ꪶꪀꪀ ꪜꪱꪥ ꫃ꪥꪒ ꪹꪚ ꪹꪣꪱ ꪹꪨꪱ

            ꪖꪱꪣ: ꪎꪷ ꪼꪏ ꪤꪱ ꪻꪬ ꪭꪴ ꪘꪱ ꪫꪀꪸ ꪹꪚ ꪹꪣꪱ ꪹꪨꪱ ꪼꪅ ꪙꪲ ꪹꪀꪒ ꪎꪉꪲ ꪮꪮꪀ ꪹꪏꪉ ꪏꪳ?

ꪔꪮꪚ: ꪣꪳ ꪻꪒ ꪁꪷ ꪣꪲ ꫛ ꪹꪚ ꪹꪣꪱ ꪹꪨꪱ ꪹꪄꪱ ꪹꪀꪷꪚ ꪀꪫꪲ ꪘꪉꪰ ꪹꪭꪙ ꪤꪱ. ꪝꪽ ꪹꪝꪷꪉ ꪼꪜ ꪢꪮꪥ ꪣꪳ ꪢꪲ ꪵꪔ ꫛ ꫜ ꪭꪮꪒ 2 ꫛ, ꪣꪲ ꪣꪳ ꪑꪉꪰ ꪣꪲ ꪭꪮꪒ 3, 4 ꫛ. ꪣꪲ ꪹꪏꪉ ꪫꪱ ꪹꪚ ꪹꪣꪱ ꪹꪨꪱ ꪼꪅ ꪙꪲ ꪩꪳꪙ ꪹꪏ ꪀꪮꪙ ꪨꪱꪥ. ꪹꪚ ꪹꪨꪱ ꪣꪲ 2 ꪔꪱꪉ , ꪯꪽ ꪨꪷ ꪹꪚ ꪹꪨꪱ êthanôn, ꪨꪷ ꪔꪱꪉ ꪹꪚ ꪹꪨꪱ ꪹꪩꪷꪉ ꪝꪷ ꪵꪀꪉ ꪣꪲ ꪨꪱꪥ ꫛ ꪊꪺꪚ ꪹꪚ ꪹꪣꪱ ꪹꪐꪷꪒ; ꪎꪮꪉ ꪣꪱ ꪨꪷ ꪹꪚ ꪹꪨꪱ mêthanôn, ꪯꪽ ꪙꪲ ꪨꪷ ꪔꪱꪉ ꪹꪚ ꪹꪣꪱ ꪬꪣꪸ ꪬꪱꪥ , ꪣꪽ ꪨꪷ ꪔꪱꪉ ꪹꪨꪱ ꪁꪫꪱ ꪶꪀꪙ ꪶꪀꪉ ꪉꪚꪸ.

          ꪖꪱꪣ: ꪕꪮꪥ ꪼꪎ ꪤꪱ, ꪶꪝ ꪹꪏꪉ ꪏꪳ ꪝꪉꪳ ꪋꪴ ꪹꪚ ꪹꪣꪱ ꪹꪨꪱ Mêthanôn ꪼꪅ ꪙꪲ ꪁꪷ ꪒꪱꪉ ꪹꪬꪸꪙ ꪩꪙꪳ ꪄꪙꪳ ꪨꪱꪥ?

          ꪔꪮꪚ: ꪶꪀꪀ ꪜꪱꪥ ꪊꪉꪲ ꪨꪷ ꪹꪝ ꪼꪅ ꪘꪲ ꫛ ꪫꪒꪸ ꪘꪱꪣ ꪀꪲꪙ ꪹꪨꪱ ꪨꪱꪥ ꪀꪱꪥ ꪀꪫꪱ; ꪊꪴ ꪚꪮꪙ , ꪚꪮꪙ ꪻꪒ ꪁꪷ ꪹꪬꪸꪙ ꪀꪙꪲ ꪹꪨꪱ, ꪀꪲꪙ ꪚꪸ; ꪼꪄ ꪙꪲ ꪀꪲꪉ ꪹꪔꪸ ꪢꪱ ꪼꪄ ꫛ ꪀꪙꪲ ꪨꪱ ꪹꪑꪉ ꪨꪱꪥ ꪹꪏ.

