ꪝꪉꪳ ꪋꪺ ꪹꪭꪙ ꪫꪒꪸ ꪩꪱꪫ ꪜꪱꪉ ꪼꪅ

          ꪹꪭꪙ ꪩꪉꪴ ꪫꪲ ꪶꪔ ꪓꪉꪲ, ꪠꪷ ꪊꪴ ꪕꪀꪲ ꪶꪭꪥ ꪬꪫꪲ ꪉꪲ ꪫꪒꪸ ꪩꪱꪫ ꪔꪉꪲ ꫃ꪉ ꪮꪱꪙ ꪘꪉꪷ ꪶꪄꪥ 16, ꪹꪠꪉ ꪹꪊꪉ ꪖꪲ, ꪵꪗꪉ ꪶꪠ ꪫꪉꪲ ꪼꪅ ꪒꪱꪉ ꪐꪽ ꪩꪉꪸ ꪒꪴ 5 ꪭꪮꪀ ꪎꪉꪲ ꪩꪱꪫ ꪤꪴ ꪏꪉꪸ ꪄꪫꪱꪉ ꪵꪀꪉ ꪬꪺ ꪡꪽ ꪹꪣꪉ ꪩꪱꪫ.

          ꪀꪺꪉ ꪶꪎ 5 ꪙꪮꪉ ꪒꪱꪉ ꪀꪙꪲ ꪤꪴ ꪘꪉꪷ ꪹꪭꪙ ꪩꪉꪸ ꪫꪲ ꪶꪔ ꪓꪉꪲ ꪣꪲ ꪙꪮꪉ ꪙꪱ - ꪼꪩ - ꪫꪽ ꪨꪷ ꪩꪀꪴ ꪄꪮꪉ ꫛ ꫜ ꪣꪲ ꪥꪱꪙ ꫃ꪥꪒ ꫛ ꪶꪊꪙ. ꪜꪲ 1972, ꪩꪉꪴ ꪨꪷ ꪶꪛ ꪶꪓꪥ ꪵꪒꪙ ꪹꪣꪉ ꪫꪒꪸ ꪘꪱꪣ ꪋꪮꪥ ꪹꪣꪉ ꪩꪱꪫ ꪎꪚꪾ ꪀꪫꪱꪒ ꪵꪠꪙ ꫄ꪎꪀ ꪶꪋꪙ ꪶꪠꪉ ꪹꪣꪉ ꪣꪮꪀ , ꪔꪉꪲ ꪏꪉꪸ ꪄꪫꪱꪉꪶ ꪵꪩꪫ ꪮꪱꪥ ꪄꪮꪉ ꪙꪱ -ꪼꪩ -ꪫꪽ ꫄ꪋ ꪙꪽ ꪨꪷ ꪓꪱꪥ ꪶꪓꪥ ꪹꪊꪉ ꪵꪠꪙ ꫄ꪎꪀ ꪶꪊꪙ. ꪬꪱꪀ ꪫꪱ ꪨꪱꪥ ꪩꪺꪉ ꪋꪱꪉ ꪮꪙ ꪹꪩꪚꪮꪀ ꪎꪮꪙ ꪩꪉꪴ ꪁꪷ ꪵꪄꪀ ꪼꪒ ꪮꪱꪥ ꪙ ꪱ- ꪼꪩ - ꪫꪽ ꪮꪮꪀ ꪭꪱꪉ ꪵꪀꪉ ꪵꪄꪀ ꪣꪱ ꪕꪮꪥ 100 ꪚꪱ ꪨꪉꪲ ꪔꪱꪫ ꪣꪱ ꪀꪚꪾ ꫄ꪤꪙ ꪹꪣꪉ ꪩꪱꪫ. ꪨꪉꪷ ꫄ꪋ ꪤꪱꪥ ꪠꪮꪉ, 2 ꫛ ꪕꪣꪲ ꪬꪱ ꪀꪽ ꫃ꪥꪒ ꪝꪲ ꫃ꪥꪒ ꪙꪮꪉ, ꪹꪝ ꪹꪏꪉ ꪙꪽ ꪙꪱ - ꪼꪩ - ꪫꪽ ꪣꪱ ꪵꪮꪚ ꪓꪱꪥ ꪭꪮꪀ ꪯꪲ ꪅꪫꪱ ꪫꪉꪲ, ꪼꪒ ꪩꪉꪴ ꪒꪴ ꪹꪏꪉ ꪩꪀꪴ ꪙꪮꪉ ꪄꪮꪉ ꪹꪊꪱ. ꪩꪉꪴ ꪫꪲ ꪶꪔ ꪓꪉꪲ ꪁꪷ ꪏꪳ ꪻꪬ ꪚꪉꪷ ꪵꪎ ꪀꪫꪱꪉ ꪓꪙꪸ ꫜ, ꪹꪋꪉ ꪄꪮꪉ ꪋꪍꪉ ꪭꪮꪉ ꪵꪮꪚ ꪭꪮꪀ ꪵꪀꪉ ꪼꪢ ꪔꪉꪲ ꪨꪱꪚ ꪶꪔꪚ ꫜ ꪼꪫ ꪎꪴ ꪀꪺꪉ 6 ꪜꪲ ꪵꪮꪚ ꪘꪉꪷ ꪫꪒꪸ ꪘꪱꪣ.

