Điện cọ pày họt pưng bản lắc cày khòng Yền Bái

Mự àu điện ma bản, đối cắp pi nọng chựa côn Mông nẳng bản Tà Tầu, xã Pá Hu cọ xương mự hội nhắư. Té đằư ma kìn dú nẳng chòm pu Tà Tầu, tênh cưn ma hụ tảy tảy tiên nặm măn, phó lắc le pék xương sành hính hỏi thồi, pi nọng cọ báu ngươn báu ngơ chơ điện ma họt cọ hung quạ cá bản. Điện ma họt bản, vịa cốc khoẹ lung Thào A Líu dệt lỏ khài tồ quai nưng cánh tồ ngua nưng vạy xự máy xày khảu len té mô tơ điện mi ca 40 triệu mằn, piến xìa mong tằm khảu khòng tay hươn cánh chuông hong lang áo khòng pi nọng cuồng bản.

                    Dú chằm thôn Tà Tầu, thôn Pá Hu lỏ bản nưng cuồng 2 bản đảy điện lực thị xã Nghĩa Lộ, tỉnh Yền Bái àu điện ma hẳư cuồng pưng bườn hùa pì nị. Mi điện, puồng kìn đơi dú khòng 124 chua hươn pi nọng chựa côn Mông nẳng nị cọ piến thái lài dong. Pi nọng xự mỏ tổm khảu điện, ti vi, vi điện, tủ cưm ma chuông hong puồng kìn đơi dú. Muôn hòm nhất lỏ lụk nọng đảy ép bai cỏng sành điện piến xìa tiên tảy nặm măn.

          Mỏi chua hươn nẳng Tà Tầu, Pá Hu cọ đảy yền Bái choi dừa công tư, tang sài điện lạ pày tặm họt hươn, đảy lắp tó bảng điện, công tắc báu mết ngơn. Pi nọng cọ đảy cán bộ ngành điện lông pày tặm bón chí bók luông xủ điện tiêng àn, phảy dòm cọ xương chự phong chập mảy pộ điện dệt ók.

       Xã Pá Hu, huyện Trạm Táu, tỉnh yền Bái mi 5 bản, cài 400 chua hươn cắp dáo 2200 hùa côn, cuồng nặn pi nọng chựa côn Mông mi ngăn cài 92%, puồng kìn đơi dú khòng pi nọng nhăng pọ lài dạk cha, phân lài pâng xắư vịa púk khảu, khảu li hák va tà đìn cọ báu mi lài. Cắp mòng cong choi pi nọng mi khù ngai đì vạy piến thái đảy puồng kìn đơi dú, Điện Lực yền Bái cọ chóng hanh khảm pộn dạk cha àu điện mưa họt bản.

Nẳng pưng bản khòng xã Pá Hu, khạy mi điện cọ àu khù muôn luông hòm, cánh khày ók luông mả khày kinh tế, lan lay xìa cặt cung./.

