꫃ꪤꪒ ꪶꪀꪉ ꪊꪉꪲ ꪹꪢꪉ ꪠꪱꪥ ꪙꪣꪾ ꪶꪥꪣ - ꪚꪙꪸ ꪢꪱꪥ ꪹꪉꪙ ꪩꪱꪉ ꪵꪖꪉ ꪘꪙꪸ

ꪏꪉꪴ ꪡꪮꪉ ꪘꪉꪷ ꪓꪙꪸ ꪚꪙꪸ

        ꪣꪳ 3 ꪁꪣꪾ ꪹꪚꪙ 10 ꪜꪲ 1963, ꪶꪀꪉ ꪹꪋꪉ ꫃ꪤꪒ ꪖꪫꪲꪥ ꫄ꪩꪥ ꪙꪣꪾ ꪶꪥꪣꪁꪷ ꪼꪒ ꪔꪉꪷ ꪶꪀꪀ ꪔꪉꪷ ꪵꪔꪉ. ꪀꪱꪥ 2 ꪝꪽ ꪀꪱꪙ ꪶꪛ ꪶꪓꪥ ꪪꪙꪸ ꪶꪭꪣ ꪣꪲ ꪀꪱꪥ 800 ꪵꪖꪉ ꪘꪙꪸ ꪹꪚꪙ 8 ꪖꪴ ꪶꪓ ꪵꪀꪉ ꪵꪖꪉ ꪘꪙꪸ ꪨꪱꪥ ꪔꪉ ꪒꪙꪲ ꪝꪴ ꪹꪏꪉ ꪭꪉꪳ ꪮꪙꪸ, ꪖꪱꪥ ꪚꪉꪲ, ꫃ꪉ ꪮꪱꪙ, ꪬꪱ ꪔꪉꪲꪶ ꪙꪱꪣ ꪓꪉꪲꪶ ꪵꪖꪉ ꪬꪫꪱ... ꪕꪮꪥ ꪁꪫꪱꪣ ꪵꪄꪀ ꪭꪀꪸ ꪄꪮꪉ ꪒꪱꪉ , ꪹꪭꪙ ꪹꪘꪀ ꪁꪷ ꪬꪱꪀ ꪣꪺꪙ ꪻꪊ ꪄꪙꪳ ꪹꪣ ꪓꪙꪸ ꪚꪙꪸ ꫃ꪥꪒ ꪶꪀꪉ ꪊꪉꪲ ꪖꪫꪲꪥ ꫄ꪩꪥ ꪙꪣꪾ ꪶꪥꪣ ꪀꪺꪉ ꪥꪱꪙ ꪹꪋꪱ ꫄ꪐꪒ ꪼꪫ ꪕꪱꪀ ꫃ꪜꪙ ꪚꪮꪙ ꫄ꪝꪉ ꪻꪬ ꪓꪙꪸ ꪚꪙꪸ ꪄꪱꪣ ꪄꪮꪥ ꪎꪸ ꪫꪀꪸ ꪒꪒꪴ ꪖꪫꪥꪸ ꪹꪄꪱ ꪙꪣꪾ ꪁꪣꪾ ꪀꪙꪲ.

          ꪀꪚꪾ ꪩꪺꪉ ꪜꪙꪴ, ꪵꪊꪀ ꪑꪣꪸ ꪄꪮꪉ ꪊꪣꪴ ꪢꪴ ꪵꪖꪉ ꪘꪙꪸ ꪏꪉꪴ ꪡꪮꪉ, ꪶꪀꪉ ꪊꪉꪲ ꪖꪋꪲꪥ ꫄ꪩꪥ ꪙꪣꪾ ꪶꪥꪣ ꪁꪷ ꫃ꪥꪒ ꪶꪣꪣ ꪵꪩꪫ ꪨꪉꪷ ꪋꪲ ꪮꪱꪫ ꪭꪮꪒ 7 ꪜꪲ ꪊꪮꪉ ꪵꪭꪉ ꫃ꪥꪒ ꪀꪺꪉ ꪄꪴ ꪣꪺꪙ ꪩꪺꪉ ꪬꪮꪣ ꪄꪮꪉ ꪝꪷ ꪵꪣ ꪝꪲ ꪙꪮꪉ ꪹꪣꪉ ꪵꪖꪉ. ꪶꪀꪉ ꪊꪉꪲ ꪶꪭꪣ ꪣꪲ; ꪠꪱꪥ ꪜꪱꪙ ꪙꪣꪾ ꪵꪀꪉ ꪁꪽ ꫃ꪛ ꪶꪕꪉ ꪭꪲ 127 ꪹꪖꪀ ꪄꪱꪣ ꪵꪣ ꪙꪣꪾ ꪶꪥꪣ, ꪁꪽ ꪩꪮꪣ ꫃ꪛ ꪶꪕꪉ ꫃ꪩꪀ ꪭꪲ 698 ꪵꪖꪀ, ꪎꪉꪴ 17 ꪹꪖꪀ , ꪶꪀꪉ ꪹꪮꪱ ꪙꪣꪾ, ꪶꪀꪉ ꪄꪱꪉ ꪏꪱꪥ ꪵꪀꪉ ꪀꪱꪥ 34 ꪼꪀ ꪶꪎ ꪭꪮꪉ ꪹꪣꪉꪮꪺꪙ ꪙꪣꪾ ꪼꪜ ꪕꪺ ꪶꪕꪉ ꪵꪖꪉ.

