Bai thứ 5 mự 10/8/2017

Sờn Là kẻ cặm xiệt hại khày tang khảu mưa họt phổng nong lạt Mương La

Toi phó Giám đốc Sở giào thông vận tải tỉnh Sờn La Nguyễn Hợp Cường: Nong nhắư kèm toi đìn đán lày khảu dệt lài khéo tang nẳng huyện Mương La pền xương 2 xểm tang uồn pày xắư cau Nặm Pằm, dệt hẳư xểm tang luồng 279D báu long cài đảy, dệt hẳư 5 xã khòng huyện Mương La báu khảu ók tang đằư đảy. Xểm tang tỉnh lộ 109 pày xã Ngọc Chiến, tênh mết gian tang té cày số 2+300 họt cày số 9 nong lạt dệt xiệt hại tênh mết nả tang cánh cồng trình nẳng gian tang. Nọk 2 bón nị nhăng mi lài gian tang chuốp cạn chột pé nắc. Tênh mết xiệt hại ma tang xók tang danh tính mưa khoẹ khửn họt 50 tỷ mằn.

Ngày cuồng mự ngoa chơ nặm báu lày tiêu kỷ lài, pưng đờn vị cọ tọp hòm máy móc, cồng nhần kỹ thuật dệt cau xài lếch tạm xứp xắư xài cau Nặm Pằm cánh dệt tang tạm vạy khồn chiên khảu nặm căm kìn khảu mưa phổng nong lạt Mương Là.

Pưng mự nị, cán bộ kỹ sư cồng nhần kỹ thuật Công ty cổ phần quản lý cánh tẳng tánh xók tang số 1 Sờn La- đờn vị quản lý xểm tang luồng 279D cánh tỉnh lộ 109 cọ dệt vịa cán mự cá cưn, tọp hòm chu tàng xè máy móc. Nẳng cau Nặm Pằm cày số 65+780, Công ty cọ tựng gian dệt mộm lẹo vịa xứp xài lếch tạm nẳng 2 nang cau.

Vạy chuông hong hẳư nả vịa kẻ cặm xiệt hại lằng phồn nong nẳng huyện Mương La, Sở giào thồng tải chiên tỉnh Sờn Là cọ uồn pa lợp tăn pưng đờn vị tang bốc khặn khang máy móc, phủ côn cặm tó chơ mi phồn nong cướt sình ók. Pưng bón chuốp nặm nong nhưng thuổm nả tang hư pắc lắc tống páo cánh các cành cá vên cá cưn. Xòng ma cạt kiên cắp pưng chủm mú mi chức quyên khòng địa phườngtổ chức pằn tang, chị bók pày tang nẳng pưng phổng chuốp nặm nong thuổm lậc, nặm lày tiêu, lưn xưa lỏ khảm cài phài pản nặm. Chị bók pưng tàng xè táng nắc báu long cài pưng xểm tang nặm nhưng thuổm, tang ték nhạk, cau chuốp lày nong vạy nhẳn pao tiêng àn hẳư chu tàng xè pày ma, cọ xương cồng trình xók tang./.

