Ép học dệt toi Pú lỏ đảy tẳng cốc té vịa dệt lệch nọi,

xốp pák đảy tìn mư thầng

          Mưa nhăng côn, Chủ tịch Hồ Chí Minh lâng nhẳn danh, chựa côn nưng hụ phảy dòm, kìn dú xư đì lỏ chựa côn hăng mi đắc vằn. Hụ chảnh đảy khù nị, ai Văn Công Hoà, tổ trưởng dệt dượn cánh chi uỷ viền phân xưởng Cán, Công ty cổ phần thép Nhà Bè khòng Tổng Công ty Thép Việt Nàm, lâng khâng chằư ép học cánh chang ngắm pùn, piến pành kỹ thuật vạy dòm dan chơ cánh phải ngơn dòm xắư vịa dệt hạng mự. Lưn xưa cuồng dan chấp năm dự án nhại hươn máy té thành phố Hồ Chí Minh pày phổng Công nghiệp Nhơn Trạch, Đồng Nai, luông chang ngắm pùn khòng ai cọ choi vịa tháo máy, khồn chiên cánh lắp tó lau cọ ngai đì, chọp men, dón đảy thóng dan chơ.

          Chấp năm quam xắng xòn : “ Say dà xương me êm chằm chặn” khòng Pú, Phó giáo sư, Tiễn sĩ Nguyễn Quang Tuấn, giám đốc hươn dà mák hùa chằư Hà Nội cọ xáo lài luông pùn piến mắư luông dệt vịa vạy hươn dà pền bón tin chưa mặng cạy cuồng vịa lăm đù pặc hanh hẳư dần mương. Té chơ tẳng tánh ma họt khạy, cài Quỹ “ Pưa mák hùa chằư hảo hanh”, mỏi pì hươn dà mák hùa chằư Hà Nội cọ dòm hạng 10 tỷ mằn vạy cóp hôm choi dừa pát dà mák hùa chằư báu àu ngơn hẳư lài côn chếp cặt cung, lưn xưa lỏ pưng làn nọi cặt cung dú nẳng phổng lắc cày. Toi bác sỹ Tuấn, ép học cánh dệt toi Pú lỏ ép học khâng lò hẳư dần, khâng lò hẳư côn chếp. . É dệt đảy xương nặn, mỏi cán bộ, cồng nhần viền chức té bác sỹ, điều dưỡng báu cọ kỹ thuật viền, cận dệt đì vịa dệt khòng chảu.

          Mỏi ven xanh ép học cánh dệt toi quam xắng xòn khòng Pú pọm mi hùa chằư, mi lang áo dệt côn đì, vịa đì. Pưa xương nặn, tưa cốc khoẹ cuồng văn kiện Đại hội 12 khòng đảng báu chư hịa nhẳn danh vịa tẳng tánh đảng cận pẹk xằư hằn hanh ma tang tổ chức lạ,  lẹo nhăng nhẳn danh tẳng tánh Đảng ma tang nết kìn liêm dú. Pưa xương xương nặn vịa pùn ók àu khảu chấp năm Chỉ thị 05 ma tang: “ Púc pua ép học cánh dệt toi lang ngắm chằư pùn chủ tịch Hồ Chí Minh” lỏ vạy cựt tóp lang áo xùng xưa ma tang tập tư ló liêng khòng cán bộ, đảng viền cuồng dan xi mắư, lỏ vịa dệt cận hà.

          Ép học cánh dệt toi nết kìn liêm dú chủ tịch Hồ Chi Minh chăm va mỏi côn nẳng mỏi ngành nghê, nả vịa lá cằn, hák va chu côn pọm ngắm pùn ặn lỏ ép học toi Pú vạy xảng mo pành kinh, hôm phân xắư pàng tẳng tánh  cánh pảy chự bản mương./.