Tuấn Xuân-Huyền dịch

ꪓꪙꪸ ꪼꪜ ꪭꪮꪒ ꪝꪉꪳ ꪚꪱꪙ ꪶꪠꪉ ꪎꪴꪉ ꪮꪙꪸ ꪚꪱꪥ

          ꪣꪳ ꪹꪮꪱ ꪓꪙꪸ ꪣꪱ ꪭꪮꪒ ꪚꪱꪙ ꪶꪒꪤ ꪀꪚꪾ ꪝꪲ ꪙꪮꪉ ꪹꪋ ꫛ ꪶꪣꪉ ꪘꪉꪰ ꪚꪱꪙ ꪔꪱ ꪹꪔꪱ, ꪎꪱ ꪜꪱ ꪭꪴ ꪁꪷ ꪹꪏꪈ ꪣꪳ ꪶꪭꪥ ꪻꪐ. ꪵꪔ ꪻꪒ ꪣꪱ ꪀꪙꪲ ꪤꪴ ꪘꪉꪰ ꪝꪴ ꪔꪱ ꪹꪔꪱ ꫃ꪕꪉ ꪁꪙꪳ ꪣꪱ ꪭꪴ ꪕꪷ ꪼꪔ ꪕꪙꪸ ꪙꪣꪾ ꪣꪽ, ꪠꪷ ꪨꪀꪰ ꪵꪩ ꪵꪜꪀ ꪹꪏꪉ ꪵꪎꪉ ꪬꪉꪲ ꪬꪮꪥ ꪶꪖꪥ , ꪝꪲ ꪙꪮꪉ ꪁꪷ ꪹꪚꪱ ꪹꪉꪉ ꪹꪚꪱ ꫄ꪉ ꪓꪙꪸ ꪣꪱ ꪭꪮꪒ ꪁꪷ ꪭꪴꪉ ꪁꪫꪱ ꪀꪱ ꪚꪱꪙ. ꪓꪙꪸ ꪣꪱ ꪭꪮꪒ ꪚꪱꪙ ꪫꪀꪸ ꪶꪀꪀ ꪵꪅꪫ ꪩꪴꪉ ꪖꪱꪪ ꪯꪱ ꪨꪫꪲ ꫃ꪥꪒ ꪯꪽ ꪨꪷ ꪀꪱꪥ ꪶꪔ ꪉꪺ ꪶꪔ ꪁꪫꪱꪥ ꫜ ꪼꪫ ꪏꪳ ꪼꪢ ꪼꪎ ꪹꪄꪱ ꪵꪩꪙ ꪵꪔ ꪶꪢ ꫄ꪕ ꪓꪙꪸ ꪣꪸ ꪁꪱ 40 ꪋꪫꪸ ꪢꪽ, ꪜꪙꪸ ꪎꪸ ꪣꪮꪉ ꪔꪣꪾ ꪹꪄꪱ ꪄꪮꪉ ꪼꪕ ꪹꪭꪙ ꪵꪀꪉ ꪋꪺꪉ ꪭꪮꪉ ꪩꪱꪉ ꪮꪱꪫ ꪄꪮꪉ ꪝꪲ ꪙꪮꪉ ꪚꪱꪙ ꪄꪺꪉ.

          ꪤꪴ ꪊꪣꪾ ꪶꪖꪙ ꪔꪱ ꪹꪔꪱ, ꪶꪖꪙ ꪜꪱ ꪭꪴ ꪨꪷ ꪶꪖꪙ ꫜ ꪀꪺꪉ 2 ꪶꪖꪙ ꪼꪒ ꪓꪙꪸ ꪩꪒꪳ ꪖꪲ ꪎꪱ ꪈꪸ ꪶꪨ , ꪔꪉꪲ ꪮꪙꪸ ꪚꪱꪥ ꪹꪮꪱ ꪓꪙꪸ ꪣꪱ ꪻꪬ ꪶꪺꪉ ꪝꪉꪳ ꪹꪚꪙ ꪶꪬ ꪜꪲ ꪙꪲ. ꪣꪲ ꪓꪙꪸ ꪜꪺꪉ ꪀꪙꪲ ꫄ꪓꪥ ꪤꪴ ꪄꪮꪉ 124 ꪋꪺ ꪹꪭꪙ ꪝꪲ ꪙꪯꪉ ꪹꪋ ꫛ ꪶꪣꪉ ꪘꪉꪰ ꪘꪲ ꪁꪷ ꪜꪙꪸ ꪖꪱꪥ ꪨꪱꪥ ꪥꪮꪉ. ꪝꪲ ꪙꪯꪉ ꪏꪳ ꪢꪷ ꪶꪔꪣ ꪹꪄꪱ ꪓꪙꪸ, ꪕꪲ ꪫꪲ, ꪫꪲ ꪓꪙꪸ ,ꪔꪴ ꪁꪣꪳ ꪣꪱ ꪋꪺꪉ ꪭꪮꪉ ꪜꪺꪉ ꪀꪙꪲ ꫄ꪓꪥ ꪤꪴ. ꪣꪺꪙ ꪬꪮꪣ ꫄ꪐꪒ ꪨꪷ ꪩꪴꪀ ꪙꪮꪉ ꪼꪒ ꪵꪮꪚ ꪛꪱꪥ ꪀꪮꪉ ꪵꪎꪉ ꪓꪙꪸ ꪜꪙꪸ ꪎꪸ ꪕꪙꪸ ꪼꪔ ꪙꪣꪾ ꪣꪽ.

