Hịt xò dáng dom chơ hung chạu khòng côn Sê đăng

Lung A Djoa, dú thôn 3, xã Tân Cảnh, huyện Đắc Tô, tỉnh Kon Tum  hẳư hụ; hạng mự, pi nọng Sê-đăng lâng pọ nả tiện tô cắp cằn chơ dặng dú hươn, chơ mưa hay khảu pá cánh chơ mau lảu sàng xa. Puồng kìn đơi dú cọ báu xương đằư vện ník xìa đảy phít khỏng tỏng quam cằn, báu cọ chơ pút pong khửn dệt xìa chằư cằn. Mự lằng ma xị mịch ngắm: mự ngoa, chảu pák phít dệt xìa chằư bạn phương, pi nọng bản khuống.

          Toi hịt khong khòng côn Sê đăng, vịa xò dáng dom cọ đảy dệt chơ hung chạu, toi luông van hoa khòng côn ké.

          Kẻ khày ma tang hịt xò dáng dom khòng côn Sê đăng, lung A luô, côn ké dú bản Kon Pâu, buôn Kon Wang, xã Ea Yiêng, huyện Krrông Pách, tỉnh Đắc Lắc va hịa: Hung chau lỏ dan mi ý nghịa nhất hẳư vịa van hoa. Cuồng chơ nặn, báu năn nương, báu uối hại, phạ đìn xiểng xằư. Hung chạu lỏ chằư sáng, quam pák xư té hùa chằư. Cài 2 khù vạu nừa thánh thân chắng cụm cuồm dệt đì hẳư cá 2 phái, báu phít khỏng tỏng quam cằn.

          Cắp ý nghịa xương nặn, hư vịa xò dáng dom chơ hung chạu lâng cựt đảy lang đì, pi nọng báu khả quam cằn, lâng cạt sàn cằn.

          Khạy nị puồng kìn đơi dú khòng côn Sê đăng đảy nho xùng, vằn hoá cạt kiên cắp lài chựa côn ứn, xương nặn hịt xò dáng dom cọ báu đảy tục po xương cón nị. Hák va vịa xò dáng dom té hung chạu pi nọng cọ nhăng chự mẳn đảy. Khù nặn cọ é bók xòn chu côn: dệt côn phằư cọ báu đì đảy mết, va chảu dệt phít lỏ hụ piến pành. Đảy pồng chằư họt quam pák vịa dệt khòng chảu vạy hựt họt pưng khù  khặn luông chăn xưa. Pưng côn chuốp côn ứn dệt phít cọ pền chằư quảng sảng dao báu àu khù phít thứk khòng côn ứn vạy ók xồ van phạt mằư.

          Hịt xò dáng dom khòng côn Sê Đăng báu chư hịa vạy tít tờn pi nọng dệt phít lẹo pày xò dáng dom cằn chơ hung chạu. Pưa va, chảu piến pành chắng đảy bản khuống cồng nhẳn. Hụ chảnh vịa chảu dệt phít, hụ piến pành, thót ók kinh nghiệm vạy báu dệt phít khỏng tỏng quam cằn; cánh nha tản quam chà hà quam hại hư cận choi dừa, cạt sàn cằn. Ăn lỏ khù khặn luông chăn cuồng vằn hoá pák vạu khảu chà khòng côn Sê đăng nẳng Tây Nguyên./.

TTT-Huyền dịch

ꪭꪲꪒ ꪎꪷ ꪤꪱꪉ ꪥꪮꪣ ꫄ꪋ ꪭꪴꪉ ꪹꪋꪱ ꪄꪮꪉ ꫛ ꫃ꪏ ꪒꪉꪰ

          ꪩꪴꪉ ꪯꪱ ꪥꪲ ꪮꪱꪫ ꪤꪴ ꪶꪖꪙ 3, ꪎꪱ ꫄ꪕꪙ ꪵꪀꪉ ,ꪭꪫꪙꪸ ꪒꪀꪰ ꪶꪕ, ꪔꪉꪲ ꪁꪮꪙ ꪕꪴꪣ ꪻꪬ ꪭꪴ: ꪭꪱꪉ ꪣꪳ ꪝꪲ ꪙꪮꪉ ꫃ꪏ ꪒꪉꪰ ꫄ꪩꪉ ꪼꪜ ꪣꪱ ꪶꪮ ꪶꪕ ꪀꪽ ꫄ꪋ ꪥꪉꪰ ꪤꪴ ꪹꪭꪙ ,꫄ꪋ ꪹꪣ ꪼꪭ ꪹꪄꪱ ꪜꪱ ꪮꪱ ꪨꪺ ꪹꪚꪱ ꪁꪷ ꫄ꪋ ꪹꪣꪱ ꪹꪨꪱ ꪎꪱꪉ ꪏꪱ. ꪜꪺꪉ ꪀꪙꪲ ꫄ꪓꪥ ꪤꪴ ꪁꪷ ꪹꪚꪱ ꪹꪏꪉ ꪼꪒ ꫃ꪫꪙ ꪘꪀꪲ ꪎꪸ ꪼꪒ ꪠꪒꪲ ꪄꪮꪉ ꪔꪮꪉ ꪁꪫꪱꪣ ꪀꪽ, ꪹꪚꪱ ꪁꪷ ꫄ꪋ ꪜꪴꪒ ꪝꪮꪉ ꫃ꪥꪒ ꪎꪸ ꪻꪊ ꪀꪽ. ꪣꪳ ꪨꪉꪰ ꪏꪀꪲ ꪣꪀꪲ ꪈꪣꪾ: ꪣꪳ ꪉꪫꪱ ꪹꪊꪱ ꪜꪱꪀ ꪠꪒꪲ ꫃ꪥꪒ ꪎꪸ ꪻꪊ ꪛꪱꪙ ꪹꪡꪉ, ꪝꪲ ꪙꪮꪉ ꪚꪱꪙ ꪄꪺꪉ, ꪹꪊꪱ ꫄ꪁꪙ ꪼꪒ ꪼꪜ ꪎꪷ ꪤꪱꪉ ꪥꪮꪣ.

