Pộn dỏn pang hội lông tông khòng côn dần phổng Hà Nam

Pàng hội lông tông pì nị mi chư “ Pày cá phổng di sản vằn hoá Quảng Yền”, ặn nị lỏ pang hội đảy tẳng có té hịt lông tông háy na khòng cô dần phổng Hà Nam. Pàng hội nị mi té chạu té lài ma, hák va pưa là khù pang hội nị báu hền tổ chức nẳng nỉ kỷ xíp pì ma lẹo, hák va mự nị xiềng cọng xiềng cống dỏn khửn hư dệt hẳư chu côn dần nẳng nỉ ngắm họt cuồng mốc cuồng chằư ma tang pang hội nị.    

Pàng hội cống xơ phắư mon phạ đìn cụm cuồm chang đét chang phồn, dệt dượn hẳư đảy mák đảy mua, hươn giảo úm ình ím po nò pọm. Phăng pưng côn ké tô lau, pang hội lông tông lâng đảy tổ chức cuồng gian hùa bườn 6 ầm lịch, lỏ gian đằm khảu na mua. GIan khày ók pang hội lỏ 2 mự. Mự chính hội, tứn chạu, lằng hịt cống xơ chảu nặm chảu đìn, côn tam chi tam lông tông, cánh nếch cốc cả lông na cốc khoẹ tó luông chứng mài khòng dần bản. Càng na pắc cò tào, chắp hún huông khảu, tồ pà, tồ củng, tồ mù tồ cáy vạy vạu khửn hùa chằư phắư mon dệt dượn đảy mák đảy mua . Lằng dệt hịt đằm na nị, chu hươn chắng đảy pày đằm na khòng chảu.  VỊa lựa chọn côn tam dệt hịt vạy đằm na cốc khoẹ nị cọ xút ti cận hà.

Nọk ngon dệt hịt, hư nhăng tổ chức pưng vịa ỉn muôn khắp xe , khánh loi nặm nẳng me nặm Cửa Đình, niếu chưa đảy lài côn dần cánh khék dù lịch ma bấng le.

          Đảy ỉn muôn cuồng pàng hội lông tông khòng côn Quảng Yên chắng hền đảy hùa chằư nắt xường khòng côn dần nẳng nỉ dòm hẳư pang hội khòng chảu. Pàng hội lông tông đảy hiềm chự xương khòng quý panh, hôm phân dệt khặn chăn tứm ngươn lang chiên lang, vằn hoá khòng phổng đìn ành hung nị./.

