ꪭꪒꪲ ꪵꪀꪥ ꪒꪱꪉ ꪄꪮꪉ ꪹꪋ ꫛ ꪥꪱꪫ ꪵꪒꪉ ꪘꪉꪰ ꪙꪱ ꪭꪱꪉ

ꪚꪱꪫ ꪎꪱꪫ ꫛ ꪤꪱꪫ ꪵꪒꪉ ꪘꪉꪰ ꪙꪱ ꪭꪱꪉ ꪭꪮꪒ ꪜꪙꪴ ꪩꪱꪙ ꪹꪮꪱ ꪠꪺ ꪹꪮꪱ ꪣꪺ ꪕꪳ ꪕꪱꪉ ꪣꪀꪰ ꪵꪣꪙ ꪵꪀꪫꪙ ꪁꪫꪱꪣ ꪀꪽ. ꪵꪔ ꪄꪺꪉ ꪎꪱꪫ ꪀꪚꪾ ꪚꪱꪥ ꪄꪚꪾꪔꪱꪙ ꪭꪀꪰ ꪔꪱꪙ ꪹꪎꪉ ꪝꪉꪳ ꪶꪒꪥ ꪚꪱꪫ ꪎꪱꪫ ꪁꪷ ꪣꪀꪰ ꪵꪣꪙ ꪵꪀꪫꪙ ꪁꪫꪱꪣ ꪀꪽ ꪵꪔ ꪁꪫꪱꪣ ꪄꪚꪾ ꪁꪫꪱꪣ ꪼꪫ ꪡꪉꪰ ꪉꪙꪸ ꪣꪺꪙ ꪄꪙꪳ ꪶꪢꪀ ꪣꪱ ꪻꪊ. ꪨꪱꪥ ꪶꪒꪥ ꫃ꪜꪙ ꪠꪺ ꫃ꪜꪙ ꪣꪺ ꪵꪔ ꪄꪺꪉ ꪚꪱꪫ ꪎꪱꪫ ꪄꪚꪾ ꪔꪮꪚ ꪀꪽ. ꪝꪲ ꪙꪮꪉ ꪣꪲ ꪹꪏꪉ ꪄꪚꪾ ꪻꪎ ꪀꪽ ꪘꪉꪰ ꪭꪣꪲ ꪕꪱꪉ ꪚꪮꪙ ꪶꪔꪀ ꫄ꪋ ꪹꪚꪱ ꪁꪷ ꪘꪉꪰ ꪀꪺꪉ ꪝꪉꪳ ꪣꪳ ꪶꪭꪥ ꪣꪳ ꪣꪺꪙ ꪄꪮꪭ ꪚꪱꪙ. ꪵꪯꪉ ꪀꪽ ꪔꪱ ꪹꪨꪒ ꪵꪩ ꪬꪺ ꪑꪣꪴ ꪵꪀꪣ ꪼꪜ ꪕꪮꪥ ꪨꪷ ꪝꪉꪳ ꪚꪱꪥ ꪄꪚꪾ ꫃ꪤꪒ ꪻꪬ ꫛ ꪡꪉꪰ ꪉꪙꪸ ꪣꪺꪙ ꪄꪙꪳ ꪶꪢꪀ ꪣꪱ ꪻꪊ.