          ꪢꪮꪥ ꪋꪺ ꪹꪭꪙ ꪘꪉꪰ ꪔꪱ ꪹꪔꪱ, ꪜꪱꪭꪳ ꪁꪷ ꪔꪒ ꪔꪉꪲ ꪯꪙꪸ ꪚꪱꪥ ꪋꪮꪥ ꪹꪤ ꪶꪁꪉ ꫄ꪕ ꪓꪙꪸ, ꪕꪱꪉ ꪎꪱꪥ ꪓꪙꪸ ꪼꪜ ꪕꪣꪾ ꪭꪮꪒ ꪹꪭꪙ , ꪼꪒ ꪨꪚꪾ ꪔꪷ ꪚꪱꪉ ꪓꪙꪸ , ꪶꪀꪉ ꪔꪀꪰ ꪓꪙꪸ ꪹꪚꪱ ꫃ꪢꪒ ꫄ꪉꪙ. ꪝꪲ ꪙꪯꪉ ꪁꪷ ꪼꪒ ꪀꪱꪙ ꪶꪛ ꪵꪈꪉ ꪓꪙꪸ ꪼꪜ ꪕꪣꪾ ꪚꪮꪙ ꪋꪲ ꪚꪷ ꪩꪺꪉ ꪎꪴ ꪓꪙꪸ ꪕꪉꪸ ꪮꪱꪙ ꪼꪠ ꪤꪮꪣ ꪁꪷ ꪹꪏꪉ ꪋꪳ ꪡꪮꪉ ꫄ꪋꪚ ꪼꪢ ꪶꪝ ꪓꪙꪸ ꫃ꪥꪒ ꪮꪮꪀ.

          ꪎꪱ ꪜꪱ ꪭꪴ ꪭꪫꪙꪸ ꪋꪱꪣ ꪹꪔꪱ, ꪔꪉꪲ ꪮꪙꪸ ꪚꪱꪥ ꪣꪲ 5 ꪚꪱꪙ ,ꪀꪱꪥ 400 ꪋꪺ ꪹꪭꪙ ꪀꪚꪾ ꪤꪱꪫ 2200 ꪬꪺ ꫛ, ꪀꪺꪉ ꪙꪽ ꪝꪲ ꪙꪮꪉ ꪹꪊ ꫛ ꪶꪣꪉ ꪣꪲ ꪉꪽ 92% ꪜꪺꪉ ꪀꪙꪲ ꫄ꪓꪥ ꪤꪴ ꪄꪮꪉ ꪝꪲ ꪙꪮꪉ ꪑꪉꪰ ꪝꪷ ꪨꪱꪥ ꪥꪀ ꪋꪱ ꫄ꪡꪙ ꪨꪱꪥ ꪨꪷ ꫄ꪝꪉ ꪻꪎ ꪫꪀꪸ ꪜꪴꪀ ꪹꪄꪱ, ꪹꪄꪱ ꪩꪲ.ꪀꪚꪾ ꪢꪮꪉ ꪁꪮꪉ ꪋꪮꪥ ꪝꪲ ꪙꪮꪉ ꪣꪲ ꪄꪴ ꪉꪱꪥ ꪒꪲ ꪼꪫ ꪜꪙꪸ ꪖꪱꪥ ꪼꪒ ꪜꪺꪉ ꪀꪙꪲ ꫄ꪓꪥ ꪤꪴ, ꪓꪙꪸ ꪩꪀꪳ ꪯꪙꪸ ꪚꪱꪥ ꪁꪷ ꪊꪮꪉ ꪵꪭꪉ ꪄꪱꪣ ꪌꪝꪙ ꪥꪱꪀ ꪋꪱ ꪹꪮꪱ ꪓꪙꪸ ꪹꪣ ꪭꪮꪒ ꪚꪱꪙ.

          ꪘꪉꪰ ꪝꪉꪳ ꪚꪱꪙ ꪄꪮꪉ ꪎꪱ ꪜꪱ ꪭꪴ, ꪼꪅ ꪣꪲ ꪓꪙꪸ ꪁꪷ ꪣꪲ ꪨꪱꪥ ꪄꪴ ꪣꪺꪙ ꪩꪺꪉ ꪬꪮꪣ ꪵꪀꪉ ꪼꪄ ꪮꪮꪀ ꪩꪺꪉ ꪢꪱ ꪼꪄ ꪀꪉꪲ ꫃ꪔ ꪩꪱꪙ ꪼꪩ ꪎꪸ ꪁꪒꪰ ꪁꪴꪉ.

ꪹꪩꪉ ꪬꪫꪙꪸ ꪥꪀꪲ