Lao Cài khày quảng vịa cạt kiên doanh nghiệp cánh

côn dần cuồng vịa dệt dượn cò dà

          4 pì cài ma, mỏi bườn 2 tưa ưởi Chảo Pết Mẩy pọm cắp san chua hươn dần nẳng xã Tòng Sành, huyện Bát Xát, tỉnh Lao Cài cọ àu cò dà quí hiếm khòng côn Dạo pày khài hẳư doanh nghiệp toi pưng hợp đông kí chỉa chào hẹn cón nị. Chơ bàng vịa, ưởi Mẩy nhăng chực chau chôm hặp cuồng pưng luông pùn dệt dà áp khòng côn Dạo đành ók tiếng, luông dàu dà bệnh cánh pảy chự pặc hanh hẳư chu côn. Té vịa púk cò dà khài ók chự lạt ưởi mẩy cánh lài chua hươn nẳng xã Tòng Sành cọ mi thù nhập dáo 7 triệu mằn, xùng nhất lỏ 12 triệu mằn mỏi bườn.

          Pọm cắp vịa kí chỉa chào hẹn xự cò dà hẳư côn dần, dòm ngơn cốc tẳng tánh cốc ngươn sính khòng, máy móc vạy chế biến cò dà, xáo hà bón khài mắư, lằng 15 pì dệt dà áp, bai dà che tìn ngươn lang, khù cốc chính vạy cựt đảy lang đì khòng công ty cổ phần thương mại Hùng Dũng, Sa Pa đảy nhẳn danh ặn chính lỏ cạt kiên tênh mết chu luông pùn cuồng vịa dệt dượn, cắp pưng luông dệt khòng côn dần địa phường. Cơ sở cọ mòng cong khày quảng phổng púk cò dà vạy khày quảng luông dệt tạ ók lài tàng chương riềng khòng Lao Cài vạy khài ók chợ lạt.

          Pưa nặm đìn dú dền, tỉnh Lao Cài chọm đảy lựa chọn lỏ phổng nưng cuồng pưng phổng púk cò dà cốc chính khòng cá mương. Ăn nị lỏ bón pâng vạy chu địa phường cuồng tỉnh mi pưng luông pùn mả khày cánh pảy chự pưng tàng cò dà quí, hôm phân tạ mi vịa dệt cánh nho xùng thù nhập hẳư côn dần.

          Té luông cạt kiên khòng doanh nghiệp cánh côn dần cuòng vịa tạ ók lài tàng chương hang, dệt ók té pưng tàng cò dà quí xương: Cào A ti sô, dà áp khòng côn Dạo đành, bók tam thất cọ hẳư hền ặn nị lỏ luông dệt chọp men cận đảy khày quảng. Ăn nị cọ cựt pền bón pâng hẳư ngành púk cò dà mả khày  tẹt tiêng./.

