ꪵꪮꪚ ꪎꪳ ꪀꪺꪉ ꪥꪱꪙ ꪥꪉꪰ ꪵꪭ ꪹꪚꪱ ꪘꪀꪰ ꪨꪱꪥ

          ꪶꪒꪚ ꪣꪺꪙ 9 ꪹꪚꪙ ꪵꪮꪚ ꪊꪉꪲ ꪄꪱꪫ ꪀꪺꪉ ꪹꪭꪙ ꪹꪋꪉ , ꪄꪴ ꪝꪉꪳ ꪙꪮꪉ ꪙꪮꪥ ꪢꪮꪉ ꪁꪮꪉ ꪨꪷ ꪣꪲ ꪣꪺ ꪵꪭ ꫜ ꪅꪁꪷ ꪅꪷ ꪼꪒ ꪮꪙꪲ ꪣꪺꪙ ꪥꪉꪷ ꪥꪮꪣ ꪀꪚꪷ ꪨꪱꪥ ꪩꪺꪉ ꪮꪙꪸ ꪣꪺꪙ ꪨꪱꪀ ꪀꪽ. ꪶꪋꪣ ꪭꪚꪾ ꪝꪉꪳ ꪹꪀ ꪩꪱꪀ ꪶꪛ ꪘꪉꪷ ꪄꪫꪸꪥꪶ ꫃ꪖ ꪖꪱꪫ ꪵꪮꪚ ꪝꪉꪳ ꪄꪱꪫ ꪭꪴꪤ ꪋꪱꪉ, ꫃ꪕꪚ ꪕꪳ ꪨꪱꪥ ꪶꪣꪙ ꪵꪮꪚ ꪙꪮꪀ ꫄ꪋ ꪨꪷ ꪩꪱꪉ ꪣꪮꪙ ꪄꪮꪉ ꪨꪱꪥ ꪭꪮꪀ ꪎꪉꪲ ꪢꪮꪥ ꪹꪕ ꪣꪺ ꪵꪭ ꪣꪱ ꪭꪮꪒ. ꪬꪱꪀ ꪫꪱ, ꫃ꪥꪒ ꪹꪏꪉ ꪏꪳ ꪼꪫ ꪹꪩꪀ ꪋꪮꪙ ꪼꪒ ꪶꪛ ꪶꪣꪙ ꪻꪒ ꪋꪮꪚ ꪀꪚꪾ ꪩꪺꪉ ꪭꪴ ꪋꪱꪉ ꪹꪚꪱ ꪁꪷ ꪄꪱꪫ ꪵꪮꪚ ꫜ ꫄ꪊꪒ ꪹꪩꪉ , ꪕꪮꪥ ꪗꪱꪀ ꪎꪲ ꫄ꪕꪣ ꪨꪲ ꪒꪱꪫ ꫃ꪩ ꪬꪱꪫ ꪱꪮꪙ , ꪮꪫꪲꪥ ꪫꪙꪸ ꪚꪱꪙ ꫄ꪊꪚ ꪵꪬꪉ  ꪊꪉꪴ ꪹꪮꪉ ꪶꪭꪥ ꫄ꪕꪣ ꪨꪲ ꪭꪮꪀ ꪎꪱ ꪶꪭꪥ ꪫꪒꪸ ꪘꪱꪙ , ꪝꪉꪳ ꪨꪱꪙ ꫄ꪁꪙ ꪼꪒ ꪠꪴ ꪻꪐ ꪊꪮꪥ ꪨꪱꪥ ꪹꪏ ꪻꪢ;