ꪵꪮꪚ ꪭꪮꪀ ꫃ꪥꪒ ꪕꪮꪥ ꪜꪴ ꪔꪉꪰ ꪶꪀꪀ ꪵꪔ ꪫꪀꪸ ꫃ꪥꪒ ꪙꪮꪥ, ꪶꪎꪚ ꪜꪱꪀ

ꪼꪒ ꪔꪙꪲ ꪣꪳ ꫄ꪖꪉ

ꪹꪣ ꪑꪉꪰ ꫛ ꪊꪴ ꪕꪀꪲ ꪶꪭ ꪊꪲ ꪢꪉꪲ ꫄ꪩꪉ ꪐꪽ ꪵꪥꪉ, ꪹꪋ ꫛ ꪻꪒ ꪭꪴ ꪀꪙꪲ ꪼꪠ ꪶꪤꪉ ꪤꪮꪢ ,ꪀꪙꪲ ꪤꪴ ꪏꪳ ꪒꪲ ꪨꪷ ꪹꪋ ꫛ ꪭꪉꪰ ꪣꪲ ꪒꪀꪰ ꪪꪽ. ꪭꪴ ꪵꪊꪉ ꪼꪒ ꪄꪴ ꪙꪲ, ꪯꪱꪥ ꪪꪽ ꪶꪀꪉ ꪬꪫꪱ ꪶꪔ ꪹꪊꪉ ꫃ꪥꪒ ꪹꪥꪙ ꪵꪀꪉ ꪊꪲ ꪮꪫꪲ ꪪꪙꪸ ꫄ꪠꪙ ꪹꪎꪉ ꪀꪱꪙ ,ꪶꪁꪉ ꪕꪲ ꪶꪀ ꫄ꪠꪙ ꪵꪖꪚ ꪐꪱ ꪵꪚ ꪄꪮꪉ ꪶꪔꪉ ꪶꪁꪉ ꪕꪲ ꪵꪖꪚ ꪫꪒꪸ ꪘꪱꪣ, ꫄ꪩꪉ ꫄ꪅꪉ ꪻꪊ ꪵꪮꪚ ꪭꪮꪀ ꪵꪀꪉ ꪋꪱꪉ ꪈꪣꪾ ꪜꪴꪙ, ꪜꪙꪸ ꪵꪜꪉ ꪀꪲ ꪖꪺꪒ ꪼꪫ ꪤꪮꪣ ꪥꪱꪙ ꫄ꪋ ꪵꪀꪉ ꪠꪱꪥ ꫄ꪉꪙ ꪤꪮꪣ ꪻꪎ ꪫꪀꪸ ꫃ꪥꪒ ꪭꪱꪉ ꪣꪳ. ꪹꪩꪙ ꪹꪏ ꪨꪷ ꪀꪺꪉ ꪥꪱꪙ ꫄ꪊꪚ ꪙꪣꪾ ꪥꪳ ꪮꪱꪙ ꪑꪱꪥ ꪹꪭꪙ ꪼꪢ ꪵꪔ ꪵꪗꪉ ꪶꪠ ꪶꪭ ꪊꪲ ꪢꪉꪲ ꪼꪜ ꪶꪠꪉ ,ꪶꪀꪉ ꪉꪚꪸ ꫄ꪑꪘ ꪵꪋꪀ, ꪶꪒꪉ ꪙꪱꪥ ꪩꪺꪉ ꪋꪱꪉ ꪈꪣꪾ ꪜꪴꪙ ꪄꪮꪉ ꪯꪱꪥ ꪁꪷ ꪋꪮꪥ ꪫꪀꪸ ꪖꪱꪫ ꪼꪢ ,ꪶꪄꪘ ꪋꪙꪸ ꪵꪀꪉ ꪨꪚꪾ ꪔꪷ ꪹꪩꪱ ꪼꪢ ꪁꪷ ꪉꪱꪥ ꪒꪲ ꪋꪮꪚ ꪵꪣꪙ ꪤꪮꪙ ꪼꪒ ꪖꪮꪉ ꪥꪱꪙ ꫄ꪋ ꫃ꪥꪒ ꪫꪀꪸ.

