Bài thứ 6 ngày 23/6/2017

Quảng Trị tẳng tánh nen cồng nghiệp pẹk cồng nghệ tàng mắư

Luông púk phắc pẹk toi công nghệ tàng mắư khòng Hợp tác xã Nồng nghiệp cồng nghệ tàng mắư Nguyên Khang, huyện Hải Lăng púk phắc xa lách cánh mák tành. Tênh mết đảy púk cuồng hươn ven quảng cài 2 păn thứak môn. Mi máy hák bao nặm, tưa cốc khoẹ đảy HTX xủ. Vịa púk phắc mák tành cồng nghệ tàng mắư đảy dệt chép chồm té vịa dệt đìn xắư khày púk, khún dà, nặm bao hẳư phắc. Lang đì mưa khoẹ lỏ nằng suất phắc lưn khửn té 2 họt 3 tưa cánh sản lượng lưn cộp to vẹt xắư púk phắc toi luông cáu.

          Khay nị lài địa phường ứn nẳng tỉnh Quảng Trị xủ khoà học cồng nghệ, nho xùng chất lượng cánh ca con chương hay khòng na. Lài tà đìn púk khảu báu xủ khún hoá học cánh dà khả bổng, púk phắc pẹk nẳng đìn sai, púk mák phong nạt chất lượng xùng. Côn dần đảy chiên cái ép học kỹ thuật té vịa dệt đìn họt chơ thù hoạch.

          Tỉnh Quảng Trị chị bók mỏi huyện thị xã đảy mi luông dệt dượn nồng nghiệp cồng nghệ tàng mắư. Vịa dệt nị mi xương choi po hay me na dệt hăng nẳng chính tón đìn hươn quề chảu.

          Chấp năm cựt đảy lang đì cánh khày quảng luông dệt dượn nồng nghiệp cồng nghệ tàng mắư tạk xư đằư cọ chi choi côn dần Quảng Trị dệt hăng nẳng chính tón đìn hươn quề khòng chảu./.

 TTMT-Anh dịch

 ꪛꪱꪥ ꪖꪳ 6 ꪣꪳ 23.6.2017

ꪀꪫꪱꪉ ꪋꪲ ꪔꪉꪰ ꪵꪔꪉ ꪵꪙꪙ ꪶꪀꪉ ꪉꪚꪸ ꪵꪝꪀ ꪎꪴ ꪶꪀꪉ ꫃ꪉ ꪔꪱꪉ ꪻꪢ

ꪩꪺꪉ ꪜꪀꪴ ꪠꪀꪰ ꪵꪝꪀ ꪕꪮꪥ ꪶꪀꪉ ꫃ꪉ ꪔꪱꪉ ꪻꪢ ꪄꪮꪉ ꫄ꪭꪚ ꪔꪱꪀ ꪎꪱ ꪶꪘꪉ ꪉꪚꪸ ꪉꪫꪙꪸ ꪅꪱꪉ ꪭꪫꪙꪸ ꪬꪱꪥ ꪩꪉꪰ ꪜꪀꪴ ꪠꪀꪰ ꪏꪱ ꪵꪨꪀ ꪵꪀꪉ ꪢꪱꪀ ꪵꪔꪉ. ꫃ꪕꪉ ꫃ꪢꪒ ꪼꪒ ꪜꪀꪴ ꪘꪉꪰ ꪹꪭꪙ ꪵꪫꪙ ꪀꪫꪱꪉ ꪀꪱꪥ 2 ꪝꪽ ꪹꪖꪀ ꪶꪣꪙ. ꪣꪲ ꪼꪢ ꪬꪱꪀ ꪛꪫꪱ ꪙꪣꪾ ꪹꪕ ꪶꪀꪀ ꪵꪅꪀ ꪼꪒ ꫄ꪭꪚ ꪔꪱꪀ ꪎꪱ ꪎꪴ. ꪫꪀꪸ ꪜꪀꪴ ꪠꪀꪰ ꪵꪀꪉ ꪢꪱꪀ ꪵꪔꪉ ꪕꪮꪥ ꪶꪀꪉ ꫃ꪉ ꪔꪱꪉ ꪻꪢ ꪼꪒ ꫃ꪥꪒ ꪵꪊꪚ ꪶꪊꪣ ꪵꪔ ꪫꪀꪸ ꫃ꪥꪒ ꪒꪙꪲ ꪻꪎ ꪼꪄ ꪜꪀꪴ ꪄꪙꪴ ꪤꪱ ꪙꪣꪾ ꪛꪱꪫ ꪻꪬ ꪠꪀꪰ. ꪩꪱꪉ ꪒꪲ ꪹꪣ ꪵꪅꪀ ꪨꪷ ꪘꪉꪰ ꪎꪺꪒ ꪠꪀꪰ ꪩꪙꪳ ꪄꪙꪳ ꪵꪔ 2 ꪭꪮꪒ 3 ꪹꪕ ꪵꪀꪉ ꪎꪱꪙ ꪹꪩꪉ ꪩꪙꪳ ꪶꪁꪚ ꪕꪷ ꪵꪫꪒ ꪻꪎ ꪜꪀꪴ ꪠꪀꪰ ꪕꪮꪥ ꪩꪺꪉ ꪹꪀꪱ.