T Thuỷ-Huyền dịch

ꪩꪱꪫ ꪀꪱꪥ ꪼꪄ ꪀꪫꪱꪉ ꪫꪀꪸ ꪁꪱꪒ ꪁꪙꪸ ꪵꪤꪉ ꪉꪚꪸ ꪵꪀꪉ ꫛ ꫄ꪤꪙ ꪀꪺꪉ ꪫꪀꪸ ꫃ꪥꪒ ꪹꪥꪙ ꪀꪷ ꪤꪱ

          4 ꪜꪲ ꪀꪱꪥ ꪣꪱꪶ ꪢꪮꪥ ꪹꪚꪙ 2 ꪹꪕ ꪹꪮꪥ ꪊꪱꪫ ꫃ꪜꪒ ꪼꪢ ꪝꪮꪢ ꪀꪚꪾ ꪏꪱꪙ ꪋꪺ ꪹꪭꪙ ꫄ꪤꪙ ꪘꪉꪰ ꪎꪱ ꪔꪮꪉ ꪵꪎꪉ , ꪭꪫꪙꪸ ꪚꪱꪒ ꪎꪱꪒ ,ꪔꪉꪲ ꪩꪱꪫ ꪀꪱꪥ ꪁꪷꪷ ꪹꪮꪱ ꪀꪷ ꪤꪱ ꪀꪫꪲ ꪬꪣꪸ ꪄꪮꪉ ꫛ ꪥꪱꪫ ꪼꪜ ꪄꪱꪤ ꪻꪬ ꪵꪤꪉ ꪉꪚꪸ ꪕꪮꪥ ꪝꪉꪳ ꫄ꪭꪚ ꪶꪓꪉ ꪀꪲ ꪊꪸ ꪊꪱꪫ ꪵꪭꪙ ꪀꪮꪙ ꪙꪽ. ꫄ꪋ ꪚꪱꪉ ꪫꪀꪸ ꪹꪮꪥ ꪼꪢ ꪑꪉꪰ ꪊꪀꪳ ꪹꪋꪱ ꪶꪋꪣ ꪭꪚꪾ ꪨꪺꪉ ꪝꪉꪳ ꪩꪺꪉ ꪜꪴꪙ ꫃ꪥꪒ ꪤꪱ ꪮꪱꪚ ꪄꪮꪉ ꫛ ꪥꪱꪫ ꪵꪒꪉ ꪮꪮꪀ ꪔꪉꪸ ,ꪩꪺꪉ ꪤꪱ ꫃ꪛꪉ ꪵꪀꪉ ꪼꪜ ꪋꪳ ꪝꪀꪰ ꪵꪭꪉ ꪻꪬ ꪋꪴ ꫛ. ꪵꪔ ꪫꪀꪸ ꪜꪴꪀ ꪀꪷ ꪤꪱ ꪄꪱꪥ ꪮꪮꪀ ꫄ꪋ ꪩꪱꪒ ꪹꪮꪥ ꪼꪢ ꪵꪀꪉ ꪨꪱꪥ ꪋꪺ ꪹꪭꪙ ꪘꪉꪰ ꪎꪱ ꪔꪮꪉ ꪵꪎꪉ ꪁꪷ ꪣꪲ ꪖꪴ ꫄ꪑꪚ ꪤꪱꪫ 7 ꪋꪫꪸ ꪢꪽ, ꪎꪴꪉ ꫄ꪐꪒ ꪨꪷ 12 ꪋꪫꪸ ꪢꪽ ꪢꪮꪥ ꪹꪚꪙ.

          ꪜꪮꪣ ꪀꪚꪾ ꪫꪀꪸ ꪀꪷ ꪊꪸ ꪊꪱꪫ ꪹꪭꪙ ꪏꪳ ꪀꪷ ꪤꪱ ꪻꪬ ꫛ ꫄ꪤꪙ , ꪤꪮꪣ ꫄ꪉꪙ ꪶꪀꪀ ꪔꪉꪰ ꪵꪔꪉ ꫄ꪀ ꫄ꪎ ꫄ꪊ ꪚꪙꪸ ꪀꪷ ꪤꪱ, ꪎꪱ ꪬꪱ ꪚꪮꪙ ꪄꪱꪥ ꪻꪢ ,ꪨꪉꪰ 15 ꪜꪲ ꫃ꪥꪒ ꪤꪱ ꪮꪱꪚ ,ꪛꪱꪥ ꪤꪱ ꪵꪋ ꪔꪙꪲ ꪹꪉꪙ ꪩꪱꪉ , ꪄꪴ ꪶꪀꪀ ꪊꪉꪲ ꪁꪒꪳ ꪼꪒ ꪩꪱꪉ ꪒꪲ ꪄꪮꪉ ꪶꪁꪉ ꪕꪲ ꪶꪀ ꫄ꪠꪘ ꪹꪖꪉ ꪢꪱꪥ ꪬꪴꪉ ꪤꪴꪉ ,ꪏꪱ ꪝꪱ ꪼꪒ ꪐꪽ ꪵꪥꪉ ꪯꪽ ꪨꪷ ꪁꪱꪒ ꪁꪙꪸ ꪝꪉꪳ ꪩꪺꪉ ꪜꪴꪙ ꫃ꪥꪒ ꪹꪥꪙ ,ꪀꪚꪾ ꪝꪉꪳ ꪩꪺꪉ ꫃ꪥꪒ ꪄꪮꪉ ꫛ 7ꪤꪙ ꪒꪸ ꪹꪠꪉ. 7ꪀ 7ꪎ ꪁꪷ ꪢꪮꪉ ꪁꪮꪉ ꪼꪄ ꪀꪫꪱꪉ ꪶꪠꪉ ꪜꪴꪀ ꪀꪷ ꪤꪱ ꪼꪫ ꪼꪄ ꪀꪫꪱꪉ ꪩꪺꪉ ꫃ꪥꪒ ꪕꪱꪀ ꪮꪮꪀ ꪨꪱꪥ ꪔꪱꪉ ꪹꪋꪉ ꪭꪱꪉ ꪥꪉꪸ ꪄꪮꪉ ꪩꪱꪫ ꪀꪱꪥ ꪼꪫ ꪄꪥ ꪮꪮꪀ ꫄ꪋ ꪩꪱꪒ.

