ꪚꪙꪲ ꪢꪱꪥ ꪀꪱꪥ ꪊꪴ ꪕꪙꪸ ꪶꪕ ꫛ ꪌꪝꪙꪁ ꪤꪮꪙ ꪣꪱ ꪕꪱꪉ ꪵꪮꪚ ꪭꪮꪀ ꪵꪀꪭ ꫃ꪤꪒ

ꪕꪮꪥ ꪵꪫꪙ ꪵꪏꪉ ꪻꪎ ꪎꪉꪸ ꪄꪮꪉ ꪜꪴ ꪶꪭ

        ꪨꪱꪥ ꪓꪱꪥ ꪚꪫꪥꪸ ꪶꪝꪙ ꪤꪮꪙ ꪘꪉꪷ ꪨꪱꪥ ꪫꪀꪸ ꫃ꪥꪒ ꪨꪱꪀ ꪀꪽ ꪢꪱ ꪕꪙꪸ ꪶꪕ ꪮꪲꪙ ꪣꪺꪙ. ꪯꪽ ꪨꪷ ꪊꪙꪲ ꪎꪲ ꪶꪀꪉ ꪮꪱꪙ ꪘꪉꪷ ꪘꪱ ꫄ꪋꪙ ꪼꪜ ꪋꪳ ꪕꪉꪸ ꪮꪱꪙ ꪚꪱꪙ ꪹꪣꪉ; ꪨꪷ ꪚꪱꪀ ꪎꪲ ꪀꪺꪉ ꪜꪱꪉ ꪶꪏꪙ ꪋꪉꪲ ꪀꪫꪲ ꪹꪮꪱ ꫛ ꫃ꪊꪚ ꪄꪮꪥ ꪔꪱꪥ ꪹꪚꪱ ꪁꪷ ꪬꪺ ꪻꪊ ꪭꪀꪷ ꪵꪝꪉ ꪄꪮꪭ ꪠꪴ ꫃ꪜꪙ ꫃ꪯꪣ ꪩꪉꪸ ꪹꪮꪱ ꪝꪉꪳ ꪶꪔ ꪩꪀꪴ ꪚꪙꪴ ꪹꪚꪱ ꪼꪢ... ꪀꪱꪥ ꪝꪉꪳ ꪁꪫꪱꪣ ꪶꪕ ꪵꪔ ꪝꪉꪳ ꪵꪫꪙ ꪵꪏꪉ ꪙꪲ ꪻꪬ ꫃ꪬꪙ , ꪀꪚꪾ ꪬꪺ ꪻꪊ ꪊꪳ ꫄ꪮꪙ ꪊꪴ ꪕꪀꪲ ꪶꪭ ꪊꪲ ꪢꪉꪲ. ꫄ꪩꪉ ꪵꪮꪚ ꪭꪮꪀ ꪵꪀꪉ ꫃ꪥꪒ ꪕꪮꪥ ꪵꪫꪙ ꪵꪏꪉ ꫃ꪘꪒ ꪀꪙꪲ ꪩꪣꪸ ꪤꪴ ꪄꪮꪉ ꪜꪴ ꪶꪭ ꪨꪷ ꪩꪺꪉ ꪵꪭꪉ, ꪼꪫ ꪢꪮꪥ ꫛ ꪀꪣꪾ ꪀꪒꪸ ꫃ꪥꪒ ꪶꪣꪣ ꪵꪩꪫ ꪘꪱ ꪫꪀꪸ ꪼꪒ ꪤꪱꪫ. ꪤꪱꪉ ꪪꪙꪸꪲ ꪘꪮꪣ ꪀꪣꪾ ꫄ꪊꪙ ꪬꪲꪫ ꪶꪩꪀ, ꪘꪉꪷ ꪹꪋꪉ ꪓꪱꪥ ꪭꪮꪀ ꪶꪘꪉ ꫄ꪩꪣ ꪵꪖꪉ ꪶꪠ ꪶꪭ ꪊꪲ ꪢꪉꪲ ꪼꪒ ꪨꪱꪥ ꪝꪸ ꪙꪮꪉ ꪜꪀꪴ ꪻꪬ ꪀꪚꪾ ꪋꪳ “ ꪔꪙꪸ ꪎꪲ ꪀꪉꪴ” ꪹꪝ ꪣꪸ ꪝꪉꪳ ꪈꪙꪸ ꪀꪫꪲ ꪅꪀꪷ ꪅꪷ ꪋꪮꪥ ꫛ ꪵꪔꪉ ꪩꪉꪸ ꪶꪔ ꪀꪉꪴ ꪫꪒꪸ ꪢꪱꪙ ꪄꪱꪣ ꪀꪱꪥ ꪤꪱꪀ ꪋꪱ ꪨꪺꪉ ꪥꪱꪙ ꪵꪔ ꪜꪲ 2010 – 2013. ꪶꪒꪥ ꪀꪚꪾ ꪯꪱꪥ ꪋꪀꪸ ꪵꪮꪚ ꪭꪮꪀ ꪕꪮꪥ ꪜꪴ ꪊꪉꪲ ꪨꪷ ꪵꪮꪚ ꪭꪮꪀ ꪩꪱꪉ ꪈꪣꪾ ꪻꪊ ꪜꪙꪴ ꪒꪀꪷ ꪉꪮꪙ ꪄꪮꪉ ꪀꪺꪀ ꫃ꪔ ꪨꪷ  ꪼꪫ ꪵꪀ ꪁꪣꪾ ꪝꪉꪳ ꪄꪴ ꪤꪱꪀ ꪋꪱ ꪀꪺꪉ ꪹꪣꪉ.

