ꪛꪱꪤ ꪖꪳ 6-3-3-2017

ꪪꪙꪸ ꪤꪱ ꪀꪥꪫꪲ ꪵꪚꪉ ꪎꪮꪉ ꪘꪉꪰ ꪶꪓꪙ ꪵꪒꪙ ꪹꪣꪉ ꪙꪾ ꪐꪳ ꪔꪉꪲ ꪓꪙꪸ ꪚꪙꪸ

ꪙꪾ ꪐꪳ ꪼꪅ ꪙꪲ ꪨꪷ ꪎꪱ ꫜ ꪑꪉꪰ ꪝꪷ ꪨꪱꪥ ꪥꪱꪀ ꪋꪱ ꪄꪮꪉ ꪭꪫꪙꪸ ꪙꪾ ꪶꪝ. ꫃ꪕꪉ ꪀꪱ ꪎꪱ ꪣꪲ 496 ꪋꪺ ꪹꪭꪙ ꪀꪚꪾ ꪤꪱꪫ 3 ꪝꪽ ꪬꪺ ꫛ. ꪀꪉꪲ ꫃ꪔ ꫄ꪝꪉ ꪻꪎ ꪫꪀꪸ ꫃ꪥꪒ ꪹꪥꪙ ꪼꪭ ꪙꪱ. ꪹꪝ ꪋꪮꪣ ꪵꪚꪉ ꪜꪽ ꪎꪱ ꪹꪏꪉ ꪙꪽ ꪹꪚꪱ ꫃ꪭ ꪔꪉꪰ ꪵꪔꪉ ꪼꪒ ꪋꪱꪣ ꪮꪲ ꫃ꪔ. ꪹꪝ ꪹꪏꪉ ꪙꪽ ꪢꪮꪥ ꪹꪕ ꫃ꪊꪚ ꪭꪱꪥ ꪼꪎ ꪘꪱꪫ ꫛ ꫄ꪤꪙ ꪹꪣ ꪄꪱꪣ ꪹꪤꪱ ꪤꪱ ꫃ꪛꪉ ꪀꪱ ꪶꪓꪙ ꪵꪒꪙ ꪹꪣꪉ ꪙꪾ ꪐꪳ. ꪤꪉꪸ ꪜꪲ 2016 ꪣꪲ 270 ꫛ ꪙꪱ ꪄꪱꪣ ꪤꪱ ꫃ꪛꪉ ꪵꪀꪉ ꫄ꪀꪚ ꪤꪱ ꪹꪚꪱ ꪹꪮꪱ ꫄ꪉꪙ.

          ꫃ꪕꪉ ꫃ꪣꪒ ꪶꪎ ꪤꪱ ꪹꪫꪱ ꪹꪘ ꪝꪮꪣ ꪨꪷ ꪤꪱ ꫄ꪀꪚ ꪠꪱꪒ ꪻꪬ ꪏꪣꪴ ꪯꪱꪥ ꪶꪚ ꪶꪓꪥ ꪀꪺꪉ ꫄ꪒꪙ ꪫꪲ. ꪋꪾꪣ ꪫꪱ ꪶꪎ ꪤꪱ ꪹꪚꪱ ꪨꪱꪥ ꪬꪱꪀ ꪫꪱ ꪀꪚꪾ ꪵꪊꪀ ꪑꪣꪸ ꪄꪮꪉ ꪶꪚ ꪶꪓꪥ ꪜꪴ ꪶꪭ ꪏꪣꪴ ꪯꪱꪥ ꫄ꪩꪉ ꫄ꪋ ꪣꪺꪙ ꪻꪊ ꪵꪚꪉ ꪜꪽ ꪀꪚꪷ ꪩꪱꪉ ꪉꪣꪾ ꪝꪀꪰ ꪵꪭꪉ ꪄꪮꪉ ꫄ꪤꪙ ꪨꪷ ꪝꪀꪰ ꪵꪭꪉ ꪄꪮꪉ ꪹꪊꪱ.

          ꪁꪱꪫꪣ ꪶꪕ ꪋꪣꪾ ꪫꪱ ꪹꪚꪱ ꪨꪺꪉ ꪨꪱꪥ ꪎꪉꪰ ꪬꪱꪀ ꪫꪱ ꪣꪲ ꪮꪮꪀ ꪭꪱꪉ ꪣꪳ ꪘꪉꪰ ꪶꪠꪉ ꪵꪒꪙ ꪹꪣꪉ ꪙꪾ ꪐꪳ. ꪝꪲ ꪙꪮꪉ ꪨꪷ ꪝꪉꪳ ꪯꪱꪥ ꪶꪚ ꪶꪓꪥ - ꪝꪉꪳ ꪼꪏ ꪤꪱ ꫃ꪥꪒ ꪵꪩꪫ ꪒꪲ ꪘꪱ ꪫꪀꪸ ꪊꪉꪲ ꪋꪲ ꪼꪒ ꪤꪱꪫ ꪵꪀꪉ ꪼꪜ ꪋꪳ ꪝꪀꪰ ꪵꪭꪉ ꪻꪬ ꫄ꪤꪙ ꪹꪣꪉ. ꪵꪔ ꪙꪽ ꪔꪣꪴ ꪝꪺ ꪔꪣꪳ ꪩꪺꪉ ꪕꪙꪲ ꪹꪋ ꪄꪮꪉ ꫄ꪤꪙ ꪹꪣꪉ ꪶꪒꪥ ꪀꪚꪾ ꪒꪱꪉ ꪹꪭꪙ ꪹꪙꪀ. ꪢꪮꪉ ꪁꪮꪉ ꪥꪱꪙ ꪼꪜ ꪘꪱ ꪋꪲ ꪔꪉꪰ ꪵꪔꪉ ꪼꪒ ꪋꪱꪣ ꪮꪲ ꫃ꪔ ꪎꪱ ꪙꪾ ꪐꪳ ꪼꪫ ꫃ꪥꪒ ꪒꪲ ꪘꪱ ꪫꪀꪸ ꪄꪱꪣ ꪤꪱ ꫃ꪛꪉ ꪻꪬ ꫄ꪤꪙ ꪹꪣꪉ ꪼꪫ ꪏꪣꪴ ꪯꪱꪥ ꪮꪙꪸ ꪻꪊ ꪄꪣꪾ ꪢꪽ ꪼꪀ ꪶꪮꪉ ꪹꪠꪱ ꪵꪬ ꪄꪮꪚ ꪙꪾ ꪵꪒꪙ ꪒꪙꪲ ꪄꪮꪉ ꪚꪱꪙ ꪹꪣꪉ.

                                      ꪬꪫꪲ ꫄ꪨꪥ- ꪕꪮꪉ ꪵꪯꪉ ꪥꪀꪲ