꫄ꪊꪚ ꪙꪣꪾ ꪁꪫꪱꪣ ꪎꪉꪰ ꪎꪮꪙ: ꪼꪏ ꪤꪱ ꪹꪏꪉ ꪵꪣ ꫃ꪯꪣ ꪊꪣꪾ ꪋꪽ ꪄꪮꪉ ꪜꪴ, ꪠꪷ ꪤꪱꪫ ꪏꪳ, ꪔꪙꪸ ꪎꪲ ꪈꪫꪙꪸ ꪁꪫꪱꪉ ꪔꪺꪙ ꪤꪱꪣ ꪶꪒꪀ ꪹꪭꪙ ꪤꪱ ꪢꪱꪀ ꪬꪺ ꪻꪊ ꪭꪱ ꪶꪙꪥ ꪁꪷ ꪜꪙꪸ ꪼꪢ ꪨꪱꪥ ꪩꪺꪉ ꫃ꪥꪒ ꪫꪀꪸ ꪼꪫ ꪹꪭꪙ ꪤꪱ ꫃ꪜꪙ ꪚꪮꪙ ꪕꪙꪲ ꪹꪋ ꪣꪉꪰ ꪼꪁ ꪀꪺꪉ ꪫꪀꪸ ꪩꪣꪾ ꪒꪴ ꪝꪀꪰ ꪵꪭꪉ ꪻꪬ ꫄ꪤꪙ ꪹꪣꪉ. ꪵꪔ ꫄ꪋ ꪔꪉꪰ ꪵꪔꪉ ꪢꪱ ꪭꪮꪒ ꪼꪅ , ꪀꪱꪥ ꪀꪫꪲ “ ꪹꪝ ꪢꪱꪀ ꪬꪺ ꪻꪊ ꪬꪱꪫ ꪵꪭꪉ”, ꪢꪮꪥ ꪜꪲ ꪹꪭꪙ ꪤꪱ ꪢꪱꪀ ꪬꪺ ꪼꪊ ꪭꪱ ꪶꪙꪥ ꪁꪷ ꪤꪮꪣ ꪮꪮꪀ ꪭꪱꪉ 10 ꪔꪲ ꪢꪽ ꪼꪫ ꪋꪮꪥ ꪹꪤ ꪜꪱꪒ ꪤꪱ ꪻꪬ ꪢꪱꪀ ꪬꪺ ꪻꪊ ꪻꪬ ꫛ ꫃ꪊꪚ ꪁꪒꪰ ꪁꪴꪉ. ꪕꪮꪥ ꪚꪱꪀ ꪎꪲ ꪔꪺꪙ ꪵꪮꪚ ꪭꪮꪒ ꪵꪀꪉ ꫃ꪥꪒ ꪕꪮꪥ ꪜꪴ ꪨꪷ ꪵꪮꪚ ꪭꪮꪀ ꫄ꪅꪉ ꪨꪷ ꪼꪬ ꫄ꪤꪙ ,꫄ꪅꪉ ꪻꪬ ꫛ ꫃ꪊꪚ.