                                                          Thanh Thuỷ-Anh dịch

ꪛꪱꪥ ꪖꪳ 5 ꪣꪳ 10.8.2017

  ꫄ꪎꪙ ꪨꪱ ꪵꪀ ꪁꪣꪾ ꪏꪒꪸ ꪭꪱꪥ ꪼꪄ ꪕꪱꪉ ꪹꪄꪱ ꪹꪣ ꪭꪮꪒ ꪶꪠꪉ ꪙꪮꪉ ꪩꪱꪒ ꪹꪣꪉ ꪩꪱ

ꪕꪮꪥ ꪠꪷ ꪤꪱꪣ ꪶꪒꪀ ꫄ꪎ ꪤꪱꪫ ꪶꪖꪉ ꫄ꪫꪙ ꪔꪱꪥ ꪔꪉꪲ ꫄ꪎꪙ ꪨꪱ ꪈꪫꪙꪸ ꫄ꪭꪚ ꪵꪀꪉ: ꪙꪮꪉ ꪻꪐ ꪵꪀꪣ ꪕꪮꪥ ꪒꪙꪲ ꪒꪱꪙ ꪼꪨ ꪹꪄꪱ ꪣꪱ ꫃ꪥꪒ ꪨꪱꪥ ꪵꪄꪫ ꪕꪱꪉ ꪘꪉꪰ ꪭꪫꪙꪸ ꪹꪣꪉ ꪩꪱ ꫃ꪜꪙ ꪹꪏꪉ 2 ꫃ꪎꪣ ꪕꪱꪉ  ꪮꪺꪙ ꪼꪜ ꪻꪎ ꪹꪁꪱ ꪙꪣꪾ ꪜꪣꪾ ꫃ꪥꪒ ꫃ꪎꪣ ꪕꪱꪉ ꪨꪺꪉ 279D ꪹꪚꪱ ꪩꪮꪉ ꪀꪱꪥ ꪼꪒ ꫃ꪥꪒ ꪻꪬ 5 ꪎꪱ ꪄꪮꪉ ꪭꪫꪙꪸ ꪹꪣꪉ ꪩꪱ ꪹꪚꪱ ꪹꪄꪱ ꪮꪮꪀ ꪕꪱꪉ ꪻꪒ ꪼꪒ. ꫃ꪎꪣ ꪕꪱꪉ ꪔꪉꪲ ꪶꪩ 109 ꪼꪜ ꪎꪱ ꪉꪮꪀ ꪊꪙꪸ ꫃ꪕꪉ ꫃ꪢꪒ ꪥꪱꪙ ꪕꪱꪉ ꪵꪔ ꪼꪀ ꪶꪎ 2+300 ꪭꪮꪒ ꪼꪀ ꪶꪎ 9 ꪙꪮꪉ ꪩꪱꪒ ꫃ꪥꪒ ꪏꪒꪸ ꪭꪱꪥ ꫃ꪕꪉ ꫃ꪢꪒ ꪘꪱ ꪕꪱꪉ ꪵꪀꪉ ꪶꪀꪉ ꪊꪉꪲ ꪘꪉꪰ ꪥꪱꪙ ꪕꪱꪉ ꪙꪲ. ꪙꪮꪀ  2 ꪚꪮꪙ ꪙꪲ ꪑꪉꪰ ꪣꪲ ꪨꪱꪥ ꪤꪱꪙ ꪕꪱꪉ ꪊꪺꪚ ꪁꪱꪙ ꪶꪋꪒ ꪘꪀꪰ. ꫃ꪕꪉ ꫃ꪢꪒ ꪏꪒꪸ ꪭꪱꪥ ꪣꪱ ꪕꪱꪉ ꪎꪮꪀ ꪕꪱꪉ ꪵꪥꪉ ꪔꪉꪲ ꪹꪣ ꪵꪅꪫ ꪄꪙꪳ ꪭꪮꪒ 50 ꪔꪲ ꪢꪽ.

ꪝꪉꪳ ꪣꪳ ꪙꪲ ꪀꪱꪙ ꪶꪚ ꪀꪲ ꪎꪳ ꪶꪀꪉ ꫄ꪐꪙ ꪀꪲ ꪗꪺꪒ ꪶꪁꪉ ꪕꪲ ꪶꪀ ꫄ꪠꪙ ꪀꪫꪱꪙ ꪨꪲ ꪵꪀꪉ ꪔꪉꪰ ꪵꪔꪉ ꪕꪱꪉ ꪶꪎ 1 ꫄ꪎꪙ ꪨꪱ - ꫄ꪒꪙ ꪫꪲ ꪀꪫꪱꪙ ꪨꪲ ꫃ꪎꪣ ꪕꪱꪉ ꪨꪺꪉ  279D ꪵꪀꪉ ꪔꪉꪲ ꪶꪩ 109 ꪁꪷ ꫃ꪥꪒ ꪫꪀꪸ ꪀꪱ ꪣꪴ ꪀꪱ ꪁꪙꪳ ꪕꪮꪚ ꪬꪮꪣ ꪋꪴ ꪔꪱꪉ ꪵꪎ ꪼꪢ ꪢꪮꪀ. ꪘꪉꪰ ꪹꪁꪱ ꪙꪣꪾ ꪜꪣꪾ ꪼꪀ ꪶꪎ 65+780 ꪶꪁꪉ ꪕꪲ ꪁꪷ ꪕꪉꪳ ꪤꪱꪙ ꫃ꪥꪒ ꪶꪣꪣ ꪵꪩꪫ ꪫꪀꪸ ꪎꪚꪳ ꪎꪱꪥ ꫃ꪨꪀ ꪕꪱꪣ ꪘꪉꪰ 2 ꪙꪱꪉ ꪹꪁꪱ.

