Bài thứ 6 ngày 21/7/2017

Lao Cài khâng chằư nhại dần ók khói phổng cạn chột

Làng hươn khòng pả Nguyễn Thị Liên, nẳng bản Khai Hoang, xã Việt Tiến, huyện Bảo Yền, tỉnh Lao Cài dú ngày nẳng him nặm luồng, tang lằng lỏ tà phằng mi xương chi chuốp nong lạt cánh đìn cạn chột. Kỷ pì cài ma kìn dú báu mổm dản to hươn cạn chột cánh chuốp nong lạt, pưa xương nặn ngày té hùa mua phồn, chăm va kình tế nhăng pọ lài dạk cha, hák va pả Liên cọ họn khâng xò đảy nhại pày dú bón tiêng àn, báu cong thả xắư ngơn choi dừa khòng hươn nước.

Nẳng huyện Bảo Yền, lằng chơ lăm le tọp hòm, nẳng huyện khay nị nhăng cài 50 chua hươn dú cuồng bón hiểm hại cận đảy nhại chiên họn xẳn pày dú bón tiêng àn. Pưng thành viền Bàn uồn pa chự phong phồn nong khòng huyện cọ lăm le cờ sở chiên páo hẳư côn dần ma tang vịa họn khâng nhại chiên bón dú cón, nhẳn ngơn choi dừa tốc lằng, nhẳn pao tiêng àn hẳư lăm côn tồn phủ cánh chương khòng khòng dần mương cuồng mua phồn nong pì nị.

Nẳng huyện Bát Xát, địa phường lâng chuốp xiệt hại nắc nà pộ nong lạt, đìn cạn chột, pọm cắp vịa văn phạo nhại chiên, tẹt tiêng puồng kìn luông dú khòng phổng chuốp nong lạt, huyện khâng chằư chiên páo họt pi nọng pưng kình nghiệm cuồng vịa chự phong liêm báu đì.

Khay nị dạk cha nhất khòng tỉnh Lao Cài cuồng vịa nhại dần ók khói phổng hiểm hại lỏ báu po ngơn tiên cánh đìn đòn vạy nhại dần pày dú bón mắư.

Thanh Thuỷ- Anh dịch

ꪛꪱꪥ ꪖꪳ 6 ꪣꪳ 21.7.2017

ꪩꪱꪫ ꪀꪱꪥ ꫄ꪅꪉ ꪻꪊ ꪑꪱꪥ ꫄ꪤꪙ ꪮꪮꪀ ꪄꪮꪥ ꪶꪠꪉ ꪬꪣꪸ ꪭꪱꪥ

ꪨꪱꪉ ꪹꪭꪙ ꪄꪮꪉ ꪜꪱ ꪉꪫꪙꪸ ꪗꪲ ꪩꪙꪸ ꪘꪉꪰ ꪚꪱꪙ ꪅꪱꪥ ꪭꪫꪱꪉ ꪎꪱ ꪫꪒꪸ ꪔꪙꪸ ꪭꪫꪙꪸ ꪚꪱꪫ ꪮꪙꪸ ꪔꪉꪲ ꪩꪱꪫ ꪀꪱꪥ ꪤꪴ ꪼꪈ ꪘꪉꪰ ꪭꪣꪲ ꪙꪣꪾ ꪨꪺꪉ ꪕꪱꪉ ꪨꪉꪰ ꪨꪷ ꪔꪱ ꪠꪉꪰ ꪣꪲ ꪹꪋꪉ ꪋꪲ ꪶꪊꪚ ꪙꪮꪉ ꪨꪱꪒ ꪵꪀꪉ ꪁꪱꪙ ꪶꪋꪒ. ꪀꪲ ꪜꪲ ꪀꪱꪥ ꪣꪱ ꪀꪙꪲ ꪤꪴ ꪹꪚꪱ ꪶꪢꪣ ꪤꪱꪙ ꪕꪷ ꪹꪭꪙ ꪁꪱꪙ ꪶꪋꪒ ꪵꪀꪉ ꪶꪊꪚ ꪙꪮꪉ ꪩꪱꪒ ꪹꪝ ꪹꪏꪉ ꪙꪽ ꪼꪈ ꪵꪔ ꪬꪺ ꪣꪺ ꪶꪠꪙ ꪋꪣꪾ ꪫꪱ ꪀꪉꪲ ꫃ꪔ ꪑꪉꪰ ꪝꪷ ꪨꪱꪥ ꪥꪱꪀ ꪋꪱ ꪬꪱꪀ ꪫꪱ ꪜꪱ ꪩꪙꪸ ꪁꪷ ꪭꪮꪙ ꫄ꪅꪉ ꪎꪷ ꪼꪒ ꪑꪱꪥ ꪼꪜ ꪤꪴ ꪚꪮꪙ ꪕꪉꪸ ꪮꪱꪙ ꪹꪚꪱ ꪁꪮꪉ ꪖꪱ ꪻꪎ ꪩꪺꪉ ꪋꪮꪥ ꪹꪤ ꪄꪮꪉ ꪹꪭꪙ ꪹꪘꪀ.