          ꪼꪅ ꪙꪲ ꪨꪱꪥ ꪒꪸ ꪹꪠꪉ ꪘꪉꪰ ꪔꪉꪲ ꪀꪫꪱꪉ ꪋꪲ ꪎꪴ ꪄꪫꪱ ꪭꪮꪀ ꪶꪀꪉ ꫃ꪉ ꪑꪷ ꪎꪉꪴ ꫄ꪊꪒ ꪹꪩꪉ ꪵꪀꪉ ꪁꪱ ꪁꪮꪙ ꪹꪋꪉ ꪼꪭ ꪄꪮꪉ ꪙꪱ. ꪨꪱꪥ ꪔꪱ ꪒꪙꪲ ꪜꪀꪴ ꪹꪄꪱ ꪹꪚꪱ ꪎꪴ ꪄꪙꪴ ꪬꪫꪱ ꪭꪮꪀ ꪵꪀꪉ ꪤꪱ ꪄꪱ ꪶꪚꪉ ꪜꪀꪴ ꪠꪀꪰ ꪵꪝꪀ ꪘꪉꪰ ꪒꪙꪲ ꪏꪱꪥ ꪜꪀꪴ ꪢꪱꪀ ꪡꪮꪉ ꪙꪱꪒ ꫄ꪊꪒ ꪹꪩꪉ ꪎꪉꪴ . ꫛ ꫄ꪤꪙ ꪼꪒ ꪵꪮꪚ ꪭꪮꪀ ꪀꪲ ꪗꪺꪒ ꪵꪔ ꪫꪀꪸ ꫃ꪥꪒ ꪒꪙꪲ ꪭꪮꪒ ꫄ꪋ ꪖꪴ ꪵꪫꪱꪀ.

          ꪔꪉꪲ ꪀꪫꪱꪉ ꪋꪲ ꪋꪲ ꪚꪮꪀ ꪢꪮꪥ ꪭꪫꪙꪸ ꪗꪲ ꪎꪱ ꪼꪒ ꪣꪲ ꪩꪺꪉ ꫃ꪤꪒ ꪹꪥꪙ ꪶꪘꪉ ꪉꪚꪸ ꪶꪀꪉ ꫃ꪉ ꪔꪱꪉ ꪻꪢ. ꪫꪀꪸ ꫃ꪥꪒ ꪙꪲ ꪣꪲ ꪹꪏꪉ ꪋꪮꪥ ꪝꪷ ꪼꪭ ꪵꪣ ꪙꪱ ꫃ꪥꪒ ꪭꪉꪰ ꪘꪉꪰ ꪊꪉꪲ ꪔꪮꪙ ꪒꪙꪲ ꪹꪭꪙ ꫃ꪫꪥꪀ ꪄꪮꪉ ꪹꪊꪱ.

                                                          ꪕꪮꪉ ꪵꪯꪉ ꪥꪀꪲ