ꪼꪫ ꪋꪺꪉ ꪭꪮꪉ ꪻꪬ ꪘꪱ ꪫꪀꪸ ꪵꪀ ꪁꪣꪾ ꪏꪒꪸ ꪭꪱꪥ ꪨꪉꪰ ꪶꪠꪙ ꪙꪮꪉ ꪘꪉꪰ ꪭꪫꪙꪸ ꪹꪣꪉ ꪩꪱ ꫄ꪎ ꪤꪱꪫ ꪶꪖꪉ ꫄ꪫꪙ ꪔꪱꪥ ꪔꪉꪲ ꫄ꪎꪙ ꪨꪱ ꪁꪷ ꪮꪺꪙ ꪝꪱ ꫄ꪩꪚ ꪕꪽ ꪝꪉꪳ ꫄ꪒꪙ ꪫꪲ ꪕꪱꪉ ꪶꪚꪀ ꪅꪽ ꪅꪱꪉ ꪼꪢ ꪢꪮꪀ ꪠꪴ ꫛ ꪁꪣꪾ ꪔꪷ ꫄ꪋ ꪣꪲ ꪶꪠꪙ ꪙꪮꪉ ꪹꪀꪒ ꪎꪉꪲ ꪮꪮꪀ. ꪝꪉꪳ ꪚꪮꪙ ꪊꪺꪚ ꪙꪮꪉ ꪑꪉꪳ ꪖꪺꪣ ꪘꪱ ꪕꪱꪉ ꪭꪳ ꪜꪀꪰ ꪜꪀꪰ ꪶꪔꪉ ꪜꪱꪫ ꪵꪀꪉ ꪀꪱꪀ ꪵꪀꪉ ꪀꪱ ꫃ꪫꪙ ꪀꪱ ꪁꪙꪳ. ꪎꪮꪉ ꪣꪱ ꪁꪱꪒ ꪁꪙꪸ ꪀꪚꪾ ꪝꪉꪳ ꪊꪣꪴ ꪢꪴ ꪣꪲ ꪊꪀꪳ ꪁꪫꪙꪸ ꪄꪮꪉ ꪒꪲ ꪹꪠꪉ ꪶꪔ ꪊꪀꪳ ꪜꪽ ꪕꪱꪉ ꪊꪲ ꪚꪮꪀ ꪼꪜ ꪕꪱꪉ ꪘꪉꪰ ꪝꪉꪳ ꪶꪠꪉ ꪊꪺꪚ ꪙꪣꪾ ꪙꪮꪉ ꪖꪺꪣ ꫄ꪩꪀ ꪙꪣꪾ ꪼꪨ ꪕꪫꪸ ꪩꪙꪳ ꪹꪏ ꪨꪷ ꪄꪱꪣ ꪀꪱꪥ ꪠꪱꪥ ꪜꪱꪙ ꪙꪣꪾ. ꪋꪲ ꪚꪮꪀ ꪝꪉꪳ ꪔꪱꪉ ꪵꪎ ꪔꪱꪉ ꪘꪀꪰ ꪹꪚꪱ ꪩꪮꪉ ꪀꪱꪥ ꪝꪉꪳ ꫃ꪎꪣ ꪕꪱꪉ ꪙꪣꪾ ꪑꪉꪳ ꪖꪺꪣ ꪕꪱꪉ ꪵꪔꪀ ꪑꪱꪀ ꪹꪁꪱ ꪊꪺꪚ ꪼꪨ ꪙꪮꪉ ꪼꪫ ꪐꪽ ꪝꪱꪫ ꪕꪉꪸ ꪮꪱꪙ ꪻꪬ ꪋꪴ ꪔꪱꪉ ꪵꪎ ꪼꪜ ꪣꪱ ꪁꪷ ꪹꪏꪉ ꪶꪀꪉ ꪊꪉꪲ ꪎꪮꪀ ꪕꪱꪉ.

                                      ꪵꪗꪉ ꪖꪫꪥꪲ- ꪕꪮꪉ ꪵꪯꪉ ꪥꪀꪲ