ꪛꪱꪥ ꪖꪳ 4 ꪣꪳ 15 ꪁꪾ ꪹꪚꪙ 2 ꪜꪲ 2017

ꪩꪱꪫ ꪀꪱꪥ ꪅꪽ ꪅꪱꪉ ꪶꪋꪣ ꪔꪮꪙ ꪜꪲ ꪤꪴ ꪩꪀꪲ ꪵꪠꪙ ꪹꪣꪉ

          ꪶꪕ ꪭꪮꪒ ꪩꪱꪫ ꪀꪱꪥ, ꪼꪅ ꪙꪲ ꪵꪄꪀ ꪀꪺꪉ ꪹꪣꪉ ꪵꪀꪉ ꪹꪣꪉ ꪙꪮꪀ ꪝꪮꪣ ꪈꪾꪣ ꪭꪮꪒ ꪵꪗꪉ ꪶꪠ ꪶꪠꪉ ꪵꪒꪙ ꪹꪣꪉ ꪢꪱ ꪼꪄ ꫄ꪐꪒ ꪶꪠꪉ ꪼꪔ ꪚꪀꪰ  ꪀꪚꪾ 2 ꪜꪱꪀ ꪔꪴ ꪹꪣꪉ ꪀꪺꪀ ꫃ꪔ ꪡꪮꪙ ꪹꪙꪉ ꪘꪉꪰ ꪬꪺ ꪵꪣ ꪙꪾ ꪕꪱꪫ. ꪝꪮꪣ ꪀꪚꪾ ꪄꪴ ꪙꪽ ꪨ꫁ ꪣꪲ ꪏꪱ ꪝꪱ ꪅꪽ ꪋꪽ ꪤꪴ ꫃ꪤꪙ ꪁꪺꪤ ꪜꪲ ꪎꪲ ꪣꪺ. ꪩꪱꪫ ꪀꪱꪥ ꪣꪲ 25 ꪹꪋ ꫛ ꪜꪮꪣ ꪀꪙꪲ ꪤꪴ. ꪣꪲ ꪝꪉꪳ ꫃ꪓꪙ ꪹꪗꪉ, ꫃ꪓꪙ ꪹꪢꪱ, ꫃ꪓꪙ ꪚꪱꪫ ꪬꪱ…ꪙꪮꪀ  ꪽ ꪮꪮꪀ ꪑꪉꪰ ꪣꪲ ꪨꪱꪤ ꪹꪉꪙ ꪩꪱꪉ ꪪꪽ ꪬꪱꪫ ꪅꪽ ꪋꪽ ꪄꪮꪉ ꪋꪴ ꪹꪋ ꫛ.

ꪜꪲ 1991 ꪨꪉꪰ ꫄ꪋ ꪔꪉꪰ ꪀꪷ ꪹꪩꪱ ꪔꪉꪲ, ꪶꪎ ꪵꪅꪀ ꪥꪴ ꪩꪀꪲ ꪣꪱ ꪀꪱ ꪔꪉꪲ ꪩꪱꪫ ꪀꪱꪥ ꪬꪉꪲ ꪣꪲ ꪔꪷ ꪝꪽ ꫜ ꪫꪀꪰ ꪵꪅꪀ ꪭꪳ ꪭꪮꪒ ꪜꪲ 2016 ꪁꪒꪳ ꪼꪒ 2 ꪋꪫꪸ 700 ꪝꪽ ꪫꪒꪰ ꪵꪅꪀ. ꪥꪱꪙ ꪊꪣꪾ ꪙꪲ ꪶꪠꪉ ꪥꪴ ꪩꪀꪲ ꪏꪱ ꪝꪱ ꪼꪒ ꪖꪴ ꪹꪔꪉ ꪊꪉꪲ ꪤꪴ ꫃ꪠ ꪥꪒꪸ ꪢꪱ ꪼꪄ ꫃ꪜꪙ ꪶꪠꪉ ꪤꪴ ꪩꪀꪲ ꪵꪠꪙ ꪹꪙꪉ. ꪀꪮꪙ ꪙꪽ, ꪵꪗꪉ ꪶꪠ ꪩꪱꪫ ꪀꪱꪥ ꪁꪰ ꪼꪒ ꪶꪀꪉ ꪑꪽ ꪶꪒ  ꪖꪲ ꪔꪱꪉ 2, ꪎꪚꪳ ꪔꪱꪣ ꪭꪒꪳ ꪄꪙꪳ ꪶꪒ ꪖꪲ ꪔꪱꪉ 1 ꪊꪮꪉ ꪵꪭꪉ ꪁꪒꪳ ꫃ꪜꪙ ꪵꪗꪉ ꪶꪠ ꪅꪽ ꪋꪽ ꪋꪴ ꪹꪤꪉ ꪀꪺꪉ ꪤꪱꪙ ꪼꪜ  ꪘꪱ.

