Lang đi té chương trình “ 4 pọm” cắp dân mương

nẳng tỉnh Yên Bái

          Mỏ Vàng lỏ xã phổng xùng khong huyện Văn Yên, tỉnh Yên Bái, phân lài lỏ pi nọng chựa côn Mông, Dạo, kin dú. Nọk luông hụ xiêng hê đảy to đàư, pi nọng nẳng nỉ nhăng mi lai hịt khong tong chặn cáu ké báu chọp xôm. Cuông nặn mi vịa xuôn dăm ống vạy sắp phi sàng báu cọ vạy pày hỏm húa bén tô pá.

          Hụ đảy hịt khong tòng chặn, chủm mú Công an tủm pua cơ sở cọ pọm cắp chính quyên địa phương chiên páo hảu pi nọng hụ đảy khay nị xủ ống hák ló lỏ phít thứk họt pháp luật; báu nhẳn pao tiêng àn hảu côn xủ cánh côn dú sảư chăm. Té nặn, pi nọng hák giao nộp mả ống hák ló chảu xuôn vạy. Lung Đặng Văn Tiến, xã Mỏ Vàng, huyện Văn Yên va:

( Băng):

          Huyện phổng xùng Trạm Tấu đảy hụ họt lỏ bón họn hưn ma tang vịa dệt khong phen côn phít tội cuôn dàng xương púk, chúp, cạ khài...Pưng pi cài ma, Công an tỉnh Yên Bái cọ tủm pua hạng họi vặt cán bộ, chiến sỹ mi luông hụ xiêng ma tang vịa dệt pày họt pưng bản tổ chức chấp năm “ pọm kin, pọm dú, pọm dệt vịa, pọm paá quam pi nọng cắp po me dân mương; chấp năm tẳng tánh luông dệt kinh tế cánh luông chự phong phen côn phít tội men chọp cắp cắp tựng phổng...Té nặn, tiêng an vạu chung, cuôn dang vạu riêng nẳng huyện Trạm tấu cọ dón lông lài. Lung Mùa Sái Tông - Bí thư Đảng uỷ xã Làng Nhì, huyện Trạm Tấu, tỉnh Yên Bái hảu hụ:

( Băng):  

          Pưa pay sảư chăm pi nọng, côn dân cọ chiên hảu chủm mú Công an tỉnh Yên Bái cài păn nưng nang quam vạy cẳn tơn pưng vịa dệt phít tội cánh phá án. Xong ma, cài nả vịa chướng chưa, po me pi nọng hák àu 200 lăm ống hák ló ma nộp ma giao.

          Biên mai cuông chi áo họt 3 bươn hùa pi, po me dân mương nẳng tỉnh Yên Bái cọ chiên lai nang quam hảu chủm mú công an xương chu pắt bả khả côn Trần Văn Cường lăng 10 lặc bắt pày bắt ma; Đào Mạnh Cường - hạng xíp lai tưa lặc tô ngua, tô quai nẳng cuông tỉnh cuông dan hâng, báu cọ pắt bả Cư Seo Đồng ma tang vịa khài côn...Té nặn, choi chủm mú công an huấn tển dan điều tra cánh phá pưng chu án. Đại tá Trần Kim Hải – Phó giám đốc Công an tiỉh Yên Bái hảu hụ:

( Băng):

          Lông pày cơ sở vạy pọm dệt vịa, pọm pák quam pi nọng cánh pọm kin dú cắp pi nọng, pưng cán bộ, chiến sỹ Công an tỉnh Yên bái khay báu xuấn to chự hảu bản tiêng mương an lạk lẹo nhăng lỏ xểm sài cái diên au quam Đảng họt dân cánh vạu khửn pưng lang pháư chàư mon khong dân họt Đảng./.