                                                TTĐB-Anh dịch

                 ꪶꪝꪙ ꪤꪮꪙ ꪜꪱꪉ ꪶꪭꪥ ꪶꪩꪉ ꪶꪕꪉ ꪄꪮꪉ ꫛ ꫄ꪤꪙ ꪶꪠꪉ ꪬꪱ ꪙꪱꪣ

          ꪜꪱꪉ ꪶꪩꪉ ꪶꪕꪉ ꪜꪲ ꪙꪲ ꪣꪲ ꪋꪳ ꪼꪜ ꪀꪱ ꪶꪠꪉ ꪥꪲ ꪎꪱꪙ ꪪꪽ ꪬꪫꪱ ꪀꪫꪱꪉ ꪮꪙꪸ, ꪯꪽ ꪙꪲ ꪨꪷ ꪜꪱꪉ ꪶꪭꪥ ꪼꪒ ꪔꪉꪰ ꪀꪷ ꪵꪔ ꪭꪒꪲ ꪶꪩꪉ ꪶꪕꪉ ꪼꪬ ꪙꪱ ꪄꪮꪉ ꫛ ꫄ꪤꪙ ꪶꪠꪉ ꪬꪱ ꪙꪱꪣ. ꪜꪱꪉ ꪶꪭꪥ ꪙꪲ ꪣꪲ ꪵꪔ ꪹꪋꪱ ꪵꪔ ꪨꪱꪥ ꪣꪱ ꪬꪱꪀ ꪫꪱ ꪹꪝ ꪨꪱꪥ ꪄꪴ ꪜꪱꪉ ꪶꪭꪥ ꪙꪲ ꪹꪚꪱ ꫃ꪬꪙ ꪶꪔ ꪊꪀꪳ ꪘꪉꪰ ꪘꪲ ꪀꪲ ꪎꪚꪲ ꪜꪲ ꪣꪱ ꪵꪩꪫ ꪬꪱꪀ ꪫꪱ ꪣꪳ ꪙꪲ ꪎꪉꪸ ꪁꪮꪉ ꪎꪉꪸ ꪶꪀꪉ ꪤꪮꪙ ꪄꪙꪳ ꪭꪳ ꫃ꪥꪒ ꪻꪬ ꪋꪴ ꫛ ꫄ꪤꪙ ꪘꪉꪰ ꪘꪲ ꪊꪣꪾ ꪊꪳ ꪹꪚꪱ ꪩꪣꪳ ꪜꪱꪉ ꪶꪭꪥ ꪙꪲ.

          ꪜꪱꪉ ꪶꪭꪥ ꪶꪀꪉ ꫄ꪏ  ꪻꪠ ꪣꪮꪙ ꪡꪱ ꪒꪙꪲ ꪁꪣꪴ ꪀꪺꪣ ꪋꪱꪉ ꪵꪒꪒ ꪋꪱꪉ ꪶꪠꪙ ꫃ꪥꪒ ꪹꪥꪙ ꪻꪬ ꪼꪒ ꪢꪱꪀ ꪼꪒ ꪣꪺ ꪹꪭꪙ ꪤꪱꪫ ꪮꪣꪴ ꪮꪉꪲ ꪮꪣꪲ ꪝꪷ ꪘꪷ ꪝꪮꪣ. ꪡꪉꪰ ꪝꪉꪳ ꫛ ꪵꪀ ꪶꪕ ꪹꪩꪱ ꪜꪱꪉ ꪶꪭꪥ ꪶꪩꪉ ꪶꪕꪉ ꫄ꪩꪉ ꪼꪒ ꪶꪔ ꪊꪀꪳ ꪀꪺꪉ ꪥꪱꪙ ꪬꪺ ꪹꪚꪙ 6 ꫄ꪮꪣ ꪩꪀꪲ ꪨꪷ ꪥꪱꪙ ꪒꪣꪾ ꪹꪄꪱ ꪙꪱ ꪣꪺ. ꪥꪱꪙ ꪼꪄ ꪮꪮꪀ ꪜꪱꪉ ꪶꪭꪥ ꪨꪷ 2 ꪣꪳ. ꪣꪳ ꪊꪉꪲ ꪶꪭꪥ, ꪭꪉꪴ ꪹꪋꪱ ꪨꪉꪰ ꪭꪒꪲ ꪶꪀꪉ ꫄ꪏ ꪹꪊꪱ ꪙꪣꪾ ꪹꪊꪱ ꪒꪙꪲ ꫛ ꪕꪱꪣ ꪋꪲ ꪕꪱꪣ ꪶꪩꪉ ꪶꪕꪉ ꪵꪀꪉ ꫃ꪘꪀ ꪶꪀꪀ ꪀꪱ ꪶꪩꪉ ꪙꪱ ꪶꪀꪀ ꪵꪅꪀ ꪔꪷ ꪩꪺꪉ ꪊꪉꪴ ꪢꪱꪥ ꪄꪮꪉ ꫄ꪤꪙ ꪚꪱꪙ. ꪀꪱꪉ ꪙꪱ ꪜꪀꪰ ꪀꪷ ꪔꪱꪫ ꪊꪚꪾ ꪬꪙꪴ ꪭꪺꪉ ꪹꪄꪱ ꪶꪔ ꪜꪱ ꪶꪔ ꪀꪉꪴ ꪶꪔ ꪢꪴ ꪶꪔ ꪼꪀ ꪼꪫ ꪹꪫꪱ ꪄꪙꪳ ꪬꪺ ꪻꪊ ꪻꪠ ꪣꪮꪙ ꫃ꪥꪒ ꪹꪥꪙ ꪼꪒ ꪢꪱꪀ ꪼꪒ ꪣꪺ. ꪨꪉꪰ ꫃ꪥꪒ ꪭꪒꪲ ꪒꪣꪾ ꪙꪱ ꪙꪲ ꪋꪴ ꪹꪭꪙ ꪊꪉꪰ ꪼꪒ ꪼꪜ ꪒꪣꪾ ꪙꪱ ꪄꪮꪉ ꪹꪭꪙ ꪹꪊꪱ.

