Bai thứ 6 mự 25/8/2017

Điện Biền: Xay cánh tro phổng chuốp nong lạt kẻ cặm dạk cha, khảm nặm ma trương

------------

Cuồng pưng mự cài ma pưng cán bộ, chiến sỹ Đôn bộ đội đèn mương pák tù mương Huối Puốc, pưng xay giáo Trương tiểu học Mương Lói, xã Mương Lói, huyện Điện Biền cánh Đoàn thành niền hák muôn chằư tỉnh Điện Biền cọ chóng hanh khảm cài nặm nong nẳng me Nặm Mà vạy àu cài 60 nọng học sình ma nẳng bón trương vạy nhẳn lớp, khặn khang hẳư pì ép mắư, khù nị cọ đảy lài côn cuồng bản mương xồm chằư  chôm choi.

Pì ép mắư 2017 – 2018, Trương Tiểu học Mương Lói cọ mi cài 200 học học sình Tiểu học đảy tọp hòm ma lớp, cuồng nặn cọ mi 60 học sình nẳng bón trưởng bản Tìn Tốc, Huổi Chon, Cò Đứa cánh Na Chén cọ đảy àu pày họt bón trương tiêng àn, mi pặp xừ vạy nhại khảu pì ép mắư. Hák va, vịa khảm nọng nong ma trương cọ nhăng mi chu pì nẳng phổng nị. KHù phắư mon nhắư nhất khòng chủm mú xay giáo, học sình cánh côn dần nẳng nị lỏ mi khẳng cau nà mẳn nưng vạy kẻ khày khù dạk cha chơ mua phồn nong ma họt.

Pì ép 2017 – 2018 tênh cá tỉnh Điện Biền mi 521 trương, cắp cài 7.400 lớp cánh dáo 180 păn nọng học sình, sình viền nhại khảu pì ép mắư. Vạy khặn khang đì nhất hẳư pì ép mắư, Sở giáo dục đào tạo cọ cạt kiên mẳn cặt cắp cấp uỷ Đảng, chính quyên chu cấp, chu cờ quàn mi nuống pan tọp hòm, cạt kiên pưng ngon ngơn cốc dòm sắư vịa tẳng tánh, xảng pành cốc ngươn xính khòng, nhẳn pao chương khòng bók cắp ép. Pọm cắp nả vịa nặn lỏ chịk bók hẳư pưng hươn trương, lưn xưa lỏ pưng hươn trương nẳng phổng cướt xình ók nong lạt văn phạo kẻ cặm dạk cha tó nả, niếu chưa học sình ma lớp nhẳn pao ky ép đảy men dan. Cài nhẳn danh hê chảnh thí khòng ngành, chăm va tang pày ma mua phồn nong pọ lài dạk cha, cốc ngươn xính khòng chuốp xiệt hại nắc nà pộ phạ phồn nong, hák va họt dan nị, pưng bón trương cọ tọp hòm đảy cài 90% học sình ma trương cánh chi nhẳn pao tọp hòm đảy tênh mết học sình ma trương cuồng mự khày giảng chi họt./.