                                                          Thừa Xuân - Hạnh dịch

                   ꪩꪱꪉ ꪒꪲ ꪵꪔ ꪹꪊꪉ ꪊꪉꪲ ꪿ 4 ꪝꪮꪣ ꪀꪚꪾ ꫄ꪤꪙ ꪹꪣꪉ ꪘꪉꪷ ꪔꪉꪲ ꪮꪙꪸ ꪚꪱꪥ

ꪢꪷ ꪪꪱꪉ ꪨꪷ ꪎꪱ ꪶꪠꪉ ꪎꪉꪴ ꪄꪮꪉ ꪭꪫꪙꪸ ꪪꪽ ꪮꪙꪸ, ꪔꪉꪲ ꪮꪙꪸ ꪚꪱꪥ . ꫄ꪡꪙ ꪨꪱꪥ ꪨꪷ ꪝꪲ ꪙꪮꪉ ꪹꪋ ꫛ ꪶꪣꪉ ꪀꪙꪸ ꪤꪴ. ꪩꪺꪉ ꪭꪴ ꪏꪉꪸ ꪑꪉꪷ ꫄ꪭ ꪼꪒ ꪕꪷ ꪻꪒ , ꪝꪲ ꪙꪮꪉ ꪹꪋ ꫛ ꪶꪣꪉ ꪑꪉꪷ ꪣꪲ ꪨꪱꪥ ꪭꪒꪲ ꪅꪮꪉ ꪔꪮꪉ ꪋꪽ ꪹꪀꪱ ꪵꪀ ꪹꪚꪱ ꪂꪮꪚ ꪶꪎꪣ. ꪀꪺꪉ ꪙꪽ ꪣꪲ ꪫꪀꪸ ꪏꪺꪙ ꪤꪣꪾ ꪢꪱ ꪶꪮꪉ ꪼꪫ ꪬꪮꪣ ꪬꪺ ꪶꪕ ꪜꪱ ꪵꪀꪉ ꪼꪫ ꫃ꪥꪒ ꪠꪲ ꪎꪱꪉ.

          ꪭꪴ ꪼꪒ ꪭꪒꪲ ꪄꪮꪉ ꪔꪮꪉ ꪋꪽ ꪄꪮꪉ ꪝꪲ ꪙꪮꪶꪉ ꪊꪣꪴ ꪢꪴ ꪶꪀꪉ ꪮꪱꪙ ꪔꪣꪴ ꪝꪺ ꫄ꪀ ꫄ꪎ ꪝꪮꪢ ꪀꪚꪾ ꪊꪉꪲ ꪁꪫꪸꪙ ꪓꪸ ꪹꪠꪉ ꪊꪙꪸ ꪜꪱꪫ ꪻꪬ ꪝꪲ ꪙꪮꪉ ꪭꪴ ꪼꪒ ꪼꪅ ꪙꪲ ꪎꪴ ꪢꪱ ꪶꪮꪉ ꪨꪷ ꪠꪒꪲ  ꪖꪀꪳ ꪭꪮꪒ ꪠꪱꪚ ꪩꪺꪶꪒ ꪹꪚꪱ ꪐꪽ ꪜꪱꪫ ꪕꪉꪸ ꪮꪱꪙ ꪻꪬ ꫛ ꪎꪴꪴ ꪁꪷ ꪹꪏꪉ ꫛ ꪤꪴ ꪻꪎ ꪊꪣꪾ. ꪵꪔ ꪙꪽ,  ꪝꪲ ꪙꪮꪉ  ꪬꪱꪀ ꪤꪱꪫ ꪢꪱ  ꪶꪮꪉ ꪹꪊꪱ ꪏꪺꪙ ꪼꪫ.

          ꪭꪫꪸꪙ ꪶꪠꪉ ꪎꪉꪴ ꪋꪱꪣ ꪹꪔꪱ ꪼꪒ ꪭꪴ ꪭꪮꪒ ꪨꪷ ꪚꪮꪙ ꪭꪮꪙ ꪭꪣꪳ ꪣꪱ ꪕꪱꪉ ꪫꪸꪀ ꫃ꪥꪒ ꪄꪮꪉ ꪵꪠꪙ ꫛ ꪠꪒꪲ ꪶꪕꪥ ꪁꪺꪙ ꪤꪱꪉ ꪹꪏꪉ ꪜꪀꪴ, ꪊꪚꪴ, ꪁꪱ ꪄꪱꪥ... ꪝꪉꪳ ꪜꪲ ꪀꪱꪥ ꪣꪱ, ꪶꪀꪉ ꪮꪱꪙ ꪔꪉꪲ ꪮꪙꪸ ꪚꪱꪥ ꪁꪷ ꪔꪣꪴ ꪝꪺ ꪭꪱꪉ ꪭꪮꪥ ꪫꪒꪷ ꪀꪱꪙ ꪶꪛ , ꪊꪙꪲ ꪎꪲ ꪣꪲ ꪩꪺꪉ ꪭꪴ ꪏꪉꪸ ꪣꪱ ꪕꪱꪉ ꪫꪀꪸ ꫃ꪥꪒ , ꪼꪜ ꪭꪮꪒ ꪝꪉꪳ ꪚꪱꪙ ꪶꪔ ꪊꪀꪳ ꫄ꪊꪚ ꪙꪣꪾ “ ꪝꪮꪣ ꪀꪙꪲ, ꪝꪮꪣ ꪤꪴ, ꪝꪮꪣ ꫃ꪥꪒ ꪫꪀꪸ, ꪝꪮꪣ ꪜꪱꪀ ꪁꪫꪱꪣ ꪝꪲ ꪙꪮꪉ, ꪔꪉ ꪵꪔꪉ ꪬꪮꪉ ꫃ꪥꪒ ꪩꪺꪉ ꪹꪥꪙ ꪵꪀꪉ ꪋꪳ ꪡꪮꪉ ꪵꪠꪙ ꫛ ꪠꪒꪲ ꪶꪕꪥ ꪵꪣꪙ ꪋꪮꪚ ꪀꪚꪷ ꪕꪉꪳ ꪶꪠꪉ...ꪵꪔ ꪙꪽ ꪕꪉꪸ ꪮꪱꪙ ꪚꪱꪙ ꪹꪣꪉ ꪹꪫꪱ ꪊꪉꪴ, ꪁꪺꪙ ꪤꪱꪉ ꪹꪫꪱ ꪤꪉꪸ ꪘꪉꪷ ꪭꪫꪙꪸ ꪋꪱꪣ ꪹꪔꪱ, ꪔꪉꪲ ꪮꪙꪸ ꪚꪱꪥ ꪁꪷ ꪤꪮꪙ ꪶꪩꪉ ꪨꪱꪥ.

