ꪝꪉꪳ ꪝꪷ ꪼꪭ ꪵꪣ ꪙꪱ ꪭꪉꪷ ꪣꪲ ꪘꪉꪷ ꪶꪎꪚ ꪶꪁꪚ

ꪋꪺ ꪹꪭꪙ ꪩꪉꪴ ꪁꪪꪱꪉ ꪪꪽ ꪊꪽ ꪘꪉꪷ ꪚꪱꪙ ꪹꪣꪉ ꪩꪱꪙ , ꪎꪱ ꪹꪣꪉ ꪩꪱꪙ , ꪭꪫꪸꪙ ꪶꪎꪚ ꪶꪁꪚ ꪔꪲꪉ ꫄ꪎꪙ ꪨꪱ ꪢꪱ ꪼꪄ ꪀꪉꪲ ꫃ꪔ ꪶꪔꪉ ꫄ꪭꪚ ꪕꪮꪥ ꪩꪺꪉ ꫃ꪥꪒ ꪹꪥꪙ ꪶꪘꪉ ꫄ꪨꪣ ꪁꪱꪒ ꪁꪙꪸ. ꪊꪮꪙ ꪙꪲ ꪨꪷ ꪀꪱꪙ ꪶꪛ ꪎꪱ, ꪜꪲ 2010 ꪨꪉꪷ ꫄ꪋ ꪥꪉꪷ ꪬꪫꪲ, ꪩꪉꪴ ꪐꪽ ꪜꪀꪴ ꪵꪀꪉ ꪹꪠ ꪱꪒꪴ 30 ꪵꪬꪀ ꪕꪱ ꪜꪱ, ꪼꪜ ꪋꪳ 200 ꪵꪬꪀ ꪕꪱ ꪜꪱ ꪹꪨꪱ ꪮꪮꪙ , ꪨꪉꪷ 5 ꪜꪲ ꪜꪀꪴ ꪵꪀꪉ ꪩꪣꪾ ꪒꪴ ꪀꪱ ꪜꪱ ꪼꪣ ꪁꪷ ꪢꪱ ꪵꪝ ꪫꪽ ꪣꪲ ꪀꪷ ꪻꪐ ꪵꪔ 20 ꪭꪮꪒ 30 ꫄ꪠꪙ. ꪭꪮꪒ ꪜꪲ 2016, ꪋꪺ ꪹꪭꪙ ꪩꪉꪴ ꪖꪴ ꪼꪒ ꪀꪱꪥ 400 ꪋꪫꪸꪥ ꫄ꪉꪙ ꪵꪔ ꪀꪉꪲ ꫃ꪔ ꪜꪱ. ꪝꪮꪣ ꪀꪚꪾ ꪫꪀꪸ ꪜꪀꪴ ꪵꪀꪉ ꪼꪜ ꪋꪳ ꪜꪱ ꪀꪚꪾ ꪩꪺꪉ ꪜꪙꪴ ꪿ ꪹꪮꪱ ꪀꪷ ꫃ꪜꪙ ꪫꪽ ꪩꪉꪸ ꪀꪷ ꪙꪱꪙ ꫃ꪜꪙ”, ꪩꪉꪳ ꪁꪱꪒ ꪁꪙꪸ ꪵꪔꪉ ꪩꪉꪸ ꪎꪒꪷ ꪎꪉꪲ, ꫃ꪜꪒ ꪼꪀ , ꪄꪒꪴ ꪘꪮꪉ ꪜꪮꪥ ꪜꪱ. ꪭꪱꪉ ꪜꪲ ꪋꪺ ꪹꪭꪙ ꪩꪉꪴ ꫄ꪩꪉ ꪣꪲ ꪵꪔ 20 ꪭꪮꪒ 25 ꪺꪔ ꪉꪺ, ꪢꪮꪥ ꪜꪲ ꪄꪱꪥ ꪵꪔ 5 ꪭꪮꪒ 7 ꪶꪔ ꪊꪱꪘꪎꪬ ꪤꪱꪫ ꫃ꪔꪙ ꫜ ꪜꪱ ꪔꪉꪲ ꪮꪮꪀ ꪀꪱ ꪼꪒ ꪬꪱꪉ ꪭꪮꪥ ꪋꪫꪸꪥ ꫄ꪉꪙ.