ꪢꪮꪥ ꪵꪫꪙ ꪵꪏꪉ ꪵꪮꪚ ꪭꪮꪀ ꪵꪀꪉ ꫃ꪥꪒ ꪕꪮꪥ ꪁꪫꪱꪣ ꪎꪉꪰ ꪎꪮꪙ ꪄꪮꪉ ꪜꪴ ꪝꪮꪣ ꪣꪲ ꪶꪬ ꪻꪊ ,ꪣꪲ ꪩꪱꪉ ꪮꪱꪫ ꫃ꪥꪒ ꪫꪀꪸ ꪒꪲ. ꪹꪝ ꪹꪏꪉ ꪙꪽ ꪹꪕ ꪶꪀꪀ ꪵꪅꪫ ꪀꪺꪉ ꪪꪽ ꪁꪙꪸ ꪒꪱꪥ ꪶꪭꪥ 12 ꪄꪮꪉ ꪒꪱꪉ ꪹꪚꪱ ꪋꪳ ꪭꪀꪸ ꪐꪽ ꪵꪥꪉ ꪫꪀꪸ ꪔꪉꪰ ꪵꪔꪉ ꪒꪱꪉ ꪵꪜꪀ ꪼꪎ ꪬꪽ ꪵꪭꪉ ꪣꪱ ꪕꪱꪉ ꪶꪔ ꪊꪀꪳ ꪩꪱ, ꪵꪩꪫ ꪑꪉꪰ ꪐꪽ ꪵꪥꪉ ꪔꪉꪰ ꪵꪔꪉ ꪒꪱꪉ ꪣꪱ ꪕꪱꪉ ꫃ꪘꪒ ꪀꪙꪲ ꪩꪣꪸ ꪤꪴ. ꪹꪝ ꪹꪏꪉ ꪙꪽ ꪫꪀꪸ ꪹꪮꪱ ꪹꪄꪱ ꫄ꪊꪚ ꪙꪣꪾ ꪊꪲ ꪗꪲ 05 ꪣꪱ ꪕꪱꪉ: “ ꪜꪴꪀ ꪝꪺ ꪵꪮꪚ ꪭꪮꪀ ꪵꪀꪉ ꫃ꪥꪒ ꪕꪮꪥ ꪩꪱꪉ ꪈꪣꪾ ꪻꪊ ꪜꪴꪙ ꪶꪭ ꪊꪲ ꪢꪉꪲ” ꪨꪷ ꪼꪫ ꪁꪒꪳ ꪕꪮꪚ ꪩꪱꪉ ꪮꪱꪫ ꪎꪴꪉ ꪹꪏ ꪣꪱ ꪕꪱꪉ ꫄ꪕꪚ ꪕꪳ ꪨꪷ ꪩꪉꪸ ꪄꪮꪉ ꪀꪱꪙ ꪶꪛ ꪒꪱꪉ ꪪꪙꪸ ꪀꪺꪉ ꪥꪱꪙ ꪏꪲ ꪻꪢ ꪨꪷ ꪫꪀꪸ ꫃ꪥꪒ ꫄ꪁꪙ ꪬꪱ.

ꪵꪮꪚ ꪭꪮꪀ ꪵꪀꪉ ꫃ꪤꪒ ꪕꪮꪥ ꪵꪫꪙ ꪵꪏꪉ ꫃ꪘꪒ ꪀꪙꪲ ꪩꪣꪸ ꪤꪴ ꪊꪴ ꪕꪀꪲ ꪶꪭ ꪊꪲ ꪢꪉꪲ ꪋꪣꪾ ꪪꪱ ꪢꪮꪥ ꫛ ꪘꪉꪰ ꪢꪮꪥ ꪵꪈꪉ ꫃ꪉ ꪨꪱꪀ ꪀꪽ , ꪭꪱꪀ ꪫꪱ ꪋꪴ ꫛ ꪝꪮꪣ ꪈꪣꪾ ꪜꪴꪙ ꪯꪽ ꪨꪷ ꪵꪮꪚ ꪭꪮꪀ ꪘꪉꪰ ꪜꪴ ꪼꪫ ꪎꪱꪉ ꪣꪷ ꪵꪜꪉ ꪶꪔ ,ꪶꪭꪣ ꫄ꪡꪙ ꪼꪎ ꪜꪱꪉ ꪔꪉꪰ ꪵꪔꪉ ꪵꪀꪉ ꪼꪜ ꪋꪳ ꪚꪱꪙ ꪹꪣꪉ.

ꪹꪩꪉ ꪬꪫꪙꪸ ꪥꪀꪲ