          ꪝꪉꪳ ꪜꪲ ꪹꪚꪙ ꪔꪉꪷ ꪵꪔꪉ ꪶꪀꪉ ꪊꪉꪲ ꪖꪫꪲꪥ ꫄ꪩꪥ ꪙꪣꪾ ꪶꪥꪣ ꪁꪷ ꪵꪣꪙ ꪥꪱꪙ ꪵꪠꪙ ꫄ꪎꪀ ꪣꪲ ꪣꪱ ꪵꪚꪙ ꪠꪱ ꪭꪱꪥ ꪬꪀꪳ. ꫄ꪋ ꪙꪽ ꪊꪣꪴ ꪢꪴ ꪵꪖꪉ ꪘꪙꪸ ꪏꪉꪴ ꪡꪮꪉ ꪄꪮꪉ ꪹꪭꪱ ꪼꪒ ꪄꪱꪣ ꪀꪱꪥ ꪹꪚꪱ ꪊꪀꪷ ꪕꪷ ꪻꪒ ꪄꪷ ꪣꪷ ꪥꪱꪀ ꪋꪱ, ꫄ꪋ ꪼꪒ ꪶꪩꪉ ꫃ꪥꪒ ꪶꪀꪉ ꪊꪉꪲ ꪖꪫꪲꪥ ꫄ꪩꪥ ꫜ ꪻꪐ ꪵꪀꪉ ꪹꪮꪱ ꪕꪷ ꪵꪭꪉ ꫛ ꫃ꪥꪒ , ꫃ꪕꪉ ꪼꪒ ꪁꪣꪾ ꪔꪷ ꪀꪚꪾ ꪵꪎ ꪚꪙꪲ ꪄꪮꪉ ꪵꪠꪙ ꫄ꪎꪀ ꪵꪚꪙ ꪠꪱ ꪭꪱꪥ ꪭꪀꪳ. ꪘꪉꪷ ꪶꪀꪉ ꪊꪉꪲ ꪹꪋꪉ ꫄ꪋ ꪙꪽ ꪁꪾ ꪣꪲ 18 ꪵꪖꪉ ꪘꪙꪸ ꪏꪉꪴ ꪡꪮꪉ ꪊꪺꪚ ꪼꪩ ꪁꪉꪲ ꫄ꪋ ꫃ꪥꪒ ꪫꪀꪸ.

