ꪹꪮꪱ ꫄ꪐꪙ ꪪꪙꪸ ꪀꪣꪸ ꫄ꪨꪣ ꪼꪜ ꫄ꪀ ꫄ꪎ, ꪛꪱꪥ ꪵꪮꪚ ꪼꪜ ꪋꪳ ꪜꪱ ꫃ꪭ ꪹꪀꪱ

        ꪩꪉꪴ ꪫꪲ ꪢꪉꪲ ꪀꪣꪲ ꫄ꪨꪣ ꪤꪴ ꪚꪱꪙ ꪵꪅ ꪀꪙꪸ ꪎꪱ ꪨꪫꪲ ꪀꪙꪸ ꪭꪫꪙꪸ ꪹꪕꪉ ꪹꪥꪉ ꪔꪉꪲ ꫃ꪉ ꪮꪱꪙ, ꪼꪒ ꪤꪱꪫ ꪼꪜ ꪋꪳ 20 ꪵꪬꪀ ꪕꪱ ꪜꪱ. ꪭꪱꪉ ꪣꪳ ꪀꪱꪛ ꪶꪛ ꪀꪣꪸ ꫄ꪨꪣ ꪭꪫꪙꪸ ꪹꪕꪉ ꪹꪥꪉ ꪼꪒ ꪼꪜ ꪕꪣꪾ ꪭꪮꪒ ꪶꪠꪉ ꪜꪱ ꪋꪺ ꪹꪭꪙ ꪩꪉꪴ ꪹꪠꪱ ꪒꪴ ꪼꪫ ꪀꪣꪸ ꪊꪱ ꪫꪀꪸ ꪼꪜ ꪋꪳ ꪜꪱ. ꪘꪉꪷ ꪉꪮꪙ ꪒꪙꪲ ꪜꪱ ꪼꪒ ꪤꪱꪫ, ꪩꪉꪴ ꪁꪷ ꪜꪀꪴ ꪨꪱꪥ ꪔꪱꪉ ꪀꪷ ꪼꪣ ꪀꪫꪥꪲ ꪹꪏꪉ ꪀꪷ ꪭꪣꪾ, ꪀꪷ ꪶꪥꪣ ꪚꪮꪀ. ꪀꪷ ꪼꪣ ꪢꪱ ꪵꪝ ꪫꪽ ꪹꪏꪉ ꪙꪽ ꪨꪱꪥ ꪔꪱꪉ ꪶꪔ ꪜꪱ, ꪶꪙꪀ ꪘꪴ ꪣꪱ ꪹꪭꪱ. ꪯꪽ ꪨꪷ ꪄꪴ ꪣꪺꪙ ꪩꪺꪉ ꪬꪮꪣ ꪌꪒꪥ ꪀꪚꪾ ꪩꪉꪴ ꪫꪲ ꪪꪽ ꪢꪉꪲ. ꪒꪴ ꪜꪱ ꪹꪏꪉ ꪹꪋꪉ ꪄꪮꪉ ꪀꪫꪥꪲ ꪀꪚꪾ ꪹꪊꪱ ꪹꪏꪉ ꪙꪽ ꪩꪉꪴ ꪈꪣꪾ ꪹꪠꪱ ꪒꪴ ꪜꪱ ꪨꪷ ꪹꪠꪱ ꪹꪋꪉ ꪄꪮꪉ ꪄꪮꪉ ꪹꪭꪙ ꪹꪊꪱ.

          ꪹꪮꪱ ꪋꪺ ꪹꪭꪙ ꫃ꪤꪒ ꪚꪮꪙ ꫄ꪝꪉ ꫄ꪝꪉ ꪶꪀꪀ ꪊꪉꪲ ꪀꪺꪉ ꪫꪀꪸ ꪼꪜ ꪋꪳ ꪜꪱ , ꪵꪈꪉ ꪣꪲ ꪊꪀꪳ ꪁꪫꪙꪸ ꪔꪉꪲ ꫃ꪉ ꪮꪱꪙ ꪁꪾ ꫄ꪩꪉ ꪎꪱꪫ ꪭꪴ ꪋꪴ ꪄꪴ ꪜꪙꪸ ꪖꪱꪥ ꪣꪱ ꪕꪱꪉ ꪘꪱ ꪫꪀꪸ ꪀꪫꪱꪙ ꪨꪲ ꪼꪜ ꪋꪳ ꪜꪱ. ꪝꪉꪳ ꪋꪱꪣ ꪀꪣꪸ ꫄ꪨꪣ ꪝꪮꪣ 10 ꫃ꪐꪙ ꪪꪙꪸ ꪀꪣꪸ ꫄ꪨꪣ ꪼꪜ ꫄ꪀ ꫄ꪎ , ꪐꪷ ꫄ꪕꪉ ꫃ꪢꪒ ꪄꪙꪳ ꪀꪱꪥ 400 ꪀꪱꪥ ꪶꪛ ꪼꪜ ꪋꪳ ꪜꪱ ꪤꪴ ꪘꪉꪷ 333 ꪎꪱ ꪣꪲ ꪵꪔ 200 ꪵꪬꪀ ꪕꪱ ꪜꪱ ꪔꪱꪫ ꪄꪙꪳ. ꪩꪉꪳ ꪁꪫꪱ ꪵꪯꪉ ꪔꪴ, ꪀꪱꪙ ꪶꪛ ꪎꪱ ꪩꪫꪲ ꪀꪙꪸ ꪭꪫꪙꪸ ꪹꪕꪉ ꪹꪥꪉ ꪔꪉꪲ ꫃ꪉ ꪮꪱꪙ ꪻꪬ ꪭꪶ ꪵꪮ ꪻꪬ ꫄ꪤꪙ ꪕꪙꪲ ꪹꪋ ꪵꪀꪉ ꪋꪮꪥ ꪹꪊꪱ ꫃ꪥꪒ ꪶꪣꪣ ꪵꪩꪫ ꪘꪱ ꪫꪀꪸ ꪼꪒ ꪤꪱꪫ ꫛ ꪀꪣꪸ ꫄ꪨꪣ ꪼꪜ ꫄ꪎ ꫄ꪎ ꪼꪒ ꪭꪴ ꪊꪱꪉ ꪣꪱ ꪕꪱꪉ ꪉꪚꪸ ꪫꪴ, ꪭꪴ ꪵꪀꪉ ꪒꪴ ꪒꪲ ꪭꪮꪒ ꪭꪒꪲ ꪄꪮꪉ ꪔꪮꪉ ꪋꪽ ꪄꪮꪉ ꫄ꪤꪙ.