          ꪋꪺ ꪹꪭꪙ ꪩꪉꪴ ꪫꪲ ꪪꪽ ꪵꪨꪉ ꪤꪴ ꪚꪱꪙ ꪜꪉꪴ ꪕꪮꪉ ꪎꪱ ꪙꪣꪾ ꪵꪩꪉ ꪭꪫꪸꪙ ꪶꪎꪚ ꪶꪁꪚ ꪁꪷ ꫃ꪥꪒ ꪹꪥꪙ ꪼꪒ ꪨꪱꪉ ꪒꪲ ꪀꪚꪾ ꪫꪀꪸ ꪵꪮꪚ ꪭꪮꪀ ꪩꪺꪉ ꪜꪀꪴ ꪶꪚꪉ ꪀꪷ ꪀꪙꪲ ꪢꪱꪀ. ꪀꪚꪾ ꪔꪱ ꪒꪙꪲ ꪼꪭ ꪝꪴ ꪄꪮꪉ ꪋꪺ ꪹꪭꪙ ꪩꪉꪴ ꪀꪷ ꪜꪀꪴ ꪋꪲ ꪮꪱꪫ ꪭꪮꪒ ꪝꪽ ꫜ ꪀꪷ ꪀꪉꪸ, ꪀꪷ ꪵꪉ , ꪜꪲ ꪙꪸ ꪁꪷ ꪼꪒ ꪜꪒꪲ 3 ꫄ꪔꪙ ꪢꪱꪀ, ꪀꪱ ꪄꪱꪥ ꪕꪮꪥ ꪔꪱꪉ ꪵꪔ 15 ꪭꪮꪒ 35 ꪝꪽ ꪢꪽ ꪢꪮꪥ ꫄ꪀꪙ. ꪵꪔ ꫄ꪉꪙ ꪄꪱꪥ ꪢꪱꪀ ꪀꪉꪸ, ꪢꪱꪀ ꪵꪉ , ꪢꪮꪥ ꪜꪲ ꪩꪉꪴ ꪖꪴ ꪀꪱꪥ 70 ꪋꪫꪸꪥ ꪢꪽ. ꪎꪮꪉ ꪣꪱ, ꪋꪺ ꪹꪭꪙ ꪩꪉꪴ ꪩꪉꪸ 9 ꪶꪔ ꪉꪺ, ꪶꪔ ꪁꪫꪱꪥ ꪵꪀꪉ 2 ꪝꪽ ꪹꪖꪀ ꪶꪣꪙ ꪘꪮꪉ ꪜꪱ, ꪢꪮꪥ ꪜꪲ ꪄꪱꪥ ꪮꪮꪀ ꫄ꪋ ꪩꪱꪒ ꫄ꪔꪙ ꫜ ꪜꪱ ...ꪀꪱ ꪜꪲ ꫃ꪕꪙ ꫃ꪢꪒ ꪋꪺ ꪹꪭꪙ ꪩꪉꪴ ꪖꪴ ꪼꪒ ꪤꪱꪫ 200 ꪋꪫꪸꪥ ꫄ꪉꪙ.

ꪼꪅ ꪙꪲ ꪘꪉꪷ ꪭꪫꪸꪙ ꪶꪎꪚ ꪶꪁꪚ ꪣꪲ ꪋꪲ ꪮꪱꪫ ꪭꪮꪒ 7. 700 ꪶꪭꪥ ꪪꪙꪸ ꪶꪭꪥ ꪶꪘꪉ ꫄ꪤꪙ , ꪀꪺꪉ ꪙꪽ ꪣꪲ 1.183ꪋꪺ ꪹꪭꪙ ꫃ꪤꪒ ꪹꪥꪙ, ꪁꪱ ꪄꪱꪥ ꪤꪮꪥ ꪋꪴ ꫄ꪀꪚ. ꪝꪉꪳ ꪜꪲ ꪋꪣꪾ ꪙꪲ, ꫄ꪡꪙ ꪨꪱꪥ ꪝꪉꪳ ꪶꪭꪥ ꪪꪙꪸ ꪶꪭꪥ ꪶꪘꪉ ꫄ꪤꪙ ꪭꪫꪙꪸ ꪁꪷ ꪊꪮꪉ ꪵꪭꪉ ꫃ꪤꪒ ꪹꪥꪙ ꪕꪮꪥ ꪩꪺꪉ ꪋꪉꪳ ꪜꪀꪴ ꪶꪚꪉ ꫃ꪜꪙ ꪚꪮꪙ ꪁꪱꪒ ꪁꪙꪸ ꫃ꪤꪒ ꪮꪮꪀ ꪹꪋꪉ ꪭꪱꪉ, ꪎꪴ ꪄꪫꪱ ꪭꪮꪀ ꪀꪲ ꪗꪺꪒ ꪻꪎ ꪫꪀꪸ ꫃ꪥꪒ ꪻꪭ ꪁꪒꪳ ꪼꪒ ꪨꪱꪉ ꪒꪲ ꪀꪉꪲ ꫃ꪔ ꪎꪉꪴ.