ꪒꪙꪸ ꪚꪙꪸ: ꪼꪏ ꪵꪀꪉ ꪋꪷ ꪶꪠꪉ ꪊꪺꪚ ꪙꪮꪉ ꪩꪱꪒ ꪵꪀ ꪁꪾ ꪤꪱꪀ ꪋꪱ, ꪄꪱꪣ ꪙꪾ ꪢꪱ ꪹꪋꪉ

------------------

ꪀꪺꪉ ꪝꪉꪳ ꪣꪳ ꪀꪱꪥ ꪣꪱ ꪝꪉꪳ ꪀꪱꪙ ꪶꪚ , ꪊꪙꪸ ꪎꪲ ꪶꪒꪙ ꪶꪚ ꪶꪒꪥ ꪵꪒꪘ ꪹꪣꪉ ꪜꪱꪀ ꪔꪴ ꪹꪣꪉ ꪬꪺꪥ ꪜꪺꪀ , ꪝꪉꪳ ꪼꪏ ꪤꪱꪫ ꪹꪋꪉ ꪔꪫꪸ ꪭꪮꪀ ꪹꪣꪉ ꪨꪮꪥ , ꪎꪱ ꪹꪣꪉ ꪨꪮꪥ , ꪭꪫꪙꪸ ꪒꪙꪸ ꪚꪙꪸ ꪵꪀꪈ ꪒꪫꪱꪙ ꪵꪖꪉ ꪘꪙꪸ ꪬꪱꪀ ꪣꪺꪙ ꪻꪊ ꪔꪉꪲ ꪒꪙꪸ ꪚꪙꪸ ꪁꪷ ꪊꪮꪉ ꪵꪭꪉ ꪄꪱꪣ ꪙꪾ ꪙꪮꪉ ꪘꪉꪰ ꪵꪣ ꪙꪾ ꪢꪱ ꪼꪫ ꪹꪮꪱ ꪀꪱꪥ 60 ꪙꪮꪉ ꪭꪮꪀ ꪎꪉꪲ ꪣꪱ ꪚꪮꪙ ꪹꪋꪉ ꪼꪫ ꪐꪽ ꪹꪨꪷꪚ , ꪅꪽ ꪅꪱꪉ ꪻꪬ ꪜꪲ ꪵꪮꪚ ꪻꪢ, ꪄꪴ ꪙꪲ ꪁꪷ ꪼꪒ ꪨꪱꪥ ꫛ ꪀꪺꪉ ꪚꪱꪙ ꪹꪣꪉ ꪶꪎꪣ ꪻꪊ ꪶꪋꪣ ꪋꪮꪥ.

ꪜꪲ ꪵꪮꪚ 2017 – 2018, ꪹꪋꪉ ꪔꪫꪸ ꪭꪮꪀ ꪹꪣꪉ ꪨꪮꪥ ꪣꪲ ꪀꪱꪥ 200 ꪙꪮꪉ ꪭꪮꪀ ꪎꪉꪲ ꪔꪫꪸ ꪭꪮꪀ ꪼꪒ ꪕꪮꪚ ꪬꪮꪣ ꪣꪱ ꪹꪨꪷꪚ , ꪀꪺꪉ ꪙꪽ ꪁꪷ ꪣꪲ 60 ꪭꪮꪀ ꪎꪉꪲ ꪘꪉꪰ ꪝꪉꪳ ꪚꪮꪙ ꪹꪋꪉ ꪚꪱꪙ ꪔꪲꪙ ꪶꪔꪀ , ꪬꪺꪥ ꪋꪮꪙ , ꪀꪷ ꪹꪒ ꪵꪀꪉ ꪙꪱ ꪵꪋꪙ ꪁꪷ ꪼꪒ ꪹꪮꪱ ꪼꪜ ꪭꪮꪒ ꪚꪮꪙ ꪹꪋꪉ ꪕꪉꪸ ꪮꪱꪙ , ꪣꪲ ꪕꪴꪀ ꪜꪷ ꪝꪰꪚ ꪎꪳ ꪼꪫ ꪔꪮꪙ ꪜꪲ ꪵꪮꪚ ꪻꪢ. ꪄꪴ ꪻꪠ ꪣꪮꪙ ꪻꪐ ꪹꪐꪷꪒ ꪄꪮꪉ ꪊꪣꪴ ꪢꪴ ꪼꪏ ꪤꪱꪫ , ꪭꪮꪀ ꪎꪉꪲ ꪀꪖꪈ ꫛ ꪹꪤꪷꪙ ꪘꪉꪰ ꪶꪠꪉ ꪙꪲ ꪨꪷ ꪣꪲ ꪄꪉꪰ ꪹꪁꪱ ꪘꪱ ꪢꪽ ꫜ ꪼꪫ ꪵꪀ ꪼꪄ ꪄꪴ ꪥꪱꪀ ꪋꪱ ꪹꪊꪷ ꪣꪺ ꪶꪠꪙ ꪙꪮꪉ ꪣꪱ ꪭꪮꪒ.