          ꪕꪮꪥ ꪭꪲꪒ ꪅꪮꪉ ꪄꪮꪉ ꫛ ꫃ꪏ ꪒꪉꪰ ꪫꪀꪸ ꪎꪷ ꪤꪱꪉ ꪥꪮꪣ ꫃ꪁꪙ ꪼꪒ ꫃ꪥꪒ ꫄ꪋ ꪭꪴꪉ ꪹꪋꪱ, ꪕꪮꪥ ꪩꪺꪉ ꪫꪱꪙ ꪭꪫꪱ ꪄꪮꪉ ꫛ ꪵꪀ.

          ꪵꪀ ꪼꪄ ꪣꪱ ꪕꪱꪉ ꪭꪒꪲ ꪤꪱꪉ ꪥꪮꪣ ꪄꪮꪉ ꫛ ꫃ꪏ ꪒꪉꪰ ꪩꪉꪴ ꪯꪱ ꪩꪺ, ꫛ ꪵꪀ ꪤꪴ ꪚꪱꪙ ꪁꪮꪙ ꪹꪝꪱ, ꪛꪺꪙ ꪁꪮꪙ ꪫꪱꪉ ,ꪎꪱ ꪵꪮ ꪮꪱ ꪮꪉꪸ, ꪭꪫꪙꪸ ꪀꪱ ꪶꪤꪉ ꪵꪜꪀ ,ꪔꪉꪲ ꪒꪀꪰ ꪨꪀꪰ ꪫꪱ: ꪭꪴꪉ ꪹꪋꪱ ꪨꪷ ꪥꪱꪙ ꪣꪲ ꪮꪲ ꪉꪸ ꫄ꪐꪒ ꪻꪬ ꪫꪀꪸ ꪫꪱꪙ ꪭꪫꪱ. ꪀꪺꪉ ꫄ꪋ ꪙꪽ ꪹꪚꪱ ꪙꪽ ꪹꪙꪉ , ꪹꪚꪱ ꪮꪺꪥ ꪭꪱꪥ. ꪭꪴꪉ ꪹꪋꪱ ꪨꪷ ꪻꪊ ꪎꪱꪉ, ꪁꪫꪱꪣ ꪜꪱꪀ ꪏꪳ ꪵꪔ ꪬꪺ ꪻꪊ. ꪀꪱꪥ 2 ꪄꪴ ꪹꪫꪱ ꪹꪘ ꪵꪖꪉ ꫄ꪗꪙ ꪊꪉꪰ ꪁꪴꪣ ꫃ꪥꪒ ꪒꪲ ꪻꪬ ꪀꪱ 2 ꪠꪱꪥ ,ꪹꪚꪱ ꪠꪒꪲ ꪄꪮꪉ ꪔꪮꪉ ꪁꪫꪱꪣ ꪀꪽ.

ꪀꪚꪾ ꪮꪲ ꪉꪸ ꪹꪏꪈ ꪙꪽ ꪭꪳ ꪫꪀꪸ ꪎꪷ ꪤꪱꪉ ꪥꪮꪣ ꫄ꪋ ꪭꪴꪉ ꪹꪋꪱ ꫄ꪩꪉ ꪁꪒꪳ ꪼꪒ ꪩꪱꪉ ꪒꪲ, ꪝꪲ ꪙꪮꪉ ꪹꪚꪱ ꪄꪱ ꪁꪫꪱꪣ ꪀꪽ , ꫄ꪩꪉ ꪁꪱꪒ ꪎꪱꪙ ꪀꪽ.

