ꪼꪏ ꪤꪱ ꪶꪠꪉ ꪎꪴꪉ ꪨꪱꪥ ꪹꪊꪱ ꪹꪢꪸꪒ ꪻꪊ ꪹꪢꪷꪒ ꪵꪭꪉ ꪹꪝ ꫛ ꪹꪊꪸꪚ ꪭꪱꪥ ꪼꪎ ꪘꪱꪫ

ꪤꪴ ꪨꪀꪰ ꪀꪱꪉ ꪮꪉ ꪭꪫꪸꪙ ꪡꪮꪉ ꪶꪖ , ꪔꪲꪉ ꪨꪱꪥ ꪹꪊꪱ ꪀꪱꪥ 80 ꪼꪀ ꪶꪎ , ꪎꪱ ꪵꪒꪙ ꪹꪣꪉ ꪣꪱ ꪩꪲ ꪊꪱꪥ ꪨꪷ ꪀꪙꪲ ꪤꪴ ꪄꪮꪉ ꪤꪱꪫ 2 ꪝꪽꪤ ꪬꪺ ꫛ, ꪜꪮꪣ ꪨꪷ ꪹꪋ ꫛ ꪬꪱ ꪐꪲ ꪀꪙꪲ ꪤꪴ. ꪹꪝ ꪕꪱꪉ ꪼꪜ ꪣꪱ ꪥꪱꪀ ꪋꪱ, ꪩꪺꪉ ꪭꪴ ꪏꪉꪸ ꪄꪮꪉ ꫛ ꪹꪥꪷꪙ ꪑꪉꪰ ꪔꪣꪾ, ꪹꪏꪉ ꪙꪽ ꪘꪉꪰ ꪘꪲ ꪑꪉꪰ ꪣꪲ ꪨꪱꪥ ꪭꪒꪲ ꪅꪮꪉ ꪹꪀꪱ ꪵꪀ. ꪢꪮꪥ ꪹꪋꪷ ꪀꪺꪉ ꪹꪭꪙ ꪢꪲ ꫛ ꪹꪊꪸꪚ ꪭꪱꪥ ꪼꪎ ꪘꪱꪫ , ꪝꪸ ꪙꪮꪉ ꪹꪩꪷꪉ ꪹꪣꪷꪥ ꪶꪣꪒ ꪢꪷ ꪣꪱ ꪹꪎꪸꪙ ꪣꪱ ꪕꪱꪣ ꪻꪬ , ꪹꪏꪉ ꪙꪽ ꪁꪷ ꪹꪥꪸꪒ ꪥꪱꪀ ꪋꪱ ꪻꪬ ꪘꪱ ꪫꪀꪸ ꪄꪱꪣ ꪤꪱ ꪹꪛꪉ ꪘꪉꪰ ꪹꪀꪷ ꪹꪎꪷ.

ꪥꪱꪀ ꪋꪱ ꪹꪐꪷꪒ ꪨꪷ ꪫꪀꪸ ꪹꪀꪷꪥ ꪒꪮꪉ , ꪬꪫꪸ ꪬꪮꪉ ꪝꪲ ꪙꪮꪉ ꪑꪉꪰ ꪹꪩꪷꪉ ꪹꪥꪸꪒ ꪀꪺꪉ ꪨꪱꪥ ꪣꪳ, ꪕꪉꪸ ꪮꪱꪙ ꪵꪝꪀ ꪻꪎ ꪁꪣꪾ ꪀꪙꪲ ꪹꪚꪱ ꪼꪒ ꪐꪽ ꪝꪱꪫ , ꪹꪏꪉ ꪙꪽ ꪁꪷ ꪣꪲ ꪹꪏꪉ ꪹꪀꪒ ꪎꪲꪉ ꪮꪮꪀ ꪝꪉꪳ ꪋꪴ ꪹꪚ ꪹꪣꪱ. ꪹꪏꪉ ꪙꪽ ꪊꪣꪴ ꪢꪴ ꪮꪲ ꪹꪔꪸ ꪚꪱꪙ , ꪊꪣꪴ ꪢꪴ ꪮꪲ ꪹꪔꪸ ꪎꪱ ꪣꪱ ꪩꪲ ꪊꪱꪥ ꪁꪷ ꪹꪫꪸꪘ ꪁꪙꪳ ꪙꪱꪙ ꪻꪊ ꪋꪙꪸ ꪜꪱꪫ , ꪘꪫꪸ ꪹꪋ ꪝꪲ ꪙꪮꪉ ꪜꪱ ꪫꪱꪉ ꪎꪸ ꪝꪉꪳ ꪭꪒꪲ ꪅꪮꪉ ꪹꪀꪱ ꪵꪀ ꪵꪀꪉ ꪹꪥꪸꪒ ꪒꪲ ꪘꪱ ꪫꪀꪸ ꪩꪣꪾ ꪒꪴ ꪝꪀꪰ ꪵꪭꪉ ꪻꪬ ꫛ ꪹꪤꪷꪙ.