          ꪋꪲ ꪮꪱꪫ ꪭꪮꪒ 5 ꪜꪲ ꫄ꪊꪚ ꪙꪣꪾ ꪹꪊꪉ ꪊꪉꪲ ꪁꪱꪒ ꪉꪸ ꪀꪚꪾ ꪭꪮꪀ ꪎꪉꪲ ꪨꪱꪫ ꪘꪉꪷ ꪫꪒꪸ ꪘꪱꪣ , ꪭꪱꪉ ꪎꪚꪲ ꪨꪱꪥ ꪋꪺ ꪹꪭ ꪶꪭꪥ ꪪꪙꪸ ꪘꪉꪷ ꪵꪗꪉ ꪶꪠ ꪫꪉꪲ ꪁꪷ ꪐꪽ ꪩꪉꪸ ꪀꪱꪥ 150 ꪙꪮꪉ. ꪼꪅ ꪨꪱꪥ ꪙꪮꪉ ꪁꪷ ꪮꪮꪀ ꪹꪋꪉ, ꫃ꪥꪒ ꪨꪱꪥ ꪘꪱ ꪫꪀꪸ ꪀꪺꪉ ꪊꪉꪲ ꪁꪫꪙꪸ ꪁꪷ ꪹꪏꪉ ꪝꪉꪳ ꪫꪀꪸ ꫃ꪥꪒ ꪀꪉꪲ ꫃ꪔ ꪎꪱ ꪶꪭꪥ ꪄꪮꪉ ꪹꪣꪉ ꪩꪱꪫ.

          ꪘꪉꪷ ꪔꪉꪲ ꫃ꪉ ꪮꪱꪙ, ꪼꪅ ꪣꪲ 5 ꫄ꪒꪙ ꪫꪲ ꪨꪷ ꪓꪱꪥ ꪭꪮꪀ ꪫꪉꪲ, ꪓꪱꪥ ꪭꪮꪀ ꪯꪸ ꪅꪫꪱ ꪫꪉꪶꪶꪫ ꪀꪱꪫ ꪒꪉꪷ ꪏꪳ ꪡꪱꪣ ꪵꪀꪉ ꪓꪱꪥ ꪭꪮꪀ ꪀꪉꪲ ꫃ꪔ ꫃ꪉ ꪮꪱꪙ ꪣꪲ ꪭꪮ ꪒ400 ꪭꪮꪒ 600 ꪙꪮꪉ ꪭꪮꪀ ꪎꪉꪲ ꪩꪱꪫ. ꪫꪀꪸ ꪁꪱꪒ ꪁꪙꪸ ꪹꪭꪙ ꪹꪋꪉ ꪵꪀꪉ ꪼꪕ ꪹꪭꪙ ꪮꪱꪥ ꫃ꪯꪣ ꪩꪉꪸ ꫜ ꪫꪒꪸ ꪘꪱꪣ ꪁꪷ ꪋꪮꪥ ꪭꪮꪀ ꪎꪉꪲ ꪩꪱꪫ ꪁꪒꪳ ꪼꪒ ꪨꪱꪥ ꪩꪱꪉ ꪒꪲ ꪀꪺꪉ ꪫꪀꪸ ꪵꪮꪚ ꪭꪙꪸ. ꪝꪉꪳ ꪥꪱꪙ ꪊꪉꪸ, ꪶꪚꪙ ꪹꪎꪉ ꪝꪉꪳ ꪫꪀꪸ ꫃ꪥꪒ ꪊꪉꪲ ꪋꪲ, ꪶꪭꪥ ꪁꪱꪒ ꪁꪙꪸ ꪫꪒꪸ ꪨꪱꪫ ꪔꪉꪲ ꫃ꪉ ꪲꪮꪱꪛ ꪁꪱꪒ ꪁꪙꪸ ꪀꪚꪾ ꪹꪭꪙ ꪹꪋꪉ ꪶꪐꪣ ꪎꪮꪉ ꪛꪉꪷ ꪵꪄꪙ, ꫄ꪉꪙ ꪵꪮꪘ ꪭꪮꪀ , ꪔꪒꪲ ꫃ꪔꪙ ꪝꪉꪳ ꪙꪮꪉ ꪊꪮꪉ ꪵꪭꪉ ꪵꪮꪚ ꪭꪮꪀ ꪒꪲ ꪹꪏ ꪻꪢ.