ꪼꪅ ꪙꪲ ꪜꪺꪉ ꪀꪙꪲ ꫄ꪓꪥ ꪤꪴ ꪄꪮꪉ ꫛ ꫃ꪏ ꪒꪉꪰ ꪼꪒ ꪑꪷ ꪎꪴꪉ ,ꪪꪽ ꪬꪫꪱ ꪁꪱꪒ ꪁꪙꪸ ꪀꪚꪾ ꪨꪱꪥ ꪹꪋ ꫛ ꪮꪙꪳ, ꪹꪏꪉ ꪙꪽ ꪭꪒꪲ ꪎꪷ ꪤꪱꪉ ꪥꪮꪣ ꪁꪷ ꪹꪚꪱ ꪼꪒ ꪕꪴꪀ ꪝꪷ ꪹꪏꪉ ꪀꪮꪙ ꪙꪲ. ꪬꪱꪀ ꪫꪱ ꪫꪀꪸ ꪎꪷ ꪤꪱꪉ ꪥꪮꪣ ꪵꪔ ꪭꪴꪉ ꪹꪋꪱ ꪝꪲ ꪙꪮꪉ ꪁꪷ ꪑꪉꪰ ꪋꪳ ꪢꪽ ꪼꪒ. ꪄꪴ ꪙꪽ ꪁꪷ ꪵꪮ ꪚꪮꪀ ꪎꪮꪙ ꪋꪴ ꫛ: ꫃ꪥꪒ ꫛ ꪼꪠ ꪁꪷ ꪹꪚꪱ ꪒꪲ ꪼꪒ ꫃ꪕꪉ ꪋꪺ, ꪫꪱ ꪹꪊꪱ ꫃ꪥꪒ ꪠꪒꪲ ꪨꪷ ꪭꪴ ꪜꪙꪸ ꪵꪜꪉ. ꪼꪒ ꪶꪜꪉ ꪻꪊ ꪭꪮꪒ ꪁꪫꪱꪣ ꪜꪱꪀ ꪫꪀꪸ ꫃ꪥꪒ ꪄꪮꪉ ꪹꪊꪱ ꪭꪒꪳ ꪭꪮꪒ ꪝꪉꪳ ꪄꪴ ꪅꪽ ꪩꪺꪉ ꪋꪽ ꪹꪏ. ꪝꪉꪳ ꫛ ꪊꪺꪚ ꫛ ꪮꪙꪳ ꫃ꪥꪒ ꪠꪒꪲ ꪁꪷ ꫃ꪜꪙ ꪻꪊ ꪀꪫꪱꪉ ꪎꪱꪉ ꪥꪱꪫ ꪹꪚꪱ ꪹꪮꪱ ꪄꪴ ꪠꪒꪲ ꪖꪳꪀ ꪄꪮꪉ ꫛ ꪮꪙꪳ ꪼꪫ ꪮꪮꪀ ꪶꪎ ꪫꪱꪙ ꪡꪱꪒ ꪻꪢ.

ꪭꪒꪲ ꪤꪱꪉ ꪥꪮꪣ ꪄꪮꪉ ꫛ ꫃ꪏ ꪒꪉꪰ ꪹꪚꪱ ꪋꪳ ꪭꪀꪸ ꪔꪒꪲ ꫄ꪔꪙ ꪝꪲ ꪙꪮꪉ ꫃ꪥꪒ ꪠꪒꪲ ꪵꪩꪫ ꪼꪜ ꪎꪷ ꪤꪱꪉ ꪥꪮꪣ ꪀꪽ ꫄ꪋ ꪭꪴꪉ ꪹꪋꪱ. ꪹꪝ ꪫꪱ ꪹꪊꪱ ꪜꪙꪸ ꪵꪜꪉ ꪊꪉꪰ ꪼꪒ ꪚꪱꪙ ꪄꪺꪉ ꪶꪀꪉ ꪐꪽ. ꪭꪴ ꪵꪊꪉ ꪫꪀꪸ ꪹꪊꪱ ꫃ꪥꪒ ꪠꪒꪲ, ꪭꪴ ꪜꪙꪸ ꪵꪜꪉ , ꪖꪮꪒ ꪮꪮꪀ ꪀꪉꪲ ꪉꪣꪸ ꪼꪫ ꪹꪚꪱ ꫃ꪥꪒ ꪠꪒꪲ ꪄꪮꪉ ꪔꪮꪉ ꪁꪫꪱꪣ ꪀꪽ, ꫄ꪁꪙ ꪋꪮꪥ ꪹꪤ ꪁꪱꪒ ꪎꪱꪙ ꪀꪽ. ꪯꪽ ꪨꪷ ꪄꪴ ꪅꪽ ꪩꪺꪉ ꪋꪽ ꪀꪺꪉ ꪪꪽ ꪬꪫꪱ ꪜꪱꪀ ꪹꪫꪱ ꪹꪄꪱ ꪊꪱ ꪄꪮꪉ ꫛ ꫃ꪏ ꪒꪉꪰ ꪘꪉꪰ ꪼꪔ ꪈꪫꪙꪸ.