          ꪙꪮꪀ ꫃ꪥꪒ ꪭꪒꪲ ꪑꪉꪰ ꪶꪔ ꪊꪀꪳ ꪝꪉꪳ ꪫꪀꪸ ꪮꪙꪲ ꪣꪺꪙ ꪄꪚꪾ ꪵꪏ ꪵꪄꪉ ꪩꪮꪥ ꪙꪣꪾ ꪘꪉꪰ ꪵꪣ ꪙꪣꪾ ꪹꪀ ꪒꪉꪲ ꪘꪫꪸ ꪹꪋ ꪼꪒ ꪨꪱꪥ ꫛ ꫄ꪤꪙ ꪵꪀꪉ ꪵꪄ ꪤꪴ ꪩꪀꪲ ꪣꪱ ꫄ꪚꪉ ꪵꪩ.

          ꪼꪒ ꪣꪱ ꪮꪙꪲ ꪣꪺꪙ ꪀꪺꪉ ꪜꪱꪉ ꪶꪭꪥ ꪶꪩꪉ ꪶꪕꪉ ꪄꪮꪉ ꫛ ꪀꪫꪱꪉ ꪮꪙꪸ ꪊꪉꪰ ꫃ꪬꪙ ꪼꪒ ꪬꪺ ꪻꪊ ꪘꪒꪰ ꪹꪎꪉ ꪄꪮꪉ ꫛ ꫄ꪤꪙ ꪘꪉꪰ ꪘꪲ ꪤꪮꪣ ꪻꪬ ꪜꪱꪉ ꪶꪭꪥ ꪄꪮꪉ ꪹꪊꪱ. ꪻꪠ ꪣꪱ ꪶꪋꪣ ꪭꪚꪾ ꪁꪷ ꪡꪮꪙ ꪹꪙꪉ ꪶꪔꪚ ꪣꪳ ꪊꪫꪸ ꪤꪮꪙ ꫛ ꪵꪄꪉ ꪖꪲ ꪁꪷ ꪹꪑꪉ ꪊꪮꪉ ꪵꪭꪉ ꪚꪱꪥ ꪹꪭ ꪫꪽ ꫄ꪐꪒ ꪼꪫ ꪹꪚꪱ ꫃ꪥꪒ ꪎꪸ ꪻꪠ ꫛ ꪣꪱ ꫄ꪚꪉ ꪵꪩ.

          ꪜꪱꪉ ꪶꪭꪥ ꪶꪩꪉ ꪶꪕꪉ ꪼꪒ ꪬꪣꪸ ꪋꪳ ꪹꪏꪉ ꪄꪮꪉ ꪀꪥꪫꪲ ꪵꪝꪉ ꪶꪭꪣ ꫄ꪡꪙ ꫃ꪥꪒ ꪅꪽ ꪋꪽ ꪔꪣꪳ ꪹꪉꪙ ꪩꪱꪉ ꪋꪙꪸ ꪩꪱꪉ ꪪꪽ ꪬꪫꪱ ꪄꪮꪉ ꪶꪠꪉ ꪒꪙꪲ ꪵꪮꪉ ꪭꪉꪴ ꪙꪲ.