꪴ ꪼꪔ ꪉꪫꪸꪙ - ꪵꪭꪉ ꪥꪀꪲ

Há phong hák bánh păn đin đon dệt tang nẳng huyện Ea Kar, tỉnh Đắk Lắk

         Xểm tang té buôn K’Nốp cánh thôn 4 Cư Ni, huyện Ea Kar, tỉnh Đắk Lắk hy 350 thứak cọ đảy thók bê tông piêng pặp, quang chi áo họt 3 thứa, 2 him tang cọ đảy tọn tăm pẹk sàư, tang sài điện cọ chọm đảy dệt mộm lẹo.

         Hạng mự nẳng xểm tang nị, lung Phạm Duy Nghĩa, nẳng thôn 4, xã Cư Ni vạu khửn luông muôn hòm, pưa vịa dệt mộm lẹo xểm tang nị cọ dệt piến thái nả tà bản na. Pọm cắp ngon ngơn dom sáư khong hươn nước, 28 chua hươn cuông thôn cọ hák muôn chàư tắt pẳm co mạy, sắt nhại hụa hao khong chảu vạy dệt tang, cóp hôm mỏi chua hươn 2 triệu hả cánh cóp hôm cài 300 mự công vạy dệt tang.

Chôm hặp há phong bánh pămn đin đon dệt tang pày ma phổng bản na, chua hươn ai Hoàng Văn Long dú thôn 5, xã Cư Ni, chăm va lỏ chua hươn cặt, hák va cọ khặn khang bánh păn cài 360 thứa môn đin. Ai Long va hịa, vịa bánh păn đin đon lỏ trách nhiệm cánh nghĩa vụ khong công dân, bánh păn chương khong khong chảu pưa khu lợi đi chung khong lai côn.

          Lung Phạm Duy Hùng, Chủ tịch Uỷ ban dân mương xã Cư Ni, huyện Ea Ka hảu hụ; chấp năm chương trình tẳng tánh bản na máư té  pi 2011 họt khạy, xã cọ tọp hom lai luông hanh dom ngơn cốc tẳng tánh cốc ngươn sính khòng. Pọm cắp ngân sách Hươn nước choi dừa, dân mương bánh păn cài 100 păn thứa môn đin cánh cóp hôm cài 3 tỷ mằn vạy khày quảng, dệt chi áo họt 30 cay số tang pày ma, lắp bóng điển tảy hung him tang dáo 3 cày số nẳng phổng dân dú, tẳng lai lang hươn văn hoá tọp hôm lai côn...Họt khạy, xã cọ cựt đảy 15 cuông 19 luông pun ma tang tẳng tánh bản na máư cánh chóng hanh chi cựt đảy toi luông pun cuông pi nị.

          Cắp luông cóp hôm khong côn dân, cá đin đon, chương khong, phải ngơn cánh mự công dệt vịa, côn dân nẳng xã Cư Ni, huyện Ea Kar, tỉnh Đắk Lắk cọ hụ đảy cnả vịa khong chảu cuông Chương trình luông pùn phén mương tẳng tánh bản na máư./.

                                                         TTTN-  Hạnh dịch