          ꫃ꪉ ꪮꪱꪙ  ꪼꪅ ꪣꪲ 6 ꪭꪫꪙꪸ ꪒꪙꪲ ꪝꪴ ꪹꪚ ꪱꪝꪷ ꪒꪙꪲ ꪼꪬ ꪙꪱ ꪒꪣꪾ ꪹꪄꪱ. ꪔꪉꪲ ꪁꪷ ꪤꪱꪫ ꪭꪱꪉ ꪝꪽ ꪵꪬꪀ ꪕꪱ ꪻꪬ ꫛ ꫃ꪥꪒ ꪹꪥꪙ. ꪵꪔ ꪜꪲ 2009 ꪭꪮꪒ ꪼꪅ, ꪔꪉꪲ ꫃ꪉ ꪮꪱꪙ ꪁꪷ ꪤꪱꪫ ꪋꪲ ꪮꪱꪫ ꪬꪮꪒ 47 ꪝꪽ ꪵꪬꪀ ꪕꪱ ꪒꪙꪲ ꪼꪭ ꪻꪬ ꫄ꪤꪙ. ꪣꪺ ꪋꪷ ꪼꪭ ꪀꪱꪙ ꪶꪛ ꪀꪣꪸ ꫄ꪨꪣ ꪼꪒ ꪼꪜ ꪝꪷ ꪀꪚꪾ ꪚꪮꪙ, ꪝꪮꪣ ꪀꪚꪾ ꫄ꪤꪙ ꪡꪮꪉ ꫄ꪊꪒ ꪼꪡ ꪹꪚꪱ ꪻꪬ ꪼꪡ ꪼꪢ ꪩꪱꪣ ꪜꪱ. ꪩꪉꪴ ꪫꪷ ꪎꪲ ꫄ꪩꪣ ꪭꪱꪒ ꪹꪊꪉ ꪭꪱꪒ ꪀꪣꪸ ꫄ꪨꪣ ꪭꪫꪙꪸ ꪶꪓ ꪹꪩꪉ ꫃ꪉ ꪮꪱꪙ ꪻꪬ ꪭꪴ, ꪣꪺ ꪼꪡ ꪼꪢ ꪜꪱ ꪼꪒ ꪐꪽ ꪵꪥꪉ ꪵꪔ ꪹꪚ 4 ꪭꪮꪒ 7 ꪭꪱꪉ ꪜꪲ. ꪯꪽ ꪨꪷ ꪼꪡ ꪼꪢ ꪜꪱ ꫄ꪡꪙ ꪨꪱꪥ ꪷꪨ ꪶꪝ ꪀꪱꪫꪙ ꪨꪲ ꪼꪡ ꪹꪚ ꪱꪒꪲ ꪶꪝ ꪋꪷ ꪼꪭ.