ꪯꪽ ꪨꪷ ꪝꪲ ꪙꪮꪉ ꪵꪀꪫꪙ ꪀꪽ ꪀꪺꪉ ꪝꪉꪳ ꪋꪴ ꪮꪙꪸ ꪣꪺꪙ. ꪹꪮꪥ ꪋꪫꪥꪸ ꪖꪲ ꫄ꪐꪒ ꪤꪴ  ꪘꪉꪰ ꪙꪱ ꪭꪱꪉ ꪕꪫꪙꪸ ꪁꪋꪱꪉ ꪻꪬ ꪭꪴ: ꪝꪲ ꪙꪮꪉ ꪥꪱꪫ ꪘꪉꪰ ꪶꪠꪉ ꪹꪮꪥ ꪀꪙꪲ ꪤꪴ ꪘꪉꪰ ꪘꪲ ꪑꪉꪰ ꪣꪲ ꪭꪒꪲ ꪵꪄꪀ ꪛꪱꪙ ꪣꪱ ꫃ꪥꪒ ꪵꪀꪫꪙ. ꪹꪏꪉ ꪋꪱꪥ ꪚꪱꪫ ꫜ ꪼꪜ ꪮꪙꪸ ꪁꪫꪱ ꪚꪱꪙ ꪮꪙꪳ. ꪠꪴ ꪎꪱꪫ ꪀꪺꪉ ꪚꪱꪙ ꪭꪴ ꪨꪷ ꪬꪱꪀ ꪹꪊꪉ ꪀꪽ ꪣꪱ ꪀꪱ ꪹꪭꪘ ꪕꪙꪸ ꪶꪕ. ꪀꪱꪥ ꪖꪱꪣ ꪄꪱꪫ ꪕꪙꪸ ꪶꪕ ꪫꪱ ꪝꪲ ꪙꪮꪉ ꪶꪎꪣ ꪻꪊ ꪀꪽ ꪨꪷ ꪬꪱꪀ ꫃ꪥꪒ ꪵꪀꪫꪙ ꪵꪀꪉ ꪼꪜ ꪣꪱ ꪘꪉꪰ ꪀꪽ.

ꪬꪱꪀ ꪫꪱ ꪹꪮꪙ ꫄ꪐꪒ ꪫꪱ, ꪹꪚꪱ ꪋꪳ ꪭꪀꪸ ꪵꪄꪀ ꪔꪙꪴ ꪨꪷ ꪔꪙꪳ, ꪣꪲ ꫛ ꫃ꪤꪒ ꪻꪶꪶꪐ ꪀꪱ ꪢꪴ ꪑꪉꪲ ꪎꪱꪫ ꪼꪒ ꪶꪏꪉ ꪤꪴ ꪀꪱ ꪙꪮꪀ ꪄꪚꪾ ꪼꪜ ꪻꪎ. ꪫꪱ ꪉꪙꪲ ꪹꪄꪱ ꪬꪴ ꪋꪮꪚ ꪻꪊ ꪨꪷ ꪔꪙꪳ ꪕꪙꪸ ꪶꪕ ꪀꪽ:

꫄ꪋ ꫃ꪬꪙ ꪔꪀꪸ ꪵꪝꪉ ꪀꪽ, ꪶꪒꪥ ꪚꪱꪫ ꪎꪱꪫ ꪣꪱ ꪕꪉꪸ ꪮꪱꪥ ꫃ꪯꪣ. ꪠꪴ ꪻꪐ ꪶꪕ ꪀꪽ, ꪪꪱ ꪣꪲ ꪄꪮꪉ ꪁꪒꪳ ꪮꪱꪫ ꪨꪷ ꪎꪴ ꫃ꪜꪙ ꪠꪺ ꫃ꪜꪙ ꪣꪸ. ꪹꪋꪉ ꪠꪒꪰ ꪶꪭꪣ ꪣꪲ 60 ꪭꪮꪒ 120 ꪢꪽ ꫄ꪉꪙ ꪭꪱꪫ ꪹꪨꪱ, ꪹꪄꪱꪶ ꪶꪔ ꪼꪀ ꪼꪫ ꪄꪱ ꪻꪬ ꪝꪸ ꪙꪮꪉ ꪢꪱ ꪀꪙꪲ ꪶꪋꪣ ꪣꪺꪙ ꪻꪬ ꪩꪀꪴ ꪹꪊꪱ. ꪨꪱꪥ ꪋꪺ ꪹꪭꪙ ꪹꪚ ꪱꪣꪲ ꪄꪮꪉ ꪁꪒꪳ ꪼꪒ ꪤꪴ ꪹꪄꪥ ꪕꪱꪉ ꪹꪭꪙ ꪔꪱ ꪹꪭꪙ ꪙꪱꪥ ꫄ꪋ ꪻꪒ ꪣꪲ ꪊꪉꪰ ꫃ꪤꪒ ꪭꪒꪲ ꪹꪀꪥ ꪒꪮꪉ.