          ꪶꪎꪣ ꪻꪊ ꪀꪚꪾ ꪫꪀꪸ ꫃ꪥꪒ ꪙꪲ, ꫛ ꪹꪢꪱ ꪖꪫꪲꪥ ꪵꪭꪉ ꪫꪱ ꪭꪀꪸ, ꪮꪱꪥ ꫃ꪯꪣ ꫄ꪁꪙ ꪤꪱꪫ ꪁꪫꪙꪸ ꪻꪬ ꪨꪱꪙ ꪙꪮꪥ ꪀꪺꪉ ꪫꪀꪸ ꪹꪩꪀ ꪋꪮꪙꪥ ꪋꪲ ꪵꪮꪚ ꪎꪉꪷ, ꪮꪙꪲ ꪎꪉꪷ ꪀꪺꪉ 3 ꪹꪚꪙ ꪵꪭ. ꪒꪴ ꪹꪏꪉ ꪉꪮꪙ ꪹꪖꪉ ꫜ ꪨꪉꪷ ꪜꪲ ꫜ ꪊꪮꪉ ꪵꪮꪚ ꪭꪮꪀ ꫃ꪤꪒ ꪶꪣꪣ ꪵꪩꪫ ꪘꪱ ꪫꪀꪸ ꪘꪉꪷ ꪹꪋꪉ. ꪵꪮ ꫃ꪤꪒ ꪼꪒ ꪄꪴ ꪙꪲ, ꪀꪮꪙ ꫄ꪋ ꪜꪲ ꪵꪮꪚ ꪶꪒꪚ ꪣꪺꪙ , ꪝꪉꪳ ꪠꪴ ꫃ꪜꪙ ꪮꪱꪥ ꫃ꪜꪙ ꫃ꪯꪣ ꪼꪒ ꪤꪮꪣ ꪨꪱꪥ ꪥꪱꪙ ꫄ꪋ ꪎꪱꪫ ꪭꪴ, ꪩꪺꪉ ꪣꪀꪷ ꪣꪺꪙ ꪵꪮꪚ ꪵꪭ ꪀꪺꪉ ꪜꪲ ꪁꪷ ꪹꪏꪉ ꪝꪉꪳ ꪙꪱꪉ ꪁꪫꪱꪣ ꪝꪉꪳ ꪄꪫꪱ ꪵꪮꪚ. ꫄ꪋ ꪅꪀꪷ ꪄꪷ ꪭꪴ ꪵꪊꪉ, ꪫꪀꪸ ꪋꪲ ꪻꪬ ꪩꪀꪴ ꪹꪔꪱ ꪹꪊꪱ ꪵꪮꪚ ꪎꪉꪷ ꪁꪷ ꪹꪚꪱ ꪥꪱꪀ.

          ꪨꪉꪷ ꫄ꪋ ꪼꪒ ꪡꪉꪷ ꪝꪉꪳ ꪩꪱꪉ ꪣꪮꪙ ꪵꪀꪉ ꪶꪜꪉ ꪻꪊ ꪭꪮꪒ ꪀꪫꪒꪸ ꪓꪉꪲ ꪄꪮꪭ ꪩꪀꪴ ꪙꪮꪉ ꪹꪊꪹ ꪨꪷ ꪩꪺꪉ ꪼꪒ ꪨꪱꪥ ꫛ ꪹꪏꪉ ꪹꪮꪥ ꪖꪫꪲꪥ ꪵꪭꪉ ꪁꪷ ꫄ꪊꪚ ꪙꪣꪾ ꪼꪒ ꪩꪱꪉ ꪒꪲ. ꪕꪮꪥ ꪜꪱ ꪈꪫꪙꪸ ꪖꪋꪲꪥ ꪯꪫꪙꪸ ꪹꪡꪉ ꪤꪱꪣ ꪹꪋꪉ ꪉꪫꪱꪥ ꪄꪱꪫ Tomato, ꪜꪙꪸ ꪫꪀꪲ ꪜꪒꪷ ꪩꪀꪴ ꪵꪮꪚ ꪁꪲ ꪖꪳ 3, ꪠꪴ ꫃ꪜꪘ ꪮꪱꪥ ꫃ꪜꪙ ꫃ꪯꪣ ꪼꪒ ꪻꪬ ꪩꪀꪴ ꪹꪔꪱ ꪭꪴꪤ ꪼꪒ ꪨꪱꪥ ꪄꪴ ꪣꪱ ꪕꪱꪉ ꪀꪙꪲ ꪤꪴ. ꪵꪮꪚ ꪁꪫꪱꪣ ꪵꪮꪉ ꪨꪱꪥ ꪀꪀꪲ ꫃ꪉ, ꪶꪋꪣ ꪭꪚꪾ ꪹꪎꪉ ꪋꪱꪉ ꪈꪣꪾ ꪜꪙꪴ, ꪮꪙꪲ ꪝꪉꪳ ꪩꪺꪉ ꪮꪙꪲ ꪣꪺꪙ ꪒꪷꪀ ꪵꪨꪣ ꪹꪚꪱ ꪁꪷ ꪕꪙꪸ ꪶꪕ ꪩꪺꪉ ꪈꪣꪾ, ꪩꪺꪉ ꫃ꪥꪒ ꪀꪚꪾ ꪝꪲ ꪙꪮꪉ ꪻꪢ ꪀꪺꪉ ꪹꪊꪉ ꪊꪉꪲ ꪿ ꪝꪲ ꪙꪮꪉ ꪛꪱꪙ ꪝꪮꪣ ꪵꪮꪚ” ꪨꪷ ꪝꪉꪳ ꪫꪀꪸ ꪼꪒ ꪵꪮꪚ ꪀꪺꪉ ꪹꪋꪉ ꪉꪫꪱꪥ ꪄꪱꪫ Tô ma to ꪖꪒꪸ ꫃ꪀ ꪮꪮꪀ ꪻꪬ ꪝꪉꪳ ꪙꪮꪉ ꪖꪫꪥꪸ ꪑꪲ ꪀꪺꪉ ꪣꪺ ꪵꪭ ꪝꪲ ꪙꪲ.