          ꪀꪱꪥ 50 ꪜꪲ ꪀꪱꪥ ꪣꪱ, ꪼꪅ ꪙꪲ ꪶꪀꪉ ꪊꪉꪲ ꪖꪫꪲꪥ ꫄ꪩꪥ ꪙꪣꪾ ꪶꪥꪣ - ꪶꪀꪉ ꪊꪉꪲ ꪣꪸ ꪩꪺꪉ ꪀꪮꪚ ꪝꪀꪷ ꪶꪭꪣ ꪵꪭꪉ ꪄꪮꪉ ꪜꪙꪴ ꪜꪱꪙ ꪩꪱꪙ ꪘꪮꪣ ꪄꪮꪉ ꪊꪣꪴ ꪢꪴ ꪵꪖꪉ ꪙꪙꪸ ꪏꪉꪴ ꪡꪮꪉ ꪘꪉꪷ ꪓꪙꪸ ꪚꪙꪸ ꫃ꪫꪙ ꪁꪙꪳ ꪹꪮꪱ ꪙꪣꪰ ꪼꪜ ꪻꪎ ꪶꪕꪉ ꪙꪱ ꪹꪣꪉ ꪵꪖꪉ , ꪹꪮꪱ ꪶꪕꪉ ꪙꪱ ꪣꪺ ꪒꪫꪸ ꪼꪬ ꪼꪒ 2 ꪣꪺ ꪵꪀꪉ ꪜꪴꪀ ꪼꪒ ꪀ ꪣꪺ ꪘꪱꪫ , ꪶꪭꪣ ꫄ꪡꪙ ꪻꪎ ꪫꪀꪸ ꪢꪱ ꪼꪄ ꪀꪉꪲ ꫃ꪔ ꪎꪱ ꪶꪭꪥ ꪄꪮꪉ ꪓꪸ ꪹꪠꪉ. ꪜꪲ 2003, ꪹꪣꪉ ꪠꪱꪥ ꪨꪱꪥ ꪩꪙꪲ ꪼꪒ ꪼꪎ ꪘꪱ ꪢꪽ ꪵꪀꪉ ꪼꪒ ꪹꪮꪱ ꪹꪄꪱ ꪎꪴ ꪁꪱꪒ ꪁꪙꪸ ꪀꪚꪾ ꪫꪀꪸ ꪔꪉꪷ ꪵꪔꪉ ꪵꪀꪉ ꪹꪮꪱ ꪙꪣꪷ ꪵꪔ 9 ꪘꪮꪉ ꪩꪉꪳ ꪙꪣꪾ ꪘꪉꪷ ꪀꪺꪉ ꪶꪠꪉ, ꪹꪏꪉ ꪙꪽ ꪔꪱ ꪒꪙꪲ ꪙꪱ ꪣꪲ ꪙꪣꪾ ꪼꪬ ꪹꪑꪉ ꪼꪄ ꪀꪫꪱꪉ. ꪪꪱ ꪜꪲ 1984, ꫃ꪕꪉ ꫃ꪢꪒ ꪔꪱ ꪒꪙꪲ ꪙꪱ 2 ꪣꪺ ꪄꪮꪭ ꪔꪉꪲ ꪁꪷ ꪩꪙꪳ ꪄꪙꪳ ꪀꪱꪥ 7 ꪝꪽ ꪵꪬꪀ ꪕꪱ, ꪘꪉꪷ ꪎꪺꪒ ꪘꪱ ꪩꪙꪳ ꪵꪔ 20 ꪔꪱ 20 ꪢꪮꪥ ꪵꪬꪀ ꪕꪱ ꪹꪏꪉ ꪼꪅ ꪙꪲ.

          ꪀꪺꪉ ꪨꪱꪥ ꪄꪴ ꫃ꪤꪒ ꫃ꪜꪙ ꫃ꪊꪒ ꪹꪩꪉ ꪹꪄꪱ ꪎꪱꪙ ꪓꪙꪲ ꪚꪙꪸ ꪹꪏꪉ ꪙꪣꪾ ꪒꪙꪲ ꪘꪉꪷ ꪶꪔꪉ ꪙꪱ ꪹꪣꪉ ꪵꪖꪉ...ꪵꪩꪫ ꪑꪉꪷ ꪼꪒ ꪙꪚꪾ ꪭꪮꪒ ꪩꪺꪉ ꫄ꪁꪙ ꪬꪱ ꪄꪮꪉ ꪶꪀꪉ ꪊꪉꪲ ꪖꪫꪲꪥ ꫄ꪩꪉ ꪙꪣꪾ ꪶꪥꪣ ꫄ꪋ ꫄ꪩꪉ ꪣꪲ ꪝꪾ ꪙꪣꪾ ꪼꪫ ꪼꪬ ꪹꪠ ꪶꪕꪉ ꪙꪱ.