          ꪹꪝ ꪼꪜ ꪻꪎ ꪊꪣꪾ ꪝꪲ ꪙꪮꪉ , ꫛ ꫄ꪤꪙ ꪷꪁ ꪋꪙꪸ ꪻꪬ ꪊꪣꪴ ꪢꪴ ꪶꪀꪉ ꪮꪱꪙ ꪔꪉꪲ ꪮꪙꪸ ꪚꪱꪥ ꪊꪱꪥ ꪝꪰ ꫜ  ꪙꪱꪈ ꪁꪫꪱꪣ ꪼꪫ ꪀꪽ ꫄ꪕꪙ ꪝꪉꪳ ꪫꪀꪸ ꫄ꪥꪒ ꪠꪲꪒ ꪶꪕꪥ ꪵꪀꪉ ꪠꪱ ꪮꪱꪙ. ꪂꪮꪉ ꪣꪱ, ꪀꪱꪥ ꪘꪱ ꪫꪸꪀ ꪹꪋꪉ ꪹꪋ , ꪝꪷ ꪵꪣ ꪝꪲ ꪙꪮꪉ ꪘꪉꪷ ꪔꪉꪲ ꪮꪙꪸ ꪚꪱꪥ ꪬꪱꪀ ꪹꪮꪱ 200 ꪩꪣꪾ ꪶꪮꪉ ꪬꪱꪀ ꪨꪷ ꪣꪱ ꪤꪱꪫ ꪶꪙꪚ.

          ꪚꪙꪸ ꪢꪱꪥ ꪀꪺꪉ ꪊꪲ ꪮꪱꪫ ꪭꪮꪒ 3 ꪹꪚꪙ ꪬꪺ ꪜꪲ, ꪝꪷ ꪵꪣ ꫄ꪤꪙ ꪹꪣꪉ ꪘꪉꪷ ꪔꪉꪲ ꪮꪙꪸ ꪚꪱꪥ ꪁꪷ ꪋꪙꪸ ꪨꪱꪥ ꪘꪱꪉ ꪁꪱꪫꪣ ꪻꪬ ꪊꪣꪴ ꪢꪴ ꪶꪀꪉ ꪮꪱꪙ ꪹꪏꪉ ꪋꪴ ꪜꪒꪷ ꪚꪱ ꪄꪱ ꫛ ꫄ꪊꪙ ꪪꪽ ꪹꪀꪉ ꪨꪉꪷ 10 ꪣꪳ ꪩꪀꪷ ꪚꪒꪷ ꪼꪜ ꪚꪒꪷ ꪣꪱ; ꪚꪱ ꪒꪱꪙ ꪢꪱꪉ ꪹꪀꪉ - ꪭꪱꪉ ꪎꪚꪲ ꪨꪱꪥ ꪹꪔ ꪩꪀꪷ ꪶꪔ ꪉꪺ, ꪶꪔ ꪁꪱꪫꪥ ꪘꪉꪷ ꪀꪺꪉ ꪔꪉꪲ ꪀꪺꪉ ꪥꪱꪙ ꫄ꪬꪉ , ꪹꪚꪱ ꪁꪷ ꪜꪒꪷ ꪚꪱ ꪁꪳ ꪵꪏꪫ ꪶꪒꪉ ꪣꪱ ꪕꪱꪉ ꪫꪀꪸ ꪁꪱ ꪄꪱꪥ ꫛ... ꪵꪔ ꪙꪽ ꪋꪮꪥ ꪊꪣꪴ ꪢꪴ ꪶꪀꪉ ꪮꪱꪙ ꪬꪍꪙ ꫃ꪔꪙ ꪥꪱꪙ ꪒꪫꪸ ꪊꪱ ꪵꪀꪉ ꪠꪱ ꪝꪉꪳ ꪋꪴ ꪮꪱꪙ.