          ꪬꪱ ꪡꪮꪉ ꪁꪱꪒ ꪉꪀꪸ, ꪩꪉꪸ ꪒꪴ ꪭꪮꪀ ꪎꪉꪲ ꪩꪱꪫ ꪹꪭꪙ ꪤꪱꪫ ꪝꪷ ꪨꪱꪥ ꪤꪱꪀ ꪋꪱ ꪁꪾ ꪶꪭꪣ ꫄ꪡꪙ ꪔꪣꪴ ꪝꪺ ꪉꪀꪸ ꪁꪱꪒ ꪩꪺꪉ ꪎꪱꪙ ꪫꪒꪸ ꪘꪱꪣ - ꪩꪱꪫ , ꪩꪙꪳ ꪹꪏ ꪨꪷ ꪀꪺꪉ ꫄ꪋ 2 ꪹꪣꪉ ꪁꪮꪣ ꪼꪜ ꪎꪴ ꪶꪚꪙ ꪹꪎꪉ 55 ꪜꪲ ꪔꪉꪷ ꪀꪷ ꪉꪀꪸ ꪁꪱꪒ ꪁꪙꪸ ꫃ꪤꪒ ꪝꪲ ꫃ꪥꪒ ꪙꪮꪉ.

                                                TTT -  ꪵꪭꪉ ꪥꪀꪲ

                                                                                     Pưng chua hươn Việt Lao pàng khạy

Hươn lung Vi Tố Định, Phó Chủ tịch Hội hữu nghị Việt Lao tỉnh Nghệ An nẳng khối 16, Phường Trường Thi, thanh phố Vinh khay đang nhẳn liệng đù 5 học sinh dú tỉnh Xiêng Khoảng cánh Hủa Phăn mương Lao.

Cuông số 5 nọng đang đảy kin dú nẳng hươn lung Vi Tố Định mi nọng Na - lay - văn lỏ lụk khong côn nưng mi dan dệt côn chồn. Pi 1972, lung lỏ bộ đội biên phòng Việt Nam choi mương Lao sắp quát phen xấc chồn phổng Mương Mọc, tỉnh Xiêng Khoảng, lẹo ải khong Na - lay - văn chơ nặn đại đội trưởng khong phen xấc chồn. Hak va cắp lai luông chang ỏn lưa bók xon, lung cọ khék đảy ải Na – lay- văn ók hang khék ma toi 100 lính táo ma cắp dân mương Lao. Lăng chơ giải phóng, 2 côn tim hà căn dệt pi dệt nọng, pưa xương nặn Na – lay – văn ma ép Đại học Y khoa Vinh, đảy lung đù xương lụk nọng khong chảu.

Chi áo họt 5 pi chấp năm chương trình cạt nghịa cắp học sinh Lao nẳng Việt Nam, hạng xíp lài chua hươn hội viên nẳng thanh phố Vinh cọ nhẳn liệng cài 150 nọng. Khay lai nọng cọ ók trương, dệt lài nả vịa cốc chính cuông chính quyên cọ xương pưng vịa dệt kinh tế xã hội khong Lao.

Nẳng tỉnh Nghệ An, khay mi 5 đơn vị lỏ Đại học Vinh, Đại học Y khoa Vinh, Cao đẳng Sư phạm cánh Đại học Kinh tế Nghệ An, mi 400 họt 600 nọng học sinh Lao. Vịa cạt kiên hươn trương cánh tay hươn ải êm liệng côn Việt Nam cọ choi lai học sinh Lao cựt đảy lafi lang đi cuông vịa ép hiên. Pưng dan chiêng, bốn xương pưng vịa dệt chính trị, Hội cạt kiên Việt Lao tỉnh Nghệ An cạt kiên cắp pưng hươn trương nhôm xỏng chỉa khen, ngơn choi ép học, tít tơn pưng nọng chóng hanh ép học đi xưa máư.

Há phong cạt nghịa, liệng đù học sinh Lao hươn dảo pọ lai dạk cha cọ hôm phân tủm pua nghịa cạt luông san Việt Nam - Lao, lưn xưa lỏ cuông chơ 2 mương cọm pày sú bốn xương 55 pi tẳng có nghịa cạt kiên dệt pi dệt nọng./.

                                                                                                                         TTT - Hạnh dịch