ꪜꪱꪉ ꪶꪭꪥ ꪔꪴ ꪔꪲ ꪵꪙꪙ ꪪꪽ ꪬꪫꪱ ꪅꪽ ꪋꪽ ꪄꪮꪉ ꫛ ꪼꪤ
ꪜꪱꪉ ꪶꪭꪥ ꪔꪴ ꪔꪲ ꪄꪮꪉ ꪹꪋ ꫛ ꪼꪤ ꪁꪷ ꪼꪒ ꪋꪙꪸ ꪀꪱꪤ ꪭꪱꪥ ꪼꪫ ꪵꪔ ꪹꪋꪱ ꪵꪔ ꪨꪱꪥ ꪹꪕꪱ ꪭꪮꪒ ꪼꪅ ꪹꪏꪉ ꪵꪙꪙ ꪪꪽ ꪬꪫꪱ ꪹꪉꪙ ꪩꪱꪉ ꪹꪚꪱ ꪒꪒꪴ ꪖꪫꪸ ꪼꪒ ꪶꪝꪚ ꪬꪺ ꪣꪺ ꪎꪺꪙ ꪜꪲ ꪻꪢ. ꪀꪮꪙ ꪙꪲ ꪣꪲ ꪕꪷ ꪮꪱꪥ ꪢꪷ ꪵꪀꪉ ꪏꪱꪙ ꪋꪺ ꪹꪭꪙ ꪶꪝꪙ ꪤꪮꪙ ꪀꪺꪉ ꪎꪱ ꪊꪉꪰ ꪼꪒ ꪶꪋꪣ ꪭꪚꪾ ꪭꪒꪲ ꪕꪱꪣ ꪶꪀꪉ ꪏ ꪔꪴ ꪔꪲ. ꪼꪅ ꪙꪲ ꪭꪒꪲ ꪙꪲ ꪣꪲ ꪀꪱ ꪉꪮꪙ ꪮꪙꪲ ꪣꪺꪙ ꪹꪉꪙ ꪩꪱꪉ ꪹꪏꪉ ꪔ꪿ ꪔꪀ ꪔꪷ ꪢꪱꪀ ꪵꪩꪀ ꪕꪮꪒ ꪁꪮꪙ ꪔꪒꪰ ꪠ.
ꪹꪮꪥ ꪩꪷ ꪗꪲ ꪵꪨꪫ ꫛ ꪤꪙ ꪣꪱ ꪵꪔ ꪚꪱꪙ ꪏꪱꪉ ꪖꪱꪉ 1 ꪎꪱ ꪏꪱꪙ ꪖꪱꪉ ꪻꪬ ꪭꪴ: ꪢꪮꪥ ꪹꪕ ꪶꪔ ꪊꪀꪳ ꪜꪱꪉ ꪶꪭꪥ ꪹꪚꪱ ꪣꪲ ꪻꪠ ꪚꪮꪀ ꪻꪠ ꪝꪲ ꪙꪮꪉ ꪬꪱꪀ ꪅꪉ ꪕꪮꪙ ꪕꪣꪾ ꪹꪭꪙ ꪤꪱꪫ ꪎꪺꪙ ꪹꪭꪀ ꪕꪱꪉ ꪹꪄꪱ ꪚꪱꪙ ꪵꪝꪀ ꪻꪎ ꪎꪱꪉ ꪚꪱꪉ. ꪜꪲ ꪙꪮꪉ ꪻꪠ ꪁꪷ ꪢꪮꪉ ꪁꪮꪉ ꪊꪮꪥ ꪹꪤ ꪀꪽ ꪩꪱꪙ ꪼꪩ ꪎꪸ ꪮꪒꪳ ꪤꪱꪀ ꪁꪒꪰ ꪁꪉꪴ. ꪵꪀꪉ ꪼꪜ ꪘꪱ ꪝꪲ ꪙꪮꪉ ꪢꪮꪉ ꪁꪮꪉ ꪎꪱ ꪋꪲ ꪎꪚꪳ ꪔꪱꪣ ꪶꪔ ꪊꪀꪳ ꪻꪫ ꪩꪀꪳ ꪨꪱꪙ ꪬꪣꪸ ꪋꪳ ꪵꪙꪙ ꪪꪽ ꪬꪫꪱ ꪅꪽ ꪋꪽ ꪄꪮꪉ ꪹꪋ ꫛ ꪹꪊꪱ.