ꪨꪉꪰ ꪋꪴ ꪹꪚ ꪹꪣꪱ ꪨꪱꪥ ꫛ ꪘꪉꪰ ꪚꪱꪙ ꪔꪱ ꪊꪱꪥ ꪵꪀꪉ ꪝꪉꪳ ꪎꪱ ꪵꪒꪙ ꪹꪣꪉ ꪄꪮꪉ ꪭꪫꪸꪙ ꪓꪮꪉ ꪶꪖ , ꪋꪴ ꪫꪀꪸ ꪁꪷ ꪚꪙꪸ ꪢꪱꪥ ꪣꪲ 159 ꫛ ꪊꪺꪚ ꪹꪚ ꪹꪣꪱ, ꪀꪺꪉ ꪙꪽ ꪣꪲ 150 ꫛ ꪼꪒ ꪹꪄꪱ ꪙꪮꪙ ꪹꪭꪙ ꪤꪱ. ꪭꪮꪒ ꪼꪅ ꪝꪀꪰ ꪵꪭꪉ ꪄꪮꪉ ꪝꪉꪳ ꫛ ꪙꪲ ꪁꪷ ꪼꪒ ꪵꪕꪒ ꪕꪉꪸ ꪵꪀꪉ ꪼꪒ ꪮꪮꪀ ꪹꪭꪙ ꪤꪱ, ꪁꪒꪳ ꪼꪒ ꪩꪱꪉ ꪒꪲ ꪹꪏꪉ ꪙꪲ ꪨꪷ ꪹꪝ ꪣꪲ ꪝꪉꪳ ꪩꪺꪉ ꪀꪮꪚ ꪭꪺꪣ ꪄꪮꪉ ꪊꪣꪴ ꪢꪴ ꪮꪲ ꪹꪔꪸ ꪚꪱꪙ, ꪮꪲ ꪹꪔꪸ ꪎꪱ ꪵꪀꪉ ꪝꪉꪳ ꪹꪭꪘ ꪤꪱ ꪘꪉꪰ ꪔꪫꪸꪙ ꪒꪲꪀ ꪹꪠꪉ.

ꪨꪰꪉ ꪋꪴ ꪫꪀꪸ ꪹꪚꪱ ꪒꪲ ꪵꪀꪒ ꪎꪲꪉ ꪮꪮꪀ ꪀꪺꪉ ꪋꪳ ꪄꪱꪒ ꪎꪱꪥ ꪹꪁꪱ ꪵꪔꪫ ꪘꪉꪰ ꪚꪱꪙ ꪋꪴ ꪫꪱ 6 ꪹꪣ ꪜꪲ 2014 ꪵꪀꪉ ꪀꪱꪥ ꪋꪴ ꪹꪚ ꪹꪣꪱ ꪨꪱꪥ ꫛ ꪹꪕ ꪙꪲ ꪁꪷ ꪻꪬ ꪹꪬꪸꪙ ꪩꪺꪉ ꪢꪱ ꪼꪄ ꪣꪱ ꪕꪱꪉ ꪊꪫꪙꪸ ꪶꪢꪙ ꪵꪀꪉ ꪀꪉꪲ ꪈꪣꪸ ꪄꪮꪉ ꪵꪈꪉ ꪮꪲ ꪹꪔꪸ ꪨꪱꪥ ꪹꪊꪱ. ꪩꪙꪳ ꪹꪏ ꪨꪷ ꪫꪀꪸ ꪑꪷ ꪎꪉꪴ ꪣꪱ ꪕꪱꪉ ꪊꪫꪸꪙ ꪶꪢꪙ ꪀꪺꪉ ꪫꪀꪸ ꪹꪀꪷꪚ ꪀꪫꪲ, ꪹꪤꪱ ꪤꪱ ꪹꪛꪉ ꪵꪣ ꪵꪅꪫ , ꪁꪷ ꪹꪏꪉ ꪘꪱ ꪫꪀꪸ ꪄꪱꪣ ꪤꪱ ꪹꪛꪸꪉ ꪻꪬ ꫛ ꪹꪤꪷꪙ ꪄꪮꪉ ꪊꪣꪴ ꪢꪴ ꪼꪏ ꪤꪱ ꪵꪔ ꪔꪫꪸꪙ ꪎꪱ ꪭꪮꪒ ꪔꪫꪸꪙ ꪔꪲꪉ ꪘꪉꪰ ꪔꪲꪉ ꪨꪱꪥ ꪹꪋꪱ.