          ꫃ꪜꪉ ꪼꪄ ꫃ꪢꪒ ꪩꪺꪉ ꪵꪭꪉ ꪊꪱꪉ ꪈꪣꪷ ꪄꪮꪉ ꪝꪉꪳ ꪨꪱꪙ ꪁꪷ ꪵꪣꪙ ꪨꪷ ꪩꪺꪉ ꪜꪙꪴ ꪄꪮꪉ ꪋꪱꪥ ꪵꪭ ꪶꪀꪉ ꫃ꪉ ꪼꪒ ꪭꪮꪀ ꪫꪙꪸ ꪋꪱꪉ ꪜꪙꪴ ꪶꪀꪉ ꫃ꪉ TEKY, ꪵꪖꪉ ꪶꪠ ꪶꪭ ꪊꪲ ꪢꪉꪲ ꪶꪔ ꪊꪀꪳ ꫄ꪊꪚ ꪙꪚꪾ ꪶꪀꪀ ꪵꪅꪫꪀ. ꪀꪱꪥ ꪝꪉꪳ ꪛꪱꪥ ꪤꪱꪉ ꫃ꪝꪉ ꪻꪎ ꪩꪺꪉ ꪤꪱꪫ ꪥꪴꪀ ꪅꪫꪱ ꪭꪮꪀ - ꪀꪲ ꪗꪺꪒ - ꪶꪀꪉ ꫃ꪉ ꪵꪀꪉ ꪔꪫꪱꪙ ꪭꪮꪀ , ꪵꪎꪉ ꪋꪱꪉ ꪉꪣꪾ ꪜꪙꪴ TEKY ꪋꪮꪥ ꪝꪉꪳ ꪙꪮꪉ ꪙꪮꪥ ꪵꪔ 6 ꪭꪮꪒ 11 ꪜꪲ ꪣꪲ ꪹꪏꪉ ꫃ꪥꪒ ꪵꪀꪫꪙ ꪀꪚꪾ ꪀꪲ ꪗꪺꪒ ꫄ꪩꪚ ꪊꪉꪲ ꫃ꪩꪀ ꪙꪮꪥ ꪼꪫ ꫃ꪥꪒ ꪮꪮꪀ ꪝꪉꪳ ꪩꪺꪉ ꪮꪙꪲ ꪣꪺꪙ ꪹꪚꪱ ꪁꪷ ꪝꪉꪳ ꪩꪺꪉ ꪵꪮꪚ ꪣꪲ ꫄ꪩꪥ ꪒꪲ ꪘꪉꪷ ꪼꪢ ꪔꪉꪲ. ꪘꪉꪷ ꪘꪲ, ꪝꪉꪳ ꪙꪮꪉ ꪑꪉ ꪬꪱꪀ ꪋꪱꪉ ꪈꪣꪾ ꪜꪙꪴ ꫃ꪥꪒ ꪵꪔ ꪐꪉꪲ ꪹꪐ ꪹꪚꪱ ꪁꪷ ꪋꪱꪉ ꪈꪣꪾ ꫃ꪤꪒ ꪵꪔ ꪼꪢ ꪢꪮꪀ ꫃ꪜꪙ ꪝꪉꪳ ꪨꪱꪉ ꪹꪭꪙ. ꪕꪮꪥ ꪜꪱ ꪉꪷ ꪶꪬꪉ ꪫꪲ, ꪋꪫꪙꪸ ꪫꪙꪸ ꪊꪫꪙ ꪶꪖꪉ ꪭꪮꪀ ꪫꪙꪸ ꪊꪱꪉ ꪈꪣꪾ ꪜꪙꪴ ꪶꪀꪉ ꫃ꪉ TEKY, ꪫꪀꪸ ꪁꪮꪥ ꪻꪬ ꪝꪉꪳ ꪨꪱꪙ ꪵꪮꪚ ꪝꪉꪳ ꪄꪫꪱ ꪵꪮꪚ ꪵꪜꪀ ꪹꪏꪉ ꪋꪲ ꪹꪚꪱ ꪵꪮ ꪵꪮꪚ ꪋꪲ ꪕꪱꪀ ꫃ꪜꪙ ꪄꪴ ꪻꪬ ꪝꪉꪳ ꪨꪱꪙ ꪬꪱꪀ ꪣꪺꪙ ꪻꪊ ꪔꪮꪙ ꪹꪮꪱ ꪩꪺꪉ ꪭꪴ ꪋꪱꪉ ꪻꪢ:

          ꪤꪱꪫ ꪥꪴꪀ ꪨꪱꪥ ꪶꪣꪙ ꪵꪮꪚ ꪒꪱꪉ ꪨꪷ ꪫꪀꪸ ꫃ꪥꪒ ꪼꪒ ꪝꪉꪳ ꪊꪉꪴ ꫄ꪔꪣ ꪚꪮꪀ ꪎꪮꪙ ꪩꪺꪉ ꪭꪴꪤ ꪋꪱꪉ ꪵꪖꪉ ꪶꪠ ꪶꪭ ꪊꪲ ꪢꪉꪲ ꪹꪩꪀ ꪋꪮꪙ ꪀꪺꪉ ꪣꪺ ꪵꪭ ꪜꪲ ꪙꪲ. ꪫꪀꪸ ꪒꪴ ꪒꪲ ꪩꪺꪉ ꪋꪱꪉ ꪈꪣꪾ ꪜꪙꪴ, ꫃ꪤꪒ ꪼꪬ ꪝꪉꪳ ꪨꪱꪙ ꪋꪱꪉ ꪈꪣꪾ ꪮꪮꪀ ꪜꪙꪲ ꪳꪢ ꪫꪀꪸ ꪵꪮꪚ ꪭꪮꪀ ꪨꪷ ꪄꪴ ꪝꪉꪳ ꫄ꪒꪘ ꪫꪲ ꪢꪮꪉ ꪁꪮꪉ ꪼꪫ ꪕꪱꪀ ꫃ꪜꪙ ꪁꪲ ꪵꪮꪚ ꪵꪭ ꪻꪬ ꪝꪉꪳ ꪙꪮꪉ ꪖꪫꪥꪸ ꪐꪲ ꪱꪀ ꪣꪺꪛ ꪻꪊ ꪎꪀꪷ ꪵꪮꪚ.

                                                                             TTT - ꪵꪭꪉ ꪥꪀꪲ

Ép sừ cuông dan dặng he báu nắc lài

          Đốp muộn 9 bươn ép học chính khoá cuông hươn trương, khu pưng nọng nọi mong cong lỏ mi mua he nưng khặc khọ đảy ỉn muôn dặng dom cắp lai luông ỉn lák căn. Chôm hặp pưng câu lạc bộ năng khiếu, thể thao, ép pưng khoá hụ chang, tập tư tứm lai bộ môn ép nọk chơ ép lỏ lang mon khong lai học sinh mỏi tưa mua he ma họt. Hák va, dệt xương xư vạy lựa chọn đảy bộ môn đàư chọp cắp luông hụ chang báu cọ khoá ép nưng chất lượng, toi thạc sĩ tâm lý Đào Lê Hoà An, Uỷ viên Ban chấp hành Trung ương Hội Tâm lý học xã hội Việt Nam, pưng lan cận đảy phủ nháư choi dừa lài xưa máư.