ꪹꪝ ꪤꪮꪥ ꪥꪮꪀ , ꪊꪱꪉ ꪈꪣꪾ ꪜꪙꪴ, ꪭꪴꪤ ꪐꪱꪥ ꪜꪙꪸ ꪹꪋ ꪡꪽ ꪀꪷ ꪜꪀꪴ ꪶꪚꪉ ꪶꪔ ꪵꪔꪭ ꪩꪉꪸ ꪨꪱꪥ ꪋꪺ ꪹꪭꪙ ꪝꪷ ꪼꪭ ꪵꪣ ꪙꪱ ꪁꪷ ꪭꪒꪳ ꪄꪙꪳ ꫃ꪤꪒ ꪭꪉꪷ ꪀꪚꪾ ꪫꪀꪸ ꪼꪄ ꪀꪫꪱꪉ ꪫꪀꪸ ꫃ꪥꪒ ꪹꪥꪙ ꪀꪉꪲ ꫄ꪔ ꪋꪱꪉ ꪊꪱꪥ ꪼꪫ ꪭꪉꪷ ꪼꪭ ꪹꪭꪙ ꪤꪱꪫ ꪵꪁꪉ ꪕꪱꪀ ꪣꪲ ꪫꪀꪸ ꫃ꪥꪒ ꪻꪬ ꫛ ꫃ꪥꪒ ꪹꪥꪙ ꪶꪠꪉ ꪚꪱꪙ ꪙꪱ ꪘꪉꪷ ꪭꪫꪸꪙ ꪵꪒꪙ ꪹꪣꪉ ꪶꪎꪚ ꪶꪁꪚ.

                                                          ꪫꪒꪸ ꪵꪯꪉ - ꪵꪭꪉ ꪥꪀꪲ

Pưng po hay me na hăng mi nẳng Sốp Cộp

          Chua hươn lung Quang Văn Chăn nẳng bản Mương Lạn, xã Mương Lạn, huyện Sốp Cộp, tỉnh Sơn La mả khày kinh tế tổng hợp toi luông dệt dượn nong lâm cạt kiên. Cón nị lỏ cán bộ xã, pi 2010 lăng chơ dặng hiu, lung nhẳn púk cánh lăm đù 30 héc ta pá, pảy chự 200 héc ta pá láu ón. Lăng 5 pi púk cánh lăm đù, cá pá mạy

cọ mả pe văn mi co nháư té 20 họt 30 phần. Họt pi 2016, chua hươn lung thu đảy cài 400 triệu té kinh tế pá. Pọm cắp vịa púk cánh pảy chự  pá cắp luông pun “ au co pên văn, liệng co nan pên”, lung cạt kiên tảnh liệng sắt sính, pết cáy, dệt nong pói pà...Hạng pi, chua hươn lung laâg mi té 20 họt 25 tô ngua, mỏi pi khai té 5 họt 7 tô cánh dáo tấn pà nưng tính ók đảy hạng họi triệu ngơn.

          Chua hươn lung Vi Văn Lánh, dú bản Pú Tong, xã Nặm lạnh, huyện Sốp Cộp cọ dệt dượn đảy lang đi cắp vịa ép học luông púk bồng co kin mák. Cắp tà đin pu khong chua hươn chảu dáo 15 păn đin, té pi 2013 lung cọ púk chi áo họt păn nưng co kiểng, mák nghe, pi nị cọ đảy pít 3 tấn mák, ca khài nẳng xuân toi tàng té 15 họt 35 păn măn mỏi cân. Té ngơn khai mak kiểng, mák nghe, mỏi pi lung thu cài 70 triệu mằn. Xong ma, chua hươn lung liệng 9 tô ngua, tô quai cánh 2 păn thứa môn nòng pà, mỏi pi khài ók chợ lạt chi áo họt tấn pà nưng...Cá pi tênh mết chua hươn lung thu đảy dáo 200 triệu mằn:

          Khay nị nẳng huyện Sốp Cộp mi chi áo họt 7.700 hội viên Hội Nông dân, cuông nặn mi 1.183 chua hươn dệt dượn, cạ khài giỏi chu cấp. Pưng pi chăm nị, phân lai pưng hội viên Hội nông dân huỵên cọ chóng hanh dệt dượn toi luông chưng púk bông pên bón, cạt kiên dệt ók chương hang, xủ khoa học kỹ thuật máư saư vịa dệt dượn cựt đảy lang đi kinh tế xùng.

          Pưa giỏi dọc, chang ngắm pun, hụ nhại piến chựa phăn co púk bồng, tô tảnh liệng, lai chua hươn po hay me na cọ hựt khửn cuông  dệt hăng toi luông khay quảng vịa dệt dượn, tánh ók phổng dệt kinh tế trang trại vạy dệt hăng hảu chua hươn chảu cánh tạk mi vịa dệt hảu côn dệt dượn phổng bản na nẳng huyện đen mương Sốp Cộp./. 

                                                Việt Anh - Hạnh dịch