          ꪩꪱꪉ ꪈꪣꪾ, ꫃ꪘꪒ ꪀꪙꪲ ꪩꪣꪸ ꪤꪴ ꪵꪀꪉ ꪵꪫꪙ ꪵꪏꪉ ꪻꪎ ꪎꪉꪸ ꪄꪮꪭ ꪜꪴ ꪶꪭ ꪁꪷ ꪼꪒ ꪼꪄ ꪀꪫꪱꪉ ꪭꪮꪠ ꪋꪴ ꪖꪱꪙ ꫄ꪨꪙ ꫄ꪤꪙ ꪹꪣꪉ ꪧꪚꪱ ꪎꪺꪙ ꪕꪷ ꪀꪺꪉ ꪹꪣꪉ ꪵꪩꪫ ꪀꪱ ꪝꪲ ꪙꪮꪉ ꪹꪬꪱ ꪀꪙꪲ ꪤꪴ ꪀꪱ ꪹꪣꪉ ꪙꪮꪀ. ꪁꪫꪱꪣ ꪶꪕ ꪄꪮꪭ ꪜꪱ ꪈꪙꪸ ꪖꪲ ꪏꪺꪙ ꪵꪯꪫꪉ, ꫛ ꪫꪒꪸ ꪘꪱꪣ ꪀꪙꪲ ꪤꪴ ꪘꪉꪷ ꪖꪱꪥ ꪩꪱꪙ ꪼꪒ ꪊꪉ ꪢꪱꪥ ꪫꪀꪸ ꫃ꪥꪒ ꪙꪲ. ꪜꪱ ꪁꪷ ꪼꪄ ꫄ꪨꪚ ꪚꪮꪀ ꪁꪫꪱꪣ ꪫꪒꪸ ꪻꪬ ꫛ ꪫꪒꪸ ꪘꪱꪣ ꪘꪉꪷ ꪖꪱꪥ ꪩꪱꪙ ꪀꪺꪉ ꪀꪲ ꪜꪲ ꪀꪱꪥ ꪣꪱ. ꪀꪱꪙ ꪙꪽ ꪁꪷ ꫃ꪥꪒ ꪻꪬ ꪝꪲ ꪙꪮꪉ ꪹꪬꪱ ꪀꪙꪲ ꪤꪴ ꪘꪉꪷ ꪖꪱꪥ ꪩꪱꪙ ꪹꪑꪉ ꪔꪣꪳ ꪭꪀꪷ ꪚꪱꪙ ꪵꪝꪉ ꪹꪣꪉ, ꪀꪫꪲꪥ ꪹꪎꪉ ꪜꪴ ꪶꪭ ꪹꪏ.

          ꪫꪀꪸ ꪵꪮꪚ ꪭꪮꪀ ꪵꪀꪉ ꫃ꪤꪒ ꪕꪮꪥ ꪵꪫꪙ ꪵꪏꪉ ꪻꪎ ꪎꪉꪸ ꪄꪮꪉ ꪜꪴ ꪶꪭ ꪁꪷ ꪼꪒ ꪒꪱꪉ ꪵꪀꪉ ꪹꪭꪙ ꪹꪘꪀ ꪹꪭꪱ ꪜꪀꪴ ꪋꪺꪙ ꪼꪈ ꪨꪉꪷ ꫄ꪋ ꪊꪴ ꪕꪀꪲ ꪶꪭ ꪊꪲ ꪢꪉꪲ ꫃ꪢꪒ ꫄ꪓꪥ ꪎꪸ ꪵꪀꪉ ꪼꪒ ꪀꪱ ꪒꪱꪉ ꪀꪱ ꫄ꪤꪙ ꪀꪱ ꪀꪺꪙ ꪵꪮꪚ ꪭꪮꪀ ꪀꪫꪱꪉ ꪕꪺ ꪀꪚꪾ ꪝꪉꪳ ꪫꪀꪸ ꫃ꪥꪒ ꪅꪀꪷ ꪅꪷ. ꪨꪱꪥ ꫄ꪕꪚ ꫃ꪖ. ꪨꪱꪥ ꫛ ꪁꪷ ꪄꪱꪣ ꪀꪱꪥ ꪥꪱꪀ ꪊꪱ ꪭꪒꪳ ꪄꪙꪳ, ꫃ꪢꪒ ꪻꪊ ꫃ꪢꪒ ꪵꪭꪉ ꪹꪝ ꪄꪴ ꫄ꪩꪥ ꪒꪲ ꪄꪮꪭ ꪋꪴ ꫛ ꪀꪺꪉ ꪚꪱꪙ ꪹꪣꪉ. ꪊꪳ ꫄ꪮꪙ ꪜꪴ ꪶꪭ, ꪢꪮꪥ ꫛ ꫄ꪤꪙ ꪫꪒꪸ ꪘꪱꪣ ꪀꪚꪾ ꪝꪉꪳ ꪫꪀꪸ ꫃ꪥꪒ ꪅꪀꪷ ꪅꪷ ꪄꪮꪉ ꪹꪊꪱ ꪁꪷ ꪒꪱꪉ ꪀꪣꪾ ꪀꪫꪒꪸ ꫄ꪊꪚ ꪙꪣꪾ ꪒꪲ ꪫꪀꪸ “ ꪵꪮꪚ ꪭꪮꪀ ꪵꪀꪉ ꫃ꪥꪒ ꪕꪮꪥ ꪵꪫꪙ ꪵꪏꪉ ꪻꪎ ꪎꪉꪸ ꪄꪮꪭ ꪜꪴ” ꪶꪭꪣ ꫄ꪡꪙ ꪔꪉꪷ ꪵꪔꪉ ꪚꪱꪙ ꪹꪣꪉ ꪭꪉꪷ ꪣꪲ ꪒꪒꪲ ꪢꪱ.