          Xôm chàư cắp vịa dệt nị, côn mẫu Thuý Hạn va hịa; ải êm cận giao quyên hảu lan nọi cuông vịa lựa chọn chi ép sằng, ỉn sằng cuông 3 bươn he. Đù xương ngon thưởng lăng pi nưng pưng lan chóng hanh ép học dệt mộm lẹo nả vịa nẳng trương. É dệt đảy khu nị, cón chơ pi ép đốp muộn, pưng phủ pên ải pên êm đảy đom lai dan chơ sáo hụ luông mặc muôn ép he cuông pi cọ xương pưng nang quam pưng khoá ép. Chơ khặc khọ hụ chảnh, vịa chi hảu lụk nọng chảu ép săng cọ báu dạk.

 Lăng chơ phăng pưng lang mon cánh pông chàư họt quyết định khong lụk lỏ luông đảy laia phủ pên ải pên êm xương ưởi Thuý Hạnh cọ chấp năm đảy lang đì. Toi pả Nguyễn Thuý Uyên Phương, Giám đốc uôn pa Trương ngoại khoá Tomato, piến vịa pắt lụk ép học ky thứ 3, phủ pên ải pên êm pên hảu pưng lan hụ đảy lai khu ma tang kin dú. Ép quam Anh cài kịch nghệ, chôm hặp xưởng chang ngắm pun, ỉn pưng luông ỉn muôn đắc lem báu cọ tiện tô luông ngắm, luông dệt cắp pi nọng máư cuông chương trình “ pi nọng bạn pọm ép” lỏ pưng vịa đảy ép cuông Trương ngoại khoá Tô ma to thiết kế ók hảu pưng nọng thiếu nhi cuông mua he pi nị. Báu pông chàư chiên cái luông hụ chang toi mẫu, pưng khoá ép nị giới thiệu luông ép học máư vạy lan nọi hák ép học toi luông lák ứn. Pưng say giáo nẳng nỉ va hịa: chơ hák dệt đảy chương đàư hảu tay hươn, chơ khảu dệt côn đàư cuông pưng vở kịch báu cọ chơ ngắm sáư ók luông kẻ hảu pưng luông ỉn đắc lăm, lan nọi hák chi ngắm ók lài khu máư vạy hảu lăm mo chảu.

          Pếnh khày mết luông chang ngắm khong pưng lan cọ men lỏ luông pun khong trại he công nghệ đảy Học viện chang ngắm pun công nghệ TEKY, Thanh phố Hô Chí Minh tổ chức chấp năm cocó khoẹ. Cai pưng bai giảng pâng sáư luông giáo dục khoa học - kỹ thuật – công nghệ cánh toán học, Xưởng chang ngắm pun TEKY choi pưng nọng nọi té 6 họt 11 pi mi xương dệt quén cắp kỹ thuật lập trình lệch nọi vạy dệt ók pưng luông ỉn muôn báu cọ pưng luông ép mi lợi đì nẳng máy tính. Nẳng nỉ, pưng nọng nhăng hák chang ngắm pun dệt ók té nhinh nhửa báu cọ chang ngắm dệt té máy móc pên pưng lang hươn. Toi pả Ngọ Hồng Vy, chuyên viên truyền thông Học viện chang ngắm pun công nghệ TEKY, vịa coi hảu pưng lan ép pưng khoá ép pék xương báu chi báu é ép chi tạk pên khu hảu pưng lan hák muôn chàư tỏn àu luông hụ chang máư:

          Giáo dục lai môn ép đang lỏ vịa dệt đảy pưng trung tâm bók xon luông hụ chang thanh phố Hô Chí Minh lạư chọn cuông mua he pi nị. Vịa đù đì luông chang ngắm pun, dệt hảu pưng lan chang ngắm ók piến vịa ép học nắc lai lỏ khu pưng đơn vị nị mong cong vạy tạk pên ky ép he hảu pưng nọng thiếu nhi hák muôn chàư sắc ép./.

                                                          TTT - Hạnh dịch