          ꪀꪚꪾ ꪝꪉꪳ ꪩꪺꪉ ꪊꪮꪉ ꪵꪭꪉ ꪹꪮꪱ ꫄ꪐꪙ ꪪꪙꪸ ꪀꪣꪸ ꫄ꪨꪣ ꪼꪜ ꫄ꪀ ꫄ꪎ ꪤꪱꪙ ꪀꪱꪥ, ꪔꪉꪲ ꫃ꪉ ꪮꪱꪙ ꪁꪷ ꪼꪜ ꪋꪳ ꪒꪲ ꪋꪲ ꪮꪱꪫ ꪭꪮꪒ 950 ꪝꪽ ꪵꪬꪀ ꪕꪱ ꪜꪱ, ꪶꪭꪣ ꫄ꪡꪙ ꪼꪜ ꪋꪳ ꪵꪕꪒ ꪕꪉꪸ ꪜ ꪱꪝꪴ, ꪑꪷ ꪔꪱ ꪒꪙꪲ ꪜꪱ ꪶꪬꪣ ꪢꪜꪀ ꪝꪴ ꪨꪮꪙ ꪄꪙꪳ 50%; ꪁꪒꪳ ꪔꪮꪚ ꪼꪒ ꪫꪀꪸ ꪋꪙꪸ ꪁꪫꪱꪣ ꪵꪀꪉ ꫄ꪩꪚ ꪕꪽ ꪵꪀ ꪼꪄ ꪝꪉꪳ ꪋꪴ ꪠꪒꪲ ꪖꪀꪳ ꪣꪱ ꪕꪱꪉ ꪫꪀꪸ ꪀꪫꪱꪙ ꪨꪲ ꪼꪜ ꪋꪳ ꪜꪱ ꪘꪉꪷ ꪝꪉꪳ ꪚꪮꪙ ꪭꪮꪙ ꪭꪙꪳ ꪘꪉꪷ ꪀꪺꪉ ꪶꪠꪉ. ꪊꪣꪴ ꪢꪴ ꪀꪣꪸ ꫄ꪨꪣ ꫄ꪩꪉ ꪋꪀꪳ ꪵꪔ ꫄ꪐꪙ ꪪꪙꪲ ꪭꪮꪒ ꪊꪱꪙ ꪶꪛ ꪀꪫꪱꪙ ꪨꪲ.

                                                                   TTT - ꪵꪭꪉ ꪥꪀꪲ

Au nhân viên kiểm lâm pày cơ sở, bai ép pảy chự pá hê cáu

Lung Vi Văn Minh dú bản Khe Kiền cá Lưu Kiền huyện Tương Dương tỉnh Nghệ An, đảy giao pảy chự 20 héc ta pá. Hạng mự cán bộ kiểm lâm huyện Tương Dương pày tặm họt phổng pá chua hươn lung phảu đù vạy kiểm tra vịa pảy chự pá. Nẳng ngon đin pá đảy giao, lung cọ púk lài tang co mạy quý xương, co hăm, mạy dôm. Co mạy mả pe văn xương nặn lài tang tô pá, nộc nu ma hạu. Ặn lỏ khu muôn luông hom đối cắp lung Vi Văn Minh. Đu pá lỏ chương khong quý cắp chảu xương nặn lung ngắm, phảu đù pá chính lỏ phảu đù chương khong khong hươn chảu.

( Băng)

Àu chua hươn dệt bón pâng cốc chính cuông vịa pảy chự pá, ngành mi chức quyên tỉnh Nghệ An cọ lâng sáo hụ chu khu piến thái ma tang công tác quản lý pảy chự pá. Pưng Trạm kiểm lâm pọm 10 nhân viên kiểm lâm pày cơ sở, nho tênh mết khửn cài 400 cán bộ pảy chự pá dú nẳng 333 xã mi té 200 héc ta pá táo khửn. Lung Cao Anh Tú, cán bộ Trạm Kiểm lâm xã Lưu Kiền huyện Tương Dương hảu hụ, é hảu dân tin chưa cánh choi chảu dệt mộm lẹo nả vịa đảy giao, cán bộ kiểm lâm pày cơ sở đảy hụ chang ma nghiệp vụ, hụ cánh đù đi họt khong tòng chặn khong dân.

( Băng):

Nghệ An khay mi 6 huyện đin pu báu po đin háy na đăm khảu. Tỉnh cọ giao hạng păn héc ta đin hay hảu côn dệt dượn. Té pi 2009 họt khạy, tỉnh Nghệ An cọ giao chi áo họt 47 păn héc ta đin hay hảu dân. Mua chọ hay, cán bộ kiểm lâm đảy pày cắp bón, pọm cắp dân phong, chất phay báu hảu phay mảy lam pá. Lung Võ Sĩ Lâm, Hạt trưởng Hạt Kiểm lâm huyện Đô Lương, Nghệ An hảu hụ, mua phay mảy pá đảy nhẳn danh té bươn 4 họt bươn 7 hạng pi. Phay mảy pá phân lai lỏ pộ quản lý phay báu đi pộ chọ hay.

( Băng ):

Cắp pưng luông chóng hanh àu nhân viên kiểm lâm pày cơ sở, dan cài ma, tỉnh Nghệ An cọ pảy chự đi chi áo họt 950 păn héc ta pá, hôm phân pảy chự tẹt tiêng pá pu, nho ta đin pá hổm pốc pu lỏn khửn 50%; cựt tóp đảy vịa chiên quam cánh lợp tăn kẻ khày pưng chu phít thứk ma tang nả vịa quản lý pảy chự pá nẳng bón họn hư nẳng cuông phổng. Chủm mú kiểm lâm lâng đảy trực lâng chơ té nhân viên họt cán bộ quản lý. Lung Bạch Quốc Dũng, Phó Chi cục Kiểm Lâm Nghệ An hảu hụ:

( Băng):

                                                          TTT - Hạnh dịch