                                                                    TTT - ꪵꪭꪉ ꪥꪀꪲ

Biên mai cài chu tiện tô côn pộn dỏn ma tang ép học cánh dệt toi ven xanh sàư xiểng khong Pú Hô

          Lai đại biểu pộn dỏn nẳng lai vịa dệt lák căn ma tiện tô ỉn muôn. Ặn lỏ chiến sỹ công an nẳng nả trận pảy chự tiêng an bản mương; lỏ bác sĩ cuông pang xôn chinh cứu àu côn bệnh khói tài báu cọ  hùa chàư phủ pên êm liệng àu pưng tô lụk bùn báu mày ...Cai pưng quam tô té pưng ven xanh nị hảu hên, cắp hùa chàư chứ ơn Chủ tịch Hô Chí Minh, lâng ép học cánh dệt toi ven xanh nết kin liêm dú khong Pú Hô lỏ luông hanh, vạy mỏi côn căm quyết dệt mộm lẹo nả vịa đảy giao. Giảng viên nóm căm Trần Hữu Lộc, nẳng trương Đại học Nông – Lâm thanh phố Hô Chí Minh đảy lai pi nọng púk hảu cắp chư “ Tiến sĩ củng” pưa mi pưng nghiên cứu khặc khọ choi côn tảnh liệng tô củng Việt Nam khảm cài dạk cha cuông dan té pi 2010 – 2013. Đối cắp ai, vịa ép học toi Pú chính lỏ ép học pưng khu đắc ngon khong quốc tế vạy kẻ cặm pưng khu dạk cha cuông mương:

( Băng):

          Lang ngắm, nết kin liêm dú cánh ven xanh sãư xiểng khong Pú cọ khảy quảng pày họt chu thản lấn dân mương báu xuấn to cuông mương lẹo cá pi nọng hau kin dú cá mương nọk. Quam tô khong pả Nguyễn Thị Xuân Oanh, côn Việt Nam kin dú nẳng Thái Lan lỏ côn chứng mài hảu vịa dệt nị. Pả cọ khày lớp bók quam Việt hảu côn Việt Nam nẳng Thái Lan cuông kỷ pi cài ma. Cài nặn, cọ dệt hảu pi nọng hau kin dú nẳng Thái Lan nhương tứm hặc bản panh mương, quý xương Pú Hô. Pả Nguyễn Thị Xuân Oanh tô:

( Băng):

Vịa ép học cánh dệt oi ven xanh sàư xiểng khóng Pú Hô cọ đảy Đảng cánh Hươn nước hau púc chuân ngay lăng chơ Chủ tịch Hô Chí Minh mết đơi xia cánh đảy tênh cá Đảng, cá dân cánh tênh cá quân ép học quảng tua cánh chấp năm cắp pưng vịa dệt khặc khọ. Lai tập thể, lai côn cọ khảm cài dạk cha hựt khửn, mết chàư, mết hanh pưa khu lợi đì khong chu côn cuông bản mương, pưa khu hăng luông hanh khong bản mương. Chứ ơn Pú Hô, mỏi côn dân Việt Nam cắp pưng vịa dệt khặc khọ khong chảu cọ đang căm quyết chấp năm đi vịa “ Ép học cánh dệt toi ven xanh sàư xiểng khong Pú”, hôm phân tẳng tánh bản mương hăng mi đi mả./.

                                                TTT - Hạnh dịch