 ꪀꪺꪉ ꪀꪫꪲꪥ ꪵꪭꪫꪀ ꪘꪱ ꪵꪜ ꪤꪴ ꪩꪀꪲ ꪩꪱꪫ ꪀꪱꪥ ꪀꪺꪉ ꪤꪱꪙ ꪜꪲ 2015 – 2020, ꪭꪒꪳ ꪭꪮꪒ ꪜꪲ 2030, ꪔꪉꪲ ꪩꪱꪫ ꪀꪱꪥ ꪁꪰ ꪜꪙꪴ ꪮꪮꪀ ꫃ꪀ ꪵꪭꪫꪀ ꪊꪮꪉ ꪵꪭꪉ ꪭꪮꪒ ꪜꪲ 2020 ꪁꪒꪳ ꫃ꪜꪙ ꪶꪠꪉ ꪤꪴ ꪩꪀꪲ ꪎꪚꪸ ꪶꪀꪀ ꪵꪅꪫꪀ ꪶꪠꪉ ꪼꪔ ꪚꪀꪰ ꪵꪀꪉ ꪭꪮꪒ ꪜꪲ 2030, ꪔꪉꪲ ꪩꪱꪫ ꪀꪱꪥ ꪋꪲ ꪨꪰ ꪶꪠꪉ ꪤꪴ ꪩꪀꪲ ꪲꪣ ꪜꪱ ꪝꪴ ꪵꪀꪉ ꪵꪙꪙ ꪪꪽ ꪬꪱꪫ ꪅꪽ ꪋꪽ ꪮꪮꪀ ꪔꪉꪸ ꪶꪠꪉ ꪒꪙꪲ ꪝꪴ ꪹꪣꪉ ꪫꪒꪸ ꪢꪱꪣ.

ꪣꪲ ꪹꪏꪉ ꪫꪱ, ꪤꪴ ꪩꪀꪲ ꪩꪱꪫ ꪀꪱꪥ ꪒꪱꪉ ꪢꪱ ꪵꪝ ꪭꪽ ꪵꪭꪉ ꪣꪲ ꪙꪱꪉ ꪣꪲ ꪩꪺꪉ. ꪼꪅ ꪙꪲ ꪶꪕ ꪭꪮꪒ ꪩꪱꪫ ꪀꪱꪥ ꪻꪠ ꪁꪰ ꪭꪴ ꪭꪮꪒ ꪹꪝ ꪫꪱ ꪹꪚꪱ ꪎꪺꪙ ꪕꪰ ꪣꪲ ꪨꪱꪥ ꪚꪮꪙ ꪮꪙꪲ ꪣꪺꪙ, ꪠꪱ ꫃ꪤꪙ ꪵꪩꪫ ꪝꪰ ꪵꪣ ꪜꪲ ꪙꪮꪉ ꪘꪉꪰ ꪙꪲ ꪑꪉꪰ ꪣꪀꪰ ꪣꪺꪙ ꪀꪚꪰ ꪵꪄꪀ. ꪀꪺꪉ ꪜꪲ 2017, ꪩꪱꪫ ꪀꪱꪥ ꪼꪒ ꪹꪩꪀ ꪋꪮꪙ ꪨꪰ ꪒꪸ ꪹꪠꪉ ꪶꪔ ꪊꪀꪳ ꪹꪊꪉ ꪊꪉꪲ ꪜꪲ ꪤꪴ ꪩꪀꪲ ꪵꪠꪙ ꪹꪙꪉ ꪀꪚꪰ ꪩꪺꪉ ꪜꪙꪴ: “ ꪄꪴ ꪅꪽ ꪩꪺꪉ ꪋꪽ ꪶꪠꪉ ꪼꪔ ꪚꪀꪰ”. ꪕꪮꪥ ꪁꪱꪫꪣ ꪩꪉꪴ ꪉꪫꪸꪙ ꪒꪉꪲ ꪤꪉꪴ, ꪠꪰ ꪤꪱꪣ ꪶꪒꪀ ꫄ꪀ ꪪꪽ ꪬꪱꪫ - ꫃ꪖ ꪖꪱꪫ ꪵꪀꪉ ꪤꪴ  ꪩꪀꪲ ꪔꪉꪲ ꪩꪱꪫ ꪀꪱꪥ ꪀꪺꪉ ꪜꪲ 2017, ꪩꪱꪫ ꪀꪱꪥ ꪋꪲ ꪝꪮꪣ ꪀꪚꪰ ꪝꪉꪳ ꪔꪉꪲ ꪼꪔ ꪚꪀꪰ ꪁꪱꪒ ꪁꪙꪸ ꪔꪉꪰ ꪵꪔꪉ ꪝꪉꪳ ꪚꪮꪙ ꪮꪙꪲ ꪣꪺꪙ ꪅꪽ ꪋꪽ, ꪘꪫꪸ ꪹꪋ ꪼꪒ ꪨꪱꪥ ꪵꪄꪀ ꪔꪱꪉ ꪹꪠꪉ ꪣꪱ ꪮꪙꪲ ꪤꪱꪣ. ꪕꪮꪥ ꫃ꪀ ꪵꪭꪫꪀ ꪜꪙꪴ ꪮꪮꪀ, ꪀꪺꪉ  ꪜꪲ ꪙꪲꪲ ꪩꪱꪫ ꪀꪱꪥ ꪲꪋ ꪔꪮꪙ ꪤꪱꪫ 3 ꪋꪫꪸ ꪵꪄꪀ ꪔꪱꪉ ꪹꪠꪉ ꪣꪱ ꪮꪙꪲ ꪤꪱꪣ .

ꪩꪱꪫ ꪀꪱꪤ  ꪣꪳ ꪙꪲ ꪁꪷ ꪅꪽ ꪅꪱꪉ ꪕꪀꪴ ꪝꪷ ꪋꪴ ꪄꪴ ꪉꪱꪤ ꪒꪲ ꪼꪫ ꪶꪋꪣ ꪔꪮꪙ ꪜꪲ ꪤꪴ ꪩꪀꪲ ꪵꪠꪙ ꪹꪙꪉ ꪣꪺꪙ ꪬꪮꪣ ꪡꪮꪙ ꪹꪙꪉ ꪁꪒꪳ ꪼꪒ ꪩꪱꪉ ꪒꪲ.

                                                   ꪯꪱꪙ ꪁꪙꪸ- ꪕꪮꪉ ꪵꪯꪉ ꪥꪀꪲ