          ꪘꪉꪰ ꪭꪫꪙꪸ ꪚꪱꪫ ꪮꪙꪸ ꪨꪉꪰ ꫄ꪋ ꪩꪣꪾ ꪵꪩ ꪕꪮꪚ ꪬꪮꪣ ꪘꪉꪰ ꪭꪫꪙꪸ ꪼꪅ ꪙꪲ ꪑꪉꪰ ꪀꪱꪥ 50 ꪋꪺ ꪹꪭꪙ ꪤꪴ ꪀꪺꪉ ꪚꪮꪙ ꪬꪣꪸ ꪭꪱꪥ ꫄ꪁꪙ ꪼꪒ ꪑꪱꪥ ꪋꪙꪸ ꪭꪮꪙ ꪎꪽ ꪼꪜ ꪤꪴ ꪚꪮꪙ ꪕꪉꪸ ꪮꪱꪙ. ꪝꪉꪳ ꪵꪖꪉ ꪫꪙꪸ ꪚꪱꪙ ꪮꪺꪙ ꪝꪱ ꪋꪳ ꪡꪮꪉ ꪶꪠꪙ ꪙꪮꪉ ꪄꪮꪉ ꪭꪫꪙꪸ ꪁꪷ ꪩꪣꪾ ꪵꪩ ꫄ꪀ ꫄ꪎ ꪋꪙꪸ ꪜꪱꪫ ꪻꪬ ꫛ ꫄ꪤꪙ ꪣꪱ ꪕꪱꪉ ꪫꪀꪸ ꪭꪮꪙ ꫄ꪅꪉ ꪑꪱꪥ ꪋꪙꪸ ꪚꪮꪙ ꪤꪴ ꪀꪮꪙ ꪐꪽ ꫄ꪉꪙ ꪋꪮꪥ ꪹꪤ ꪶꪔꪀ ꪨꪉꪰ, ꪐꪽ ꪝꪱꪫ ꪕꪉꪸ ꪮꪱꪙ ꪻꪬ ꪩꪣꪾ ꫛ ꪶꪔꪙ ꪠꪴ ꪵꪁꪉ ꪹꪋꪉ ꪄꪮꪉ ꪄꪮꪉ ꫄ꪤꪙ ꪹꪣꪉ ꪀꪺꪉ ꪣꪺ ꪶꪠꪙ ꪙꪮꪉ ꪜꪲ ꪙꪲ.

          ꪘꪉꪰ ꪭꪫꪙꪸ ꪚꪱꪒ ꪎꪱꪒ ꪒꪸ ꪹꪠꪉ ꫄ꪩꪉ ꪊꪺꪚ ꪏꪒꪸ ꪭꪱꪥ ꪘꪀꪰ ꪘꪱ ꪶꪝ ꪙꪮꪉ ꪩꪱꪒ ꪒꪙꪲ ꪁꪱꪙ ꪶꪋꪒ ꪝꪮꪣ ꪀꪚꪾ ꪫꪀꪸ ꪫꪽ ꪡꪱꪫ ꪑꪱꪥ ꪋꪙꪸ ꪵꪕꪒ ꪕꪉꪸ ꪜꪺꪉ ꪀꪙꪲ ꪩꪺꪉ ꪤꪴ ꪄꪮꪉ ꪶꪠꪉ ꪊꪺꪚ ꪙꪮꪉ ꪩꪱꪒ ꪭꪫꪙꪸ ꫄ꪅꪉ ꪻꪊ ꪋꪙꪸ ꪜꪱꪫ ꪭꪮꪒ ꪝꪲ ꪙꪮꪉ ꪝꪉꪳ ꪀꪉꪲ ꪉꪣꪸ ꪀꪺꪉ ꪫꪀꪸ ꪋꪳ ꪡꪮꪉ ꪩꪣꪸ ꪹꪚꪱ ꪒꪲ.

          ꪼꪅ ꪙꪲ ꪥꪱꪀ ꪋꪱ ꫄ꪐꪒ ꪄꪮꪉ ꪔꪉꪲ ꪩꪱꪫ ꪀꪱꪥ ꪀꪺꪉ ꪫꪀꪸ ꪑꪱꪥ ꫄ꪤꪙ ꪮꪮꪀ ꪄꪮꪥ ꪶꪠꪉ ꪬꪣꪸ ꪭꪱꪥ ꪨꪷ ꪹꪚꪱ ꪝꪷ ꫄ꪉꪙ ꪕꪙꪸ ꪵꪀꪉ ꪒꪙꪲ ꪒꪮꪙ ꪼꪫ ꪑꪱꪥ ꫄ꪤꪙ ꪼꪜ ꪤꪴ ꪚꪮꪙ ꪻꪢ.

                                                                   ꪕꪮꪉ ꪵꪯꪉ ꪥꪀꪲ