          ꪖꪱꪣ: ꪹꪏꪉ ꪏꪳ ꪼꪒ ꪒꪴ ꪨꪷ ꪀꪲꪙ ꪨꪱ ꪨꪱꪥ? ꪋꪉꪸ ꪩꪴꪉ!

          ꪔꪮꪚ: ꪕꪮꪥ ꪶꪔꪉ ꪜꪱꪫ ꪶꪎ ꪹꪨꪱ ꪼꪒ ꪀꪲꪙ ꪨꪱꪤ ꪹꪐꪷꪒ ꪀꪺꪉ ꪣꪳ ꪶꪒꪥ ꪀꪚꪰ ꫛ ꪋꪱꪥ ꪨꪷ ꪹꪚꪱ ꪀꪱꪥ 50 ꪚꪀꪰ, ꪵꪩꪫ ꪚꪸ ꪭꪳ ꪹꪚꪱ ꪀꪱꪥ 4 ꪚꪸ, ꪫꪱ ꪀꪱꪥ ꪢꪀꪳ ꪙꪽ ꪕꪳ ꪫꪱ ꪨꪷ ꪀꪙꪲ ꪨꪱꪥ ꪹꪭꪸꪉ ꪵꪩꪫ , ꪶꪒꪥ ꪀꪚꪰ ꫛ ꪑꪉꪲ ꪢꪀꪳ ꪼꪒ ꪀꪲꪙ ꪨꪱꪥ ꪹꪐꪷꪒ ꪨꪷ ꪕꪷ ꪖꪮꪉ ꪢꪀꪳ ꪄꪮꪉ ꪠꪴ ꪋꪱꪥ.

          ꪎꪷ ꪥꪮꪙ ꪹꪮꪷꪙ ꪼꪏ ꪤꪱ!

                                                                                                                                                                                  TTT-   ꪵꪖꪉ ꪥꪀꪲ

                                                                           Cốc pài dệt bứa mau lảu

           Thàm: Xò bác sỹ hẳư hụ pưng chu bứa mau lảu khay nị cướt xình ók xương xư?

Tóp: Mự đằư cọ mi côn chuốp bứa lảu khảu cấp cứu nẳng hươn dà. Pằn pâng pày mỏi mự mi côn nưng họt 2 côn, mi mự mi họt 3, 4 côn, mi xương va số côn bứa mua lảu khảu nị cọ lưn khửn lài. Bứa mua lảu mi 2 tàng; nưng lỏ bứa mua E tha nôn, ặn nị lỏ bứa mau lảu pi nọng lâng kìn, số côn bứa mau tàng lảu nị lỏ lài nhất; xòng lỏ bứa mau Mê tha nôn, tàng nị lỏ xút ti hiểm hại, dan chằm nị cọ hền mi lài côn chuốp bứa mau, ặn nị lỏ tàng lảu qua cồn cồng nghiệp. Va côn đằư chuốp bứa tàng lảu nị hư mi xương chi chuốp xiệt mo. Số côn chuốp bứa mau lảu họt khay cọ báu mi xương biền mài đảy mết, pưa lài côn cọ ngắm hịa pộ bứa mau tàng ứn.

          Thàm: Toi Bác sỹ, pộ xương xư bứa mau lảu, lưn xưa lỏ lảu mê tha nôn khay nị cọ đàng hền lài khửn ?

Tóp: Cốc pài chính lỏ pưa khay nị côn Việt Nàm kìn lảu lài hênh. Số lảu khòng côn Việt Nàm kìn hạng pì cọ đàng lưn khửn cánh vịa kìn bìa cọ lài; chu bón, bón đằư cọ hền kìn lảu, kìn bìa Pưng pì chằm nị kình tế mả khày, côn kìn lảu nhương lài xưa.

            Thàm: Cận kìn lảu xương xư đảy tư lỏ kìn lảu lài, chiêng bác sỹ?

Băng: “Toi tống páo số lảu đảy kìn lài nhất cuồng mự đối cắp côn trai lỏ báu cài 50 bắc, lẹo bìa hư báu cài 4 bỉa, và cài mức nặn tư va lỏ kìn lai hênh lẹo. lẹo đối cắp phủ nhinh hư đảy phép kìn lài nhất to thóng mức khòng phủ trai.

             Xò dọn ờn bác sỹ!./.

                                                                                                                   TTT – Thành dịch