ꪚꪮꪙ ꪥꪒ ꪭꪒꪲ ꪔꪴ ꪔꪲ ꪨꪷ ꪘꪉꪰ ꪶꪀꪀ ꪀꪷ ꪼꪣ ꪻꪐ ꪬꪺ ꪚꪱꪙ. ꪠꪴ ꪋꪱꪥ ꪣꪱ ꪵꪔ ꪹꪋꪱ ꪼꪫ ꪄꪱ ꪢꪴ ꪄꪱ ꪼꪀ ꪅꪽ ꪄꪱꪉ ꪶꪀꪉ ꪏ ꪹꪊꪱ ꪙꪣꪾ ꪹꪊꪱ ꪒꪙꪲ. ꪕꪮꪥ ꪁꪱꪫꪣ ꪄꪮꪉ ꫛ ꪼꪤ ꪔꪴ ꪔꪲ ꪕꪳ ꪫꪱ ꪨꪷ ꪹꪊꪱ ꪙꪣꪾ ꪹꪊꪱ ꪒꪙꪲ. ꪹꪝ ꪹꪏꪉ ꪙꪽ ꪹꪚꪱ ꪹꪏꪉ ꪻꪒ ꪒꪒꪴ ꪖꪫꪸ ꪼꪒ ꪭꪒꪲ ꪙꪲ.
ꪚꪮꪙ ꪶꪀꪉ ꪏ ꪊꪉꪲ ꪼꪒ ꪬꪣꪸ ꪁꪾ ꪒꪲ ꪋꪽ, ꫛ ꪋꪱꪥ ꪬꪱꪫ ꪵꪭꪉ ꪙꪉꪴ ꪎꪺꪉ ꪹꪎ ꪒꪣꪾ ꪊꪉꪰ ꪼꪒ ꪥꪒ ꪭꪒꪲ. ꪨꪉꪰ ꪋ ꪮꪱꪥ ꪢꪷ ꪕꪱꪣ ꪹꪕ ꪶꪀꪀ ꪵꪅꪫꪀ ꪀꪱꪫ ꪣꪥ ꪹꪊꪱ ꪙꪣꪾ ꪹꪊꪱ ꪒꪙꪲ, ꪝꪲ ꪙꪮꪉ ꪝꪮꪣ ꪀꪽ ꪄꪱ ꪢꪴ ꪄꪱ ꪼꪀ ꪘꪉꪰ ꪀꪚꪾ ꪚꪮꪙ. ꪶꪔꪣ ꪎꪀꪴ ꪵꪩꪫ ꪊꪉꪰ ꪕꪱꪣ ꪹꪕ ꪖꪳ ꪎꪮꪉ ꪎꪷ ꪡꪱ ꪋꪱꪉ ꪵꪒꪒ ꪋꪱꪉ ꪶꪠꪙ ꪥꪒ ꪹꪥꪙ ꪼꪒ ꪢꪱꪀ ꪼꪒ ꪣꪺ ꪵꪔꪉ ꪩꪉꪸ ꪎꪒꪰ ꪎꪉꪲ ꪢꪱ ꪵꪝ ꪨꪱꪤ ꪩꪱꪙ ꪋꪴ ꫛ ꪬꪱꪫ ꪅꪽ ꪢꪽ ꪥꪙꪳ.
ꪜꪱꪭ ꪶꪭꪥ ꪔꪴ ꪔꪲ ꪁꪷ ꪅꪀꪰ ꪅꪷ ꪥꪒꪳ ꪜꪙ ꪣꪳ ꪶꪭꪥ ꪄꪮꪉ ꪹꪋ ꪙꪮꪥ ꫛ ꪘꪉꪰ ꪎꪱ ꪏꪱꪙ ꪖꪱꪉ ꪬꪺ ꪜꪲ. ꪀꪱꪤ ꪙꪽ ꪶꪭꪣ ꪡꪙ ꪋꪳ ꪢꪽ ꪵꪀꪉ ꪜꪉ ꪼꪄ ꪵꪙꪙ ꪪꪽ ꪬꪫꪱ ꪄꪽ ꪊꪽ ꪄꪮꪉ ꪹꪋ ꫛ ꪼꪤ. ꪎꪮꪉ ꪣꪱ ꪜꪱꪉ ꪶꪭꪥ ꪁꪷ ꪵꪣꪙ ꪥꪱꪙ ꪼꪫ ꪘꪫꪸ ꪹꪋ ꪝꪲ ꪙꪮꪉ ꪀꪺꪉ ꪎꪱ ꪵꪄꪉ ꪖꪲ ꪥꪒ ꪹꪥꪙ ꪔꪉꪰ ꪵꪔꪉ ꪚꪱꪙ ꪄꪺꪉ ꪹꪑꪉ ꪣꪳ ꪹꪑꪉ ꪭꪉꪰ ꪣꪲ ꪅꪽ ꪋꪽ.
ꪄꪀꪰ ꪁꪙꪸ-ꪕꪮꪉ ꪵꪯꪉ ꪥꪀꪲ
Viết bình luận