                                                                   ꪪꪴ ꫄ꪩꪥ - ꪵꪭꪉ ꪥꪀꪲ

Dệt công trình mương phai Nặm Rôm – biên mai ngươn lang thanh niên xung phong nẳng Điện Biên

          Mự 3 căm bươn 10 pi 1963, Công trương dệt thuỷ lợi Nặm Rôm cọ đảy tẳng cốc tẳng tánh. Cai 2 păn cán bộ, đội viên hôm mi cài 800 thanh niên bươn 8 thủ đô cánh thanh niên lai tỉnh đin tảu xương Hưng Yên, Thái Bình, Nghệ An, Hà Tĩnh, Nam Định, Thanh Hoá...Toi quam khék hịa khong Đảng, Hươn nước cọ hák muôn chàư khửn mưa Điện Biên dệt công trình thuỷ lợi Nặm Rôm cuông dan chạu nhất vạy tạk pên bón pâng hảu Điện Biên khảm khói xia vịa đút thiếu khảu nặm căm kin.

          Cắp luông pun, trách nhiệm khong chủm mú thanh niên xung phong, công trình thuỷ lợi Nặm Rốm cọ dệt mộm lẹo lăng chi áo họt 7 pi chóng hanh dệt cuông khu muôn luông hòm khong po me pi nọng Mương Thanh. Công trình hôm mi: phai pản nặm cánh thók bê tông hy 127 thứa khảm me Nặm Rôm, căn lọm bê tông lếch hy 698 thứa, xung 17 thứak, cống àu nặm, cống kháng sái cánh cài 34 cay số hong mương uôn nặm pày tua tông Thanh. Lung Trần Công Chính, Hội trưởng Hội Cựu Thanh niên xung phong tỉnh Điện Biên, lỏ côn nưng cuông pưng côn cốc khoẹ chôm hặp tẳng tánh cánh cạt kiên cắp công trình té nặn họt khạy hảu hụ:

( Băng):

          Pưng pi  bươn tẳng tánh công trình thuỷ lợi Nặm Rốm cọ men dan phen xấc Mỹ ma bén phá bưởng bắc hại hức. Chơ nặn, chủm mú Thanh niên xung phong khong hau đảy khảm cài báu chắc to đàư khó mo dạk cha, chơ đảy lông dệt công trình thuỷ lơị nưng nháư cắp tênh mết lỏ hanh côn dệt, tênh đảy cặm tó cắp xe bìn khong phen xấc bén phá hại hức. Nẳng công trương chơ nặn cọ mi 18 thanh niên xung phong chuốp lay kinh chơ dệt vịa.

          Cài 50 pi cài ma, khay nị, công trình thuỷ lợi Nặm Rốm - Công trình mi luông cóp pặc hôm hanh khong pun pan lan nóm khong chủm mú thanh niên xung phong nẳng Điện Biên vên cưn àu nặm ma sáư tông na Mương Thanh, au tông na mua điêu háy đảy 2 mua cánh púk đảy co mua nao, hôm phân sáư vịa mả khày kinh tế xã hội khong địa phương. Pi 2003, mương phai lái lin đảy xay nà mẳn cánh đảy àu khảu xủ cạt kiên cắp vịa tẳng tánh cánh àu nặm té 9 nong lưng nặm nẳng cuông phổng, xương nặn ta đin na mi namự hay nhương đảy khày quảng. Va pi 1984, tênh mết ta đin na 2 mua khong Điện Biên chi áo họt 2. 400 héc ta, hư họt pi 2013, ta đin na 2 mua khong tỉnh cọ lưn khửn cài 7 păn héc ta, năng suất na lưn té 20 tạ mỏi héc ta khửn cài 60 tạ xương khay nị.

          Cánh men dan bốn xương 61 pi bốn xương mự xôn pẹ xấc Tày nẳng Điện Biên Phủ, mự 7/5/2015, Công trình thuỷ lợi Nặm Rốm cọ đảy tỉnh Điện Biên tống páo Quyết định cánh chôm tỏn Băng xiếp tang ngươn lang văn hoá cấp tỉnh. Khu nị vạu khửn luông pông chàư chứ ơn đối cắp pun lan ải pi pày cón, xong ma cọ men quam tít tơn pun lan xứp tam lăng nị hụ chự hiêm cánh pếnh khày cá con kinh tế cọ xương ngươn lang cận hà khong công trình nị. Lung Trần  Hà Sơn, Phó Giám đốc Sở Nông nghiệp mả pe bản na tỉnh Điện Biên va:

( Băng):

          Cuông lai khu dệt pên chất lượng khảu san Điện Biên xương nặm đin nẳng tông na Mương Thanh...lẹo nhăng đảy nặp họt luông cận hà khong công trình thuỷ lợi Nặm Rôm chơ lâng mi po nặm vạy háy phưa tông na./.

                                                         Vũ Lợi - Hạnh dịch