          ꪹꪝ ꪙꪣꪾ ꪒꪙꪲ ꪤꪴ ꫃ꪤꪙ ꪩꪱꪫ ꪀꪱꪥ ꪋꪮꪣ ꪼꪒ ꪹꪩꪀ ꪋꪮꪙ ꪨꪷ ꪶꪠꪉ ꫜ ꪀꪺꪉ ꪝꪉꪳ ꪶꪠꪉ ꪜꪴꪀ ꪀꪷ ꪤꪱ ꪶꪀꪀ ꪊꪉꪲ ꪄꪮꪉ ꪀꪱ ꪹꪣꪉ. ꪯꪽ ꪙꪲ ꪨꪷ ꪚꪮꪙ ꫄ꪝꪉ ꪼꪫ ꪋꪴ ꪒꪸ ꪹꪠꪉ ꪀꪺꪉ ꪔꪉꪲ ꪣꪲ ꪝꪉꪳ ꪩꪺꪉ ꪜꪴꪙ ꪢꪱ ꪼꪄ ꪵꪀꪉ ꪼꪜ ꪋꪳ ꪝꪉꪳ ꪔꪱꪉ ꪀꪷ ꪤꪱ ꪀꪫꪲ, ꪶꪭꪣ ꫄ꪡꪙ ꪕꪱꪀ ꪣꪲ ꪫꪀꪸ ꫃ꪥꪒ ꪵꪀꪉ ꪑꪷ ꪂꪴꪉ ꪖꪴ ꫄ꪑꪚ ꪼꪬ ꫛ ꫄ꪤꪙ.

          ꪵꪔ ꪩꪺꪉ ꪁꪱꪒ ꪁꪙꪸ ꪄꪮꪉ ꪵꪤꪉ ꪉꪚꪸ ꪵꪀꪉ ꫛ ꫄ꪤꪙ ꪀꪺꪉ ꪫꪀꪲ ꪕꪱꪀ ꪮꪮꪀ ꪨꪱꪥ ꪔꪱꪉ ꪹꪋꪉ ꪭꪱꪉ ,꫃ꪥꪒ ꪮꪮꪀ ꪵꪔ ꪝꪉꪳ ꪔꪱꪉ ꪀꪷ ꪤꪱ ꪀꪫꪲ ꪹꪏꪉ: ꪀꪱꪫ ꪮꪱ ꪕꪲ ꪶꪏ ,ꪤꪱ ꪮꪱꪚ ꪄꪮꪉ ꫛ ꪥꪱꪫ ꪵꪒꪉ , ꪚꪮꪀ ꪕꪱꪣ ꫄ꪖꪒ ꪁꪷ ꪻꪬ ꫃ꪬꪙ  ꪮꪽ ꪙꪲ ꪨꪷ ꪩꪺꪉ ꫃ꪥꪒ ꪋꪮꪚ ꪵꪣꪙ ꫄ꪁꪙ ꪼꪒ ꪼꪄ ꪀꪫꪱꪉ. ꪯꪽ ꪙꪲ ꪁꪷ ꪁꪓꪳ ꫃ꪜꪙ ꪚꪮꪙ ꫄ꪝꪉ ꪼꪬ ꪵꪈꪉ ꪜꪴꪀ ꪀꪷ ꪤꪱ ꪢꪱ ꪼꪄ ꪵꪕꪒ ꪕꪉꪸ.

ꪹꪩꪉ ꪬꪫꪙꪸ ꪥꪀꪲ