ꪜꪲ ꪵꪮꪚ 2017 – 2018 ꪹꪕꪸꪉ ꪀꪱ ꪔꪉꪲ ꪒꪙꪸ ꪚꪙꪸ ꪢꪲ 521 ꪹꪭꪙ ꪹꪋꪉ , ꪀꪚꪰ ꪀꪱꪥ 7.400 ꪹꪨꪷꪚ ꪵꪀꪉ ꪤꪱꪫ 180 ꪝꪽ ꪭꪮꪀ ꪎꪉꪲ ꪑꪱꪥ ꪹꪄꪱ ꪜꪲ ꪵꪮꪚ ꪻꪢ . ꪼꪫ ꪅꪽ ꪅꪱꪉ ꪻꪬ ꪜꪲ ꪵꪮꪚ ꪻꪢ , ꪹꪎꪷ ꪤꪱꪫ ꪥꪀꪴ ꪒꪱꪫ ꪕꪱꪫ ꪀꪷ ꪁꪱꪒ ꪁꪙꪸ ꪢꪽ ꪁꪰꪒ ꪀꪚꪰ ꪹꪀꪷꪪ ꪮꪫꪲ ꪊꪉꪲ ꪁꪫꪙꪸ ꪋꪴ ꪹꪀꪷꪚ , ꪋꪴ ꪹꪀꪷ ꪀꪫꪱꪙ ꪣꪲ ꪘꪺꪉ ꪜꪱꪙ ꪁꪱꪒ ꪁꪙꪸ ꪝꪉꪳ ꪔꪱꪉ ꪹꪉꪷꪙ ꪶꪀꪀ ꪤꪮꪣ ꪻꪎ ꪫꪀꪸ ꪔꪉꪰ ꪵꪔꪉ , ꪎꪱꪉ ꪵꪜꪉ ꪶꪀꪀ ꪹꪉꪙ ꪎꪉꪲ ꪄꪮꪉ , ꪐꪽ ꪝꪱꪫ ꪹꪋꪉ ꪄꪮꪉ ꪚꪮꪀ ꪀꪚꪰ ꪵꪮꪚ. ꪝꪮꪣ ꪀꪚꪰ ꪘꪱ ꪫꪀꪸ ꪙꪽ ꪨꪷ ꪋꪲ ꪚꪮꪀ ꪻꪬ ꪝꪉꪳ ꪹꪭꪘ ꪹꪋꪉ , ꪩꪙꪳ ꪹꪏ ꪨꪷ ꪝꪉꪳ ꪹꪭꪙ ꪹꪋꪉ ꪘꪉꪰ ꪶꪠꪉ ꪹꪀꪒ ꪎꪉꪲ ꪮꪀꪀ ꪙꪮꪉ ꪩꪱꪒ ꪫꪽ ꪡꪱꪫ ꪵꪀ ꪁꪾ ꪥꪱꪀ ꪋꪱ ꪔꪷ ꪘꪱ ꪘꪫꪸ ꪹꪋ ꪭꪮꪀ ꪎꪉꪲ ꪣꪱ ꪨꪮꪚ ꪐꪽ ꪝꪱꪫ ꪁꪲ ꪵꪮꪚ ꪼꪒ ꪵꪣꪙ ꪤꪱꪙ. ꪀꪱꪥ ꪐꪽ ꪵꪥꪉ ꪹꪬꪸ ꪕꪀꪴ ꪝꪷ ꪭꪮꪒ ꪤꪱꪙ ꪙꪲ ꪝꪳꪉ ꪹꪭꪘ ꪹꪋꪉ ꪁꪷ ꪘꪫꪸ ꪹꪋ ꪼꪒ 90% ꪬꪮꪀ ꪎꪉꪲ ꪣꪱ ꪹꪋꪉ ꪵꪀꪉ ꪐꪽ ꪝꪱꪫ ꪋꪲ ꪕꪮꪚ ꪬꪮꪣ ꪼꪒ ꪹꪕꪸꪉ ꪹꪢꪸꪒ ꪋꪴ ꪭꪮꪀ ꪎꪉꪲ ꪣꪱ ꪹꪋꪉ ꪀꪺꪉ ꪣꪳ ꪼꪄ ꪤꪱꪉ ꪋꪲ ꪭꪮꪒ.

Vũ Lợi – Thành dịch