ꪬꪱꪀ ꪫꪱ ꫄ꪋ 2 ꪠꪱꪥ ꪜꪴ ꪥꪱꪔꪱ ꪙꪱꪥ ꪝꪮꪣ ꪶꪎꪣ ꪻꪊ ꪭꪳ ꪠꪴ ꪋꪱꪥ ꪊꪉꪰ ꪼꪒ ꪤꪴ ꪹꪄꪥ ꪕꪱꪭ ꪹꪭꪙ ꪑꪉꪲ. ꪵꪩꪫ ꪫꪱ ꫄ꪋ 2 ꪠꪱꪥ ꪚꪱꪫ ꪎꪱꪫ ꪑꪉꪰ ꪮꪙꪲ ꪀꪽ ꪪꪱ ꪣꪲ ꪩꪀꪴ ꪮꪮꪀ ꪀꪮꪙ ꪭꪳ ꪀꪱ 2 ꫛ ꪋꪲ ꪊꪺꪚ ꪚꪱꪙ ꪡꪱꪒ ꪻꪢ. ꪙꪮꪥ ꪭꪳ ꪣꪲ ꪶꪔ ꪢꪴ ꪶꪔ ꪼꪀ ꪄꪱ ꪻꪬ ꪀꪱ ꪚꪱꪙ ꪀꪙꪲ ꪜꪒꪰ ꪶꪏꪥ. ꪪꪱ ꪘꪀꪰ ꪭꪳ ꪊꪺꪚ ꪎꪚꪾ ꪮꪮꪀ ꪄꪮꪥ ꪚꪱꪙ.

                                                VOV 4 -  ꪵꪭꪉ ꪥꪀꪲ

Hịt cưới đong khong chựa côn Dạo đành nẳng Na Hang

Báo xao côn Dạo đanh nẳng Na Hang họt pun lan àu phua àu mia tư tang mặc men quén quam căn.Té khuống xao cắp pưng bai khắp tản hặc tản xương pưng đôi báo xao cọ quén khơi lẹo mặc men căn té quam khắp, quam vay phăng nghin muôn khảu mốc khảu chàư. Lai đôi pên phua pên mia té khuống báo xao khắp tóp căn. Pi nọng ma khắp sáư căn nẳng him tang báu cọ nẳng pưng bón tốc chợ, báu cọ cuông pưng mự hội mự muôn khong bản, enh căn tà lướt le hùa nhủm, kem pày toi pưng quam khắp dệt hảu côn phăng nghin muôn khửn mốc  ma chàư.          

Ặn lỏ pi nọng quén căn cuông pưng chu ỉn muôn. Ưởi Triệu Thị Nhất nẳng Na Hang, Tuyên Quang hảu hụ, pi nọng Dạo nẳng phổng ưởi kin dú nẳng mi hịt khék bạn ma dệt quén. Xương trai báo nưng pày ỉn qua bản ứn. Phủ xao hụ lỏ hak chướng căn ma cá hươn tiện tô. Cai tham kháo, tiện tô pi nọng xôm chàư căn lỏ dệt quén cánh pày ma nẳng căn.

Hák va ưởi Nhất va, báu chư hịa khék sáu tứn lỏ tứn, mi côn dệt nháư, cá mú nhinh xao đảy xông dú cá nọk khắp pày sáư. Va nghin khảu hu, chọp chàư lỏ tứn tiện tô:

Chơ hên tía panh căn, đôi báo xao ma tinh ải êm. Phủ nháư tô căn, va mi khong cựt áo lỏ xú pên phùa pên mia. Chương phắt hôm mi 60 họt 120 măn ngơn hạo, lảu khảu, cáy vạy hảu pi nọng bản khuống ma kin muôn. Lai chua hươn báu mi khong cựt đảy dú khươi tang hươn ta hươn nai, chơ đàư mi chắng dệt hịt cưới đòng.

Hák va, chơ 2 phái pú da  tà nai pọm xôm chàư hư phủ trai chắng đảy dú khươi hươn nhinh. Lẹo va chơ 2 phái báo xao nhăng ỉn căn va mi lụk ók cón hư cá 2 côn chi chuốp cá bản phạt màư. Nọi hư mi tô mù, tô cáy khả hảu cá bản ma kin pắt sội. Va nắc hư chuốp sắp ók khỏi bản.

                                                VOV 4 - Hạnh dịch